樂天皇朝 (雅蘭中心)

營業中

休息中

說起「樂天皇朝」，當然想起八色小籠包，是夜便特意和兩位台灣妹子過來試試傳統與新式於一身的中國口味！菜色主要由我發板，首先上前菜--皮蛋豆腐，只見豆腐切薄和均勻，面頭伴以皮蛋，外圍是甜豉油。豆腐涼涼的，很清新，而且加上皮蛋微微咸香和豉油調味，令味道更豐富，值得推介。大約十五分鐘，小籠包便出籠了。招牌八色小籠包果然名不虛傳，色彩繽紛，我們都著躍地挑選心水口味。我先試了麻辣，麻辣香味四溢，和餡料出奇地配合，很惹味；而第二款我便嘗試黑松露，一咬開，便傳來陣陣黑松露香氣，很香。最後試的原味小籠包亦可嘗到湯包的鮮甜多汁和皮薄餡靚。而另外一籠是素菜包，一共三個，小心捌開是一片翠綠，素菜靚炒香過，加上麻油調味，所以清新中帶點惹味，感覺也很健康。接著便是主菜出場了，我們點了賣相特別的竹筒剁椒魚片，果然是色香味俱全。滑溜溜的魚片雖然本身欠缺點鮮味，但和面頭的剁椒、酸菜一同食用，更有湖麻風味，令我辣得直呼過癮！蟹粉炒飯則較失色，主要是黃澄澄的蟹粉汁淋飯，炒飯粒粒分明，蟹的鮮味尚可，不過蟹粉汁較「杰身」，而且也要撈勻，不然便過咸。甜品我們點了十分特別的榴槤小籠包。剛巧我們都愛吃榴槤，所以很滿意。榴槤餡甜甜的，

The seven colour Chinese dumpling are so creative and attractive.Having the flavour of cheese, spicy, garlic, etc making the whole dish so colourful. And the texture of the pork combine so well with all kinds of flavour.

為左呀哥個婚禮，係旺角行街行左成朝終於可以食D野休息下對腳。見到朗豪坊出面大大個招牌寫八色小籠包，我又鍾意食小籠包，一於去試試！由味道最淡開始數，八色分別係：白(原味)丶(綠(人參)丶棕(人參)丶黑(黑松露)丶黃(芝士)丶橙(蟹粉)丶灰(蒜香)丶紅(麻辣) Top3口味分別係： 🌟第一名：橙(蟹粉) - 冇得爭，蟹粉小籠包同時有鮮肉的甜味同蟹粉的香濃味，兩者的合體超好味，而且又勁多汁第二名：黃(芝士) - 芝士湯汁超香濃，芝士味好重，感覺好似液體的芝士流入喉嚨，好香😋😋 第三名：綠(人參) - 冇諗過人參味可以放入小籠包之一，濃濃的人參味同鮮肉味道超夾，大愛😆😆雲吞麻辣撈麵，麻辣味好香，好正。雲吞大大粒，肉質幾飽滿，唔錯！幾鍾意佢個麻辣既味道，好香，好鍾意！素包，包身好軟身，味道好香又夠味，入面的菜又爽口，唔錯！表面炸得金黃而不油膩，入面是一絲絲的蘿蔔絲，滿口都是蘿蔔嘅汁，好甜。脆中帶濕潤嘅汁，又係一門考到師傅手藝嘅菜色👍

Went to dine at Paradise dynasty. Family had arrived about half an hour earlier and we had a total of 7 dishes. Food was generally ok  and of decent value, but less than ten minutes after we got our last dish, the staff came to ask us to pay our bill and leave. Note: They told us when entering that since they are busy, we have 90 minutes to dine, but only 70 had passed since my family entered the restaurant. Our order was made at 19:34 and they brought the first dishes at ard 19:45 and we were a

