樓下冰室

營業中

休息中

番茄簡直係世上最好嘅發明🍅鮮甜美味之餘營養價值都相當適合人類；不過我都明白有啲人對番茄好抗拒, 覺得佢有草青味🤔食過好幾間番茄專門店, 勝香園,番茄師兄,星座冰室...今日同另外一個番茄控朋友嚟試樓下冰室。樓下冰室其實喺荃灣都一段日子, 最近進駐咗呢個商場, 開咗新店, 終於有機會嚟試；環境裝修都非一般茶餐廳格局, 感覺係更加乾淨；價錢合理, 姐姐服務都非常親切。. 蕃茄濃湯通粉相信係呢度嘅主打，我哋配咗煎牛肉同埋素食蔬菜。湯底係重點，係偏向甜嗰種，我會話係小朋友嘅味道🤭配料相當多，毫不吝嗇，加埋面頭嘅滑蛋，估唔到原來係咁match👍. 瑞士雞髀係另外一樣我好想食嘅嘢雞髀入味得嚟唔會鞋，用刀輕輕一切已經可以分開；分量重比手掌更加大， 一個人食一隻對我嚟講係有啲難😂. 其實我都係一個沙律怪，你問我係咪特別鍾意沙律醬，我唔係，但係我覺得鮮果好甜好開胃。我哋單點左一個雜果沙律，開頭以為四十幾蚊真係偏向貴，因為一個粉都只係五十幾蚊，但係佢個雜果沙律我諗兩到三個人share都ok😜沙律裏面有 雜果,薯仔, 粟米, 椰果, 而且沙律醬唔會泛濫,比例啱啱好, 係飽肚之選👍. 飲品選擇種類多，養生嘅我

講起樓下冰室，一直以黎都係食開路德圍果間，知道原來荃薈都有間分店就決定同朋友試下佢地嘅質素有冇keep 到啦😛一去到發現呢間分店原來大間過路德圍分店好多，多好多卡位得黎門面裝修亦比較精致有香港特色，真係有種香港舊式冰室嘅感覺，坐得好舒服。首先第一樣梗係叫左佢嘅招牌- 瑞士雞翼先啦！一如以往，瑞士汁用滷水，老抽生抽秘製而成，鹹中帶微甜，雞翼完全入曬味，同朋友都不理儀態咁用手拎住黎食😛我自己叫左吉列豬扒蕃茄滑蛋米線加鮮牛肉，吉列豬扒炸粉唔會過厚，保持到入面嘅豬扒滑嫩多汁得黎唔會太油膩。 鮮牛同滑蛋配埋蕃茄湯底口感好豐富👍🏻👍🏻朋友就叫左芝士菠菜蕃茄通粉，本身以為會係一pat 熱溶芝士鋪係上面，原來係將芝士撈埋落蛋汁到煮，加埋菠菜出黎嘅效果唔錯。野飲我就叫左華田脆脆，好滿足🤤最後每人都係食左六十蚊左右，以後除咗路德圍又多左個選擇啦！！

