樓下冰室

營業中

休息中

近期流行冰室，其實就是茶餐廳。樓下冰室主打蕃茄湯底公仔面或通粉，我是蕃茄湯底迷，於是我點了蕃茄湯通心粉午餐（有牛油多士和牛油炒蛋和飲料）。友人即點了蔥油豬排飯。先說我點的，樓下冰室的蕃茄湯底是偏甜的，蕃茄味很濃郁，看到有很多薯茄蓉，很清新開胃，而通心粉亦很有嚼勁，不會碎碎太軟。牛油炒蛋也很香滑，做得很不錯，一點也沒有過熟，可以說是100 分的炒蛋。多士就是一般的多士，我已經飽得吃不下。而友人的蔥油豬排飯，蔥香油很撲鼻，我忍不住吃了兩口，很美味，豬排亦很入味，帶點香茅味，雖然不是厚切豬排，但也不會韌。難怪長期滿座啊！

自從食過呢度嘅瑞士雞髀之後一直念念不忘，呢日放假專程早起身出荃灣食佢即使平日既朝早餐廳都坐爆人，可見佢有幾好食上次黎到已經係午市，呢日預早左趕得切試下佢地既早餐一落單五分鐘已經有野食有野飲，出菜好有效率，難怪有唔少附近返工既客都黎幫襯，唔怕趕頭趕命遲大到賣相已經值滿分，炒蛋炒成半生熟，非常juicy本身仲怕唔夠飽，估唔到份量十足，有半塊多士咁厚。炒蛋加左芝士同鹹牛肉，有蛋香之餘仲帶鹹香，加左牛肉炒更加鮮味經典早餐同樣大大份，牛乳炒蛋比起出面多一倍，口感夠嫩滑。魚柳都有兩大塊，偏厚肉，唔會得炸粉，不過始終係炸野，食落略微油左少少。沙律聞名不如見面，如其他食評所講勁大份兩個人食岩岩好。有蘋果、粟米、椰果、哈蜜瓜、蘿蔔同菠蘿，水果新鮮多汁，食落酸酸甜甜好開胃，沙律醬份量斟酌得恰到好處，唔會蓋過鮮果本身既味一場黎到當然要食我一直朝思暮想既招牌雞髀啦咁耐無見仍然係咁肥美厚身肉質嫩滑之餘，個瑞士汁先係精萃，比起一般既鹹香仲多左陣香甜，食幾多隻都唔夠皮呀早餐午餐都試過哂，下次再黎試埋佢個晚市但不變既係一定要叫返隻雞髀加餸先夠滿足

行過俾呢間懷舊茶餐廳嘅裝修吸引住，見差唔多係食晏時間就走入去睇吓鋪頭裏面有好多霓虹燈裝飾牌，都幾靚，打卡都唔錯原來佢唔單止裝修懷舊，連裏面嘅餐單都係好港式冰室嘅口味先點左佢推介嘅番茄濃湯加牛奶炒蛋湯粉，加佢嘅招牌瑞士雞髀，個湯又真係好濃好多蕃茄，炒蛋都幾滑，瑞士雞髀好大隻，甜甜地咁。朋友就點左金牌咖喱牛腩，份量都幾多個咖喱汁都幾香，有薯仔同埋好淋嘅牛腩喺裏面杯鴛鴦沖得唔錯幾好飲，奶茶茶味夠濃，整體食品質素唔錯

自從荃薈有分店後，我地都黎多左樓下冰室，一來方便，二來冇咁多人，三來味道唔錯，價錢合理。餐廳位於荃薈商場地下，裝潢新派，用好多霓虹燈、懷舊野搭配，都係好多冰室常見嘅。座位方面有卡位，亦有一般方枱，平日黎多數就好快有位，唔洗點等餐牌方面選擇多，除左招牌蕃茄湯通、瑞士雞脾，當然唔少得飯麵，有焗有炒有湯飯等。作為冰室，同樣供應一般茶記嘅小食例如多士、蛋治、沙律、熱狗等。自家製叉燒滑蛋飯 $50以前我晚餐都多數叫蕃茄湯通，貪佢幾抵食，自從食過滑蛋叉燒飯後，我就多數點呢款，質素認真唔錯。好多新派茶記或者冰室都有製作叉燒滑蛋飯，各有特色。樓下嘅炒蛋滑溜，唔會太老，同樣唔會太生，我幾鐘意呢種質感叉燒交足功課，唔似其他餐廳咁又乾又柴，反而仲幾柔軟，份量大器，足夠配哂成碟飯。加埋好香嘅豉油同灑上嘅香蔥，簡單美味胡椒豬肚雞泡飯 $52除左胡椒豬肚湯底，仲有蠔仔肉碎同蕃茄鮮牛泡飯，留待下次再試。泡飯份量足，一大碗飯連湯，一上枱已經聞到幾香，胡椒味足，但唔會過份辣喉，熱辣辣嘅時候，都忍唔住多飲幾口。油份唔高，最重要唔會太鹹，食完成餐飯都冇話喉涸雞肉、豬肚就唔算好多件，勝在清理乾淨，而且幾入味。瑞士雞翼 $33