看電視介紹後被它的八色小籠包吸引，一於和朋友一齊去試過究竟🤔我們選了在旺角雅蘭中心的分店，等位的人也真多，我們比較早到所以不是等了很久就有位了上海油燘筍 - 荀十分嫩不韌也沒渣而且味道出色👍🏻看似簡簡單單的油燘筍，但一食難忘😋川味涼皮 - 味道微辣略帶香麻而且涼皮十分爽滑令人胃口大增醋醬海蜇頭 - 海蜇頭質量高十分脆滑沒有怪味而且醋味醇和，絕不嗆喉，酸和甜的比例近乎完美👍🏻皇朝小籠包 - 外表特別，八種顏色代表八種味道，款款有驚喜，而且粒粒爆汁，食時要由淡味開始食起至到濃味，我覺得當中最為突出是黑松露小籠包，食多兩打都不過份黃魚麵 - 味道用料出色十分地道，黃魚肉十分細嫩絕對新鮮，滑到不得了而且一條魚骨也沒有，如果你有食過黃魚，你便知道絶不簡單，這是百份百有誠意的一碗麵松子桂魚 - 松子桂魚配料豐富松子份量十足，菠蘿加上椰果配合下味道酸酸甜甜十分醒胃，加上桂魚魚肉新鮮肉厚，炸得十分到家形神兼備這間是我難得在香港能吃到有水準的上海菜，棒！

從 新加坡 引進 香港 的樂天皇朝 , 所賣的是 新加坡式的中菜 ~ 店內地方寬廣 , 環境裝修高尚 , 設計上是揉合中國古代王朝的氣派與風格 ~Menu ~ 上海外婆紅燒肉 $ 88 : 外皮腍滑柔軟得如入化境 , 入口近乎即化而絕不油膩 , 紅燒汁香濃又帶點甜 , 肉質軟腍滑嫩入味 , 濃而不鹹 , 極之好吃 ~ 喇沙海鮮拉麵 $ 78 : 喇沙湯底不錯 , 充滿著椰香也頗為鮮味 , 味道跟我早前在 新加坡 所吃過的味道略似略似 ; 拉麵的麵質爽彈 , 而且軟硬適中 ; 蝦有三隻 , 略具鮮味 ; 依我來看 , 如果這碗喇沙有加上 " 鰤蚶 " 的話就更完美了 ~ 心太軟 $ 48 : 屬於上海的著名甜點 , 在甜脆的大紅棗上鑲入軟糯的糯米糰 , 蒸熟後吃是粒粒黏糯 ~本篇完 ~

阿妹回港過年，落機第二晚一家四口食隻！慶祝一下~阿爸指定要食好d，委派我呢個家姐負責揀餐廳，最後揀左阿妹好中意食既上海菜~為於旺角雅蘭既樂天皇朝，地點夠就腳，環境舒服，食物選擇多~而佢既八色小籠包亦係賣點之一！每張枱旁邊都設有一個小籃俾客人放手袋，很貼心呢！坐好後侍應為我地送上熱茶及小吃-栗子花生麻醬拌手捲油麥菜 $52生的油麥菜以一片青瓜捲起，配以特製日式芝麻醬吃，捲起的油麥菜吃起來特別爽脆及有層次感，與香濃的麻醬十分搭配，是開胃的一款前菜~特式皇朝小籠包(八色) $98我吃的是黃色及橙色，味道分別是芝士及蟹粉。每顆小籠包都皮薄多汁，芝士味那款裡面其實像原味小籠包的豬肉，芝士味淡啖的並不特出;蟹粉那款餡料是豬肉混入蟹粉，味道鮮味 蟹粉味香濃。上海外婆紅燒肉 $88紅燒肉肥瘦相間，炇得夠腍及入味，面層o者哩狀的表皮與脂肪色澤光潤，整件吃下去入口半溶，油脂甘香，我們一致讚好~松子鮮果桂魚 $238桂魚外脆肉嫩，配埋松子一齊吃口感一流，就是那個酸甜醬汁味道偏甜，吃了少少已覺膩，以白飯同吃會更好。心太軟(糯米紅祖) $48甜甜的紅組夾著糯米糰，煙un軟糯很過引!官珽驢打滾 $35最後點了兩

