樂園

營業中

休息中

平常少去九龍城，這天專程去覓食。位於熟食街市的樂園，一入去已人山人海，場內的枱凳幾乾淨，又有人收野俾餐牌，感覺較一般熟食街市良好。叫了：奶茶紅豆冰沙爹牛西多雪菜肉絲米炸豬排西多乍看和普通的西多沒甚麽分別，切開竟是滿滿的牛肉！由此可見其用心之處：2塊麵包夾著牛肉夾得很完美，亦炸得好靚。切開裡面的牛肉份量剛好，亦好平均。吃一口，味道竟然相當之好!!!完全估唔到!來之前，和很多朋友一樣，覺得沙爹牛和西多的配搭很奇怪，但現在想起，其實平時落的花生醬都是鹹的雪菜肉絲米和炸豬排則是普通，不是很特別。奶茶紅豆冰亦值得一讚，紅豆又大粒又甜，和奶茶的味道很夾。茶記，一般越傳統越地道越好，而樂園則勇於創新只要有心，地道與創新是可並存的。

尋珍寶旅程第1站!lunch之後個堂起正隔離體育館上一黎方便 二黎想試下好耐一於一行五人咁去左去到見到阿sir 同我地講左句食樂園 識貨喎一人叫一樣野食一樣野飲因為都唔係好抵下紅豆冰五香肉丁公仔麵炸雞翼公仔麵炸菜肉絲公仔麵有相既得呢幾樣都唔係d特色既野不過愈簡單既野愈難做得好!!好味係好味 不過唔係咁抵份量唔係咁夠會再來的

成日聽到好多人講九龍城好多好野食今日就黎試下喇去左街市樓上的樂園試下佢地最出名的野去到發現好多人都係食樂園…差唔多冇位坐沙爹牛肉西多士 $19 : 中間漲卜卜包住大量的沙爹牛肉，第一次試中間有餡的西多士感覺唔錯，食完已經好飽奶茶紅豆冰 $16 : 紅豆煮得林林的，奶茶的奶味比較重是我既至愛三寶飯 $24 : 三樣好普通的餸配白飯，但它家的汁真係好好味令我好想添飯，不過啲餸少左啲，得一隻煎蛋，一片火腿，一片餐肉食左三樣野，不過價錢就唔平! 要成 $ 5 9志在試過就算喇

特意去試上述兩個食品, 咪道唔錯, 不過貴左少少。雖然係大排擋, 但係睇落環境衛生唔太差。箇度現在除了樂園和另一間賣粉麵的食肆外, 再無其他, 好像有點疏落。蔡生係箇度寫左個橫匾俾間舖頭, 話「好過鮑參翅肚」, 雖然都幾好味, 不過好似誇左少少。好辛苦終於寫夠80字, 多謝收看。

從朋友口中得知,九龍城街市出名的奶茶紅豆冰.奶茶紅豆冰味道好,紅豆爽且起沙,奶茶味濃,讚讚讚!!!!炸雞扒一丁及紅豆西多士都非常好吃唯一不好的地方,是地方位於街市上,交通不便,泊車找街錶也很浪費時間

好鍾意 "九龍城" 呢噠地方!! 所以今日就嚟咗呢道食 lunch...一嚟到, 見到好多人....等咗一陣,終於有位~~Order 咗: 凍檸茶.....有 4 塊都 OK 厚嘅檸檬, 茶 OK..!! 咖啡紅豆冰.....不是太甜, 好好飲 沙爹牛肉麵.....麵唔會煮得太淋 ; 牛肉正..!! 因為唔係嗰 D 醃到好霉嘅假牛肉..!! 雪菜肉絲米 + 沙爹汁......第一次食呢個配搭,好好味..!! 雪菜唔會過咸...而且又多..!!總括: 職員有禮貌, 唔會因為多人而做到忟..!!食物方面,就等得耐咗 d 喇~~ 杯飲品都爭d 飲哂..!!雖然只係簡單嘅茶餐廳食物,但就覺得佢哋好用心去整..!! 真係非一般 A B C 餐可比..!!

