樂園

營業中

休息中

黎左九龍城熟食街市試呢到既名物，奶茶紅豆冰同埋沙爹牛西多。奶茶紅豆冰，紅豆飲落夠溶好似紅豆沙禁樣，奶茶多奶了點，也不錯的。好似紅豆沙配奶茶，意想不到咁夾，很不錯的新配搭。沙爹牛西多士，味道係食緊沙爹牛包加煉奶禁樣，沙爹牛味淡淡，牛肉有d鞋口。西多士厚身，蛋味可重，唔配糖漿配煉奶，係不錯既選擇，很有水準既西多，配埋沙爹牛新鮮感十足。奶茶十六蚊，西多十九蚊，兩款港式產品變奏，值得一試。

一直都系九龍城度附近出沒，所以昨晚就已經計劃好今日中午要黎咁出名既樂園度吃翻個正既，11點正就從屋企出發，空住個肚點都要留翻個位俾依度。去到好少人，零零散散臺桌分別坐住幾位，我地穩一張圓臺坐低，跟住就迫不及待咁要點也吃啦。沙爹牛肉飯：同出面一般d大排檔出品差不多，勝在d牛肉比較多而且賣相都幾不錯。分量適中，男朋友都系剛剛好而已。咖啡紅豆冰：期待已久的紅豆冰好快就上黎，入面碎冰好多，但系飲落去唔會覺得太凍。咖啡味濃，但系自己平時好少飲，覺得都幾好。最後試下紅豆，的確唔錯，好淋，甜得黎唔會漏，三者搭配構出一種與眾不同的味道。沙爹牛肉西多士：千呼萬喚終於等到啦，阿姐話要即時炸所以上慢左。唔緊要，最緊要好吃就得。真系好中意距d西多士，麵粉少而且蛋夠多夠厚，比起之前一直系學校吃的美心大家樂好味得多。可惜入面d牛肉比較韌，而且唔多覺有沙爹味。吃完一餐好果然心情都靚d，希望陸陸續續穩到好野，最緊要系越吃越開心就ok啦~~

這篇是我第一篇的食評本人太懶了 註冊了很久才打第一篇食評小時候我喜歡遊樂場 現在是時候遊樂園了go go go!OK 說回正題我一直也很鍾情於香港的特色美食就算今天有著壞的天氣 亦影響不了我好的心情我們點了 1.咖哩XX飯(我也不記得名字了 太長) 點了一會兒 便來到了 咖哩的味道顯然是衝著我嘴巴而來的 有點點辛辣 不錯(但很可惜我不食辣 吃了一口便靜止了) 2.奶茶紅豆冰 看過不少食評也說紅豆很難咬開 而且不夠淋 但我認為紅豆有些咬口才能帶出它的存在 混合了奶茶 的確是一個新的衝擊 但略嫌茶味蓋過了紅豆的味道 若能加以調整 相信又一得意香港小食 3.雪菜麵 又一小插曲 當我點了雪菜公仔麵時 店員猶豫了幾秒 再確問我是否要雪菜麵 我點點頭 但心想:為什麼她會猶豫起來 當我吃過後 才恍然大悟固中

5月5日, 105週月快樂!~射一下波今日決定同呀菲去d平時唔會去嘅地方食野~ 做晒research決定沙爹牛肉西多士最吸引~ 好, 向我地慶祝第一餐出發!::: 沙爹牛肉西多士 ::: $19坐低唔駛諗, 為食佢而黎, 茶餐廳都搞fusion, 係咪真係咁好食? 黎到賣相同普通西多士無異, 但係煉奶就比較少, 可能要配合沙爹牛肉卦… 好心急, 一切開, 沙爹牛肉裹藏其中, 份量都唔少, 雖然係普通嘅沙爹醬撈牛肉, 不過都幾期待佢同西多配合出嘅味道~切開都原來不如想像中比例, 西多上下雖薄, 但係左右邊嘅麵包都幾厚, 好難夾埋沙爹牛肉一齊食~ 而味道亦不如想像中突出同配合. 牛肉質地其實幾夾西多, 但係衰在沙爹嗰度…味道分差得太遠, 食得甜味又食唔出沙爹味, 食多d沙爹牛肉變咗西多又冇咗個味. 而西多內部因為沾上太多沙爹汁而變得淋pat pat. 咬落冇咗西多香脆嘅口感. 呢個fusion創新但係夾埋一齊怪怪地…::: 雪菜肉絲炒米 ::: $38另外一個招牌菜, 比其他碟頭飯足足貴幾蚊~ 大大堆頭真唔錯, 2個人食都夠~ 用料豐富, 除咗雪菜肉絲外, 仲有椰菜, 蛋同餐肉, 淨係睇都