生日月唔好比佢停呀，今次又係我簡餐廳，呢間又係想試好耐，終於食到啦！可能近新年，大家都想食中餐做節，好彩BOOK左位，７點幾去到都好多人。蒜泥白肉薄薄的豬肉包住一扎青瓜絲，上面鋪住一大pat蒜蓉辣椒。一入口，辣椒味道強烈，不過唔算太辣，咬開就食到青瓜絲既清新，中和返強烈既味道，唔會太chur。而且size岩岩好，一啖一舊，食到停唔到口。蘿蔔絲酥餅呢個係我飲茶時必點之物，估唔到呢到都有得食。蘿蔔絲絲絲分明（最怕有d餐廳變左蘿蔔蓉），餡料足，份量夠，而且外面酥脆可口，值得一試。韭菜鮮肉水餃呢個完全係驚喜之作！不論外表同個夠都平平無奇，但入面好有驚喜。韭菜豬肉味道好鮮，而且香味濃郁，外皮唔算厚，小小一粒但爆汁的，三十幾蚊有六粒都好抵食呀。蟹粉炒飯雖然個賣相比我想像中無咁靚，但最緊要係個味道搭救！下面係少飯底，上面鋪滿左蟹粉蟹肉，撈埋一齊食鮮味滿分。而且蟹粉份量夠多，絕對唔會姑姑寒寒食到尾得返炒飯，抵讚！瑤柱芙蓉賽螃蟹賽螃蟹係手工之作，估唔到呢到整得又幾好食喎。最特別既係佢加左隻蛋黃係面，撈埋黎食啖啖蛋香，再加D醋吊下味，成個味道層次即時提升。兩個人叫左咁多野食，每樣食物質素都中上，唔怪得客似

放假約了媽媽在旺角午餐，本身想食點心，但一離開地鐵站便看到樂天皇朝八色小籠包的宣傳海報，就被吸引住了。本身一直都很想一試這個賣相吸引的小籠包，但每次飲茶都忘記了這一個選擇。既然這天剛好見到，就當然立刻去試。原來以為樂天皇朝是飲啖茶，食個包的酒樓，原來是中式餐館。下午1點多，已經坐滿了8成食客。雖然傢具跟一般酒樓無異，但用上昏暗的燈光，加上有質感的裝潢，令整個氣氛更有氣派點。侍應都很有禮貌，我和媽媽遲遲未能決定想食什麼，侍應很主動上前提出推介。點菜後很快就送上小食。小食的花生都做得很香，煮淋了更香花生味。川味涼皮($48)涼皮做得晶瑩剔透，而且做得帶點韌度，不是一挾就散開的那種。調味汁用了優質陳醋，不會太酸，加上花椒的香和麻，薑碎的微微辛香，十分好味。而且涼皮拌入一點青瓜絲，加點爽口感覺。三色瑪瑙蛋($52)三色瑪瑙蛋做得十分精緻，六塊菱形放在一起，不用做特別的擺碟，而且覺得十分吸引。用了雞蛋﹑咸蛋和皮蛋做成，分開了蛋白和蛋黃兩層。三種蛋當中當然咸蛋味最突出，就連蛋白部份都帶甘香的咸蛋香味。而下層的雞黃部份則混了皮蛋，所以味道更香。一整件單食不會覺得太咸，不過食六件的話真的太多，早知道咸

