極尚大瀛喜日本料理

營業中

休息中

位於觀塘亞太中心5樓的極尚大瀛喜日本料理。• 自選刺身拼盤，可見新鮮度極佳，新鮮度對刺身來說極為重要“• 這兩款壽司配搭很特別，一款是鵝肝帶子，一款是蝦膏甜蝦，鵝肝帶子入口即溶，唯蝦膏甜蝦的蝦膏則有點甘苦“• 蟹肉蟹籽沙律壽司“• 自助區沙律吧：前菜沙律任君選擇，開胃之選“• 燒元貝，兩面微燶很野味“• 燒牛舌，入口爽口“• 燒海蝦，不會燒得很乾，滴點檸檬汁更能題鮮“• 菠蘿酸酸甜甜，好滋味“• 燒羊架• 燒魚仔，細細條，一口一條，整條食都不覺腥“• 自助區的熟食，款式眾多，當中的泡菜，燒豬脾最正“• 辣汁煮蜆，辣的程度是超小辣“

食我最鍾意食嘅放題，不過今次我唔想淨係食刺身就食到飽，因為今次想食埋佢哋嘅熟食同埋特別嘅小食。我哋一坐低就已經點晒所有刺身，油甘魚同埋大蝦，油甘魚都十分之新鮮，唔單止色水十分之靚，個厚薄重啱啱好，而且每一塊都冇咁根。大大隻帝王蝦就好好肉，而且肉質晶瑩剔透，入口咬落去又彈牙又爽口，最後呢個大蝦encore左三次。壽司類，有日本連鎖店既質素，件件手工精細，而且比其他放題店細件，易入口又可以食多D其他嘢。之後小食叫咗燒菠蘿燒雞軟骨，呢兩款小食都係啱啱燒好就即刻上枱，而且菠蘿燒完之後都依然保持咁多汁，而雞軟骨就啱啱好燒走晒多餘嘅油脂，所以食落口中依然脆卜卜唔會太過油膩。另外再叫多咗一份蒜片牛柳粒，蒜片炸到脆口又香，而且牛柳粒唔會煮得過火，所以食落口唔會又有渣又有根。之後仲有食咗好多野，見到佢哋有自助沙律吧，為咗彌補番今日食咗咁多野嘅罪惡咁，梗係要自己去整返盤沙律，去清返腸胃去平衡返啦。最後加埋1杯乳酪軟雪糕，有好多配料揀。埋單連加一 220蚊一位，非常超值。

放題係香港開到成行成市，今晚同朋友去左觀塘呢間極尚大瀛喜醫肚。我地一坐底就睇menu紙，選擇好多，咁當然一嚟就嗌刺身先啦，點了很多，冇漏單，當中三文魚，帶子，甜蝦都好好食，三文魚單睇光澤都睇得出好新鮮，油脂分佈岩岩好，厚度偏厚，食落好滿足，帶子算大隻，而且都好新鮮，食落冇雪味，甜蝦都好正，所以嗌左好多，肉質鮮嫩，味道鮮甜，吾錯吾錯。另外都點了不了壽司，可能有人會覺得食放題食壽司好易飽吾著數，不過如果我自己覺得食咁多刺身又會太膩，而且壽司款式都好多，質素都好好，鵝肝帶子壽司，同花之戀都好好食，另有其他款式例如芝士鰻魚玉子燒，蒜香牛肉火灸壽司，椒鹽左口群邊火灸壽司等等。炸物方面，一口芝士，吉列蠔當然必嗌嘅，而且仲有炸原條海苔多春魚，炸得好香好脆，仲有榴槤炸彈同芝麻雞翼，熱辣辣上碟，即嗌即炸，好味道。食到飽，食埋雪糕，雪糕都有三隻味道，仲有大腳板雪條同mega朱古力脆脆雪條，好正丫，食到個個抱住個肚走，哈哈哈！

