樂園

營業中

休息中

到九龍城食早餐，有邊度好過樂園，叫碗雪菜肉絲米加檸水，另外再要番茄炒蛋麵加茶走。姐姐還細心的問要加沙爹牛肉湯底嗎？服務真體貼呢！雪菜肉絲係樂園自家製的，雪菜經處理後有鮮味無鹹味，加適量肉絲，實在坊間難尋。本來平平無奇的番茄炒蛋麵，加了自家製沙爹牛湯底立刻生色不少。雖然茶膽普普通通，或者可以選擇紅豆奶茶，大大粒紅豆會帶來驚喜。食物質素的確是高一籌，值得讚的係坊間少見肯即煮的鹹麥皮呢度都有提供，鄰檯的豬扒亦炸得香噴噴的，還有沙爹牛肉西多，選擇真不少呢。

很少黎九龍城,,因為地方唔就腳交通唔方便。樂園位處九龍城街市熟食中心頂層,,毗鄰圖書館體育館,,打完波睇完書都可以食番碗麵。周末早上十一零,,店舖已坐滿人,,自助形式搵位,,慶幸剛剛有人食完離開,,與家人不用輪候太耐就有位坐。😌😌😌雪菜肉絲米粉 - 雪菜不是用罐頭貨,,而是店舖自家製作所以好香好入味。肉絲唔會過韌過鞋,,米粉就一般般冇乜特別。沙嗲牛肉雪菜肉絲米粉 - 與雪菜肉絲米粉沒有分別只是多了沙嗲牛肉,,幾稔幾入味,,配埋雪菜肉絲一起食都幾搭。😊奶醬多 - 煉奶 + 花生醬,,搽得好均勻唔會太甜,,脆脆地幾好味。蕃茄雞蛋三文治 - 蛋味唔夠好淡,,蕃茄就幾新鮮幾清甜,,烘就底就脆啲有口感啲。紅豆冰奶茶 - 另類的配搭,好吸引我想試。奶茶味夠滑味又濃,,最緊要夠凍。👍 紅豆好大粒,,唔易稔好實心口感煙韌。熱檸檬茶 - 酸酸味味,,食完野有助消化去油膩感。家人大愛。😍

已多次光顧此店但從未寫過食評，今次食完後覺得近期飲品質素確實下降了。以前會為了一杯奶茶紅豆冰遠赴而來，杯的三分一是大大粒紅豆，煲得綿綿的，混上奶茶後不會太甜，非常好味。但近期覺得其奶茶越來越沒有茶味，只嘗到甜的紅豆及甜水，更完全不值$20！雪菜肉絲通粉：雪菜是自家切及調味，肉絲不肥，雪菜分量多亦好味！惜湯底是超級家庭式味精湯底，很像即食麵的味精湯包！勝在可選擇地加上不同配料包括菜心及椰菜，難得出外用膳有菜吃。粟米肉粒飯：夠多醬汁，粟米夠多，大大粒很飽滿，有點像從新鮮粟米刨出來。簡單得來做得出色，好味！雪菜肉絲炒米：經典之作，以前是逢星期二、四限定，現在每天供應，售完即止。材料多，米粉幼細炒得乾身，不太油，惜太重味精。

好少去九龍城食野或者做野，今日朋友就話依到有D特色小吃, 佢知道有間好地道而出名既小食, 話要同我去試下,咁當然唔能夠拒絕喇,原來依間小食係九龍城街市頂樓既,位置都幾特別。就係圖書館則邊,夠哂方便,睇完書做完野就黎食野,雖然位唔多, 但人就幾多, 又圖書館及室內運動埸側,所以都多人，好熱鬧，不過冷氣同環境當然唔算太好,不過無所謂,叫左一個沙嗲牛肉西多士, 同雪菜肉絲炒米,另外朋友就叫左五香肉丁公仔面同咖啡紅豆冰沙嗲牛西多都好特別，之前都無咩點食過咸既西多士,不過依到都令到我鍾意食,牛肉都算多,幾林,口感都唔差,反而個炒米我好鍾意,用左好多料去炒,就係鍾意佢有好多菜, 味道唔會太咸, 炒得D粉好爽口, 最緊要就係佢唔油膩; 