「真」冰室係香港買少見少 而家流行模仿八九十年代嘅冰室設計餐廳大玩懷舊風格 今日豬先生豬小姐尼到荃灣嘅「樓下冰室」 偽老餅一番餐廳環境好懷舊 充滿玩味嘅裝潢無論大招牌 裝飾 牆身 甚至出餐處嘅格局都好有懷舊香港感覺粟米雜果沙律係開胃嘅餐前小食 除咗罐頭水果之外 仲有新鮮水果 例如蘋果粒 番茄 沙律菜墊底 材料份量都算豐富焗芝士肉醬薯角焗至香口脆身 肉醬同芝士係完美組合 可惜份量唔夠多 唔足以鋪滿所有薯角 但熱辣辣嘅滋味焗薯 仍深得我心招牌瑞士雞髀係中size嘅雞髀 雞皮係瑞士到無得再瑞士嘅啡黑色 食落相當入味雞髀肉煮至軟腍 啖啖肉好易咬 瑞士汁咸度適中 帶微甜 相當金牌咖喱豬扒飯嘅秘製咖喱汁屬於BB辣 椰香會比辣油更香更岀 係好港式嘅咖喱薯仔有預先炒過 表層微焦 大大舊 相當可口豬扒就比較一般 肉質較硬 隔離枱食嘅咖喱牛腩飯好似吸引啲喎吸睛嘅自家製叉燒滑蛋飯 係滿滿嘅蛋同叉燒呀 賣相盤滿鉢滿大量半肥瘦嘅叉燒充滿肉感 但雞蛋過熟 失去左滑蛋應有嘅滑溜感同精華蛋汁重口味嘅你一定都覺得要加多啲豉油汁先可以爬多幾啖飯姐華田脆脆有著超級濃郁嘅華田味 滲出奶香 㗳面頭嘅脆脆過足口癮 係特濃版嘅華

講起冰室隨街都是，今日約咗朋去到荃灣荃華街（樓下冰室） 試吓餐廳出名的招牌菜，來到時已經坐滿曬客人，等了一陣，好快就到我哋，所以坐下來已急不及待，即時叫了幾款，享受一下懷舊的美食。蕃茄湯通粉， 蕃茄湯底夠濃味再加上滑蛋，配合埋煙韌的通粉，十分有水準。瑞士雞髀，招牌菜梗係要叫返隻啦！看見雞皮的顏色已知道滷到好夠味道，食起時肉質嫩滑，十分有咬口。瑞士雞翼配薯角， 雞翼同樣也是夠嫩滑入味，薯角外脆內軟，夠厚肉，十分香口。焗豬扒飯$55豬扒，豬扒好大件， 食落軟淋唔會鞋，每粒飯都索到醬汁的味道。焗芝士西蘭花$36 食番啲蔬菜清清地。紅豆冰，紅豆佔滿三分一杯，奶味好香好滑。

返工前要搵d野食下，行過呢間樓下冰室見到裝修幾特別於是入黎試下餐廳既裝修係以懷舊為主，有好多舊式招牌同以前既舊戲院既環境餐廳既選擇都好多，其中以蕃茄通粉同瑞士雞脾最出名，咁當然要試下瑞士雞脾好大隻，自家製既瑞士汁加入左香糙令佢更加香，煮得好入味，唔會只係得個雞皮有味，雞肉仲保持到好滑跟住就係蕃茄湯粉，都會配左牛乳炒蛋，可以自己再加餸，個炒蛋好香好滑，蕃茄湯底好濃，配通粉真係好夾，因為通粉入面會有湯，食落去啖啖蕃茄味見到西多士實在太吸引，所以要叫返個，西多士即叫即炸，熱辣辣，個牛油好快自己溶哂，中間既花生醬夾心好厚，加埋脆卜卜既多士同糖槳好好味食完個瑞士雞脾唔夠喉，本身想叫瑞士雞翼，但見到有炸雞翼就改變主意，雞翼都係即叫即炸，脆卜卜，醃得幾好味另外仲叫左個蠔仔肉碎湯飯，除左蠔仔之外仲有魷魚，個湯底都幾好味，唔會重味精，蠔仔一d都唔腥野飲我地叫左忌廉紅豆冰同華田脆脆，紅豆冰紅豆軟硬適中，再加埋忌廉好好味，華田沖得好濃，加埋華田脆脆好好味總結：選擇多，質素唔錯，價錢又唔貴