朋友帶叔黎呢間放題試試，話質素唔錯，見到第一盤刺身上枱，看到朋友們眼裡發光，叔都急不及待要嘗嘗鮮，油甘魚味道真不錯，北寄貝同特大牡丹蝦亦相當鮮甜，魚塊厚度大小剛剛好，看到店家不會吝嗇，不會將魚塊切得又細又薄，比夠件數就算。花之戀上面有沙津醬同大大粒魚子，一淡放入口先嘗到三文魚幼滑肉質，再嘗三文魚子在口裡散發魚油嘅香味，最後沙津醬同壽司飯混合嘅咬勁，相當有層次嘅滋味。火灸左口魚邊壽司的入口即溶，充滿魚油香味，不錯。很容易被人錯過嘅京燒比目魚，用甜醬油一齊燒，比目魚嘅香味好出，肉質嫩滑，層次分明。燒鰻魚水準非常高，夠厚肉嫩滑，一食就停不下來。烤牛舌，牛脂香味四溢，有海鹽同胡椒樸素嘅調味就足以帶出食材真味。蒜片牛柳粒，有叔最愛的炸蒜片，牛柳粒亦非常香口，但對叔而言，蒜片才是真正的主角。烤羊架，足以見到師傅烤功，烤到外皮金黃，內裡呈粉紅剛熟，而且juicy，肉質嫩滑。炸物推介榴槤炸彈，榴槤味道香濃，有衝擊性刺激，小心流彈誤傷異族。燒菠蘿是叔另一心頭好，甜甜酸酸的菠蘿汁可以刺激起另一波食慾。2百幾蚊可以同朋友開懷暢敘，食物質素亦相當滿意，絕對可以再次幫襯。

一大班朋友最適合就係食放題，可以一邊食一邊慢慢傾，仲可以一齊share嘢食添！呢度環境寬敞，座位亦十分舒適！呢度嘅選擇亦十分齊全，亦冇漏單情況。服務員態度亦十分好呢度嘅Wasabi係獨立包裝十分衛生先講刺身十分新鮮，牡丹蝦超級大隻。值得推介！壽司握得好，沒有散，分量剛剛好，一口吃完。燒物亦十分出色，特別係個芝麻雞翼，十分香脆！汁燒鰻魚，亦都十分鮮味，一叫再叫！燒菠蘿都十分香甜我哋都差唔多叫左2、30舊。另外值得一讚係有三個大的飲料櫃，入面有好多好特別的飲料，例如椰子水，milky soda...mango drink....諗得出都有。雖然無名牌雪糕，但有個自助yogurt機～好玩又好食👏🏻👏🏻👏🏻

話說尋日係一年一度既同學會聚餐，緊係揀間任食既俾班化骨龍拆餐飽架啦！男仔食得少又話唔飽女仔叫得多又話食唔哂，最後都係俾咁多！所以揀左間任食唔嬲既極尚大瀛喜！上openrice睇佢地放大又多野食，估唔到個地方大到咁！直頭成個foodcourt咁大！一入到去就見到個好乾淨既門面同埋整齊的地方！對放有少少潔癖的我都即刻放心哂！因為其他多人流既放題大部份比較"清潔"！入到去飲即刻見到個飲品部，多野揀到唔識揀！不過作為半熟男既我地都係飲熱茶！呢度有自助既雪糕機！幾好玩架！隔離仲有個自動配料吧，er。。sorry係你自動去配料既吧！作為一個有質素，留意返我係香港人，講既係質素，食既都有質素既！甜品櫃係度你自己揀啦！啲nestles乳略又真係無得頂既！仲有我最鍾意既荳腐花！主角梗係剌生ssss啦！好新鮮好新鮮！認真我地玩左2個round!!見到咁似築地定壽司大既長鰻魚壽司都知無欺塲啦！你估下呢啲咩黎？牛肉有aftertaste，左口魚有油香！炸物好香！燒菠蘿係隔離個同學既最愛。。好地地一個人call左兩round..