樓下冰室位於荃薈商場，呢度生意都幾旺場，六點黎的時候都差不多full曬。裝修幾有心思，有懷舊香港感覺，卡位亦坐得舒服。食物係主打懷舊豉油西餐。我地叫左經典懷舊豉油西餐，呢個餐好豐富，有餐肉，火腿，煙肉，腸。瑞士雞翼超級好食，好入味，甜甜地，食到lam lam脷。厚切滑蛋治雞蛋夠滑溜，雞蛋味香濃，回味無窮。叫多個娃娃菜，飲食夠均衡。呢度的紅豆冰同華田脆脆都推介,good !價錢唔貴，食物有水準，一定會再黎食!

今日先生嚟接我收工，就打算喺附近食埋晚飯先返屋企。喺悅來坊行行下見到對面荃薈廣場地舖有間裝修幾特別啲冰室，又見多客人幫襯，就決定試試佢😍餐廳以舊香港做主題，舊式戲院燈泡、舊式霓虹燈泡招牌架、馬路標示牌等等，感覺頗有趣。望一望個Menu，非常多款式嘅食物，搞到我呢個有選擇困難症嘅人都諗左一段時間先決定好食咩😂而且餐廳嘅食物價錢合理，搞到樣樣都好想試。最後，我揀咗餐廳招牌嘅蕃茄湯螺絲粉加瑞士雞髀，而我先生就揀咗雙蛋西冷扒飯，另外再加多一隻瑞士雞髀；再加多兩款小食。瑞士雞髀真係好好食，雞脾好入味，但係肉質嫩滑唔會鞋口，真心推薦👍🏽👍🏽番茄湯濃郁，酸酸甜甜，好開胃。牛乳滑蛋好重牛奶味，果然夠滑，加埋蕃茄湯一齊食，雙重味道，好好食👍🏽我先生點嘅雙蛋西冷扒飯份量都好十足，牛扒都唔會鞋，而且都算大塊！估唔到豉油汁（應該似瑞士雞髀汁）加飯真係好夾，令人忍唔住大啖大啖咁食😋小食點左芝士焗西蘭花同芝士肉醬焗薯角，芝士焗西蘭花有點遜色，因為無芝士味反而得罐頭忌廉湯味。芝士薯角還可以，薯角夠大舊，但薯角淋哂，最後有點似食薯蓉。朱古力脆脆都好好飲，第一啖記得要連埋啲脆脆一齊飲，好crunchy👍🏽收工食晚飯又多

這晚又因為工作而要來到荃灣區, 一場來到這邊，就想想附近有什麼地方想去, 最後就決定來這裡, 是一間懷舊冰室。平日的晚上，見到人客也真不少，看樣子都是區內街坊客。先來一杯紅豆冰才算, 以長羹將碎冰混入奶水中, 奶水甜度適中，紅豆煮得軟稔起沙。熱賣項目是招牌瑞士雞脾, 雞脾本身夠大隻，瑞士汁非常香濃。再來一味胡椒豬肚雞湯飯，有很濃的胡椒味,味道清甜香濃, 喜歡當中的豬肚, 豬肚煲得很腍, 雞件很嫩滑, 米粒也有飯香味的。

話說鍾意食茄通既我食過想再番尋味, 搬咗黎荃灣無理由唔帶男人黎食架😋 樓下冰室就喺悅來酒店對面, 裝修好特別, 有好多路牌同招牌, 打卡一流。🔸蕃茄通粉配瑞士雞肶🔸⭐⭐⭐⭐⭐鮮茄淆成既湯底, 濃郁帶甜, 同通粉更加係好拍檔, 因為通粉會掛滿湯汁超正。 瑞士雞肶脹卜卜賣相一流, 好入味但肉質保持到好嫩滑, 忍唔住要食完再叫多碟瑞士雞翼😂🔸滑蛋叉燒飯🔸⭐⭐⭐⭐⭐係我會喺茶記必叫其中一款飯, 滑蛋夠滑夠多, 叉燒不會過瘦, 加咗蔥花更添香氣, 份量都好大碟。🔸華田爆脆🔸⭐⭐⭐⭐⭐凍華田加滿華田脆脆, 超正, 大人小朋友都鍾意。🔸紅豆冰🔸⭐⭐⭐⭐黎冰室當然要試下經典紅豆冰, 水準不錯。食物質素, 環境, 衛生各方便都幾好, 我會得閒就黎食茄通, 下次仲想試滑蛋三文治。

