樓下冰室

營業中

休息中

今日係大窩口做完野，同同事搵個地方醫肚，見到商場入面有間幾特別既冰室，裝修懷舊，有唔少古舊既招牌同玩具，就俾佢吸引左入黎啦！售票處出食物以前啲舖頭名瑞士汁雞翼 $33好大只既雞全翼！只係33蚊炸！抵食！瑞士汁好入味！甜甜地，好香！上台時熱辣辣，皮同肉都好嫩滑！吉列豬扒配粟米什果沙律+厚切牛乳炒蛋治吉列豬大大塊，好脆口！豬扒內裡好稔！配既蛋治好好食！首先，麵包好鬆軟！個牛乳炒蛋唔係講得笑！一黎時嘩一聲！舊蛋，要用舊去形容舊蛋超級厚！因為用牛乳去炒，所以好嫩滑！特色蕃茄湯通粉配牛乳炒蛋+徳國腸拼盤$50蕃茄味好濃，好似用肉去R出黎甘，但又唔會酸！好好食！有四款腸，其中一條較辣。公司三文治$48呢間餐廳既蛋好似唔洗錢甘，叫親有蛋既製品都係超大舊，公司三文治都唔例外！麵包hong到好脆！餡料好多！平時食既都係火腿煙肉，但呢個有雞扒！材料好豐富！呢個公司三文治無得頂！左邊係紅綠椰冰有紅豆、綠豆加椰汁，第一次飲呢個組合，唔錯！華田脆脆朋友飲的，個樣都幾吸引幾唔錯既冰室，價錢唔貴又大份，推薦！！

收工最岩暴飲暴食減下壓❣️見到呢間門面咁有特色即刻俾佢吸引到🤣卡位幾舒服😌清潔🧽得好好👍🏻打開menu咩都好想食❣️🔺主食🔻🔸蕃茄濃湯通粉+滷水雞脾🍗通粉附送炒滑蛋🍳超滑👍🏻個湯底真係好濃🤩仲有唔少蕃茄粒🍅雞脾好大隻❣️腌得好入味好滑👍🏻味道剛好🤤唔會太咸❣️🔸蕃茄濃湯螺絲粉+吉列豬🥘豬扒大塊仲要好鬆軟❣️又易切❣️螺絲粉好Q❣️🔺小食🔻🔸麻辣脆雞粒🐥熱辣辣👍🏻雖然話麻辣但其實唔算好辣❣️炸粉一啲都唔厚❣️雞肉又大粒又滑👍🏻🔸焗芝士肉醬薯角🍟成盤都係肉醬咁滯👍🏻好多芝士仲可以拉絲🧀薯角外層仲脆❣️食唔停口❣️🔺飲品🔻🔸華田脆脆🍹凍冰冰❣️唔太甜👍🏻飲落無罪疚感😂多啲脆更正👍🏻唔夠喉❣️🔸綠椰冰🍸即係椰汁🥥加綠豆蓉🤣做飯後甜品一流👍🏻價錢平❣️份量足❣️下次再黎食❣️

這間冰室,位於悅來酒店隔籬商場,附近也有民居,同工廠大廈,所以全日客人都好多,我和同事也是呢度的常客。裝修都懷舊,坐位都闊落,唔會好逼。呢度早餐,有非常好味嘅鮮茄餐肉通粉,個湯非常濃,今早叫咗個沙嗲牛肉餐肉米粉,也是個人最喜愛食物,加杯冷涷咖啡,非常滿足