星期六個日冒住大雨都出左九龍城去試呢間d奶茶紅豆冰,去到都幾多人但都即刻有位.雖然係係市政大廈入面,但環境同乾淨程度都比我想像中好,事關我係幾乎未去過市政d熟食檔食野.今次我地總共叫左2杯奶茶紅豆冰、豬扒麵同埋雪菜米..奶茶紅豆冰:個奶茶都幾好飲,加埋d紅豆都幾夾.但可能星期六多人,略嫌d紅豆可以煲得再腍小小,而且奶茶略蓋左紅豆d味..所以我決定下次再黎就咁叫杯紅豆冰黎試下豬扒麵 : 豬扒麵我只係要左普通公仔麵,無加到錢要一丁.雖然唔係一丁,但d麵唔會過腍,幾好食.而且塊豬扒拎到黎ge時候重熱辣辣,d邊位重好脆口,醃得不錯，味道幾夠幾香，而且d肉質幾軟腍,唔會好似出面一般既茶餐廳咁"拿"到好軟..雪菜肉絲湯米 : 因為星期六既關係,所以只有湯米.但呢個唔係我食,所以我只係試左啖.佢d雪菜幾香,應該係有自己加工炒香過,唔同出面茶餐廳咁.整體黎講,唔算太貴,而且價錢同普通茶餐廳散叫差唔多,而且服務態度比我想像中好好多,一直以為市政d熟食檔既伙計都好粗聲粗氣同好惡,但呢到落單幾快手,同收銀幾有禮貌. 決定下次再黎要試煎豬扒蛋飯同架央多..

出世幾日之新粉團=BB - 小小寶已出院, 是日約了表表們去探探小粉團, 定於下午時段, 仲有時間先去修下指甲再過去吧~ 修完甲, 外星人打比我, 做甲關係聽唔到佢電話, 修完後打返比佢, 佢已約了基基+教主去食晏而且教主話去九龍城樂園, 本魚從未去過九龍城..即刻都要去埋一份~~ 等埋day 一齊出發去九龍城了...一到樂園, 嘩~~好多人...好彩等了一陣就有枱比我地5個人, 坐低即叫野食...因為實太肚餓了~ 紅豆冰+沙嗲牛麵加菜, 紅豆冰-紅豆大粒, 有咬口, 沙嗲牛麵, 麵都算彈牙, 而沙嗲牛肉鞋了點...唔夠沙嗲味... 奶茶紅豆冰, 奶茶濃郁, 紅豆夠咬口, 好特別 菠蘿冰, 用上罐頭菠蘿, 無咩特別 特厚西多士, 入面有花生醬再用了3塊包夾一齊炸, 西多士不油膩, 又香口, 真係比較出色既一款食物~ 蕃茄炒蛋, 其實教主想要叉燒一丁麵併蕃茄炒蛋, 可惜阿靚姐話唔可以做雙併價, 蕃茄炒蛋要分開叫計小食價, 教主只好分開叫...叉燒一丁麵, 叉燒一般, 而一丁麵煮得剛好, 蕃茄炒蛋好似屋企自己煮個種, 蛋唔會過老+蕃茄仲有汁, 合格既~ 三寶飯, 有火腿, 荷包蛋+午餐肉

有食友問我，是不是絕不喜歡吃雪藏食物。其實不是，舉例說雪藏豬扒，下點心機，都會整得好食。「勝香園」是一例，這裡的也原錯，當然說來說去，就好吃的是上環「科記」。去龍城竹戰，太座那檯開場先，我那檯還等緊腳，時值三點三，正好去嘆個下午茶。上了來熟食中心搵食，記得有食友寫過這裡的炸豬扒不錯，就要了個炸豬扒多士及一杯例牌~鴦走少甜。炸豬扒及多士是分開上的，豬扒外表看來油油膩膩，不過就熱辣辣。吃起上來，味道是意料之外的好，豬扒醃得不錯，味道幾夠，肉質軟腍，還加入了不少的蔥，相當不錯。豬扒大大塊，但就剪了幾刀，吃起上來也方便。多士塗滿牛油，雖然是薄薄的，但也又香又脆。總結來說，是有水準的。鴛鴦也不錯，略嫌啡味不夠濃，但都交足功課。見很多檯也叫紅豆冰，賣相都幾好，下次要與太座來吃一下。服務有效率，店員不住的跟食客打招呼，看來也有很多街坊熟客。埋單26蚊，是一餐滿意的下午茶，值得一試。 是次消費: 每人約HKD26

