極尚大瀛喜日本料理

營業中

休息中

今晚深宵時段夜晚九點鐘先同阿妹黎拍拖食放題！多謝亞妹last minute都陪我出嚟傾吓計，咁夜先食放題感覺真係好年輕😂有妹的姊姊像個寶！估唔到九點幾個場都基本上都坐滿晒人！一嚟到，店員就話因為想環保啲同埋落單快啲效率高啲唔會漏單，所以而家係裝app係電話落電子單。我身為環保L ，當然絕對支持！好彩啱啱換咗iPhone 7 Plus，唔係用部廢機唔夠位裝唔到個app就...🤦🏻‍♀️即刻睇吓有咩食先！之前去過同集團嘅其他放題餐廳，感覺上食物種類差唔多。基本上刺身壽司熟食燒烤種類都有幾多選擇，呢間特別好嘅係飲品湯雪糕甜品同埋有啲熟食同冷盤都放晒喺出面自助任拎。首先當然來一盤魚生先啦：）呢度啲魚生好新鮮同埋好厚切，每一件基本上差唔多有一cm厚。有特別多款虾刺身選擇，我係日本成日食既特大赤虾新鮮到連蝦膏我都覺得幾鮮甜放心食。壽司：選擇都幾多，個人就特別鍾意食帶子壽司同花之戀。熟食：我同阿妹最鍾意食都係個燒菠蘿；鰻魚超級超級好食，必叫！係厚身蒲燒鰻魚，有魚油香味亦都烤得剛剛好。另外烤羊架同牛仔骨嘅質素都幾高。炸榴連球同炸芝士都好正！！最欣賞嘅係佢所有食物都係一啖嘅size，鍾意食就叫多幾件，唔鍾

自選時段嘅好食放題@觀塘期待咗好耐嚟食極尚大瀛喜呢度可以自選放題時段嚟食，方便好多唔駛一係食好早，一係就食得好晏 👍🏻為勁食放題做足準備 💪🏻先食啲前菜打下底，有青口有蝦等等嘅海鮮冷盤左上嘅葡撻都好食，係罕見啲嘅 item 喎～依個黑松露蟹肉軍艦好鮮香蟹肉好多好多！創意壽司就每樣點咗啲試下，全部都幾得意推薦香蔥鵝肝帶子，嚿帶子好大粒啖啖肉欣賞呢度落柯打同上菜都超級快速有效率為免食唔晒，每次都係點咗少少刺身食住先等唔夠先再加 😎連象拔蚌都有，問你服未？😂象拔蚌又鮮味又彈牙👍🏼天婦羅嘅炸漿好薄，南瓜同番薯都超級清甜熱食都好多選擇，點了個烤羊架好香～鰻魚質素好好，烤得幾好！呢碟蒜香炒牛柳粒好惹味食到飽飽就食甜品啦岀面雪條櫃有好多款式，見到韓國好出名嘅雪條就試下！係士多啤梨奶嘅味道，好正 🍓

昨天跟另外二位同事過黎食lunch, 三位叫set lunch, 都係鍋物，我們沒叫魚生食物，講真食物味道麻麻，埋單後未到樓下已經開始肚痛，另一位女同事一樣，回到公司已經唔得啦，二位跑了去廁所清腸胃，來回玩左一個半小時。最後位同事下午沒什麼事，當天的半夜亦難逃清腸胃的劫數。真的一個好難忘的經驗，以後不會再來

觀塘真的到處都有好東西吃！是夜和朋友來亞太中心的''極尚大瀛喜日本料理''吃放題一岀升降機就看到餐廳極尚華麗的裝修，這裡可以坐得很寬敞舒適訂了位很快安排入座放下東西就先拿點飲品。岀面一整列櫃真的很壯觀呢，啤酒汽水果汁什麼款式都有，比較冷門的有椰青水、楊枝甘露和清熱酷。還有暖的飲料，真的很周到。先點一轉刺身，有十三款可以選，我們就點了一些試試，好吃的再加單encore。刺身很新鮮，而且件件都足料厚切壽司選擇也有很多，愛吃壽司的我也點了很多款式黑松露玻璃蝦，好大坨黑松露這兩款''黑松露蟹肉軍艦''和''香蔥拖羅蓉軍艦''熱情推薦，非常非常好吃。例牌點的各樣炸物，新鮮熱辣脆卜卜，紫芋丸煙韌香口第一次見放題有燉花膠吃，所以點一客試試非常足料呢，有很多冬菇花膠，朋友表示要食多兩件養顏甜點時間，很多雪條雪糕！我則鐘情於這個原味 frozen yogurt，味道和岀面的乳酪店沒有不同，質地很挺身 我們食早鳥5點30分的特價時段，才$190加一，真的是超值之選。