之前去過樂天客棧，即樂天皇朝的另一系列，「樂天」的優質早已深深刻印在我的腦海之中，今次初嘗樂天皇朝，其宮廷氣派及上乘食品真的令我嘖嘖稱好!這晚還真不少坐上客，晚上七時半，已經要等約十五分鐘，這裡座位數其實蠻真不少，應有最少200以上。點菜紙沒標明價錢，反而是於圖文並荗的餐牌裡，價錢合理，必點的一定是小籠包。李白醉雞: 必點菜式之一，花雕酒味超級濃，冰冷醉雞嫩滑、鮮甜，而且花雕酒味完全滲進雞肉裡。神奇、頂級、超卓!皇朝八色小籠包: 順次序吃 – 原味、人蔘、鵝肝、黑松露、芝士、蟹粉、蒜香、麻辣，Gimmick十足，光是原味已感皮薄餡靚，味鮮湯濃，比「鼎泰_」的更出色。其中我較欣賞黑松露及蟹粉，因此亦點了一整籠蟹粉小籠包，鮮濃無比，讚得稱讚!!!沙拉排骨: 簡單一味沙拉骨竟可令我感到滿足，沙拉骨新鮮炸起，外皮超級酥脆，咬開卻感幼嫩多汁，可真酥香嫩滑，雖然沙拉汁是沙拉汁，說不出甚麼大道理，但與如此高質的香酥排骨相配合底下，卻感無比滿足。

馬來西亞創意小籠包，今日又試新菜色，北京同上海小籠包就經常食，這家說是有多種創新口味都是第一次食，未坐下先是店舖內的裝修深深吸引了我，好有中國大戲色彩。先黎個擔擔麵，湯汁好濃郁花生味，麵質彈牙辣度對我來說是剛剛好。煙肉蔥香卷沒有什麼特別，感覺鬆軟。紅油抄手不太辣，肥肉較多。主角出場 - 八色皇朝小籠包個人比較喜歡黑松露同原味餡，其他我沒有試，友人話味道淡，不過皮都算是薄。如果要按照餐廳指引順序食起碼每人都挑戰一籠菜餚價格不算貴，不過茶位、小食及加一計起黎都幾金

呢間樂天初初響地鐵站賣廣告時, 已經好想試佢地個八色小籠包, 趁好姐妹去完旅行約出黎食飯拎手信, 就訂左呢度邊食邊傾.呢間餐廳好大好多位, 不過好彩有訂又早黎, 可以坐到卡位, 又大又舒服. 7點幾已全場坐滿.主打當然要叫八色小籠包, 唔鍾意食晒八個味仲可以散叫單味, 多個選擇又唔錯喎.仲有教學教人由邊種口味開始食起, 由淡到濃, 很專業呢!響其他餐廳都食過八色小籠包, 但無咩特別, 所以對呢間有點期待. 等左一陣就上枱, 粒粒大小差唔多, 望落D皮唔會太乾, 顏色又搶眼. 我地兩個人, 所以每人揀4個口味食, 雖然其實我款款都想食, 不過一個人食8粒實在太飽.我揀左綠色既人參, 先講個皮, 皮薄但唔易穿, 包頂摺位唔會太厚. 為左食個味, 所以無點醋. 一咬開湯汁夠多, 配埋肉汁好濃郁, 餡料肉嫩. 人參味唔算好濃, 反而覺得有少少蔬菜既味道, 夠清新.之後食鵝肝, 味道唔算太濃, 清清地唔會太膩.緊隨其後有黑松露, 呢款絕對令人驚喜, 入面既餡料係滿滿既黑松露味, 夠香又濃, 絕無偷工減料. 最後仲有最濃味既麻辣, 食落有麻辣味, 少少辣但唔會搶喉.  而朋友另外4款亦都食出果款