同同事們一齊食放題，之前已經食過同一棟大廈嘅御前同大滿喜，今次挑戰埋聲稱極尚級數嘅大瀛喜，8人大枱，樓底夠高，環境闊落，有自助區，擺放飲品，沙津水果，甜品，湯，小食，仲有軟雪糕機。5點半到7點半，每位190，價錢好吸引吧～飲品區有海量飲品，以為自己去左便利店，唔怕你飲唔落，就怕你有選擇困難症刺身質素相當高，最正係牡丹蝦，劍魚腩同油甘魚，牡丹蝦好大隻，足足有手掌位咁長，蝦身粗過手指公~! 劍魚腩同油甘魚充滿魚脂香，非常滿足，第二輪時亦安哥了不少。左口魚邊壽司同和牛壽司推介!! 池魚壽司亦相當不錯，其他地方比較少有。松葉蟹松露軍艦，呢個非常好食，有敏感嘅朋友親身示範，原來係有真蟹肉! 燒鰻魚又係非常正! 平時賣得好貴嘅鰻魚，可以任叫! 而且夠厚肉，醬汁惹味，肉質新鮮爽嫩，朋友們食過都bling bling 眼炸羊架有香草醃得好入味，肉質夠嫩，燒得香脆，熟得剛剛好7成，欣賞!炸物代表芝麻雞翼同吉列蠔，炸得好香脆又juicy，榴槤炸彈好香濃既味道，嚇怕了對座嘅朋友燒牛舌肉質爽嫩，燒得剛剛好，又係安哥嘅目標。燒菠蘿係放題必需品，juicy，香甜，暖笠笠，可以消減油膩感。食埋雪糕已經飽到反艇，感

• 刺身新鮮度有目共睹，新鮮對刺身來說極為重要！• 三文魚厚切肥美，甜蝦鮮甜無比，吸吮蝦頭的膏，甘甘甜甜，讓人停不了口！• 自助吧有雪糕機有得玩又有得食！• 雪糕配料任意配搭，小朋友跟大人都能樂在其中！• 林林總總的甜品，真的十分吸引，特別推介奶凍與七彩繽紛的馬卡龍！• 心太軟，一切開濃濃的朱古力爆流而出！• 這是自助冷盤的蝦與青口，青口鮮甜，蝦肉結實爽口，沾上檸檬汁伴食更能提鮮！水冷麵胡麻冷稻庭• 水冷麵與胡麻冷稻庭烏冬同樣出色，水冷麵入口冰冰涼涼好過隱，濃淡度適中！胡麻冷稻庭烏冬，陣陣的麻醬香，未食嗅覺已先享受，稻庭烏冬獨有的彈牙感，確實與別不同，

今晚任食放題5:30至8:00，食物質素唔錯, 吃到7:15pm侍應生話要先埋單, last order是7:30pm, 㸃知仲有7分鐘有個侍應生走過來説差不多時間吓，未夠鐘喎， 然後最後1分鐘，兩個侍應生直情要趕人走

今次一早就約咗友人齊齊去食放題，而呢間極尚大瀛喜就真係第一次食，間嘢係另一個frd力推，見喺觀塘都近大家，就一於咁話啦。同埋因為嗰日都有嘢做，就book咗6點，食兩個鐘。初頭以為咁早會冷清啲，但佢又唔係喎，一早就已經full曬咁濟，所以大家去食記得提早book枱，廢事食檸檬啦！咁一入門就見到佢有個幾大嘅area係擺前菜同嘢飲，都花款多多，種類真係唔輸酒店buffet。飲品都分凍熱，夠曬細心啦！我地就拎咗蛋撻仔、八爪魚等等，有少少失望都最尾都無拎到牛奶布丁，希望下次會試到啦！我信呢間放題我會試第二次嘅！咁我地一開波就狂叫魚生啦，值得贊嘅係一啲都無漏單，夠新鮮同埋真係每一件都大大件。但係，佢伴碟嗰夠冰真係…一邊食一邊滴水…仲要係滴出嚟，都唔知笑定嬲好。值得一提係啲蝦！大大只，又爽口，必點！之後就到炸物，啲炸物我就略嫌多粉咗啲啲，但總體嚟講都唔錯。作為雞翼愛好者，我係幾鐘意佢嘅雞翼嘅。咁小食部分，友人就大贊佢個番薯仔，細細粒又幾甜。嘢食仲有好多花款，我地就無全部試曬，但就覺得大部分都幾正！就算係下次都可以encore.其實間餐廳真係幾好，環境舒服，服務又好(啲侍應見你骨碟一滿即出現，夠快)，