觀塘係美食天堂，今日放棄工廈搵食，轉移到放題。店裏面非常之滿人要等位，仲要係平日食，所以我哋喺度諗，應該幾OK嘅。裝修光鮮，另外望到飲品個櫃有好多款式，除左一般汽水外，仲有韓國飲品，出邊仲有自助雪糕佢任你調製，甜品都好多，除左雪糕之外，仲有好多日本甜品同乳酪，質素不俗。點左幾件卷物壽司，壽司件件都算精緻，山葵八爪魚漬軍艦嘅八爪魚彈牙！芥辣唔攻鼻！不過紫菜已經唔脆！我們想食牛油果軟殼蟹卷，都好大件的，卷上面有蟹籽，牛油果份量剛，軟殼蟹肉經高温炸後內裡的蟹肉仍鮮甜嫩滑，D飯仲有點綠色的，做得很好味，好脆好香口，一點也不油，幾好鹽燒芝士大蝦卷，怖滿香濃的芝士味，但感覺過於甜，小小卷的炸蝦幾香脆，蝦肉潔白爽口，惹味無窮鹽香牛油燒牛肉好嫩, 肉汁帶點鹽味，令肉味更濃香瑤柱鮮蟹肉粥好有米香，啲粥有啲似潮州粥，一粒粒咁樣，好香譏燒日本薯仔味道香甜軟糯，有入口即溶的感覺，最後識多個譏燒菠蘿貪佢夠酸夠多汁，正好中和所有嘅油膩感

又黎到觀塘食放題喇～首先不得不讚既係，環境好舒服，啲枱唔會好迫，張枱大過尖沙咀同旺角個啲放題店，而且梳化幾好坐先講下呢度既刺身同壽司先啦：）魚生好厚切新鮮度唔錯最推薦帶子，三文魚同油甘魚帶子鮮甜三文魚同油甘魚魚脂豐富又無乜筋象拔蚌一般唔食蝦既我就最愛三文魚腩推薦 鹽燒三文魚 同 鹽燒左口群邊極尚燒原條穴子一般般，呢個比較凍，味道亦較為遜色推薦 炙燒芝士大蝦卷 同 牛油果軟殼蟹卷但上枱個時已經唔夠暖，有點扣分呢創作壽司類不過不失味道ok但未留下深刻印象軍艦方面選擇唔算太多，只有四款我食左 蟹籽軍艦 同埋 山葵八爪魚漬軍艦，呢兩款都唔錯熱食方面，呢度既選擇都有好多，礙於相片數量有限，講下其中幾樣啦。一品料理：黃金咖喱炒蟹香甜咖哩汁，唔太辣不過食起黎有點麻煩呢～主食：川式辣味東風螺螺既size 偏細唔夠平時食開嗰啲咁有鑊氣天婦羅推薦虎蝦同蕃薯仔虎蝦蝦肉結實蕃薯仔香甜，口感軟糯燒紐西蘭香草羊鞍肉質唔錯，唔嚡keep到肉汁唔太膻整體來講，呢間放題嘅食物質素唔錯，環境同服務都幾好，加上我食五點半到七點半嘅時間，每位都只係198咋（未計加一）cp值十分高呢！！

最近真係食左好多放題，不過among咁多間食得最舒服都係極尚大瀛喜~ 唔鍾意食魚生既我今次都主力食熱食放題好小有既燒鰻魚，有魚油香，外層搽上鰻魚汁燒到微焦，但有小量骨咖哩炒蟹，炸到好脆幾乎可以食埋個殼，咖哩亦充滿椰香味，一d都唔辣燒牛舌，燒到岩岩好，一d都唔tough,有炭火香味仲有牛仔骨，味道亦唔錯，可以一戰~燒菠蘿，每次食放題必叫，當食左好多重口味野既時候食番啖酸甜既燒菠蘿就會即刻開胃番~特色壽司，尚算新鮮，而且食材combination亦令人食出驚喜~最後要讚下呢到既坐位好闊，食得好舒服~