荃灣悅來酒店附近的「樓下冰室」，走懷舊路線，啱哂香港人來食下嘢，講下當年！別具心思的霓虹光管招牌，特別搶眼，遠遠已經望到，出餐位印住「今日放映」，唔知仲以為係以前戲院買票的位置😬好搞笑😂仲有路牌、檔舖招牌和很多不同過癮擺設，又有欄杆，通道亦設計成馬路咁，好有心思，未食嘢已經比佢吸引左😬正值午餐時段，第一時間就決定Order呢個「自家製免切叉燒瑞士雞翼煎蛋飯」，$48元，全部都係我至愛，唔揀佢仲可以揀邊個🤗🤗🤗流心太陽蛋加左香噴噴的甜豉油，旁邊仲有蔥油，真係未食都流口水，大大嚿叉燒，好香好好味，唔會太韌，又唔會大肥，總之呢個飯正到不得了，$48超值👍🏻另外叫咗個「鮮濃茄牛肉燴意粉」，一樣係賣$48元，好香嘅蕃茄汁，混和喺分量十足嘅意粉上面，加上牛肉醃得好入味，開胃可口😍飲品方面，懷舊嘅紅豆冰同埋華田脆脆，兩款都係$22元，紅豆夠諗夠香，華田脆脆已經唔係度度有得飲，埋單每人都係六、七十元，真係平靚正，推薦👍🏻

<分店都一樣好味既冰室>🙂呢間喺荃灣既樓下冰室 之前食過佢路德圍總店 覺得 佢價錢唔貴 冰室既食物都好出色 好似蕃茄湯 炸脾 等等 😍 應該口啤好 賺到錢再喺荃薈開分店 於是就黎試試佢 ! 🍴蕃茄濃湯米線 配牛乳炒蛋🍅🥚三餸 58 蚊米線係比較粗身嗰 d比較黏稠 蕃茄湯底好香濃 密度好高 甜度適中 帶 d辣香🌶 上面既炒蛋好香滑 大慨7 ,8 成熟 同蕃茄汁配埋食 好味 ! 三款揀左美國肥牛 墨丸 豬潤 🐷墨丸大大粒 墨魚味濃🦑 豬潤都幾厚肉 🐷落足料 肥牛就一般🐮 整體都好 !🍴瑞士雞翼 3 隻 🐤大大隻瑞士雞翼 雞翼既汁都幾濃 落既老抽都多 食落甜咸適中 💪🏻 雞翼既皮好爽彈 入面既雞肉比較有口感 唔錯🙂🍴西多士 25 蚊🍞邪惡厚身既西多 出面好香脆 落 d牛油同糖漿仲正🍯 切開入面發覺有 d花生醬喺入面 花生味香 正😈🍴招牌瑞士雞脾 28 蚊🐤好入味既瑞士汁雞脾 雞脾大隻 皮夠爽滑 盡吸甜瑞士汁 雞脾肉都有口感 唔錯🍴自家製叉燒滑蛋飯 50 蚊🐷🍚大大碟飯 上面鋪滿叉燒蛋 蛋好厚身大慨有7成熟 少少蛋漿撈飯 正🥚🍚叉燒比較厚切 唔係燒味嗰 d有 d似焗嗰

今日同女朋友去荃灣行街街，行到攰，又係搵野食既時候，想食啲普通野😂見到有間叫樓下冰室，好攪笑個名，見佢地啲裝修都好有趣，所以就決定食呢間茶餐廳。入面啲裝修好有童年回憶，我諗大家都會有同感。再睇埋個餐牌，我覺得無入錯黎😂😂好多香港既特色野食，好經典。我同女朋友叫左幾樣小食，全部都好好食，十分滿足，介紹下先。我地叫左一個叫 炸海鮮芝士豆腐，呢個我第一次食。圓形既豆腐外面有一層芝士，但芝士未吾會太濃，一淡一件，好好味，如果十分滿分，呢個小食我比9分，好味又特別，出面食吾到。第二樣小食叫左西多士，無錯，係西多士。好多香港茶餐廳都有得食，但整得好吾好食，就係問題。佢地係即煮既，熱辣辣，上面舊牛油都好快咁溶左，哈哈，好在影得切。佢炸得岩岩好，而且好厚，出面果啲通常好薄。多士入面既花生醬都算多，足料夠熱又吾硬，好味。真係好厚嫁🥰我地食食下野先記得要叫野飲，我叫左杯紅豆冰，女朋友叫左杯華田脆脆。紅豆冰好足料，吾太甜，好好味，而且佢地加左忌廉向杯頂，好好味😂😂 細個成日飲紅豆冰，好有回憶。杯華田脆脆女朋友都話好好味，但我吾飲華田嫁😂😂我地重叫左我最愛既芝士焗西蘭花🥦，西蘭花煮得比較淋，岩晒我，太硬既西蘭