近排考完試，就想同同學一齊食噃餐好嘅，好好獎勵吓自己haha 咁第一就緊係諗到食放題啦！openrice完就見到呢間評價好唔錯，就決定book呢間食啦我地book咗星期六嘅下晝五點半，嘩，個埸爆哂！所以大家有心去食就一定要book位啦！因為好肚餓，一坐低就梗係叫咗個刺身先啦三個人叫咗好多嘢，同埋真係寫幾多俾幾多，唔會求求其其咁亂咁俾全部刺身都好新鮮，特別推介珍寶蝦，超級大隻，好鮮甜！三文魚係厚切，好大方 熱食方面都叫咗唔少嘢，最推介嘅係饅魚，好夠味，肉質好食，同喺日本食嘅有得揮！encore咗幾次燒菠蘿好甜好多汁、炸物夠熱夠脆、串燒都唔錯甜品方面，本身想試布甸㗎，要自己出去拎，但係行咗去兩次都冇哂未refill就冇緣試了不過，其他甜品都好正，有港女最愛嘅馬卡龍唔太甜好脆好好食呀！

同兄弟每月飯聚，今次黎到觀塘OPC 新開既極尚版大瀛喜。8:15pm 入座（有分時段收費）。地方超大，通道寬敞，更有自助小食，沙津bar. 飲品有果汁先生，棷清水，比起出面果d 放題要另收錢更吸引。刺身明顯比市區新鮮，可能去貨快，連星期一晚都滿座。炸物/燒物都熱辣辣上台，抵讚。海膽新鮮甜美，手卷仔細細粒唔會咁快整飽你。其他壽司都好精美最正就係燒鰻魚！熱辣辣，燒得好香。encore 左兩次！必食。最後賣單$248 + 10% 認真比出面(仲有樓上兩間）抵好多。

早幾日同朋友喺APM行街，原本諗住喺APM食，但搵極都搵唔到岩心水，即刻上openrice睇吓附近有咩餐廳，原來係APM隔離嘅亞太中心有一間日式放題，由於時間尚早，還有好多空位，於是乎就決定試吓座位好闊落之餘，走道空間亦都好廣，我哋坐低就嗱嗱聲嗌嘢食通常放題嘅壽司魚生都好細好求其，但我覺得呢度嘅質素好好，壽司做得好精緻，呢個芝士鰻魚卷物係必點牛肉好香好有牛味，黑松露醬大大團，羊架係我試過放題餐廳最好味嘅一間，絕對唔會係凍哂忍唔住再返食芝士鰻魚卷物，花之戀凡立貝壽司全部都係大大嚿，好滿足！最後當然要嗌埋炸物，雞翼好香脆好好味！相信下次一定會嚟過呢間放題不但價錢平過出邊食物質素亦都好過唔少其他日式放題

聽朋友講觀塘有間質素不錯的放題餐廳，原本仲諗緊quality會唔會冇尖沙咀嗰啲咁好，點知質素好之餘食物選擇嘅種類亦都多得好驚人。攞嘢飲嗰度直情好似係便利商店買嘢飲咁樣。雪糕yogurt 係自助式， 好甜好好味，除咗雪糕之外亦都有很多甜點的選擇。魚生壽司嘅質素亦都比得上出邊嘅貴價放題一樣好味，更加值得一提嘅係上菜嘅速度真的很快，記得內飾的話不要一次過點太多食物，因為一定會爆枱可惜觀塘離我有啲遠，如果下次經過一定會再試多次！

👍增設手機落單，感覺上漏單機會減少👍免費WiFi 上網服務👍款式比一般放題豐富，有分刺身、壽司、火灸壽司、手卷、炸物/天婦羅、串燒、燒物👍店舖設計上有好多卡位，地方闊落，樓底高，唔使咁嘈👍推介鰻魚炒飯，煎銀雪魚👍價錢方面都算抵食，星期六中午放題大概$220 人頭👍自助吧有冷盤飲品甜品👍星期六唔爆埸，等候食物快.😩之前試過平日中午walk in 冇位，所以如果大家有興趣試吓，就應該盡早訂枱。