樂園

營業中

休息中

這天去了九龍城街市頂樓樂園吃個港式早午餐brunch。吃了碗沙爹鮮牛肉通粉($20)，雖然牛肉稍為'鞋'了一點，但沙爹夠香濃補返數，通粉亦煮得硬度剛好。(4/5)凍鴛鴦($14)的啡茶balance控制得好，兩者的香味也很出，濃香醒神，正！(4.5/5)很滿意這簡單又美味的一餐。既然是在街市內，環境佈置簡簡單單，還算乾淨企理。員工快手醒目，態度也算不錯。

位於街市上面，平易近人的環境, 平民化的價錢平時食飯，成日都抉擇唔到究竟飲紅豆冰好, 定係奶茶好?!呢到滿足哂兩個慾望! 真係好!忘了帶相機, 只好用手機記住呢兩樣好味既野食 試了紅豆奶茶: 好多豆, 有好香既紅豆味，但係又唔會蓋過奶茶味好複雜既感覺，但係好夾! 咖映西多新鮮炸起既西多, 唔同平時快餐店果d中間又有咖映醬之餘，個麵包仲好有蛋味, yummy!

今朝一早買完餸就上街巿留上食早餐，不過係冇女嘅情人節嘅早上第一餐就令我覺得咁灰。完來名氣大唔代表好好食，而且唔平因冇套餐。茶酒茶味好淡，冇味完全唔似港式茶。好似外國用茶包沖嗰d火煺奄烈沙嗲牛肉餐肉丁沙嗲汁好好但牛肉硬到暈，好似嗰d買番嚟的零食咁，冇味又嚡。講番起嗰隻零食都係叫楽園唔明點解塊餐肉可以切到咁薄？但煎得幾香，茶餐廳小有。不過老實講，咁簿都煎得唔香就大鑊我好似食個餐咁叫，要$56

比朋友拉左去呢度食lunch~因為佢想試個奶茶紅豆冰...好多人,不過好快搵到位,D人好似打仗咁!朋友叫左奶茶紅豆冰同炸豬扒飯我唔飲奶茶所以只叫普通紅豆冰同沙爹米另叫左個沙爹牛西多士等左OK耐先有2杯飲品,見到咁多人都預左~朋友話個奶茶無乜特別有D失望我個普通紅豆冰真係仲普通過普通茶餐廰炸豬扒飯真係乾到...叫左沙爹汁但唔知去晒邊?我個米D牛肉鞋,湯又無味,食左幾啖已經唔想食...最後黎埋個沙爹牛西多士!真係唔知邊個發明?好似特登要搵D特別野去賣咁個味道錯到黎晒譜!!咸同甜撞埋係可以好好食但一定唔係咁既味,成個西多士撞到變左無味2個人食街市大排檔食左百0蚊食完係咁鬧個朋友咁好介紹!??

因為唔係住係九龍城 , 所以每次都要突登去九龍城先可以食到.每一次都會帶住滿足走.因為最普通既食物經過佢地好好既對待.就會變得令人心癢癢.....成日都想去食..9月10日一個人去食...叫左凍檸茶 (少甜) , 餐旦面 , 炸雞亦.凍檸茶 (少甜) - 一直都唔係最好 , 只係個人喜好. 餐旦面 - 餐肉不夠脆 , 旦黃穿了 , 公仔面再唔係以前的雞汁伊面 (印象中係 ). 因為面沒有以前彈牙,咬下去係有少少淋. 炸雞亦 - 以前炸到漲卜卜 , 依家好乾身.其實文叔只係負責樓面工作 , 但點解文叔走去享福時.食物愈來愈差.\?????希望以後有所改善啦.....因為真係有好多人未試過"最好"既樂園.....

樂園是在我讀高中的時候同學帶我來吃的, 之前寫過一篇樂園的食評這幾年的九月開課日總會想起這裡, 發現我這幾年的九月總會坐車來吃一次, 大概就是因為懷念以前讀書的時光吧早兩天來了這邊, 點的不是他們的招牌沙爹牛西多跟紅豆奶茶, 而是我一向到這裡會點的東西我不愛吃紅豆, 也沒有特別愛喝奶茶, 每次來只會點凍檸茶紅茶香濃不澀, 檸檬也給得多, 少甜的凍檸茶永遠是我最愛點的飲料心血來潮想吃番茄炒蛋, 之前其實沒吃過. 不過這個炒蛋應該沒什麼下調味料, 一整個很淡但蛋炒得很滑嫩, 番茄粒也不會酸, 淡淡的其實也不錯吃, 到最後自己也沒有自己下鹽巴不過下次再來當然也不會再叫了每次來到會點的雪菜肉絲米粉, 最愛吃這裡的新鮮雪菜, 不會像罐頭貨的澀和鹹是天然的雪菜味道, 吃起來不會霉霉的, 很好吃!肉絲不會煮到很柴, 米粉蠻多的軟硬也很適中以前文叔在樂園的時候總會提著裝沙爹汁的鐵壺, 問說要不要加沙爹汁, 加了會很好吃每次來到這邊我總是會記得他說的這一句文叔現在不在店了, 要個沙爹汁都要叫了好幾次店員才記得拿給我, 也不是像以前提著壺倒給我了可幸的是味道都一樣惹味, 不加沙爹汁的米粉就不是我到樂園吃的

