樂天皇朝 (雅蘭中心)

營業中

休息中

這日與同樣近日忙於準備考試的靚女Miss，一起於九龍塘溫習後，再玩過朗豪坊的砌雞雞LEGO推廣遊戲，便到此醫肚了!我們很快便落了Order，當然著名的一套八款口味皇朝小籠包是必吃之選!有清楚指引教要按次序吃呢! 未開始吃已很期待了。先來的是李白醉雞 ($78)肉質嫩滑，味道香醇，相當高質。皇朝小籠包($98)到了，相當精美呢!經過一番享受，我和靚MISS就按次序都吃過了。我認為最好味的排名依先後為：黑松露，鵝肝，人參，麻辣，蒜香，蟹粉，芝士，原味。各款都好味又各有特色，頭三款就最正，黑松露清新﹑鵝肝香濃﹑人參則帶出藥材獨有的甘香，食後口中尚回味無窮。而MISS則認為人參較鵝肝美味。上海炒飯($78)，食到差不多才記得影相。水準不俗。脆辣小黃魚($88)，相當辣，要用來送飯及飲茶分散辣度。小黃魚粒香脆又惹味，正，但份量少了些。這是愛吃榴槤的靚Miss提議的榴槤小籠包($68)。不過連她也覺得只是不過不失。總體來說這餐很滿意，特別是皇朝小籠包。另外得知原來午飯時間來食皇朝小籠包套餐有半價，下次午飯時間有機會來encore食下先!

上海菜式都係我其中喜愛嘅菜式之一，所以今晚去到皇朝，目的都係品嚐一下正宗嘅上海菜。先有李白醉雞同埋海中寶作餐前小食: 前者雞肉跟雞皮一樣嫩滑、酒味雖然聞上嚟好似幾強烈咁，但係食落口都易入口，味道剛剛好; 而海中寶則係青瓜絲、海蜇同埋蝦隻嘅涼伴小食，味道帶點微辣、微酸，相當開胃。松子桂魚亦係另一精緻之作，將大條肥美嘅桂花魚拆骨，再添上薄薄炸漿，上枱時聞到陣陣香味，魚肉保持雪白嫩滑，加上酸甜味道適中嘅雜果醬汁，確實係相當高質。皇朝小籠包當然亦不可不食，8款顏色、8款味道，各款味道都係確實食得出，好似黑松露味道，黑松露都份量不少，聞到陣陣香味; 人參味道亦食得出真材料。最後有高麗豆沙作甜品，新鮮即炸嘅外皮，內有軟滑嘅豆沙蓉同埋香蕉，甜味適中，亦有飽肚果腹之用。

之前已經有留意呢間八色小籠包的上海菜餐廳，終於開分店來到九龍區的旺角，極之方便我，鄰近港鐵站出口的雅蘭中心2樓，當日幸好早到，晚上8點開始要等位，所以訂位爲佳。但等位時都可以欣賞一下廚師製作小籠包的過程，不過小心越睇越肚餓。入座後，發覺空間感夠大，坐得舒服又唔迫，仲好岩聚會一圍人食，見隔離大枱的日本人都有讚。餐牌有圖有介紹，研究完一輪終於點菜，填好點餐紙交給店員即可。茶芥$7/位，小食$15，價錢合理。茶熱濃香，加第二次水都只係淡左少少。但就好欣賞個栗子花生，煮得入味，軟腍粉綿，兩者都做得好好。我當然先點八個口味的小籠包，等上菜時就看看介紹及食法。但店員都有細心講解，原來只有原味小籠包才沾醋伴薑絲食，其餘的七款口味的小籠包就直接食，不要沾任何野，因為直接食才不會被調味料破壞味道。特色皇朝小籠包$98，如八個顏色一樣，每個色都是一個口味，總共有八款口味。包括有原味、人參、鵝肝、黑松露、芝士、蟹粉、蒜香、麻辣。因為味道由淡至濃，所以要順次序食。我食了其中四款味，鵝肝有微微甘香，芝士味開始濃，所以味道較突出。蒜香味更重更香口，麻辣味的確要留最後食，都頗辣有麻香。友人食其他四款，黑松露味及蟹粉

