樂天皇朝 (雅蘭中心)

營業中

休息中

實在很久沒上過「雅蘭中心」了，原來二樓又再有新面貌，多間中外食肆都已在這裡開業，這天我吃晚餐的地方，正是其中的一間----自己曾經多次幫襯，印象甚佳的「樂天皇朝」。這間地方甚大的「樂天皇朝」是這品牌在香港島銅鑼灣店以外的第一間九龍區分店，裝潢簇新明亮，坐得也舒服，這夜我與老婆仔就坐在適的卡位上，吃了一頓非常愜意的晚餐。先來兩盅味道清甜，不油不膩的「揚州蟹粉獅子頭」（$65），我倆都對這湯味既好，獅子頭也軟腍鬆化的湯水甚為滿意。「避風塘辣蟹小籠包」（$98/6粒）是「樂天皇朝」經一人一票選舉，最受投票的香港人歡迎，最新推出的小籠包，當然必試。這充滿港式風情的小籠包，皮薄、餡鮮、多汁，香辣的味道亦開胃刺激，既有漂亮的外表，也有獨特的風味。一向愛吃清炒蝦仁，這夜的「上海清炒蝦仁」（$128）也有不錯的水準，蝦仁雖少不免是雪藏貨，但雪味不重，醃得味道也好，仍能讓人感到滿意，不過份量不太多，就令自己感到有點不夠喉。「竹筒剁椒魚片」（$108）則是這兒的新菜式。這賣相吸引，以竹筒成載的剁椒魚片，魚片極多，好像吃極也吃不完似的。雪白滑溜的魚片，雖然稍嫌被濃味的剁椒配料掩蓋了魚鮮味，不過這對我來說刺激

The new Kowloon branch of Paradise Dynasty is conveniently located near the MK mtr exit.Since my last visit, there were some new dishes so I tried them.New to the menu were the spicy fishes and the Typhoon shelter crab dumplings.+++++Had the lettuce rolls with sesame seed sauce.This was just simple rolled lettuce held together by a piece of cucumber to be dipped in their homemade sesame sauce.I loved this because it was just like eating sesame salad in a convenient way packed with so much lettuc

樂天皇朝終於進軍旺角，想食八色小籠包又多一個地方選擇。八色小籠包果然出色，皮薄多汁全部都出到本身既味道，最好食係鵝肝同黑松露。慶祝旺角新店開幕6月份叫一份八色小籠包送一籠小籠包，真係好抵食，原味一樣皮薄多汁。生煎包，底煎得夠脆，料多有湯汁。麻辣粉皮，唔算好麻辣蝦仁炒飯，飯炒得夠乾身，蝦仁夠爽

話說成年前已經去左銅鑼灣果間潮聖 點知旺角又岩岩開左間分店 冇可能吾會一會仍佢既.... 8點半左右去到都仲要等位 吾通好多人都因為呢個避風塘炒蟹既小籠包黎？油麥菜凍食 冇咩驚喜 好普通雪菜炒年糕好煙un 但味道略淡 雪菜太小銅鑼灣冇既橋底辣蟹既小龍包有驚喜 味道好足 食落去果下吾辣 下到後尾有d辣味出黎 過一陣又消失左 再可以keep住食第二舊 正 食吾停幾過癮如果有睇開我上一篇食評 我相信都吾洗多講 但要留意既系 嗌8色小龍包台時影post上fb 再俾職員睇 可以送多6粒原味小龍包 抵牙

今晚朋友生日,大家決定去樂天食,呢間野佢一開就係我個LIST度放左好耐,終於黎試~~~BOOK位時咁岩見到原來岩岩係旺角開左新舖喎,梗係去旺角啦~主角發板~醋醬海蜇頭---酸酸地幾開胃,凍凍地亦都好消暑,海蜇頭都幾爽口,不過如果再大粒D應該會開心D~紅油抄手---同出面食既差唔多,唔太辣皇朝小籠包---當初就係俾佢吸引黎既,終於見到真面目,有原味,芝士,麻辣,蒜香,人參,蟹粉,黑松露,鵝肝~每人揀一個,我食左芝士,食落...ER....唔似有芝士既...好似同原味差唔多LOL ANYWAY,當叫黎影張相呃下LIKE LOR~不過其實係唔錯既,皮簿,亦都多汁~~提一提,新店開張,叫一客呢個影張相UPLOAD上FB或者IG,SHOW番俾店員睇就會送多一籠原味既,唔好蝕呀~~~~海鮮喇沙---都幾有椰香味,不過個湯底好似辣左少少,料就唔差既~炒年糕---甜甜地,幾好味,好快就俾朋友清左~辣子雞丁---D雞唔多,亦都好細粒,辣既只係得辣椒...雞炸得幾脆--->D粉LOL糟溜涌魚片---D魚片幾大舊喎,味道淡淡既,感覺幾健康XD高力豆沙同豆沙鍋餅---無乜特別,都係正常味道同質感(分別