位於九龍城市政大廈, 街市熟食中心的『樂園』, 因為有蔡瀾先生提字和食評推介, 名氣實在有一點。幾年前曾到訪過一次, 印象不是很深, 未有特別大驚喜, 記得當時因為食客太多, 要我們自己下單, 等了半小時發覺我們忘了寫上吃哪種粉麵, 阿姐才走過來問, 結果又再等候。加上座位又擠迫, 所以一直沒有再到訪。 忽爾想起這裡的奶茶紅荳冰, 剛好今個星期六放假, 平常沒有機會到訪 (因為這裡星期日休息),於是我們就動身來了。到達時11點多, 感覺比上一次到訪好多了, 食客沒有太多, 很容易找到位子坐下了。點了幾款招牌食物, 奶茶紅豆冰$20﹑咖啡紅荳冰$20, 在幾年前這個飲品的確創新, 雖然現在有此飲品也不止它一家, 但是仍覺得這裡的水準不錯。茶味夠濃, 沒有茶澀味, 紅荳軟綿也有點起沙, 不太甜, 茶味中隱約有點紅荳味, 誰也沒搶去誰風頭, 味道很配合。至於咖啡紅荳冰, 咖啡味亦很濃, 美味!另一款名物「沙嗲牛肉西多士」$26, 中間內餡是沙嗲牛肉的西多士, 在其他餐廳的確未見過如此組合,又甜又鹹, 相當有特色。端來, 賣相不錯, 金黃的顏色討人喜歡, 而且顏色很均勻。伴有牛油﹑鍊奶的西多士

一段時間沒去過九龍城街市內頂樓熟食市場內的樂園，這日一於去食個lunch。原來這裡下星期就過年收爐，好在沒有延遲行動呢。 除了多士，三文治和粉麵等外，這裡平日午市另外有供應2款飯，分別是鹹魚雞粒炒飯和蝦仁蛋飯，而逢星期二和四就更有炒米粉。不過我這日還是想吃吃沙爹牛肉通粉($22)，再配杯少甜凍鴛鴦($14)。記得早前看過新聞報導樂園的茶、啡是茶檔中咖啡因較高的一間，這凍鴛鴦飲落真是夠香濃。幸好咖啡因一向甚少可影響我的睡眠，飲完後當晚依舊睡的好甜。 沙爹牛肉通粉，通粉不會煮得過淋，撈著惹味沙爹醬好吃。可惜這日的沙爹牛肉做得過乾、過老，讓人食得好失望，希望只是一時失手吧。

九龍城市政大廈 3樓人氣大牌檔「樂園」的港式 fusion食品和飲品，好像「沙嗲牛肉西多士」、「奶茶紅豆冰」、「咖啡紅豆冰」等，自己一向都有興趣試試，但始終因為種種原因，不是正好碰著星期日它沒有開業做生意，就是來得太晚它已經快要收舖，一直未能吃到。不過到了上星期，終於都能一試。坦白講，「沙嗲牛肉西多士」又鹹又甜的滋味無疑是特別的，但好吃與否則見仁見智。吃過之後，我絕不會覺得它難吃，但說它很好吃嗎？我又未至於覺得它是，總而言之，就是複雜的感覺吧！但可以一次過吃到鹹鹹的沙嗲牛肉和甜甜的西多士，而且可以在切開西多士後見到裡面充滿沙嗲醬汁的牛肉餡，那感覺可還是有夠特別的。相比起「沙嗲牛肉西多士」，「奶茶紅豆冰」我是較為喜歡的，味道不會太甜，紅豆也多，雖然奶味還可再加強些，紅豆也可以再腍些，仍是一杯挺好喝的特飲。其實這次幫襯，還吃了「沙嗲牛肉公仔麵」和「豬扒米粉」，兩者的水準都及格，但不太特別，就不詳述了。吃過「沙嗲牛肉西多士」，喝過「奶茶紅豆冰」，這次尋樂園之旅宣告結束。下次再訪這「樂園」，就不知是何時了。