收工同朋友食飯，天氣好熱無咩胃口，是是但但去左間的叫樓下冰室既茶餐廳食飯，門面裝修都很新和乾淨，裡面有好多人食，好彩唔洗等就有位，一坐低就有服務員來招待，看餐牌都見到有很多選擇，點了咖哩豬扒飯，鹵水雞髀一隻，什菇娃娃菜和炸餃子。飲品當然要夠冰凍啦，就點左綠椰汁冰和紅綠椰冰，飲咗真係透心涼，至於食物方面，味道都超乎想像中的好，由其是那炸餃子，香脆中帶有小小煙韌，餡料不會炸干還很juicy。咖哩味濃厚，有少少辣，超正。呢餐真係低食

在荃灣區工作後，一行二人來到位於荃薈商場地下的《樓下冰室》食飯。餐廳多處掛有搶眼招牌裝飾，感覺懷舊充滿香港情懷。瑞士雞翼 (3隻) ($33) - 雞中翼大隻味、肉質嫩滑，瑞士汁香甜中帶少許酸味，令雞翼更鮮美。芝士煎蛋豬扒包 ($35) - 豬扒包大大個，包面焗得香脆，豬扒鮮美有肉汁，加上芝士、雞蛋、番茄及生菜等配料，豐富又好食。焗芝士肉醬意粉 ($52) - 意粉上鋪滿滿芝士肉醬，芝士及肉醬味香濃，番茄鮮味濃郁，意粉煮得軟硬度適中，掛滿醬汁後，相當滋味。雞湯浸雜菇娃娃菜 ($36) - 份量多，娃娃菜煮得腍身入味，加上雜菇，清新健康好食。華田脆脆 ($22) - 華田味夠濃，甜度適中，加入脆脆後滋味倍增。紅綠椰冰 ($26) - 香濃的椰汁冰內加有紅豆蓉及綠豆蓉，既滋味又不會過甜，好飲。這餐食物份量足，座位舒適，價錢實惠，不失為荃灣區一個好選擇。

Sometimes it is good to dinner alone especially when you wanna eat something which is popular.Like tonight, I get a seat in 1 sec in the peak dinning hour.I got a dinner set , Fusilli with fried egg in Tomoto soup + Swiss chicken leg ($50)the Fusilli came first.The egg was fried with milk, so it was smooth with strong taste of egg/milk,while the tomato soup was thick and well seasoned. The Swiss chicken leg was hot on table, it was not too sweet but have a heavy taste of soy sauce.the portion wa

收工去了荃灣仁濟醫院探autie病，佢精神唔錯，應該可以好快出院。離開時，佢問我哋去邊度食飯，佢介紹去附近的樓下冰室，嗰度食物唔錯，價錢親民，醫院有好多姑娘都會去食或借叫外賣。冰室位於一個商場之內，距離醫院都好近，而且好好生意。我哋都好肚餓，所以立即就點餐，叫了兩個經典飯，一個係【香煎雞扒拼瑞士雞翼飯】，另一個係【鮮茄焗豬扒飯】，加上一個芝士焗西蘭花和一份德國什腸。飲品就叫了鹹檸七和話梅柑桔蜜。唔知係咪醫院細菌多，搞到口嚨有點唔舒服。好彩有呢兩杯嘢飲，飲完當堂舒服晒，效果比起鴻福堂啲涼茶更加有效。德國什腸有4款香腸配上些沙律菜。香腸啖啖肉，啱晒我。芝士焗西蘭花，香噴噴，味道啱啱好。【香煎雞扒拼瑞士雞翼飯】特色之處係啲豉油汁，佢係經過特別調製的，再加上啲蔥油，好好味。雞扒煎得外皮好香脆，但雞肉一啲都唔乾。瑞士雞翼係冰室的招牌小食，果然一試難忘。焗豬扒飯絕對係經典，豬扒大大塊，面層燒香咗。飯裡面有雞蛋絲，所以啲焗飯食起上嚟唔會寡，反而多了一重雞蛋香。Auntie果然無介紹錯。