這間冰室在荃灣甚具名氣，本店長期有人排隊，分店人流少一點，但晚上仍然十分旺場，草根特意一試。.食物款式不算少，很多都很吸引。.特色番茄濃湯通粉配牛油炒蛋（$50）Special Macaroni in Rich Tomato Soup with Fried Egg with Milk🍅🐟番茄濃湯通粉是其中一款餐廳主打菜式，可以揀選配搭不同食材，草根配了吉列魚柳，魚柳有3小塊，肉質嫰滑，但較薄身😤，炸至金黃色，新鮮熱辣味道不錯👍🏻。番茄湯內有少許番茄肉，吃得出真蕃茄的酸甜味🍅，健康又開胃🌿。厚身通粉口感煙韌，通粉上還有嫰滑的炒蛋🍳，整體算是不錯。.招牌瑞士雞髀（$28）Signature Swiss Chicken Leg👑 果然是店內皇牌招牌，單單是那陣瑞士汁的香味已經令人垂涎三尺🤤！瑞士汁濃郁帶甜味，🍗雞髀滷得上色👍🏻，🐥雞皮只有薄薄一片，脂肪層特別薄，雞脾肉多入味，肉質未算非常嫩滑，但整體而言已十分出色👅！.西多士（$25）French Toast西多士特別之處是中間夾着一層花生醬🥜，有點可惜的是花生醬較薄，味道並沒有很突出，不過西多炸得不油膩，加上糖漿也算不錯🍞。.華田脆脆（$2

豉油西餐是港式經典🙌🏻🇭🇰，也是香港飲食文化之一，作為一個地地道道的香港人，👧🏻草根妹妹會介紹遊客們不妨一試，其實冰室味道也不錯👍🏻。.餐廳內有為數不少的仿懷舊招牌、霓虹燈、路牌和標語，讓人感覺置身於八九十年代，也是一個不錯的打卡點。.🍴招牌瑞士雞髀（$28）Signature Swiss Chicken Leg果真是店內人氣食品「瑞士雞髀王」🍗，瑞士汁相當出色，甜而不膩，老少咸宜！.🍴潮州蠔仔肉碎泡飯（$48）Baby Oyster, Minced Pork in Soup Rice🌊蠔仔泡飯令人喜出望外，蠔肉新鮮飽滿🤩，帶有鮮味💧，沒有平日不夠新鮮的腥味👍🏻。湯底是泡飯的精華✨，調味剛好，味道突出🙌🏻，令人津津有味🤤。再者泡飯份量十足🍚，價錢亦相當親民😌。比在酒樓吃到的水準高得多！草根推介❤️！.🍴焗芝士肉醬薯角（$36）Baked Potato Wedges with Cheese & Minced Beef薯角香脆，🧀🍟芝士和肉醬令薯角更為惹味，由於用了烤焗的方式烹調，油膩感低🙌🏻，多吃幾件也不怕。.🍴炸韮菜餃子8隻（$32）Deep Fried Chives Dumplings

好有懷舊風的樓下冰室叫得上是番茄湯。瑞士雞脾專門店，我當然不容錯過樓下冰室呢兩樣名物啦。瑞士雞翼3隻（$33）嘩！好入味，瑞士汁完全入晒味，雞翼的骨、肉都好夠味，正！特式番茄濃湯通粉配牛乳炒蛋，配吉列豬扒及牛肉（$58）番茄濃湯果然夠濃郁，顏色賣相已經說明一切！番茄+牛肉+滑蛋通粉乃完美組合，味道非常搭！另外上的吉列豬扒，豬扒炸得脆身，亦入味！點沙律醬後更惹味，就咁食亦夠味，好香口的小吃！咸檸七（跟餐加$11）原罐七喜+鹹檸檬，潤喉又解渴！

樓下冰室@荃灣荃薈商場裝修走懷舊風，食物味道亦有我小時候的味道呢！冰室特色主食：另外一部分的特色小食及飲品：華田脆脆（$22）我還是小學生時，最愛返學前飲柯華田，凍飲更美味！呢個版本仲加左脆脆，更有咬口呢！瑞士雞翼（3隻）（$33）冰室內主打食物之一，瑞士汁雞翼！每隻雞翼都好入味，令我食指大動，一下子食晒3隻！焗芝士肉醬意粉（$52）一上檯已經聞到好香濃的番茄味，新鮮熱辣辣，每一口都吃到濃香肉醬意粉味，好old school的味道，I like it!!!