之前喺荃灣食過呢間”樓下冰室”，有一日喺悅來望出出邊突然間見到有間樓下冰室，又差唔多到晚餐時間就入咗去。呢次我同上次都係嗌咗蕃茄湯通粉同上次喺荃灣食嗰間個味道都冇乜分別都係好好食。

知道樓下冰室在近大窩口的荃薈商場開左分店, 今日就專程去食. 到步後已被佢個裝修吸引住. 好特別玩懷舊, 好有玩味feel, 而佢的坐位都ok 舒服.去之前已經想好要試下佢地個招牌菜~~ 蕃茄湯粉同埋瑞士雞翼的.但去到竟然見到佢有我的最愛泡飯. 仲要系蠔仔肉碎呀. 不能抗拒啦. 一定要叫來試試. 雖然賣相可能唔系咁吸引. 但佢實在太好味啦 ~~~ 湯底鮮甜, 蠔唔會腥 (唔鐘意食芫荽的朋友就記得人佢走啦) 食到差唔多見底. 湯就飲唔晒啦. 因為要留肚呢 ! 蠔仔肉碎泡飯 $48留肚飲埋杯又系不能抗拒的忌廉紅豆冰 哈哈.  太過份啦, 不過就大滿足 ! 肥D 冇所謂啦飲品跟飯叫就可以以半價配一杯飲品. 忌廉紅豆冰原價是 $28, 但我跟飯叫就只系 $14. 試問 $14 仲可以系邊度飲到杯咁精彩的飲品呢?招牌菜點都要試下既. 瑞士雞翼, 肉汁鮮甜, 肉地嫩滑. 難怪成為招牌菜 $33 / 3隻 老公大人就點了個男人的浪漫 ~~ 咖哩雞扒飯. 肉地嫩滑, 咖哩味夠香, 連薯仔都入晒味. $50

上次又落雨食樓下，對佢既番茄🍅湯底一試難忘，所以今日落雨經過忍唔住再去食。入面都幾多食客，但位都坐得闊落。菠蘿冰似落清新又怡人，唔會太甜，菠蘿塊好多食飲完仲可以食埋果肉。重點一定係個番茄🍅湯底，上次一食難忘，今次encore水準依舊，呢個番茄湯底都濃郁，螺絲粉唔會煮得太林夠彈牙，個炒蛋亦香滑，唔錯。跟餐既瑞士雞翼既瑞士汁味道好平衡，唔會太咸，甜甜地，色澤好亮身又上水，一定係好落呢工夫。個咖哩煎雞扒飯今次係第一次叫，個咖哩汁係調到偏似中東口味，勁濃厚，薯仔夠林入曬味，雞扒皮驚得夠曬焦香，肉質夠嫩唔會有雪藏味，好有驚喜啊！另外仲有蒜香炒紹菜，夠曬完美！菠蘿包香脆夠熱，牛油都夠凍，一啖咬落去夠曬邪惡路德圍食完悅來又開了，以後會有機成日食

