150
7
3
港鐵大窩口站 B 出口, 步行約7分鐘 繼續閱讀
所有分店 (3)
電話號碼
28805788
營業時間
今日營業
07:00 - 22:30
星期一至日
07:00 - 22:30
*最後下單時間 21:45
付款方式
AlipayHK 支付寶 現金
其他資料
當面支付
食評 (167)
今晚黎左呢間裝修得好有特色嘅冰室開飯, 充滿老香港風味就連天花都掛左好多仿昔日香港嘅老招牌Menu 列出佢地嘅招牌特色主食自家製叉燒滑蛋飯無論係飯定餸, 份量都超大。 個蛋炒到半熟狀態, 口感好滑溜。 叉燒大大舊, 半肥瘦, 肉質較嫩, 加埋秘製甜豉油簡直係無得彈番茄濃湯通粉配牛乳炒蛋湯底係超濃厚嘅番茄湯, 入面仲有大量嘅茄蓉, 酸酸甜甜嘅味道令人特別開胃。 雞蛋同樣炒到半熟滑蛋狀態, 令口感鬆軟綿密。 通粉仲可以轉做螺絲粉、意粉、米線、公仔麵、湯飯添招牌瑞士雞髀冰室嘅招牌小食, 雞髀呈深啡色, 上枱時額外淋上瑞士汁, 肉質非常腍, 而且夠晒入味焗芝士西蘭花看似健康但又邪惡, 西蘭花夠淋身, 加入白汁芝士一齊焗, 又點會唔好味呢 !?!西多士令人難以抗拒嘅小食, 西多士炸到金黃色, 乾身唔油膩, 牛油慢慢喺西多上溶化, 中間夾左層花生醬, 而且仲要係粗粒花生醬, 食起黎更加香口咸檸七呢度嘅咸檸用上新鮮檸檬同咸檸檬, 味道甜中帶咸, 而且加多左份清新嘅檸檬味, 夠晒清凉解渴 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-24
106 瀏覽
呢日出去荃灣陪女皇睇中醫,之後就係附近商場睇下有咩好食!!睇到呢度既裝修都幾特別,行復古懷舊嘅路線~~重點係呢度嘅主打係我最愛嘅蕃茄濃湯,好難忍得著唔去試試xppp我要左一份“ 特色蕃茄濃湯螺絲粉配牛乳炒蛋同瑞士雞髀”HKd$50,而女皇就嗌左一份“吉列豬扒配粟米沙律、牛乳蛋治”HKd$53,仲要左一份“瑞士雞翼”HKd$33share黎食=)落左order,唔洗5分鐘就經已有得食!!!份量一d都唔吝嗇,好大碗啵!!!蕃茄湯的確幾濃,味道唔錯,滑蛋加蕃茄真係不敗既組合~~~瑞士雞髀好大隻,瑞士汁帶有微甜,肉質唔嚡,食落夠滋味!!而女皇既吉豬餐都好豐富呀!!!尤其係份蛋治!!!超級厚,真係食半份都飽左四成呀~~~“瑞士雞翼”就一份三隻,每隻都係全翼,大大隻=DD 我地仲一人飲左一杯勁濃既華田脆脆添♥♥佢哋仲有下午茶餐,望落都幾抵食,下次經開要trytry先 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-22
66 瀏覽
今天同朋友在熊貓行開街找野食,見到熊貓酒店對而有間「樓下冰室」,就走去試下!雖然好鐘意食茶記,但是都會怕好迫而且唔夠光果d,依到完全無依個問題,地方光猛又環境乾淨,第一印象已不錯👍入到去先知原來依到是瑞士雞脾同番茄湯專門店~~雖然佢都有一般的碟頭飯但我同朋友都決定要食佢地的招牌菜,我叫了個「招牌瑞士汁雞脾配牛油厚多士及栗米什果沙津」,朋友們分別叫了「特色番茄濃湯通粉配牛乳炒蛋及德國腸,另加豬潤」、「特色番茄濃湯通粉配牛乳炒蛋及素食」、外加多個芝士煎蛋菠蘿包和芝士肉醬焗薯角個芝士煎蛋菠蘿包夠熱而且份量足,正!個芝士肉醬焗薯角重要堆到山咁高,只是三十蚊蚊依個價依個份量真係喜出望外啊!佢的招牌菜瑞士雞脾同蕃茄湯也真是是實至名歸,瑞士雞脾夠晒入味又唔咸,而且夠大隻很好食,蕃茄湯通粉食得出真料實料實係用蕃茄煲出黎,無落味精食完唔會狂飲水,而且真心想講,佢跟餐果塊牛油厚多士真係又香又脆,好少有在茶記食到咁高質的多士~超級好食,真係值得推薦!還有依到的菠蘿冰用料十足,成半杯菠蘿,正!依間野真係不錯,遲d可番兜再刷過😋😋👍+++++++++++++++如果大家喜歡💕我寫既食評,麻煩比個❤️鼓勵一下我,我會寫更多更好既食評比大家!😊 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-08
