影片
更多
2017-05-22
5931 瀏覽
食我最鍾意食嘅放題，不過今次我唔想淨係食刺身就食到飽，因為今次想食埋佢哋嘅熟食同埋特別嘅小食。我哋一坐低就已經點晒所有刺身，油甘魚同埋大蝦，油甘魚都十分之新鮮，唔單止色水十分之靚，個厚薄重啱啱好，而且每一塊都冇咁根。大大隻帝王蝦就好好肉，而且肉質晶瑩剔透，入口咬落去又彈牙又爽口，最後呢個大蝦encore左三次。壽司類，有日本連鎖店既質素，件件手工精細，而且比其他放題店細件，易入口又可以食多D其他嘢。之後小食叫咗燒菠蘿燒雞軟骨，呢兩款小食都係啱啱燒好就即刻上枱，而且菠蘿燒完之後都依然保持咁多汁，而雞軟骨就啱啱好燒走晒多餘嘅油脂，所以食落口中依然脆卜卜唔會太過油膩。另外再叫多咗一份蒜片牛柳粒，蒜片炸到脆口又香，而且牛柳粒唔會煮得過火，所以食落口唔會又有渣又有根。之後仲有食咗好多野，見到佢哋有自助沙律吧，為咗彌補番今日食咗咁多野嘅罪惡咁，梗係要自己去整返盤沙律，去清返腸胃去平衡返啦。最後加埋1杯乳酪軟雪糕，有好多配料揀。埋單連加一 220蚊一位，非常超值。
我哋一坐低就已經點晒所有刺身，油甘魚同埋大蝦，油甘魚都十分之新鮮，唔單止色水十分之靚，個厚薄重啱啱好，而且每一塊都冇咁根。
大大隻帝王蝦就好好肉，而且肉質晶瑩剔透，入口咬落去又彈牙又爽口，最後呢個大蝦encore左三次。
壽司類，有日本連鎖店既質素，件件手工精細，而且比其他放題店細件，易入口又可以食多D其他嘢。
之後小食叫咗燒菠蘿燒雞軟骨，呢兩款小食都係啱啱燒好就即刻上枱，而且菠蘿燒完之後都依然保持咁多汁，而雞軟骨就啱啱好燒走晒多餘嘅油脂，所以食落口中依然脆卜卜
唔會太過油膩。
另外再叫多咗一份蒜片牛柳粒，蒜片炸到脆口又香，而且牛柳粒唔會煮得過火，所以食落口唔會又有渣又有根。
之後仲有食咗好多野，見到佢哋有自助沙律吧，為咗彌補番今日食咗咁多野嘅罪惡咁，梗係要自己去整返盤沙律，去清返腸胃去平衡返啦。
最後加埋1杯乳酪軟雪糕，有好多配料揀。埋單連加一 220蚊一位，非常超值。
張貼