會去樂園吃東西, 是在05年在九龍塘上學的時候同學帶我吃的一吃, 就5年了~ 有時候想到還是會去吃我最愛的兩樣這邊的招牌:雪菜米每次必點必吃的就是樂園的雪菜米~! 光是用上新鮮的雪菜, 也猜到為什麼我那麼喜歡了雪菜份量不少, 吃下去絕對吃不到罐頭貨的酸澀味道跟質感不酸之餘帶脆, 那種脆度是新鮮雪菜才能吃到的配上味道比較淡的米粉就很好吃第一次吃的時候這邊的人有問說要不要加沙爹汁初初會覺得很奇怪, 但我也叫他下了, 他們的沙爹汁很惹味, 味道跟雪菜米亦是意外的合之後每次都會要沙爹汁, 他們就會提著鐵茶壺倒給我, 吃到已經上癮了 雞扒一丁除了雪菜米, 還有一樣一定一定要吃的就是炸雞扒他們的雞扒是裹上炸粉炸的. 炸粉中有蔥粒~所以吃起來會有蔥香非常棒!每次咬下去都是超熱的, 還有汁在裡面. 雞扒醃得很夠味, 能吃到他們用上很多蒜去醃的肉質很嫩, 跟脆脆的外皮真的非常美味~!他們的豬扒做法也是一樣, 但我就比較喜歡吃雞扒因為肉質會再比較嫩一點朋友叫了一丁麵, 店員也會拿著沙爹汁問你要不要加加了沙爹汁整碗麵真的會大加分~!最後我們還多點了一份炸雞扒, 因為不夠吃 這裡有很有名的沙爹牛肉西多士跟奶茶

暑假時先後兩次來這裡，第一次時見到蔡「潺」與友人吃早餐。兩次我都有飲奶茶紅豆冰，第二次就和J仔來也試了咖啡紅豆冰和食了西多士和鮮油多。第二次時的紅豆有點硬，有點失望。奶茶紅豆冰要比咖啡紅豆冰好飲，味道較夾，而且咖啡質素只是一般。J仔很喜歡那鮮油多，麵包烘得微焦，很合我們所好，牛油兩大片，美味非常。西多士只是一般，沒什麼特別。心理上未能接受沙嗲牛肉西多，點解會夾的呢？下次來的時候才試吧。老闆待客有禮而親切。(收錢時)

今日下因工作關係去到九龍城做野,到食午飯時間去左街市食,上到去見到有蔡生的題字勝過鮑參翅肚,就想今次無死搵到好野食,又見到蔡生推介"三寶炒米",咁就叫了一客加凍奶茶,在期待美味午餐的到來,點知來到後真係驚喜,係一碟雞蛋;餐肉;火腿炒米,仲要睇落係無炒過的米粉,之後食落原來同我樓下粥當10蚊一碟的炒米一樣咁好食(哈哈),食完埋單盛惠47元,如果真正的蔡生有去過食的話,我想他是否食得太過多好野,食到自己已經無左味覺,又或他是否應該再去食一次,真係用47元去食值10元的餐.......

今日訓醒原先想去酒樓飲下午茶，不過突然醒起在OR上看過這餐廳的食評，所以便即興去試了。由於我們得兩個人但又想試哂D招牌食物，所以……咖啡紅豆冰：第一啖飲，好香濃既咖啡味，食落紅豆有口感又夠淋，不是太多冰，但夠凍，正。鴛鴦紅豆冰：都是一個不錯的選擇，不過個人還是喜愛咖啡紅豆冰的香濃。沙嗲牛肉西多士：西多士炸至金黃色，配以沙嗲牛肉，雖然不重沙嗲味，但牛肉夠淋，而且麵包索了肉汁，加埋D煉奶，兩種食物一鹹一甜混在一起但並冇搶去其本身的味道，好夾呀！紅豆西多士：不知是否已飲了紅豆飲品，還是糖漿，所以這西多士就略嫌太甜了，不夠沙嗲牛肉西多士那麼恰到好處。而且，這兩款多士餡料偏重於中心，所以邊位完全只有多士，美中不足。豬扒公仔麵：豬扒剛炸出來，配上公仔麵，穩陣的配搭。綜觀以上，創意食品，經過九龍城的話，可以一試。