今日放工經過荃灣熊貓酒店附近，對面有一個商場，商場內有一間店面充滿懷舊裝修，好像穿越時光隧道，回到七十年代，被這氛圍吸引了。除了裝修充滿懷舊風，餐廳座位都十分舒適，而且很寛敞，坐得好舒服。蕃茄濃湯螺絲粉配瑞士汁雞脾餐廳出名瑞士汁雞脾同蕃茄濃湯螺絲粉，一於點呢個餐，一石二鳥，一次過品嚐呢兩度出各菜式。蕃茄濃湯果然名不虛傳，濃濃既蕃茄香味，但又不會好酸，味道恰到好處，加上滑滑既炒蛋，正！瑞士汁雞脾又大隻，又入味，味道濃得黎又唔會太咸，又多肉又滑，超值焗豬扒飯焗豬扒飯即叫即焗，上枱既時候仲好熱，而且份量非常多，豬扒大大件，炒飯底炒得非常之香，蕃茄味又香又濃，超值之選紅豆冰椰汁味香濃，又唔會好甜，紅豆又林又香，正餐廳整體質素超乎預期好，味道又好好味，份量好足，環境又舒服，服務又好，值得一試

不知何時開始，對「冰室」兩字情有獨鍾，今天工作來到荃灣，見到「樓下冰室」，便毫不猶豫地走入去了。這間「冰室」裝修得很復古，到處掛滿了70年代的招牌，環境寬敞舒適。叉燒滑蛋飯＄50 幼滑的蛋加瘦叉燒配甜鼓油，好食番茄濃湯螺絲粉配厚切牛乳炒蛋＄50番茄汁濃郁，螺絲粉軟硬適中，蛋治真的很厚焗芝士肉醬薯角＄36好多芝士，焗得很香脆招牌瑞士雞髀配牛油厚多士及粟米雜果沙律＄53瑞士雞脾真是招牌菜，夠大隻，夠入味，好吃華田脆脆加$10

今日要去大窩口工作，咁啱經過見到有間樓下冰室，個裝修都幾特別幾靚嘅，咁就入食下啦，一打開個餐牌， 樣樣嘢都好似好好食，好想食咁，嗰menu附設左好多食物嘅圖片， 所以好易睇嘅。咁我咁啱嗰日就想食肉醬意粉。同埋另外點咗個餐，個餐有沙律，多士，同埋瑞士雞翼兩隻嘅。另外飲品方面，点左紅豆冰。最有驚喜，就係個紅豆冰吖，又香又滑，唔知點解佢啲奶係特別香嘅。另外食物方面，最欣賞嘅就係個意粉焗咗出嚟好香口，同埋個份量好大㗎，所以好抵食， 另外多士方面，因為佢係即刻焗嘅，所以變咗你熱食， 就會又香又脆。 另外想講下啲服務員啦，啲服務員都好有禮貌同埋好有耐性呀， 絕對 唔會催你走，同埋呢間冰室有紙巾 盒擺咗喺枱面， 所以呢度係唔使另外帶紙巾，好貼心的

放工之後，諗住食少少嘢先去上堂，經過荃灣荃薈商場，見到樓下間餐廳設計好特別，好有懷舊feel，主打係蕃茄濃湯粉麵，蕃茄控的我一定要入去試下！餐廳裝修走懷舊風，掛住好多70年代招牌，環境寬敞，Menu設計色彩好繽紛、好吸引。既然主打係蕃茄濃湯粉麵，梗係要叫番個蕃茄濃湯通粉啦，重配咗鮮牛肉同埋素食，素食包咗有粟米、蘿蔔、腐竹同埋雜菌，有菜又有肉，加埋蕃茄，營養豐富，然後見到餐廳有好多特式小食，樣樣都好吸引，其中有個厚切牛乳炒蛋治又係佢哋嘅推介，必試呀！蕃茄濃湯通粉絕對比一般茶餐廳質素高，同西餐廳質素有得比，蕃茄濃到一個點，好正；牛肉又好滑。個厚切牛乳蛋治，更加係一試難忘，牛乳蛋嘅厚度絕對無呃人，炒得好滑，真係用心之作！除左蕃茄濃湯通粉，瑞士雞脾、雞翼都係餐廳推介，食食下，重發現枱面玻璃下面嘅Menu寫住有特式泡飯，呢個餐廳嘅野食真係有排試～