到觀塘吃放題，即時想起極尚大瀛喜這間食店，平時晚上人流都不斷，就算是宵夜時間，也要等位。幸好我們有預先訂位，免了不少等位時間。食物方面，不論是刺身、壽司、熟食、甜品都有很多選擇，單是這點已較不少放題店好。而且食物很快送到我們面前，又沒有漏單情況，可以用盡兩小時的時間。刺身三文魚油脂適中，新鮮肥美。厚切油甘魚肉質嫩滑，口感很好。而劍魚腩未完全解凍，但味道不差。蝦的刺身也有三款之多，很滿足。最喜歡俄羅斯甜蝦，味道鮮甜美味。帶子刺身鮮甜爽口。極尚花之戀迷你版花之戀雖然細細粒，但味道很好。芝士鰻魚玉子燒這三款食物味道出奇配搭，值得一試。三文魚腩壽司、海膽醬黃金蝦壽司三文魚腩肥美，手握壽司口感很好，放題店都有咁好質素，很難得。黃金蝦爽口味道不錯，但海膽醬味道不太特出。牛舌串燒牛舌爽口，外面燒得香脆。吉列炸蠔賣相吸引，外層金黃色，香脆好味。和風汁炒一口牛放題主打刺身、壽司，所以我們對熟食期望不大，但意想不到這個一口牛很夠鑊氣，牛肉鬆軟，調味剛好。牛油栗米這裹的栗米特別好味，應該加入很多牛油和糖製作，啖啖都是香滑牛油味，好食。甜品甜品選擇有很多，雪糕、雪條都有很多不同牌子選擇，滿足不同食客需要。先整

今次吹水之友會議轉戰和風放題。住在觀塘的會員提議到他住所附近的大瀛喜，於是一班人浩浩蕩蕩的前去。我們吃放題通常先吃刺身壽司，開一開胃口。吃厭了三文魚及拖羅之類，就只叫了一盤甜蝦，新鮮非常，蝦夠爽凍，掀起了一個挺不錯的序幕。黑松露蝦壽司上的少少的黑松露著墨不多，勝在蝦的鮮美。蟹棒壽司絕對是可以略過，無蟹味只有沙律醬味；反而花之戀壽司的沙律醬卻嫌下得輕手。鵝肝帶子壽司是新嘗試，但未見驚喜。燒鰻魚太乾，不夠油潤香甜；燒牛舌亦然，有點難嚼。蟹棒天婦羅亦無甚蟹味，可能擱耐了，很油兼且腍了。期待下次吹水之會更見精彩。

觀塘區人口眾多，但日式放題店卻屈指可數。極上大瀛喜的開業簡直是觀塘友的一大喜訊。以後食生日飯便有多個好去處了！餐廳位於apm 隔鄰的亞太中心, 地理位置超方便，乘電梯上五樓，電梯門打開，便見到一道玻璃圍牆，分隔餐廳內外的範圍，餐廳內，皮製梳化，古典風裝潢，我究竟是不是進了賭場？刺身類三文魚橙白相間，顏色相當鮮艷，厚薄切得剛剛好，可以一口一片，口感很好，而且亦夠肥美。油甘魚比三文魚更多一份魚油香，口感柔軟。劍魚腩魚油更豐，吃罷滿口油香。惟未完全溶雪，咬至中央有點冰冰的。不是間間放題店都有帶子可供選擇的！中下價錢的極上大瀛喜竟有供應，令我喜出望外！將北海道帶子切成小粒，卻不影響口感，味道亦夠鮮甜。象拔蚌切成薄片，非常爽脆！蝦都有三款！簡直是愛蝦之人的喜訊！珍寶大赤蝦夠爽脆，但味道比較淡，如果可以提供泰式酸辣汁供客人伴吃，一定正死！俄羅斯甜蝦細細隻，但論甜美度，它是名列榜首呢！虎蝦雖然夠大隻，但鮮甜度稍為不足，不推。這裡的壽司標榜是傳統手握的，仔細品嚐，覺得壽司握得挺"紮實", 不會"餸還餸，飯還飯".極尚三文魚腩三文魚腩經過灸燒，魚油都燒了出來，味道更加香口。海膽醬黃金蝦不覺有海膽味，但蝦

環境幾好，刺身新鮮，食物款式多，甜品多選擇，乳酪蛋糕配料好多，最正係芒果爆珠，服務又好，價錢平民，一定要提前訂位，每次walk in都full，良心商家，會再次幫襯！

5點半開場 大概6點上到去幾怕會等好耐因爲無預訂 有6個人 好彩等左10分鐘左右就有位 一直想試呢間好耐整體黎講 任食真係5錯 選擇多 服務都非常好 又無走單 食肉獸必黎 上菜超快總結 下次再放題會試下其他店睇下個分別