早上要去九龍城看牙醫。突然想起有一間好味的街市茶餐廳，所以早一個小時到達九龍城。嘩！嘩！估不都一早已經全滿座，太誇張。幸虧，大家也很合作吃完離坐，很快找到位子。這裡沒有什麼早晨套餐，只有散叫。粉麵的餸很單一，意思是沒有餐蛋，但有午餐肉或蕃茄炒蛋。唯有我那麼愛吃肉的放棄了午餐肉投懷比較健康的食物-蕃茄炒蛋出前一丁及熱奶茶。熱奶茶味道中規中矩。凍的紅豆奶茶好飲些。但早上太冷了不成！出前一頂的蕃茄是甜及清爽😊蛋炒得香。比我想像中好，當初我會覺得碗麵很「齋」但它們配合起來味道很好。麵硬度剛好。湯是出前一丁麻油味的湯粉。早上吃個清爽早餐蠻䁔胃。噢！記得六曰因人手不太多的問題，食物要等半小時，她們也有張貼提醒！小小提示：這店一月二十五日開始有新春小休，不記得何時開好像二月七曰。這段時間，打個電話才去比較好。

一早（也不是一早，11 點了）來到九龍城，還未正式吃過早餐。之前那晚已經想好了有幾個地方可以去吃，然而九龍城街市就在眼前，就上去樂園吃啦。（雖然不久之後還要吃午飯的說...）週末的樂園格外多人，檔口四周已有告示寫着，週末繁忙時間,食物的時間可能超過30分鐘；不過我看全場還未滿座 ，應該沒有那麼嚴重吧。我知樂園最出名的東西是沙嗲牛肉西多士，還有豬扒通粉和咖啡紅豆冰，但這幾樣東西我統統吃不得，所以最後還是點了一個蕃茄炒蛋多士，加杯熱檸茶。過了約 5 分鐘茄蛋多來了，分量不是很大，烘底也相對地輕手。煎蛋皮不是太油膩，但蕃茄的味道不濃。後來看到鄰座的食客在開懷大嚼他們的豬扒蕃茄湯通粉，恨得我牙癢癢，於是叫來阿姐點了碗通粉。淨通粉的話是$10，如果轉蕃茄湯底的話要加 $8。然而加這 $8 吃蕃茄湯通粉絕對是值得的。因為蕃茄粒是用洋蔥和蒜蓉炒過的，令湯底份外濃香，突顯蕃茄那份甜美（我想茄膏該也有幫上一點忙吧）。不要小看那杯熱檸茶，真的好啃的。埋單 $43，這樣豪的早餐夠霸氣吧？（在樓下街市出血還多呢...）

朋友話未去過九龍城，想找特色小吃, 知道有間地道出名的排檔小吃, 要試下, 原來是那間位於九龍城街市頂樓的樂園。位置就在圖書館旁, 地點有利, 坐位不多, 座椅一般舒適，但人頗多, 因有圖書館旁及室內運動埸側, 特別熱鬧，冷氣及灯光不講究，但算ok!叫了那沙嗲牛肉西多士, 楽園雪菜肉絲炒米，五香肉丁煎蛋公仔面同咖啡紅豆冰, 沙嗲牛西多好特別，從未吃過這些咸西多士,  內裹牛肉都算多, 亦幾淋, 口感ok 樂園炒米几多材料炒, 喜歡放很多菜, 味道適中, 炒得D粉幾脆, 又不油膩;  五香肉丁公仔面, 好耐沒吃 五香肉丁份量頗多,D面干身, 唔會成口油 老板及一家人做的生意, 服務認真，落力, 怪不知得可留住班街坊同學生。