5 點鐘下午茶時間仍然坐無虛席、成間餐廳用7、80年代港式懷舊風情裝修、感覺有點凌亂同做作。。。～ 祕制香蔥豉油汁飯（厚切豬排拼香煎蓮藕肉餅）跟凍咖啡期待中嘅豬排份量一般、一d厚切嘅感覺都沒有、只是普普通通嘅雪藏貨色，反而係香煎蓮藕肉餅幾有趣、件蓮藕肉餅幾大份、睇得出係即叫即煎。要挑剔的話瘦肉比例高、帶乾身、蓮藕欠奉、入口有點柴，不過用嚟送飯就非常適合各食肉獸嘅師兄。～ 跟餐凍咖啡即礳機現叫現製貨色、合格～ 下午茶餐瑞士雞翼配薯角雞翼有兩大隻、份量足，豉油汁做得唔錯，食得出老闆用料足、 捨得花錢買靚鼓油。薯角合格。～ 跟餐廳奶茶合格綜合嚟講係一間食完可以返轉頭幫襯嘅連鎖茶記小店。

每晩來到荃灣買鞋，和寶寶找了間冰室醫肚。晚飯時段人流也蠻多。寶寶點了香煎雞扒拼煎雙蛋 （$48）, 厚切豬扒相當吸引。把煎蛋吉破後讓蛋汁流到飯裡吃超美味。而我就點了特式蕃茄濃湯通粉配招牌瑞士雞脾 （$50），蕃茄湯底很濃郁，還包括牛乳炒蛋，非常豐富。瑞士雞脾份量十足，雞肉嫩滑，而且入味。雞湯浸什菇娃娃菜 （$36）我們還分享了厚切牛乳炒蛋治 （+$11）蛋治相當厚身，而且用了牛乳炒更香更滑，吃完也飽飽了。菠蘿冰（+$11）和華田脆脆 （$22）也夠濃郁，好喝！

講到冰室，一定唔少得樓下冰室！因為我真係超鍾意食佢個瑞士汁雞髀！特色蕃茄濃湯通粉套餐 ($50)呢個餐除左通粉，仲可以揀多個小食，加埋都係$50，真係好抵食！蕃茄濃湯通粉超濃郁嘅蕃茄湯，質地唔算杰，不過都好有蕃茄味，蕃茄控要一試！加上滑蛋，整係食通粉都夠滿足💕瑞士汁雞髀My favourite 😍😍😍超正！瑞士汁香甜，雞髀滑滑，食一啖就愛上，必食之選！😋 華田脆爆 (跟餐+$11)阿華田底，加上阿華田脆粒，所以係特濃版嘅阿華田，個人就覺得甜左d

放工同同事去了這間樓下冰室食飯，幸好早去，7點鐘開始大排長龍，但流量都比較快，大約等十分鐘就有位。瑞士雞翼：這裏的主打小食，雞翼醃得顏色均勻，不會過咸或太甜，而且肉質嫩滑，即使雞比位置都不會鞋口，絕對要試。雞湯浸什菇娃娃菜：都市人晚晚都外出食飯，當然要選擇一些健康的食物，娃娃菜以雞湯浸熟，完全不油膩而且又爽脆。焗芝士肉醬意粉：意粉表面舖滿了焗至微焦的芝士，肉醬汁份量很多，基本上每啖都充滿肉醬，意粉都算爽口，整體都不錯。紅豆奶茶&紅綠椰冰：奶茶茶味香濃，紅豆煲得很腍，但都是粒粒狀，不會過爛。

