樂天皇朝 (雅蘭中心)

營業中

休息中

朋友最愛榴槤，剛去完見而榴槤包已經冇買，同佢講開這裡的榴槤小籠包都好味，佢就話不如今日去食啦去到因為都夜，等左30分鐘都冇就入去，今次當然榴槤小籠包一定叫再叫了麵和小食，大約每人$180，都剛好飽肚離開添。大約都係食左一個鐘。旺角店偏細間同感覺上親民點（可能沒有長長的荷花水池位）……野食黎得都快手喎醉雞和銅鑼灣一樣都十分入味，但冇奈太多碎骨係度，幸好肉質都嫩滑有雞味和好香花雕酒香喇沙份量都不少，蝦有3隻味道可以都吾梅，面質有口感，但湯底偏辣身和蝦頭味不太夠，仲保持有椰子香麻醬油麥菜好脆口而因為有青瓜一起吃都幾清新，加濃味麻醬一起食好特別，怪不得咁多人都會叫榴槤小籠包，皮質比銅鑼灣厚左少少但都有口感，榴槤味濃又香，朋友都話比心目中好，話好creamy………

上海野一向係我心頭好，朋友話雅蘭開左樂天，點都要試下，都好，我未去過應該要試下！先講醉雞，好滑好嫩口，但酒味唔太濃，但嫩滑度有如新鮮雞，係我估都估唔到，正！之後呢個蟹飯，係menu度係推薦，而且我地又想有飯到肚，所以就叫呢個。入口⋯⋯⋯⋯簡直係即溶，蟹味又濃，加埋入炒飯底，准無令到D飯好「林」，變左粥，呢個確實有驚喜！當晚想食生菜，但可惜賣晒，點知油麥菜重好食，哈哈！只係見相已經想食，放到入口簡直係不得了，入口即溶，完全無肥膩嘅感覺，而且肥肉瘦肉恰到適中，唔會話係成舊肥膏上枱，而且個汁十分濃郁，紅燒感好重，甜甜地送飯就一流，絕對推介！成晚，呢個蘿蔔絲餅就真係失望，餡入面少蘿蔔絲已經算，而且個皮又唔太脆，所以真係後悔叫感。忘記左影甜品，兩個人分別叫左香煎豆沙鍋餅同檸檬蘆薈桂花蜜。前者就熱辣辣上枱，好味，後者係凍食，幾中式。最後一提，我地坐架位，果度D冷氣係超級凍，記得著多件衫先好！

新加坡著名的餐廳：樂天皇朝早於2014年已經盈隆香港銅鑼灣, 最近發現佢地係旺角開了分店"*而他們著名的菜式必定是有八種口味的【皇朝小籠包】唔知大家有冇試過呢!?? 新分店位於旺角雅蘭中心；地方寬敞, 坐位於坐位之間十分闊落~~今次坐既係卡座位置, 兩個人坐十分舒適!!!而且特別喜歡他們每台都會擺放一壺茶, 這樣就不用經常叫服務員來加茶呢"* 麻醬油麥菜 (HK$52)這個我每次都必點的, 凍食的前菜~~一卷卷用青瓜條包住油麥菜, 食落爽口鮮甜, 蘸上麻醬更加美味"* 撈拌海中寶 (HK$68)海中寶究竟係咩呢?? 原來係海蜇~~冷盤上有海蜇絲及蝦仁, 加上香蒜, 蔥及辣椒, 再配上酸汁撈勻；酸酸地既味道及爽脆的海蜇, 食落開胃又消暑"* 香辣蒜泥白肉 (HK$62) 亦是我必點之選"*這裡的蒜泥白肉是卷裝的, 以白肉卷著青瓜, 一舊一口, 口感一流；加上佢大量香辣既蒜泥, 十分惹味, 而且辣味不算太辣, 迎合返香港人的口味!! 乾燒蝦仁 (HK$128)原粒蝦仁炒過之後再淋上甜酸醬汁；蝦仁鮮味爽口, 加上醬汁後味道惹味, 用來送飯非常適合"* 以小籠包著名的樂天皇朝, 最迎以本土特色