叫了大家都推介的 (1) 奶茶紅豆冰 - 坦白說真的沒有甚麼特別, 除了紅豆真的煮得很稔外, 我覺得根本兩件事係溝唔埋的, 硬將兩種東西放在一起, 喝下去都只是兩件事, 完全感受不到盧覓雪在鏡頭前那種享受的感覺; (2) 豬扒蛋飯 - 很好吃, 豬扒雖然很薄, 但很香口, 亦很入味; (3) 雪菜肉絲(炒)米粉 - 結果來了雪菜肉絲(湯)米粉, 向落單的女士clarify 時, 她說單是落了(湯)米, 我說我們是要(炒)米, 她聽錯了, 她一句 "得" 埋來, 星期六是沒有(炒)米供應的, 你們沒有看牌的嗎? 跟著就轉身走開, 我看著那碗來錯了的(湯)米, 請原諒我脾氣硬, 我決定不會掂它, 結果要勞煩"就得人" 的男友全嚥下. 當情緒完全受到破壞時, 味蕾亦受到影響, 只想儘快逃離這 "貼錢買難受" 的地方. 怪只怪我只是普通客人一名, 如果我是蔡瀾的話, 就不會盛興而來, 敗興而返. 幸好還有 Peter Wong 的 cake 可安慰一下趺落谷底的情緒.

其實在我工作附近，有很多大大小小的食店，中西日泰都不缺，就是吃不起勁，好像太平淡。又是悶悶不樂的一天，同事相約外出午膳，我問...吃什麼呢? 同事秘密的都沒有交代，只是說地點在九龍城，一個你永遠估不到的地方，那好啊! 立即精神百倍...等吃唷!九龍城的路我都不懂，什麼衙前圍道、賈炳達道，都不清楚。從的士下來，同事就帶我進入了菜市場...且慢...是菜市場?我們不是吃午飯嗎? 我實在大為不解！乘電動樓梯到三樓，原來是別有洞天，一旁是室內運動場，另一邊是室內的美食廣場。今天的目的地就是樂園。門口上方看到了蔡瀾先生的提字的牌扁，同事此時又問，你不知道樂園嗎? 我真的不知道耶! 不要緊，現在就可以嚐到了!趕快的看一遍菜單，好普通...都是一般茶餐廳的食物。慢著，發現了紅豆奶茶，同事說是那裡有名的。各自點了一杯，紅豆冰已經少喝，竟然可以喝到紅豆奶茶，有夠特別的。我最怕就是吃煮得時間不夠的紅豆，一喝奶茶很順喉，茶味濃厚甘純，淡奶比例剛好，紅豆煮得軟硬適中，綿綿的質感和奶茶很配合。點菜的任務就交給同事。點來了一客煎豬扒蛋飯，店員還問我們要太陽蛋或是熟蛋，我們選了太陽蛋，半熟的蛋汁可以伴飯啊~端上來已

樂園，這個地方，西打上一次造訪應該是四五年前了。那次是第一次，幾年間，西打偶爾也會在腦海中浮現出樂園幾款美食的印像。可惜，樂園偶爾就會給某美食家看上，在電視或雜誌大肆介紹。西打最怕就是跟人家擠.....每次介紹完，又有幾個月不能去。就這樣斷斷續續的，四年都沒有再去吃。加上西打個人很不愛菜市場那種濕轆轆的感覺，要走過菜市場的一樓和二樓，才可到達樂園的三樓...也是西打久久沒有動身的因由。某天上班，那種癮突然浮了出來，便拉了同事去吃。想不到的是...名氣這麼大的樂園，同事竟然一點都不認識...就是這麼的一個小店，在九龍城市政大廈的三樓。那個「勝過鮑參肚翅」的扁額是蔡瀾敬贈店家的。聽說蔡瀾到了現在還是常常光顧這家小店。很像普通茶餐廳的菜單還沒出發，西打就想好了要吃甚麼。一來要重溫四年前的滋味，又要嚐一口幾年來的新菜餚。先來一杯紅豆奶茶。四年前西打來的時候，好像還沒有這種奶茶，是因為台式飲料襲港後研發出來，還是甚麼原因都好，現在去樂園人人都會必點這杯紅豆奶茶。拌勻後，好像跟普通奶茶沒兩樣。連忙喝一口，先嚐到港式奶茶的味道。樂園的奶茶一點都不差，茶味豐郁濃厚，搭上奶味，拼湊出一種屬於香港的味道，