雖然坐底時仲未夠12點半，已經座滿八成枱。兩個人照慣例叫咗：蕃茄炒蛋＋米粉底＋沙嗲汁叉燒煎蛋飯２杯凍奶茶炸雞翼好彩好快有得食，不過除咗奶茶保持水準外，其他食物好似馬虎咗：炒蛋過老、叉燒的份量少咗，連雞翼都炸得唔夠耐。阿仔忽然間記起當年文叔仲睇舖時，人未坐底已經複述你會想叫的order。咁高的服務水準，今日已經揾唔番。下次會避開繁忙時段，希望D食物能夠保持往日的水準。

好幾個月無去過星期六再去返 唔洗等位就有得坐了叫左炸雞扒麵加沙爹牛肉 再整杯紅豆冰奶茶好快就黎左D野食黎錯左米粉都算 雞扒有D涼左 D皮有D硬 好似炸好左一陣 沙爹無左以前既香 牛肉又老晒 都唔知攪咩紅豆冰奶茶 紅豆無咩特別 但杯茶無左茶香....以前佢個茶膽好正架雖則好似無咩加價不過咁既價錢 去普通茶餐廳都得事豆去左邊啊 快D返黎坐陣啦

這裡的招牌食物已有很多人介紹過了，倒想介紹一下他們對食客的服務。叫了正常的西多士，卻因服務員弄錯，將鄰桌的珈央西多給了我，我切開才發現有錯，我本身不吃咖央，但基於不想浪費食物，亦不想這一點點小事阻礙服務員工作（到過這裡食東西的人都知這店人手極不足，服務員未必有時間'show'你)，故自己將內裡的咖央撥走就好了。切好了後那位調亂了2份西多的服務員走來跟我說不好意思，弄錯了2份西多，你們的咖央西多需要加回5元，我老公因不想跟服務員爲了五元而爭拗所以同意他加錢，我亦不想在當時做潑婦所以沒有出聲，但我想藉著文字去表達我對此的不滿。我們不在當時岀聲並不表示那位服務員的做法是對的，你弄錯給我們還要我們付出代價去彌補你的錯失，這是沒有道理的，我還沒有向你討回我叫的正常西多士而你卻向我討差價，我覺得有點過份。不知樂園的負責人會否到openrice看看食客對自己店的comment,真希望他能看到並好好教育及指示員工在某些事情上的適當做法，不要令食客感到失望和反感，食物雖好，但服務質素亦好重要的。

九龍城街市的"樂園"，差不多光顧了十年，是時候再出個食評，來回顧一下。由以前例必在街市二樓的"榮記燒臘"，打包叉燒上去樂園，點杯奶茶，叫個豬扒加沙嗲牛肉通粉，再在隔離的馬仔叫個水餃，恃著年輕，吃極也是保持三十寸腰，每一次上到街市，也吃得如此放肆。當年是看過蔡瀾先生，在其專欄內經常提及這間樂園，由看著文章來潮拜，到後來漸漸成為熟客，每次來到，老闆文叔也親切招呼，笑面迎人。每次也會問：係咪照舊凍奶茶？事實上我在樂園，大部份時間是喝凍奶茶。後來二樓燒味檔結業，再吃不到其叉燒，而文叔亦在上年開始不見了。由其一家人接手，併手抵足打理。很少喝熱檸茶，每處地方的檸茶，味道也差不多，除非大家用的茶葉有所不同，或者檸檬方面出了問題。前度"事頭婆"個孫大婚之喜，作為一個港英仔，殖民年代的繁華盛世景像，再一次在腦海浮現。喝著冰凍的香滑，帶有茶甘的奶茶，暗地裏向W & K祝福。奶茶同他倆其實沒舍關係。嗒著一口茶，也是對昔日港英年代之眷戀吧。只是當年殖民地年代，中西合壁的社會之下，衍生出一些既有西方特色，亦有本土風味的獨有味道，正如豉油西餐，和這杯港式奶茶一樣。如今回歸十多年，港人視野越來越狹窄，未來的日子，再