呢排做野忙，放工難得同老公拍下拖仔。去到旺角濕完平搵野食，就比雅蘭樓下的廣告吸引左。雅蘭2樓有間上海食店，主打七色小籠包，之前都有聽聞過。見唔係太多人等位，我地都決定一試。門口等位的位置，有特大玻璃，可以望到師傳即席表現包小籠包。好易就消磨到時間，入內享受。有點意外的是，食物選擇頗多。我地除左必點的小籠包後，點了一涼點、兩小菜、一麵。先來醉雞，醉得入味，調味不錯。因為加左錢轉脾的關係，雞肉亦算嫩滑。七色小籠包當然是必食，上台好有睇頭，打卡一流！好欣賞佢地的七色小籠包真係有七款味道，唔係單純使用色素。七款味道都幾廣泛而且味道幾突出，每粒都有驚喜。小籠包皮薄多肉汁，算是有創意得來保持到水準。小菜方面，有點意想不到。大廚偏好辣味，彷彿食川湘菜般。胡椒小黃魚魚肉滑溜有鮮味，胡椒味道突出，可惜是實在辣左少少，稍為蓋過魚的鮮味。干燒蝦球同我地想像中比較唔一樣，醬汁是酸酸的，而且帶一定程度的辣。老婆紅燒肉好大碟，十分足料。肉件肥瘦均勻，炆得夠哂入味。如果能用小火爐熱住食就更完美了。最後一道擔擔麵，麵底不過不失，湯底都是意外地辣，好辣之人一定會好歡喜。整體而言，食物有一定誠意，但點菜一定要小心睇辣。

旺角分店係雅蘭中心裡面,餐廳面積大座位多,我地6點半去到,時間尚早既關係，唔洗等位又有得坐卡位!大約8點已經滿座,出面好多人排隊!一坐低率先為我地加茶,溼花生同埋栗子都係我超喜歡既小食!李白醉雞(HK$78)雞肉嫩滑,入口啖啖酒香!醋醬海蜇頭(HK$58) 口感同平時食既有點不同,硬得黎又爽脆,配上酸醋,青瓜, 作為前菜非常開胃.話說我讀書個陣已經想食哩個小籠包,一來每隻唔同顏色影相好靚,二來每隻都唔同味好特別,直到早排我終於食到啦！要由淡味至濃味咁食，分別係原味、人蔘、鵝肝、黑松露、芝士、蟹粉、蒜香、麻辣！每隻味道都幾特出！入面多肉汁! (HK$98)檸檬蘆薈桂花蜜(HK$26) 入口有桂花香,裡面有冰塊,蘆薈粒,杞子,十分清甜,解渴解膩感!

約左個舊同學食晚飯，點知嗰日佢被上司調左返夜，所以9點要走。 為左方便佢，佢發辨響旺角雅蘭食樂天皇朝。入到去感覺幾舒服，可能仲早，唔係太多人，有啲簡約而微微既中式皇室感。頭盤佢點左醋醬海蜇頭。海蜇頭係一片片而唔係一條條的，咬落超爽口，醋味唔係好勁，唔會好酸，同海蜇頭一起食，有點冰涼感，口感太好，一路傾計一路食，一碟好似唔夠喉！朋友點左沙拉排骨。驚喜位係佢唔會一Pat Pat 沙律醬黏住啲骨就算，佢呢度係好平均咁在豬排搽上薄薄地一層沙律醬在鬆軟的豬扒上，豬扒肉仲有啲香有啲juicy,炸漿都幾薄，與少少酸的沙律醬雙映成趣。蟹粉豆腐的豆腐係異當咁滑，若然放在匙上食，放在咀邊，輕輕一啜，豆腐輕易都流入咀中！ 蟹粉就有點散，唔係好濃，但食到有海鮮香同少許蟹肉。而我覺得呢碟餸有啲油，尤其係個係蟹粉嗰啲部份。仲叫左炸饅頭，本來諗住連同蟹粉食。 但見到佢跟嗰碟練奶，我就忍唔住了！ 飽就同練奶一都“沖涼”，全包怖滿甜甜的練奶，包又唔係炸左好耐咁，又無乜油溢味！外脆內軟，我一口氣吃了兩個！擂沙湯丸湯丸嚟到時係熱辣辣的，黑芝麻係流心的，面上舖左厚厚的黃豆粉，都唔會dry.桂花酒釀丸子都係暖笠笠，以前食的酒釀