聞名已久嘅八色小籠包子，終於搵到機會食！事源家姐姐夫澳洲返黎，而姐夫仲要係第一次黎香港，所以帶佢周圍食好野😋宜家旺角雅蘭開咗之後方便好多（唔駛過海😂）我地四個人，叫咗成十樣野1. 海蜇皮海蜇皮係一塊塊而唔係一條條，口感比起一般海蜇再再爽口D2. 蔥油餅呢個好推介大家試，首先佢係一個圈圈果種蔥油餅，再者佢係即炸，所以熱辣辣，最緊要嘅係--好鬆化3. 經典八色小籠包 （2 籠）本來諗住叫一籠四個人每人試D，但係因為有8種味，而且見價錢唔貴 $98 有8粒喎，所以追加咗一籠🙈順序食原味（白）--》人蔘（綠）--》鵝肝 （啡）--》黑松露（黑）--》芝士（黃）--》蟹粉（橙）--》蒜香（灰）--》麻辣（紅），皮薄多湯😋 我覺得粒粒都好食喎4. 話梅骨最鍾意係佢細細粒但係又啖啖肉👍🏻不過如果味道可以淡番少少就prefect 啦5. 賽螃蟹呢個真係不得了，都好推介大家試，蛋白炒得好嫩，而且好足料，好多蟹肉，最特別係店員會為大家講解正確撈賽螃蟹嘅方法，點樣撈先唔會出水，原來真係差好遠架！呢個秘密，等你地自己去揭曉啦😁6. 黃花魚湯 （大廚推介，時令菜式）宜家係黃花魚盛產嘅時間，大廚推介緊係試下啦，果

之前行開旺角已經見到樂天皇朝有好多人係門口排隊，今日專登六點來排隊試試，由於時間尚早的關係，唔洗等位，被安排到卡位就坐，餐廳地方寬敞，中式裝修，佈置簡潔舒適，特別讚揚侍應服務態度優良，照顧客人需要，而且非常客氣有禮，令客人感覺賓至如歸，介紹菜色詳盡，每吃完一度菜會好快有侍應收碟，反應非常快。是次和男友一起晚飯，首先叫了皇朝特色小籠包，熱辣辣蒸熟的八色小籠包賣相吸引，有紅色、黑色、啡色、綠色、黃色、橙色等等，代表麻辣、黑松露、蒜香、人參、芝士、鵝肝、蟹粉及原味，每粒小籠包都充滿豐富肉汁，肉味濃郁，不同口味令到客人味覺充滿新鮮感，而且味道很夾，新鮮好味。另外，小食叫了剪鍋貼，水準一流，鍋貼皮一點都唔厚，煎到脆卜卜，餡料仍保持鮮味肉汁，$32有三件，份量價錢都合理。李白醉雞十分入味，酒香什濃，雞肉保持嫩滑，不會太老太硬，賣相精緻，價錢又唔貴，還可以加多$15升至雞脾，值得一試。乾燒蝦仁味道酸甜，比較辣，肉質彈牙，份量適中，送飯一流。另一款送飯之選是瑤柱芙蓉賽螃蟹，我自己本身特別喜歡吃此菜，蛋白嫩滑沾有淡淡蛋黃香，瑤柱鮮味加少少醋吊味便可，足足可以食晒一碗飯，可見食物水準一流。最後叫了蒜茸清炒

今天和媽媽到旺角辦年貨，來到樂天皇朝午饍，這裡的裝潢有氣派，座位寬敞舒適。客人可於選擇菜色時先享用熱茶和前菜。餐牌上有圖片可供參考，點菜則可畫在點菜單上，然後交給店員便可。前菜點了一味冷盤-撈拌海中寶。用辣椒、芫茜、香葱和蒜蓉伴海蜇、蝦球和墨魚條，十分醒胃！前菜來說，份量確是不少喔。撈拌海中寶($68)醉雞的份量也絶不吝嗇，有兩層，每件雞都皮爽肉滑。酒味也調得剛好，帶出酒香但不苦澀。李白醉雞($78)八色小籠包分別有原味、人蔘、鵝肝、黑松露、芝士、蟹粉、蒜香、麻辣。一定要按次序吃才能吃出分別喔，因為是一隻比一隻濃味的，而且皮薄多汁。我們為了能試出真味，連醋也沒有點呢！每一款都確實味度豐富，能夠於傳統美食中突破成功的例子不多，但這裡做到了。皇朝小籠包($98)椒鹽小黃魚賣相十分可愛，就像一條活生生的小魚在你面前擺尾。外皮炸得金黃色，香而不油，肉質十分鮮嫩多汁，這道菜做得十分出色！椒鹽小黃魚($108)甜品我們點了檸檬蘆薈桂花蜜來清一清味蕾。優雅的玻璃杯𥚃有檸檬汁、蘆薈、冰塊，並以杞子作點綴。渴下去冰涼清新。檸檬蘆薈桂花蜜($26)這𥚃的食物不但味道有保證，擺盤也十分精美，有如宮庭饍食，而