一直都想試既一間茶檔! 但時間真係難就因為佢辦公時間係 : 星期一至五(0730-1700) / 星期六 (0730-1600) / 星期日及公眾假期(休息)咖啡紅豆冰 (紅豆夠淋, 但嫌佢紅豆太多蓋過咗咖啡味)沙嗲牛肉西多士 (呢個就係招牌菜! 西多入面包住牛肉, 而牛肉又唔係一般沙嗲牛肉咁多醬汁但又夠味(唔錯!), 仲要奇怪在加咗肉既西多士比平時無餡既無咁漏)

我是喜歡四圍去嚐不同的食肆，不過有些出色的餐廳，尤其是便宜的，偶爾都會想去重溫，就如九龍城街市的樂園。今次又要了豬扒麵，豬扒和公仔麵是分開上，不會使湯浸稔豬扒，影響口感。豬扒香脆，肉質鬆化，醃得好味道，還有不少蔥在裡頭，更為香口。公仔麵淥得爽口，不會求其未煮好就送上來，是不錯的，也很有中學時代的味道。奶茶紅豆冰，未飲過的可能是懷疑兩者是否夾得來，不過喝了以後，就會知是多好飲。奶茶香又滑，紅豆則粒粒飽滿又富豆香，甜度自然適中，結合起來的化學作用，真係唔講得笑。由於平日下午五時就收工(周六更加是四時)，星期日又唔開的。下次再來，可能又要等到我放大假的時候了。更多相片可見：http://fabricelau.blogspot.com/2010/05/blog-post_29.html

肩負重要任務要到龍城走一趟，就順便到市政大廈三樓遊了一圈。原來整個熟食中心光猛又企理，位與位之間不會太逼，連續幾間食店都各具特色，今次首先試樂園。　來樂園的目標相當明確，就是幾款特色食品，介紹如下：　　奶茶紅豆冰($16)-一進場就已留意到阿姐細心準備紅豆飲品，一大兜的紅豆飽滿有光澤，平均的分在吉杯中，未飲先感吸引。三分鐘時光，飲品上檯了，先吸一口凍奶茶，茶奶味相當平衡，醇厚滋味不錯；再筆起紅豆試味，甜味天然軟硬適中，而且最難得是與奶茶的微澀十分匹配，的確比淨甜的椰汁紅豆冰可飲度更高，很值得一試!　沙爹牛肉西多士($19)-比起奶茶紅豆冰，更令人疑惑「會否完全唔夾??」的一味，但既來之，總得一試才心息，所以也要了一份，又在煉奶、糖漿及朱古力醬中，要了阿姐推介的煉奶。西多上場，切開試味：原來牛肉沙爹味極輕微，配上帶淡淡煉奶甜、蛋味較重的厚身炸多士，味道配合並無味道；不過牛肉較嚡的口感，的確與軟滑的多士不是良伴。無論如何，真的欣賞口感軟滑不油、充滿蛋漿蛋香的炸多士。很有理由相信樂園的特厚西多/紅豆西多士，會有不錯水準，改天也要試試!　叉燒雙蛋飯($26)-試完特色食品，老公又要了碟正經米飯

行完SOGO, 個friend 提議去九龍城街市搵食。去到好多人, 好彩唔駛等好耐, 叫咗奶茶紅豆冰, 炸豬扒旦飯。奶茶紅豆冰--- 超好味, 好有驚喜, 好有茶味, 紅豆好淋, 好好味!! 正正正!! 炸豬扒旦飯--- 豬扒鬆化, 好夠味道!! 正!!唔怪得咁多人黎食野啦!! 一定再黎!!

阿蘇激讚過奶茶紅豆冰。睇餐牌,咖啡紅豆冰有兩粒星,奶茶才得一粒ju wor....!沒細想過,一叫就叫左奶茶,少甜。可能係「少甜」,令到無左白色奶層既.....?唔係原汁原味,沒有驚喜,紅豆亦match唔到奶茶,反而淨講奶茶,又幾好味噃!茶味有齒甲留香的茶味,又不會太奶,啱啱好!我諗熱奶茶一樣好飲。馬來西亞咖哋多士,脆口,咖哋似泰國綠色椰子糖味。如果個底查朕牛油,無咁dry。收銀員很有禮貌,雙手接單,雙手找錢。有「感謝光臨」的感覺,就算食物較普通,也給人留下好印象。