樂園

食完粥，就慢慢行到嚟第二站九龍城街市熟食市場，上到嚟既樂園咖啡。早餐時段到店，坐滿一半街坊食客，我就揾張空枱坐低睇下個餐牌，好快店員就送上二維碼，我就掃碼點餐，點咗呢個沙嗲牛肉麵加红腸同埋凍咖啡。等咗一陣就有得食，碗麵比較細碗，牛肉份量適中，但煮得熟得濟有點柴口，麵煮得比較生，沙嗲汁反而做得唔錯，幾啱口味，紅腸煎過，慣常地好食，凍咖啡普通，味道唔太濃郁。[米饭]口味：🥚🥚🥚[薄荷]环境：🥚🥚🥚[服务铃]服务：🥚🥚🥚[糖果]性价比：🥚🥚🥚…查看更多

明明門口嘅單槍寫明只要有有效學生證就可以但係入到去佢話有效學生證一定要有相但係我小朋友讀法個國際學校若學生正常面冇相佢就唔肯畀我小朋友有小朋友有免費動飲優惠。我非常憤怒。最後被迫要畀四蚊…查看更多

今日我哋7個人因工作原因初次嚟呢度食午餐！感覺好差！1、好似焗住要用手機落單？（見到坐喺隔離枱個老先生問侍應姐姐可唔可以幫手落單，個侍應姐姐態度唔太好地回應，你要用手機掃二維碼），但我又見到桌面貼左告示：「落錯如需修改，就要收行政費5元！」（桌面貼左告示，後悔自己無拍照），所以我落單時都小心查清楚項目先傳送出去。2、餐牌項目選擇好少，仲要全部唔跟餐飲！餐飲一杯，熱飲21元起，凍飲23元起。叫咗個雪菜炒米（72元）再叫杯野飲（23元），總共95元，好貴呀！諗住應該會好食，點知係好難食！米粉多，料就好少囉！3、食完之後，打算離開時，見到隻曱甴🪳喺桌面上行！噢😓！環境惡劣！因我驚到即時走，忘記咗拍照😣。）4、埋單時，因為我哋幾個只係工作上暫時相識嘅伙伴，希望可以分開逐個比$，睇吓可唔可以通融一下，方便下我哋，但個收銀員一口🙅話唔得喎！5、付款方式，只收現金！冇電子支付！唔明白點解落單就用電子掃二維碼，但付款卻無電子付款？…查看更多

呢間食店雖然位於街市樓上嘅熟食中心，不過就非常出名，蔡瀾都推介過唔只一次。我食咗好多年，食物質素亦都一直維持高水準。沙嗲牛肉西多士未嚟過呢間餐廳嘅朋友，一見到呢款多士都有啲抗拒，因為佢哋想像唔到沙嗲牛肉配上西多士係乜嘢味道，而通常試完之後都覺得係好新鮮嘅味覺體驗。我就嚟親都會叫呢款多士，因為又鹹又甜但係味道又好夾，真係只係呢度先食到。奶油脆豬脆豬夠脆，奶油夠香，都唔錯。鮮奶紅豆冰平時其他餐廳叫嘅紅豆冰差唔多半杯都係冰，呢度抵飲好多，絕對真材實料。佢會俾半杯紅豆蓉同一支樽裝鮮奶等你自己溝。啲紅豆煮得好溶又唔會過甜，成杯都係精華，好抵飲。…查看更多

想同米奇老鼠食飯嘅朋友注意⚠️！唔使去迪士尼樂園啦，過嚟九龍城樂園一樣有米奇同你食飯唔只啊，仲有曱甴近距離接觸活動。大家有興趣歡迎嚟捧場。店員冇禮貌就預咗㗎啦，唔知上次乜事。最老嗰個簡直串到一個點，一朝早串串共，畢竟呢度名氣大多你一個唔多少你一個客冇所謂。收銀哥反而態度唔錯，其他人態度都還好。可能名氣太大啦，水準都大不如前。奶茶成大杯都係冰。個面淡茂茂，炸雞扒縮晒水，又乾又柴，以前唔係咁㗎！食咗咁多年，九龍城好食嘅唔係得你一間，平日過嚟都係為咗回憶吓，既然呢度唔歡迎嘅，算啦，以後唔會再幫襯…查看更多