本人一向對懷舊設計嘅冰室有一種情意結，加上尼間樓下冰室主打我最愛嘅茄通，幾次行過都好想試下，今晚收早小小，一於約埋老公來試試門面好有特色，光鮮亮麗，店內裝潢設計懷舊，樓底夠高，空間感十足，感覺非常舒適燈牌同吊牌令環境增色不少，非常有趣全店食品不含味精，非常健康番茄🍅濃湯通粉套餐$50已配有牛乳炒蛋同小食，好抵呀，而且有13款小食選擇，梗有一款啱你口味除左茄湯系列外，仲有焗意粉同飯類選擇，非常多種化多款小食同特色飲品亦相當吸引呢番茄🍅濃湯縲絲粉配牛乳炒蛋，顏色好鮮艷，橙橙黃黃好吸引，湯底熱辣辣，非常濃郁，粒粒去皮蕃茄肉清晰可見，食落啖啖茄味，滋味無窮，牛乳炒蛋又香又滑跟餐配左吉列豬扒，炸到金黃色新鮮熱辣，啖啖肉鮮濃茄牛肉燴意粉，意粉本身已用茄汁炒過，好乾身好入味，非常惹味牛肉被濃濃嘅茄汁包住，又林又滑，酸酸甜甜，好開胃麻辣脆雞粒，味道好有層次，辣辣地好過癮，皮脆肉嫩，不錯吃的炸薯角，好大份，兩個人食非常足夠，新鮮炸起，好香脆紅豆冰同奶茶紅豆冰，清甜冰凍，茶香奶滑，爽呀紅豆煮得夠林夠粉，不會太甜，我地都成杯食曬兩公婆飲飽食醉都不用二百元，真係好抵食，真心推薦比大家試試

宜家要搵一間有良心嘅食肆都唔係咁容易自從我試過呢度之後我真心覺得相當抵食份份野都"大件夾抵食"一入鋪頭已經覺得好好氣氛燈火通明又有港式情懷令人食慾隨之都大增先叫個粟米雜果沙律清消腸胃一上枱我基本上呆咗之後就嘩嘩聲因為真係有成座山咁高啲蘋果🍎爽爽甜甜好清香如果可以多啲粟米就更貼題更有咬口啦🌽🌽🌽🌽聽講黎到樓下冰室一定要叫番茄湯粉我都唔執輸因為叫咗好多野食所以番茄湯唔好配肉啦叫素食配料啦🌱🌱🌱🥬🥬🥦🥦🍅🍅🍅🍅真係無能我失望湯式唔會太酸而且充滿粒粒番茄份量都係大得驚人加少少錢仲可以配小食添同樣道理都係唔執輸叫多份蛋治先連埋麵都係50蚊咋喺出面就咁食碗粉都唔得🍲🍲🍲🍲🍲蛋治入面啲蛋足足有兩吋厚真係慌死你唔夠飽吃貨朋友都係啱曬!!!雖然個蛋好濕潤🥚🥚🥚但蛋既水份唔會整到麵包淋曬抵讚唔知成份蛋治究竟落咗幾多隻蛋呢?!又到飲野時間飲品賣相雖然唔算好精緻但係總叫人好開胃🍸🍹天天咁熱飲凍野簡直係人生一大樂事🍬🍬🍭🍭好鐘意呢杯華田脆脆雖然支飲管吮唔到啲脆脆但用spoon就完全無問題啦啲冰溶之後唔會令杯野變淡可想而知本身有幾rich而消暑既菠蘿冰係用"鮮"菠蘿製作既🍍雖然無罐頭菠蘿咁甜咁夠味但總唔會俾人一種

大窩口有間特色冰室，裝修很有格調，以懷舊特式的 路牌 及餐牌裝飾，很吸引你的眼光，忍不住要惠顧。午餐時候段很多人在等候，幸好坐位也很多所以很快就可以入座。蕃茄濃湯叉燒螺絲粉$44蕃茄湯底很濃郁，味道很鮮甜，叉燒瘦瘦的，只有數片，配嫩滑的牛乳炒蛋，牛油厚多士，奉送熱菜蜜。招牌瑞士雞髀飯 $46瑞士雞脾很入味，色澤深，肉質嫩滑，適合熱愛肉類的男士吃。香煎蓮藕餅雞扒飯 $48蓮藕及雞扒很香口，男士恩物。不論餐廳環境、坐位擺設及食物質素，都不錯。