5-4-2011近兩年無嚟, 趁放假嚟一嚟, 但食完發覺唔使再嚟.熱奶茶: 唔滑, 茶味怪, 澀澀哋, 唔得.沙爹牛麵: 沙爹牛都係咁, 但麵底腍的, 唔得.餐腸麵: 朋友話「ok 啦」.奶油多: 三個字講晒 --「無誠意」.埋單每人 $32, 後會無期.更多相片及苦水 @ http://locusttunghok.blogspot.com/2011/04/blog-post_05.html

炸西多食就食得多,就係未試過有沙爹牛肉餡嘅炸西多,所以今日咪嚟試吓囉.唉!!特別就特別喇,不過味道就好古怪,一鹹一甜完全配合唔倒,而且沙爹牛肉又嚡又鹹,好鬼難食.咖吔西多士味道ok,不過包皮炸得唔夠外脆內軟.上枱時已經腍哂,差過大家樂同大快活.鴛鴦紅豆冰味道就一般,得個甜字,冇乜茶香,紅豆份量唔多,質感太硬唔夠腍.

只係去食一個普通而簡易既早餐, 都令人十分失望,沙嗲鮮牛肉麵 - 首先個麵底唔得, 口感好唔好, 跟住D牛肉就嚡得異常, 實在令我唔想食落去, 但個麵成$18, 唔食又對唔住自己凍奶茶 - 再一次出奇地失望, 無茶味, 老公叫沙嗲鮮牛肉麵 + 鹹牛肉炒蛋, 真係比阿姐嚇親, 佢話+ 鹹牛肉炒蛋要加$$$喎, +$15都唔知得唔得, 真係令人覺得奇怪, 咁你即係想加幾多呢? 我地話OK, 照加啦, 佢話要問下得唔得。唉, 點解唔得先, 都話比$$$咯....最後要+$16......呢個早餐真係好好好好很貴, 貴都算, 但比唔到貴既質素我, 真係唔知 點再去

經過年多漫長的覓食旅程，我們這一個自發性小型小友午餐飯局此時卒之劃上一個完美句號。不捨之情當然是有，但正所謂"天下無不散之筵席"，再好的東西，總會有一個終結的時候.....飯局的最終回，地點選在平民市井味十足的"樂園"，貫徹我們一向主張"平凡就是美"的尋食風格....很遺憾今天我們其一鐵飯腳劍青小友不能抽身出現，換來的是多樂菲小姐的摯愛及好友鍾Sir。一行四人叫至全枱皆堆滿食物，同樣是繼承了小友飯局之傳統呢....捨棄了喝攪gimmick的甚麼奶茶紅荳冰一類的新奇東西，只叫杯最back to basic的凍奶茶。茶味並沒因下得多冰塊而減退，是十分的難能可貴...文叔已從前線退下來，吃着這阿叔豬扒之時也份外感概。總覺五香粉味沒從前的重手，豬扒亦不及從前的鬆軟。看來它也隨着文叔的淡出而失去光輝....雪菜米是名物之一，而且久未品嘗，自然要將之介紹給新朋友鍾Sir認識。米粉處理得爽口不糊；用上粒粒分明的新鮮雪菜，是入口一點死鹹也沒有；肉絲一條條的毫不含糊，肉香＋足，沒加甚麼鬆肉粉處理，是好吃的重點。說到吃此品，在港島區稱霸當數跑馬地的"昌記"；若在九龍區內稱王的，應算是這裡吧....這裡的沙

星期六的下午，勁多客，好彩一支箭坐低左即點野食，否則肯定有排呆等。２個人食左以下食品：熱奶茶 - 香濃滑, 正紅豆冰奶茶- 不太甜, 紅豆林甜大粒, 好match, 5覺漏(奶茶=冷熱均好味)炸雞翼 - 一碟3隻, 香口, 甜甜地, 沒有過燶 沙爹牛西多 - 怪怪地, 接受5到, 個人還是喜歡火腿西多粟米沙爹牛飯 - 好食, 栗米細細粒, 好清甜, 牛肉個邊係傳統沙爹牛個味, 同個隻汁, 估佢5到, 好好食雪菜肉絲面 - ok, 面底似福面, 5肯定, 但肯定係嚫仔個陣既茶記味道仲有2樣好想食, 不過無 1)炒米, 星期6不賣 2)咖哩雞, 個日廚房無做為此, 我會從來, 另外, 茶記既傳統味道, 堅好食~