樂天王朝旺角分店開咗無耐，餓底即刻嚟試吓，#八色小籠包 保持水準（冇咩特別👅）今次特別想提一提嘅係：麻婆豆腐烤桂花魚(左下），好特別嘅組合！醬汁味道濃郁，豆腐干索曬啲汁，不過食多兩舊就覺得有點太鹹；掀起魚皮、見到煮得非常嫩滑嘅魚肉、可見烤魚時間掌握得剛剛好！但係魚肉冇「麻婆豆腐」味，似係烤完條魚先再淋上醬汁🤔⋯⋯應該係⋯⋯中式「#心太軟」，煙un糯米配上有天然的甜味的紅棗，餓底當甜品咁食、比起西式心太軟健康得多，中意食糯米嘅一定中意食！

因為在港島區工，比較常去銅鑼灣的樂天皇朝，因為他們的小籠包有八種口味，真的經常吃都有新鮮感🤗我們點了八色小籠包怎麼給我們原味呢？原來做買八色送原味的推廣😛😛😛😛😛😛謝謝啦！雖然是送的也一樣皮薄餡靚，而且皮不易破，可以成功鎖住湯汁😎熱騰騰的八色小籠包💋💋💋💋其中最喜歡芝士味，中西合璧而又芝士味不會喧賓奪主和朋友猜猜吃吃很愉快🤗另外也點了主食雪菜咸肉年糕，很喜歡這道比較少油的年糕，一般外面吃到的常常佈滿油，這個就是點到即止的咸香香港好吃的小籠包很多，但往往只有一種口味，愛嚐新或喜愛小籠包的你也很值得試哦！

今日同朋友食Farewell Dinner，決定去開張不久的<樂天皇朝>嚐嚐八色小籠包的滋味。 皇朝小籠包八色小籠包是必點推介， 可能慶祝新店開張，點一籠皇朝小籠包便送一籠原味小籠包，優惠真的非常吸引。近看小籠包精緻亮滑，七彩的顏色排列如藝術品。 為了吃到最新鮮熱辣的小籠包，我不理燙嘴，也要大口一咬再慢慢吸啜湯汁，湯汁充滿肉味的香甜。八色小籠包有鵝肝味、黑松露味、蟹粉味、人參味、蒜香味、芝士味和麻辣味。大家也你推我讓的選擇自己最愛的口味，看到烏溜溜的黑松露口味，非常好奇它的味道，所以一試。湯汁除了肉香，也帶有松露的清香，咬開後清楚見到肉餡有黑松露碎和蘑菇絲，味道濃而清甜。李白醉雞醉雞是肥美的雞腿肉，冷泡在紹興酒裡，啖啖肉的雞腿散發著迷人的酒香，肉質彈牙而且雞皮嫰滑。紹興酒香也不會太濃烈,恰到好處的不會蓋過雞香，非常滋味。如果能加入枸杞的淡甜點綴，就更加色香味俱全! 外婆紅燒肉紅燒肉總是滬菜中最讓人食指大動的菜式，肥瘦適中的五花腩，帶著一層軟腍的肥膏，入口鬆軟、肥而不膩。濃稠、重甜的老抽豉油，體現了上海菜「濃油赤醬」的特色，當夾起紅燒肉到自己碗內，再澆一匙重甜濃醬到紅

係地鐵見到樂天皇朝個廣告 雅蘭開新鋪仲有開張優惠 叫8色小籠包送一籠6粒原味梗係吾執輸新開張係乾淨同舒服既 侍應服務都吾錯小籠包好快就上菜 佢教食左原味後由綠色人參開始順時針食基本上所有特色小籠包個汁都有似番個味但本人麻麻地人參同黑松露口味較濃 吾係大眾化口味反而芝士同麻辣有驚喜前者無芝士夾心 但湯汁好濃芝士味又吾會好濟既感覺而麻辣就似食米線個湯汁 辣辣地好爽但吾食得辣既朋友就未必handle到除左小籠包 仲叫左蟹粉炒飯$118無諗過個蟹粉汁係禁足料 但飯份量吾算多 大食既可以叫多個白飯撈汁 個飯食落好香蟹膏味 無昆錢餸菜叫左紅燒肉$88肥肉同瘦肉層次分明 食落d肥肉香油出晒黎個汁甜甜地勁岩送飯食臨尾甜品叫左豆沙鍋餅$42略嫌油左小小 個皮面仲有油反晒光味道不過不失試一次就夠了