我地一班朋友，過一段時間，都會相約吃飯談談近況，但是大家的工作地點都分佈在不同區域, 所以聚會地點都會以交通方便的旺角區為首選,這次聚會也不例外，有朋友提議到這間位於旺角的樂天皇朝, 試試這間新開業的小籠包店子, 經大家同意之下便落實這次飯局。在店子外面的玻璃窗可以看到師傅正在製作各款包點, 步入店內, 舖面不小，有卡位也有散座, 我們就坐在店子近盡頭的一張圓枱,座位的感覺還是舒適的。菜色方面, 早已由朋友負責安排好，我們只需要坐下來就有得吃了。當然不可錯過這裡的代表作特色皇朝小籠包(八色), 不同顏色的小籠包各有不同味道，包括有原味、人參、鵝肝、黑松露、芝士、蟹粉、蒜香及麻辣。小籠包外皮上的顏色是純天然做成的，而不是用人工色素做出來的。食用次序可依照指示, 由淡味吃至濃味的, 是日因有幾人分吃, 所以只試了其中的三種味道。由原味開始，小籠包的頂部收口位做得好，就算用上筷子去夾起來，也沒有穿皮的情況出現，小籠包本身夠熱，而且皮薄多汁，肉汁還是完好的在內，而肉餡也鬆軟有肉汁, 肉香味濃, 是有水準的小籠包。再吃啡色的鵝肝味，吃起來鵝肝味道濃郁, 與肉餡的肉香味也配合得不錯。最後是橙色的蟹

其實為了甚麼？你試過為了一件事一個結果，不斷問，為了甚麼嘛？你是位瞻前顧後的人嘛？許多事情不是做了有結果，更不能妄想得到你想的目的。但我們為何要做，是為了甚麼？是為了結果去拼命鬥，或是是享受過程。在愛情路上，可能你付出很多。你想的只是有同等的回報，但是你付出了，不一定有收獲！但為了甚麼？為了那位他？為了得到愛？為了單純的好勝心？還是根本不想輸掉一齊？避風塘炒蟹小籠包$148/10pcs 小籠包包皮是用上紅黃兩色作記認，避風塘的精髓是那炸蒜粒及香辣味道。這家用上肉蟹拆肉混入半肥瘦絞肉，小籠包沒有摺實摺口位，所以味道在打開蒸籠的一刻已經感覺到。小籠包的皮是用上天然的蔬菜(紅菜頭和甘筍)榨汁混入麵粉中。小籠包肉汁的脂肪油光滿滿，入口卻沒有太油膩，的骰一小件不會吃得太狼狽。避風塘味道微微香辣感再加上蟹肉的鮮甜味，增上爆蒜的香氣，就是一道避風塘炒蟹小籠包。竹筒剁椒魚片$108 辣椒、酸菜、乾辣椒等剁碎加入桂花魚來蒸，很有湖南風味，魚肉白皙嫩滑，入口一丁點兒骨也沒有，味道酸味重微香辣，很適合拌飯的一道菜。喇沙海鮮拉麵 店家的拉麵是廚師每天把麵桿好再拉作而成，入口會比機打的彈牙不易糊爛，

銅鑼灣分店就食得多，而家唔洗過海就食到，GOOD呀~!7點左右去到，唔洗等位，支客話坐卡位要 1個鐘交檯，1個鐘太趕了，揀左坐普通檯，可以用膳個半鐘，其實唔坐卡位都好舒服架。我同夫君鐘意食辣野，叫左幾樣都係辣GE，不過可以放心，有大、中、小辣可以揀。水煮魚~d魚好滑，並不是龍脷柳果 d ~不過如果可以鹹番 d 就好啦，唔係好夠味。口水雞~有得揀要“脾”位，好味道，唔會太辣避風塘小籠包，有蟹肉架，6隻 / 10 隻，真係好好味，早知叫10隻 ^.^

朋友問牛奶豬有無興趣食八色小籠包， 一聽個名就有興趣了，八色？唔係染色wo,咁神奇當然有興趣去看一看 ，2個不能book 枱，不過來到就有位剛好今晚打風我們又唔識死打算食快點係轉風球前走，餐廳無咩人，平時都一定要book呢係旺角雅蘭2樓，很方便。餐廳很大，傳統中式格調，不過走較高檔的路線。每枱都有自己一壺水，方便沖茶川味涼皮少少辣，涼皮晶瑩爽口，但感覺撈的配料真係少左D........像是一份很簡單的，辣辣地的涼皮皇朝小籠包(八色)白色:原味 (皮薄多汁又不易穿 )，另外的有人參,鵝肝,黑松露,芝士,芝麻,蟹粉,麻辣, 主要是小籠包的皮有該種味道, 小籠包的肉汁很多, 是精華所在, 記得夾起時要很小心很小心避免篤穿塊皮, 整體而言賣相滿分, 有八種顏色, 影相一流, 而味道亦很神奇, 如果未試過嘅話可以一試避風塘小籠包另一道新推出嘅新款又新奇嘅菜式就是避風塘小籠包, 佢是一個小籠包由中間分開有兩種顏色, 相信製作難度更高, 懷著期待吃了第一口小籠包, 肉汁仍是很多很好味, 帶一點辣味及椒鹽味,滲透著點點嘅避風塘特色蟹粉豆腐吃過多個新奇又有趣嘅菜式之後食番傳統嘅菜式先, 那就是蟹粉