前排成日見到朋友去食好多種顏色小籠包，令我有興趣想知道係係邊度食。 今次終於俾我遇見了，終於約好時間朋友齊齊來吃。 Book定位置，點知同我地講有限時，只可以食個半鐘中餐都有時限，想慢慢享受都唔得我地前菜先點了份甜點。 紅棗讓糯米，第一次食，又幾特別喎。咬落紅棗脆脆地，加上糯米煙煙銀銀，口感好特別，甜甜的，帶著紅棗味。 叫左個招牌菜，豬手，不過就較一般，唔夠林，醬汁沒有什麼特別同味道不夠突出。 呢個係炸曼頭，小時候已經愛吃，脆脆外皮，熱辣辣，再點上煉奶，哇，完美，外脆內軟帶著甜甜香香煉奶一齊食。 呢個就係八色小籠包，顏色好美，有不同味道，每只味道都有佢特色，不錯不錯，係食得出咩味，未食過，真的可以一試。 不過呢餐飯就是吃得有點趕時間要交桌子了。。。

樂天皇朝，之前一路想試但未有機會，今日見朋友介紹就去左旺角分店，點零鐘去到仲大把位😍入去到去環境幾舒服，枱又夠大，估唔到小食除左花生之外居然仲有栗子，有驚喜，因為太好食所以影果時已經食晒了😂黎到呢度真係必食小籠包，試左原味，個皮超級薄啊另一樣好好食既係蟹粉炒飯，份量都幾細，但係啖啖都食到有蟹粉，加埋啲蔥真係好香啊😋唔夠喉蘿蔔酥餅，朋友仔話每次黎都要食，不過不失醋油海哲頭同素花餃，我覺得比較普通，不過要讚個餃入面啲菜，粉絲，蘿白，刀工幾幼細最後到甜品時間，叫左個檸檬蘆薈桂花蜜，幾清新，酸酸甜甜。仲有個宮廷驢打滾，食落原來係凍冰冰，但口感依然保持軟綿綿，夾埋紅豆蓉唔會太膩

比8見色小籠包吸引所以來到樂天皇朝，結果好吃的不是小籠包，而是其他。點菜單如下:8色小籠包，賣相比味道出色，個人比較喜歡黑松露口味的，其他味道不會再encore。青瓜卷油蜜菜 — 第一次生食油蜜菜，小清新抄手伴麵 — 辣辣的好吃但較油炸饅頭— 不油夠脆蔥油餅 — 太油了，但蔥味很香，好吃酒釀丸子—酒味很濃，桂花味很濃，濃得有點怪怪總結，價錢跟翡x 相若，但個人覺得樂天比較好吃，菜的款式亦多。順便說一下，樂天有12人圓枱供訂位，但要下訂金。

入席講明用餐時間係一個半小時，但到左一個鐘已經叫你埋單。我地同佢講唔係食個半鐘咩。個侍應當聽唔到，話其實你地已經遲左😰😰之後叫佢放低張單，唔理佢，因為同朋友gathering未傾完。過左15分鐘左右，有個經理過黎話你地已經過左鐘可唔可以埋左張單。我地話未夠鐘喎，佢仲話過幾分鐘就夠鐘啦！咁即係夠鐘未？前後矛盾！咁大間中菜廳，搞到好似人地限時任食放題咁，不知所謂！態度又差！走個時後面個枱都話未食夠個鐘就俾人叫走😤諗住食好啲搞到好似放lunch咁😖😖食物方面其實無咩特別，試左8色小籠包，味道一般啦，加埋一成百幾蚊8粒，唔值。建議大家真係要去唔好揀晚市，實俾人係咁叫埋單😑😑前提係唔值得推介！！😩員工態度奇差！

一直比區五顏六色噶小籠包廣告吸引到，於是同朋友去試下。但極度失望，皮厚都算啦，味道都唔夠出，所以食落同原味小籠包無麼分別，價錢仲要甘貴。小籠包噶水準完全對唔住區個價錢。朋友都話未食過甘厚皮噶小籠包，區話呢間噶小籠包只適合影相po上網呃like。我地仲點左個蒜泥白肉同炒麵，但份量都唔多。蒜泥白肉都算唔錯，配料都好多，所以味道都夠，但每塊肉都好細塊。炒麵不過不失啦，但價錢都係偏貴。我地食完仲要再去其他地方食野先夠飽。