183 瀏覽
母親大人扭計唔食飯想食西多紅豆冰,一衆孫女上網搵到屋企附近呢間冰室就帶佢嚟試吓餐廳裝修充滿七十年代老式香港情懷可樂胡椒樽夠別緻金牌咖哩牛腩飯咖哩辛香惹味帶有椰漿濃香,充滿地道港式情懷,牛腩炆得夠火喉,腍滑唔韌焗芝士肉醬意粉肉醬香濃惹味,醬汁濃稠,加上芝士及肉碎,正宗港式風味蕃茄濃湯通粉配牛乳炒蛋(自家製叉燒/鮮牛肉/芝士片)湯底濃稠充滿蕃茄鮮甜味,加上將芝士溶於湯中多了一分奶香味,配埋滑嫩的牛乳炒蛋,肥瘦均勻的自家製叉,同埋腍滑鮮嫩的鮮牛肉,材料相當豐富,連湯都喝光了潮州蠔仔肉碎泡飯蠔肉飽滿白嫩又無砂,湯頭配搭香芹冬菇肉碎熬煮,鮮香甜美西多士即叫即做,西多夾層塗滿濃香花生醬,外層炸得金黃香脆,加上牛油及糖漿,簡直是邪惡焗芝士肉醬薯角薯角香脆軟腍,加上肉醬芝士焗,濃香惹味炸海鮮芝士豆腐海鮮豆腐炸得金黃,口感爽彈,一口咬開內裡芝士爆瀉,小心燙嘴檸檬可樂/咸檸七適合夏天喝的飲料,消暑又醒胃華田脆脆/話梅柑桔蜜/忌廉紅豆冰/新鮮菠蘿冰華田脆脆~其實喺凍阿華田加咗華田脆脆,口感幾好味話梅柑桔蜜~柑桔的特殊香味加上話梅酸甜解膩忌廉紅豆冰~紅豆軟腍配以香濃椰奶,加上香甜幼滑的忌廉,絕對是經典新鮮菠蘿冰~菠蘿冰酸甜清新,仲有粒粒鮮菠蘿肉 繼續閱讀
(以上食評乃用戶個人意見 , 並不代表OpenRice之觀點。)
近年懷舊風潮令冰室開得成行成市,幾乎在街上走幾步就會看見一間,這晚就來到樓下冰室吃晚餐。店內裝潢以懷舊茶餐廳作主題,充滿復古特色。餐牌亦有不少套餐款式,價錢大眾化。招牌瑞士雞髀 $28取名源於往日侍應誤將「Sweet」當成「Swiss」,自此成為香港本土豉油西餐中膾炙人口的經典,瑞士汁棕色帶紅有光澤,濃稠適中,甜中帶鹹。雞髀大隻啖啖肉,外皮上色均勻,內裡肉色雪白,肉質依然保持嫩滑多汁。焗芝士肉醬薯角 $36芝士與肉醬向來是天衣無縫的配搭,表面舖滿澎湃焦香芝士,芝味無窮。金黃薯角連着薯皮炸得外層鬆脆,肉心軟綿細密得似薯蓉。火腿奄列配牛油厚多士 $32一份奄列配上兩大片厚多士,相當具份量。火腿奄列蛋皮較薄,卻甚有蛋香,裡面裹滿火腿切片。牛油厚多士即點即焗,烘得外脆內軟,稍嫌牛油下得不夠多。焗芝士西蘭花 $36表面舖上厚厚的拉絲芝士,西蘭花切成一口大小,拌入芝士後芝味十足。公司三文治 $48餡料超豐富,應有盡有,層層疊起後確實是一口無法掌握。中間夾著兩層餡料,有炒蛋、生菜、火腿、芝士、蕃茄片等等,根本就是食材的大集薈。吉列豬扒配厚切牛乳炒蛋治及粟米什果沙律 $53價錢與正餐相約,份量極之飽肚。吉列豬扒是薄切的,欠了點肉汁,不過外層炸得乾爽酥脆。厚切牛乳炒蛋鬆軟綿密,又富有濃郁蛋香。吃完這麼多肉食,難免會覺得有點滯膩,吃點粟米什果沙律正好可以清一清味蕾。忌廉紅豆冰 $14紅豆冰向來是我的最愛,加上厚厚的忌廉份外奶滑柔嫩。紅豆大粒飽滿,熬得起沙,甘甜又香綿。華田脆脆 $22阿華田沖得夠濃醇,口感順滑,散發麥芽香氣。鋪滿脆口的華田脆脆,更添豐富口感。 繼續閱讀
(以上食評乃用戶個人意見 , 並不代表OpenRice之觀點。)