落場大雨 無意入佐雅蘭中心 發現新開佐間舖頭 以為系食新加坡野 最尾先發覺系食上海野😅入面環境唔錯 幾好氣氛 先order佐個八色小龍包 有張紙仔說明食法 同過程 幾得意 但八色入面最好食都系原味 其他麻麻 另外又order碟榴槤小龍包 系甜品尼 味道都ok跟住又Order 佐啲小菜 口水雞啲汁幾正 夠惹味 個菜卷都唔錯 點啲日本麻醬 好fresh😌 正餐嚟佐 蟹粉炒飯 色澤金黃 好有蟹膏味 並帶有小小嘅酸味 同炒飯很和諧 食落去唔似單食炒飯一樣咁乾 我本人會建議不要挑走上面嘅蔥花 將其拌在一齊 會讓整個蟹飯增加些少香味 不但更清新 又唔會食佐蟹粉陣味 啖啖蟹粉 非常滿足👍🏼咁樣一碟食落去都差唔多飽 其他野唯有下次再嚟試😂

聽朋友話旺角雅蘭中心開佐間食上海野嘅舖 就決定去試一試 佢地嘅招牌系八色小龍包 幾特別 有八種口味試 但味道一般 都系俾手機食好啲😅我覺得最啱自己食嘅 就系紅燒肉,食完之後發覺同我之前去上海旅行食嘅口感味道好似,肥膏與瘦肉分明。肥膏有少少入口即溶嘅感覺，再咬落瘦肉。瘦肉部分不硬同唔粘牙。紅燒汁令成碟紅燒肉好入味，啲汁用尼撈飯食都好正！雖然一碟得六舊仔，但絕對抵食👍🏼仲有沙拉骨同海中寶都唔錯！

同班friend一齊去食，我系第一次食，本來冇咩特別期待，但係食完真心期待下一次帶屋企人去食！第一推薦就梗系皇朝小籠包啦，因為人多同埋真係好食，所以我地叫左四五籠小籠包，最中意辣味同松露味！d湯汁鮮甜，隻隻味都唔一樣，每一次嘗試都有驚喜！同樣一定唔可以錯過水煮魚！！！！水煮魚！！！水煮魚！！！肉質有少少彈性，湯汁入口麻而不辣，我個人唔系好食得辣，但係佢地d水煮魚我食到停唔到口，辣味完全可以接受。寫到呢度又好想再食啊啊啊！

去mk行街，見度呢間鋪系簡報，一於同朋友去試，座位都幾舒適。我地叫左水煮牛肉，牛肉非常入味。之後叫左xo醬炒涼瓜，一到就聞到好香，所以都急不及待，入口好清爽，但又唔會太苦，最後叫了一籠皇朝小籠包，因為新鋪開張，叫皇朝小籠包會送六只原味既小籠包，所以非常抵食，我最中意芝士同原味，呢一餐非常滿足。

傳統上海菜都係甜咸辣酒等濃味嘢 但係呢間野口味都係偏淡偏甜海蜇頭質地唔錯可惜唔夠醋蒜頭亦欠奉我自己就叫呢樣野做七彩小籠包用唔同味道做既小籠包既然係王牌就梗係皮薄餡靚小籠包內嘅湯亦唔會好似傳統上海餐廳咁樣偏油自己輸左蒜頭同芝士口味 芝士好似油膩左小小但中西合璧都幾好味重口味人士必食韭菜豬肉餃子皮薄餡靚但係豬肉好似鞋左d重送傳統小籠包6件非常美味擔擔麵非常彈牙但係唔夠辣Xo醬炒四季豆超級好食炒得好爽脆沙拉骨普普通通 冇咩特別大排檔仲好食過佢醋溜魚片醋味冇乜但係酒味濃個獻好似廣東菜咁落得太多粉

今晚晏放工，去旺角搵食。見樂天皇朝新開張，就試一試，點知中伏。由於時間不早，入座時只有三四枱客。我們一行三人，叫左兩個前菜，一個蔬菜，兩客小籠飽，一個麵。落單後，前菜及蔬菜上完，有個待應問係咪差兩客小籠飽，我地話麵和小籠飽都未嚟，個待應話會跟。過兩分鐘，另一個待應已經同我講要截數，叫我買單，都無所謂，我簽卡時又再講仲有麵和小籠飽未到，待應又話會跟。最後上麵，又講一次差兩客小籠飽，第三個待應又話跟。食完麵，又等左15分鐘，都未見小籠飽。再催，點知今次個經理過嚟同我講廚房收左！啲待應無同我地跟！果個鐘數全場得三四枱客，待應可能多過客，啲待應個個都話會跟，點知其實個個都無跟！雖然最後俾返小籠飽錢我，但食嘢食得一半，真係影響心情。味道如何我唔評價嘞，因為個招牌小籠飽我食唔到。但係我俾左$300食得四樣嘢，包括份量唔大嘅前菜兩個蔬菜一個，個麵都係一人一小碗，一啲都唔平囉。