人總不能站在原地自怨自艾。身為M記瑜伽中心苦主的我，隨著幾千元付諸東流血本無歸，在雅蘭蹓躂一會再去做運動的日子也就終結了；還好，尚有新進駐的樂天皇朝把我帶到這裡來。這商場的二樓最近做了個大革新，換了好幾家食肆，樂天皇朝算是這幾家中最令我期待的。雖然餐牌中的菜式多是意料中的模樣，但總算不用特意過海到銅鑼灣店去嚐八色小籠包。始終樂天皇朝在友人一輩中口碑不俗，價位適中，每人二百多一定能捧腹而去，從些在旺角搞飯聚又多了個穩陣之選。其實是可以電話訂座，一心想著平日晚上應該人會少一點，隨心地逛一下街、到大致上人齊才施施然走到餐廳。餐廳比想像中旺場，正值平日晚上的8時，門外都站了約十人在候座。門外取票的系統帶來不少方便，至少從顯示屏可大概估算到何時可入座。二人枱需等上好一會，而四至五人枱相對地比較充俗。不消三分鐘，五人歡喜地入內就座了。旺角店的裝潢和氛圍跟銅鑼灣的沒太大分別，只是樓底矮一點、枱與枱的空間狹一點。平日晚上都坐滿了超過八成，風頭可不能小覷。超過四人的聚會，傾向會選中菜館，貪的是容易堆在一塊兒談天的圓枱，一般西餐廳把二人枱排在長條形的話始終不太方便。這裡都不乏貼心的圓枱，不過驟眼看，這種適

今日一家人第一次到這間飯店食飯，點了9道菜，一般都可以接受，唯是其中一道菜，大字標題是避風塘炒蟹小龍包，餐牌圖案內是一碟炒蟹和一籠小龍包，令人誤會是一個套餐，是兩樣食品，怎知送到上來的就只有6隻小龍包，問過侍應，他說是避風塘炒蟹口味，有時真的不是錢銀問題，是食得順唔順氣問題，總之唔會去第二次

樂天皇朝的菜式, 其實很適合小晴晴吃. 始終她還小, 吃吃飽點, 麵條, 還是比較健康的. 於是, 這天我們又一家人來到樂天旺角店吃晚餐.李白醉雞 $88CEO愛吃雞, 選來的李白醉雞, 帶酒香, 肉嫩, 有水準.麻醬拌手卷油麥菜 $52接下來的是麻醬拌手卷油麥菜, 很夏天, 很清爽的感覺, 這樣子去處理油麥菜, 讚. 而我就最愛日本特級秘製麻醬, 真的很特級.招牌原味小籠包 $56相信沒有人那麼混吉, 來樂天不吃小籠包. 八色小籠包是最吸睛的, 但人多分吃, 又好像不太容易分勻. 不如吃招牌原味小籠包, 人人有份, 仲好. 這裡的出品, 是城中其中一家最好的, 皮薄, 夾起不會穿底, 肉餡夠鮮, 湯汁夠多, 一口一隻, 剛剛好.避風塘炒蟹小籠包 $98樂天的小籠包, 一向有不少特別的味道, 這次, 我們就選來新品, 避風塘炒蟹小籠包. 真的有點辣, 辣椒加蒜, 很有風味. 平日吃小籠包, 肉餡是豬肉, 但這客避風塘炒蟹小籠包, 還加上點點蟹肉, 有驚喜.刀切小饅頭 $18說到這裡, 要給小晴晴吃包包了, 刀切小饅頭就最合適吧. 我吃了一小口, 質感鬆軟, 怪不得深受小晴晴歡迎啦.清炖