聽聞樂天皇朝在旺角開了新的分店。 以前食過銅鑼灣分店的我，於是約了男朋友去試下呢間新店。 旺角分店位於雅蘭中心，門口夠氣派。 入座後就會奉上熱茶及溼花生侍客。 睇完菜單，用點餐紙自己點餐就可以。 先來的是<<清燉雞湯>>，整個外觀已經好吸引。 雞肉嫩滑，雞湯入口清甜，兩個人分享剛剛好。 <<麻醬油麥菜>>油麥菜捲起來，吃下口很清爽，口感有層次，再加上麻醬，真的是絕配。 <<李白醉雞>>入口酒香撲鼻留齒，雞肉嫩滑。 <<避風塘小籠包>> 以避風塘為主題的小籠包，很有香港特色。小籠包以紅黃兩色來吸客，食入口有炸蒜粒及香辣的味道。而且不會覺得太油膩。但因為皮薄，要小心放入口。 <<竹筒剁椒魚>>以酸菜，辣椒及蔥等剁碎與魚一起在竹筒內蒸，魚肉去骨又大塊。入口鮮滑，又酸又辣，令落好開胃。 <<檸檬蘆薈桂花蜜>> 入口除了有檸檬及桂花香，蘆薈仲好有咬口，十妙清甜。 <<

是晚3個女仔想食中菜。因朋友係恆隆職員，員工優惠係雅蘭部分食肆食飯會有9折所以揀左去樂天皇朝。但原來假日冇優惠失望之下，帶位的靚仔經理話請我地食甜品即刻開心晒哈哈因3人不餓，只點了3份菜式。水煮魚調味不錯，點了小辣都幾辣，食到我地3個流晒汗炒四季豆偏咸，師父落鹽重手左雲吞鍋不過不失。 最最好味係甜品 (但我忘了名字 ) 味濃不過甜，推介整體算okp.s 個個侍應服務態度都不錯，但嚴重缺人，舉手舉成一分鐘都冇人得閒回應...加水，落單都好慢。但睇得出個個忙到一頭煙，並非故意不理我。是晚是入座率全滿，人手咁短缺 前線應該好辛苦，希望餐廳管理層加多dd人手比前線吧以人為本，生意先長做長有~

😻第一次食系系銅鑼灣利舞臺果間分店食，記得入到去見到條河好有特色而且裝修得好輝煌，燈光暗暗地但環境座位都好舒服。最抵食係下午茶 因為半價 而且又好好食😎👍🏻。近排行開旺角，見到街上有好大個八色小籠包嘅招牌 原來新開左一間分店，之後又諗唔到食乜所以就即刻衝左過去食😆 去到可能因為系6點幾關係 5洗排隊就入佐去嚕 ✌🏻️😈 聽說避風塘小籠包也不錯，下次要試試☝🏻️🤓

同女朋友日日都翻工終於有日放假可以大家一齊見面我地兩個都決定都食翻餐好，行行下我地去左雅蘭中心，因為聽講入面有間食上海野好出名既"樂天皇朝"特別係佢好出名既8隻色小籠包 當然要去品嚐一下我地兩個入到去叫左三樣野蟹粉炒飯， 雞絲粉皮，同8色小籠包首先講下個炒飯，d 蟹粉加埋粒粒既炒飯質感十分完美，加埋佢地獨家制既汁，味道非常好，食左一碟都好似唔夠食，好想繼續叫多碟，但可惜我地都會留著個肚食小籠包。跟住雞絲粉皮都黎左，d 味道好突別， 我覺得隻醬既味就好似譚仔既麻辣豬耳味。d 粉皮好彈牙 感覺好突別 就好似食緊水晶粉咁。登登登，終於到最期待既小籠包，有8種味道，黃色既係芝士味，我覺得係最好食，其次黑色既係黑松露味，味道唔算濃，但都可入口，跟住就到鵝肝小籠包，鐘意食鵝肝既人一定會好愛呢粒小籠包，再跟住係蟹粉小籠包，味道一樣唔算好重，再黎就係蒜香小籠包，呢隻味道都唔錯 幾好食，再去就係原味小籠包，反而都幾易入口，再黎就係麻辣小籠包同人參小籠包，味道我覺得一般 唔算太好總括黎講 樂天皇朝既野食都唔錯，最特別係佢地既8色小籠包，大家真係要黎試一試！！