慕名而來吃這沙爹牛西多，果然沒有失望。炸得剛好的西多，不油不膩，吃到口中是剛好的暖熱、鬆脆。有時候一個人吃一件西多，由頭甜到尾，會覺得太膩而吃不下去，但這件西多夾了沙嗲牛，多了一重味道，口感也豐富多了。同時把甜的咸的放進口中，當然就不是吃高級餐那種要求味道精緻的東西，但是那種「亂咁嚟」的不顧一切，本身自有一種吸引力在內。小時候，又甜又咸一起吃準會給媽媽恐嚇會生飛滋，也許就是潛藏要悄悄反叛，令這件西多更滋味。鴛鴦紅豆冰是高水準之作，但吃過味道濃郁的西多後，實在難對它留下深刻印象。也許這也是「一山不能藏二虎」的道理。

九龍城市政街市樓上既樂園最近因為很多雜誌和飲食節目介紹，於是多咗好多人。 其實我不經不覺食咗十五、六年，尤其中學時代好多時都會係這裡食午餐，快靚正仲要平。 奶茶咖啡多士都好有水準，雞扒豬扒飯配埋倘個粟米汁真係無得頂。 鴛鴦紅豆冰正，喜歡佢唔太甜亦夠茶味，加埋咖啡香，爽爽爽!!!

今天他帶我地九龍城覓食~第一站到了最多好評樂園...食物:咖啡紅豆冰 - 幾特別, 冇平日既紅豆冰咁甜咖央多 - 香 , 脆 , 熱 ... 正~沙爹牛西多 - 一上台已經好香... 切開入面 好多牛肉 ... 吃一口, 好驚喜呀!! 估唔到兩樣野係咁夾架! 加上面頭既煉奶... 好正呀!!!下次再黎食過!!! ( 已推介比朋友喇!!!)

因為奶茶紅豆冰, 所以慕名而來, 好彩無令人失望紅豆真係大大粒架,係淋, 唔係粉, 正, 奶茶好香又有茶味, 如果D冰係茶冰, 嘩真係一流... 好多人話D服務麻麻地, 我今日下午吃飯時段大約1點多, 都坐左8成幾9成滿架, 但D呀姐OK, 有幫手揾位, 係櫃台埋單都好有禮貌其實想試吓紅豆西多士, 但無理由, 樣樣都係紅豆架

星期六下午同朋友仔相約四圍搵食, 本來諗住去深水埗食完維記至落九龍城, 不過見呢間話早收就唯有掉轉行程啦...一上到去都算多人, 不過好彩都有位, 坐低商量咗一陣之後, 為咗保留食力, 我哋決定嗌一個沙爹牛肉西多+一件炸豬扒 "些呀", 而後朋友仔飲好立克咖啡, 我就要咗咖啡紅豆冰...先講食物:沙爹牛肉西多 - 牛肉有沙爹味, 多士有蛋味, 又夠軟熟, 叫做食得過啦炸豬扒 - 朋友仔話都見到好多人推介, 所以想試下, 結果上枱時朋友仔都有d失望呀, 件豬扒又薄又乾, 咪好一般嘅炸豬扒囉, 我個人認為大埔東記的好食好多...再講嘢飲:好立克咖啡 - 朋友仔開頭仲擔心唔記得嗌少冰會好多冰, 結果杯嘢未飲到1/5就已經冇晒冰囉, 朋友仔就話飲唔到可力味, 只係得少少咖啡味咖啡紅豆冰 - 咪以為叫做紅豆冰會俾多d冰你呀, 一樣未飲到一半就冇晒冰嘞, 不過啡味都算香濃, 配埋紅豆嘅甜都ok囉總括嚟講, 下次去到九龍城會試晒其他嘢至會考慮再嚟嘞