文叔您好 :自從多年前某一日得悉你已從前綫退下來享清福之後，心裡便不禁感到極矛盾 ---- 高興的是你終於可以休息一下，過一個安樂閒適的退休生活；但對於我這等饞嘴之人來講，沒有你在店內監場的時候，老實說無論是服務以至食物的水平，對我這老食客來說，確實是倒退了不少....之前碰過了一兩次釘後，由於對店子失去了信心，所以數數手指頭一算，亦已有差不多一年沒來了....今日忽然心血來潮，想去探望這一位老朋友，就拖着小兒來光顧....在你不坐鎮店內之時，新一代的接班人確是在餐牌上動過吓一些心思 ---- 甚麼奶茶紅荳冰、沙嗲牛肉西多士等等。自己也曾體驗過，味道確是有點新意也不太難食。但對於我這一類老頑固而言，我們在這裡的舊有好回憶，還是停留在阿叔豬扒、雪菜米以及沙嗲牛通等傳統茶記出品....奶茶紅荳冰試過一次後已足夠，還是喝回傳統的紅荳冰較好。紅荳大部份已煲溶，不過冰稍下得太多因而弄得奶及甜味是淡出個鳥來。喝了兩口已不禁皺了眉頭....以文叔你老人家命名的豬扒更是越做越差 ---- 入口又乾又嚡又硬全欠肉汁，肉的入味程度和以前比較就更是差天共地；通粉的咬口亦沒有從前的好，湯底則是一大勺的味精水.

呢間街市大排擋系九龍城街市3樓叫(樂園)的,今天第一次系開飯網睇到呢間茶餐大排擋,當時下午1:30左右去到睇到十分多人,以為都唔會系好差既食店,就在等位大既10分鐘左右搵到位坐底左,第一件事系投訴:沒有伙計會理會你搵位的..由你自己on居居企系度等台.都算啦知道好食既地方都會有這種情況的...第二件投訴的是叫左4..5次搵人寫單都沒人理你.唔知佢地系咪生意唔憂做!  多得班食客同佢地吹到天花籠鳳!  第三投訴系最重要既(食物)我們2個人叫左 栗米+朱扒飯..沙嗲牛肉飯+一杯凍檸茶, 等左大約5分鐘凍檸茶到,杯凍檸茶又混濁又小雪又唔凍?我在家沖好飲過佢..簡單形容不知所謂, ,栗米朱扒飯來啦,朱扒細件碟飯都叫可以食得落啦!沙嗲牛飯跟住來,牛肉飯上幾條椰菜,牛肉干蒸蒸普通過普通, 永遠不會再去的咁既食店食...埋單83元! 在此希望各方食客唔好幫佢再吹啦..本來我食完唔再去就算數,也第一次寫食評出黎,,但也不想更多人上左去做水魚吃埋呢的食物!

去到樂園，就是要試大牌檔風味，先來一杯熱奶茶走糖，色水潤滑，喝起來滿有茶香，加入錬奶令到奶味更加突出，柔滑如絲，有水準。再來，當然是餐蛋麵這種地道的食物，麵身淥得剛剛好，最怕半死不活的口感，有時候見到整個麵餅形狀的，真是會打回去再淥過，餐肉煎得微焦，跟雞蛋是絕配，吃得開心，有機會還是會再來。

自己一個去食就唔使點等位啦~搭個枱就搞掂~食物真係好食既!佢個通粉都彈牙 , 沙嗲汁夠濃!只係比食物分我會比笑,不過加埋服務我就比 OK 啦~

我大食庶民今次率領眾姊妹到樂園歎個早餐。小弟要左雪菜肉絲+鲜牛肉上海湯麵,湯底畧鹹,因為雪菜本身有味,再加上牛肉汁,搞到湯底偏鹹,但上海麵吸收湯汁口感又唔錯喎;值得一提鮮牛肉唔算林,即係冇加鬆肉粉,入口有咀嚼有咬口,好過林到會融。再加個凍檸賓,滿足哂! 但係分開計$, 所以唔平。 再加個凍檸賓,正晒,絕對滿足。價錢係分開計所以唔平。