今天早收工，相約好友到附近新開的茶餐廳吃晚餐~餐廳裝潢以懷舊香港為題，隨處可見舊式招牌、舊士多、舊戲院、路牌等裝飾，充滿特色，打卡一流~番茄濃湯通粉配牛乳炒蛋，通粉爽滑，吸收湯汁，充滿鮮香酸甜的番茄味，非常醒胃~ 配料牛乳炒蛋，蛋香嫩滑; 美國肥牛，肉質軟嫩，牛味濃厚，令味道更添層次; 午餐肉，鹹香味美，與通粉絕配!自家製叉燒滑蛋飯，份量十足，叉燒滑蛋鋪滿白飯，半肥瘦的叉燒肉香味美，滑蛋的蛋汁滲透白飯，加上青蔥更香口，與好友讚不絕口，必點!瑞士雞翼，雞皮滑溜，肉質肥美嫩滑，肉汁豐盈，瑞士汁非常入味，鹹香甜美，香口惹味!奶油脆豬仔包，大大個，熱辣辣，豬仔包超香脆，牛油及煉奶迅速滲透，甜香滋味，趁熱食最正!雞湯浸什菇娃娃菜，盡索湯汁，入口爽甜清嫩，加上什菇菌的鮮香，健康味美~新鮮菠蘿冰，富清新香甜的菠蘿味，果香滿載，冰涼止渴，最後還可把果肉吃下，味美可口~華田脆脆，甜度適中，非不死甜，與面層的朱古力脆脆配搭合襯，口感豐富~除了主菜，經典香港小食也相當出色。每人只需百餘元，吃得滋味飽足，性價比高~

這間在大窩口附近的茶餐廳，食物款式以茶記為主，但食物質素中上，尤其是番茄通跟中環某間出名的食店可媲美。吉列魚柳番茄通配牛乳炒蛋番茄通粉有粒粒的茄肉，茄湯濃郁帶酸甜味，通粉爽口不會尸過腍，炒蛋幼滑有蛋香，吉列魚柳炸得香脆，魚肉嫩滑，不過等待時間較久，差不多食了大半碗通粉才上。金牌咖哩牛腩牛腩炆得又腍又入味，咖哩加了點椰奶，不辣之餘又有咖哩香，拌飯無得彈。話梅甘桔蜜話梅咸咸地帶點微酸，十分潤喉又不會太甜。

之前試過荃灣店已經覺得唔錯，回頭率極高，見佢大窩口有分店就試下睇下水準可否保持。呢間分店大d而且環境無咁擠迫坐得舒服d。裝修比荃灣店更精緻，充滿香港特色味道。番茄滑蛋通粉比想像中大碗，番茄味濃郁仲有唔少番茄茸同肉，通粉都有好多，上面仲有嫩滑既炒蛋！招牌瑞士雞脾瑞士汁超入味，味道甜甜，唔止外表色水好夠，內裡的肉都好入味。而且皮滑雞脾都嫩滑，唔會煮得過度而變老。忌廉紅豆冰好邪惡，厚厚忌廉下有粒粒圓潤紅豆，口感夠腍，而且奶和豆的比例都適合。華田脆脆超濃華田味，上面有粒粒脆脆，如果杯上面脆脆更多感覺會更開心～胡椒豬肚雞湯飯胡椒味濃，飲落全身都好暖。份量黎講係超多，豬肚又幾爽，而湯中胡椒味唔會太重太辣，另外更有不少雞件tim。雞湯浸雜菇娃娃菜雞湯底，娃娃菜煮得夠腍同入味。餐廳整體感覺幾街坊幾有味道，環境亦舒適，值得一讚。

到大窩口找朋友，之後跟他一起吃晚飯。不想走太遠，我就說在附近吃吧，他說就樓下吧。他樓下的食肆都有不少，既然在他地頭，當然由他帶路。來到才知餐廳名字正是「樓下」。餐廳十分有地道風格，有仿懷舊大排擋冰室的經典大字，又有地道廣東話。連胡掓粉也是懷舊可樂樽。我們點了焗肉醬意粉，炒意粉，焗芝士西蘭花及瑞士雞翼，飲品點了紅豆冰及緑椰冰。肉醬意粉味道香濃，肉醬比例都幾多。炒意粉炒得均勻，配料豐富。焗芝士西蘭花係芝味香濃，西蘭花軟嫩。瑞士雞翼可算是招牌菜，而且是雞全翼，不是中翼，三個部位都可以吃到。瑞士汁味香甜，雞肉嫩滑。整體食物質素材比好多冰室好，而且份量多，幾抵食。