今天地鐵大故障，幸好我提早出門。在地鐵走一分鐘停五分鐘的情況下，我唯有轉搭巴士才趕在十二點到達極尚大灜喜。我在香港吃過無數間的日式放題，但這是我第一次光顧極尚大灜喜。老實講，大多數的日式放題食物方面對我來說都大同小異。我也是看了其他食客對極尚大灜喜的好評才決定到此品嚐的。極尚大灜喜之所以可以在眾多日式放題中脫引而出，本人覺得可能是以下原因:1) 餐廳裝潢時尚，樓底幾高，不會令人有壓迫感。2) 餐廳採用手機 apps 點餐，捨棄傳統的紙張打勾，然後交給服務員的繁瑣程序。非常環保的做法。3) 因為服務員省去跟顧客拿落單衹，因此大大提高服務員的效率，不管是收盤還是上菜，速度都快得驚人。4) 食物選擇方面雖然同其他放題略有相同，但極尚大灜喜勝在飲料吧選擇豐富，例如:咖啡機、雪糕機、果汁、格式品牌的汽水幾乎應有盡有。各式小吃如，薯仔角、小丸子、沙律、海蜇、泰式鳳爪、八爪魚等等都是自助的。本人在此不會加插太多照片，因為其他 Open Rice的食客已經拍得很好了。有一樣食物我特別要推薦的是他們的比目魚。我在所有吃過的日式放題餐廳里從沒看過有此選擇，極尚大灜喜竟然有提供此佳餚，我一個人就吃了三片。如

kt亞太中心食放題好多選擇，同一棟入面有好幾間，而我就係鍾情呢間之前食過幾次，同事farewell廿幾人又嚟過，細班4,5個gathering又試過，今晚兩口子口痕又嚟咗呢度因為好肚餓嘅緣故，所以冇跟常規咁一開始就叫刺身，反而叫咗壽司同熟嘢先兩個人食得唔多嘢，所有嘢都適可而止咁嗌首先上嘅係汁燒雞翼，好香好惹味，醃得幾入味，面頭仲有少少芝麻，係個好好嘅appetizer然後就係啲反卷，差唔多炸蝦，軟殼蟹同三文魚係必叫嘅，一口一啖新鮮整，食落都仲係脆嘅之後有牛仔骨，烤蝦串同牛舌牛仔骨好juicy,蝦肉新鮮彈牙唔會梅，牛舌都滑嫩唔韌天婦羅叫咗蝦同南瓜，不過不失，蝦肉大隻，炸粉好脆仲叫咗炸海苔多春魚同吉列蠔，多春魚嘅炸粉沾咗好多紫菜碎，都係一個幾特別嘅配搭，食落好香炸蠔都好新鮮，如果有少少蛋黃醬一齊上會仲好饅魚我哋兩個都鍾意食，但係上碟發現一舊大一舊細，搞到有啲尷尬XD終於嚟到成餐飯嘅戲肉，呢度嘅自助吧真係冇得彈！係我食過嘅咁多間放題入面最大最齊全嘅嘢飲櫃勁大，好多選擇，多到你可以拎埋位自己溝沙律吧好多菜揀，又有好多日式小前菜e.g.螺肉，中華沙律個啲而我最鍾意就係自助雪糕機有幾隻雪糕味揀，我

今日放工要同朋友興生，所以就諗住去觀塘揀間放題黎食，點知亂揀都比我地入左間幾唔錯嘅放題🖒🖒食放題不嬲都係一坐低就揀刺身😌佢呢度刺身選擇都幾多🖒有成10幾種，三文魚呀油甘魚呀甜蝦呀好多都有，我地就咩都點啲。佢啲刺身都幾新鮮同大件，三文魚好肥美，大赤蝦好大隻。我特別鍾意佢嘅象拔螃同帶子刺身，呢兩樣都係要無限encore 嘅😍佢嘅壽司、卷物種類都幾多，呢度嘅壽司全部都細細舊咁，好精緻，又唔會太多飯好快食飽，值得一讚🖒我特別鍾意佢嘅松葉蟹蟹膏軍艦，因為蟹肉同蟹膏加埋真係好鮮甜好好食❤佢嘅其他壽司都好好食，唔錯唔錯。跟住就講下佢嘅小食，基本上同一般放題差唔多，都係炸物、燒烤、天婦羅等等，水準都幾唔錯。我個人就好鍾意佢個炸多春魚同燒蝦😍炸多春魚炸粉唔會太厚，食落好香口；而燒蝦係我成個放題最鍾意嘅一樣野食🖒蝦殼外嘅小小椒鹽同鮮甜嘅蝦肉好配合，我一個人食左好多隻😂甜品同飲品係以自助型式咁拎嘅，選擇都幾多。最值得一讚嘅係佢竟然有乳酪味雪糕❤食完咁多野有得食yogurt 真係好開心。最後都要讚下啲間野嘅service，野食上得好快，唔會好似其他放題咁點完第一輪就要等好耐。有一張單漏左我地同番職員講，佢都好