甚麽是香港味道？除了從小吃到大的港式小菜，本地的新創點心又如何？樂天皇朝是來自新加坡的餐廳，吃是上海菜為主，它招牌「八色小籠包」卻是在香港店誕生。樂天皇朝向來是銅鑼灣飯聚的好選擇，要大排長龍，現在旺角雅蘭店開了新店，更濶落方便。「醋醬海蜇頭」$58，在悶熱夏天來個冷盤應該沒有人反對吧。用青瓜、淅醋配冷凍海蜇頭，酸又爽口索索聲，醒胃。「皇朝八色小籠包」$98，可說是招牌菜，條件反射必點。八色繽紛絢爛並列在蒸籠裡，摺痕精巧，在相機先食的年代，post 相呃 Like 之選。若論小籠包的品質，皮薄，湯汁多，好吃。一籠八個各有味道，一般都是與朋友分享，八款味道難以一一試勻。到底先搶那一款最好？我最喜歡芝士味和麻辣味。溫提，小籠包上枱時夠熱，要小心湯汁熨親嘴仔！香港口味「避風塘炒蟹味」小籠包 $98之前餐廳搞了票選，選出屬於香港風味的小籠包，「避風塘炒蟹味」在芸芸口味中脫穎而出 (魚香茄子當時也是大熱之一！) 外表啡色灰色各一半，小籠包用了蟹肉做饀料，加入炸蒜粒，和些少辣調味，真的像把「避風塘料」包進小籠包，肉汁豐富，說真是相當出色的 crossover。「正宗重慶水煮魚 (中辣)」$168 與

樂天皇朝喺一家幾鍾意嘅餐廳，價位唔貴，餸菜有水準，依家開晌旺角雅蘭，對我哋依啲九龍人，唔晒過海真喺方便咗好多，所以，專登搵埋老友一行3人過嚟聚舊兼食餐飯。我哋幾個都喺70後，算喺努力工作搵餐晏，有時都會對現況有啲不滿，但生活各方面稱得上無咩缺，懂得知足常樂可以令人更正面。小籠包絕對喺佢哋嘅招牌，唔單止門口有個大廣告牌介紹其小籠包嘅特點，更從門口側嘅玻璃，可以直接睇到師傅整小籠包嘅過程，足見店家對自家出品嘅信心。始終，小籠包都喺佢哋嘅招主打，晌門口等位時就見啲師傅唔停咁密密搓、密密包。一如銅鑼灣總店，裝修雅致，餐廳中庭嘅一屏白石龍雕，餐廳尾嘅閃閃銀色大衣，帶有濃厚中國風，卻喺唔俗套。我哋被安排一角嘅卡位，就更加份外少騷擾，感覺較幽靜。不得不讚，全店調校嘅燈光柔和色暖，但每張枱都梗打盞射燈，超方便我依類相機先食嘅人。醬油花生、栗子 $15今次由老友發辦點菜，小弟就樂得清閒，所以，影吓相，兼食吓前菜小食。花生煮得好腍，又有醬油香，栗子切成小粒，粉糯好食。餐牌嘅設計跟以前都唔喺好大分別，「頭版」喺新推介嘅小籠包，之後有啲廚師推介菜式，其次就喺一連串嘅小籠包、點心、湯、涼菜、經典小炒、人氣川菜、

早前於銅鑼灣開旗艦店的新加坡過江龍 - 樂天皇朝, 其小籠包口碑非常好, 亦是一時佳話。兩年過後仍然人氣高企, 食店再下一城, 於旺角雅蘭開分店, 以"避風塘炒蟹"口味作招來, 當然要去朝聖潮食!旺角店佔地廣闊, 入口隔離有道玻璃屏風, 可讓食客窺探廚房內每籠小籠包的誕生。內裡裝潢以摩登中國風行走, 有2人4人檯, 也有半圓卡位, 位與位之間亦坐得舒服, 新開食店當然是人頭湧湧, 8點過後已座無虛席。主角出場之前, 先來前菜熱熱身, 糯米紅棗 $48沒錯! 是糯米紅棗! 這款非常有名的上海小吃別以為是甜品, 這裡是作餐前小吃呢! 將紅棗漫泡後包入糯米粉團於中間蒸軟。每粒都好飽滿, 漲卜卜的, 紅棗表面掃有糖漿而變得光令, 但那甜度是恰到好處, 不會搶去紅棗的甜美。中間的糯米粉團糯軟煙韌, 還滲透了絲絲的紅棗香, 一口一粒, 叫人欲罷不能。以小籠包掛帥的當然要叫上招牌菜 - 八色小籠包 $98/8個這籠八色小籠包是必食之選, 賣相一流的八色小籠包, 每個都有巧手的18摺, 摺紋工整, 而且樂天的小籠包每個都做到25G, 非當嚴緊。彩虹有七色, 而這籠小籠包就多了一道色, 八種顏色代表八種