極尚大瀛喜日本料理

營業中

休息中

今日因為個女放假叫我陪佢行下街，又要指定要去觀塘行APM！同佢血拼左幾個鐘頭不知不覺已經係九點鬆啲！我完全係虛脫無晒力行吓行吓見到商場樓下派傳單再睇睇真係好抵只係200蚊鬆啲就可以食到仲抵過去食乜乜壽司🍣⋯⋯上到去裝修好華麗喎而且地方仲超級超級大大大而且座無虛席真係犀利啊我估嗰度有幾百人因為我哋係冇定位所以去到要等！嗰度都有寫💁凡已訂咗嘅顧客就可以優先入左🙈所以冇定咗嘅顧客需要輪候15至25分鐘所以我奉勸大家記住訂位🍴嗰度嘅刺身真係超級新鮮挪威三文魚丶日本油金魚丶劍魚腩肥美北海道帶子鮮甜丶希靈魚丶象拔蚌鮮甜爽脆！俄羅斯甜蝦丶珍寶大赤蝦丶虎蝦刺身都非常甜美爽口最欣賞嗰個係貴妃密汁鮑片！其實淨係食刺身已經值回票價一品料理御品鮑汁會花膠冬菇非常厚肉花膠大大件軟軟綿綿非常黏口味道🉑️口！仲有好多款小食多到都不能盡錄天婦羅炸蝦極為出色仲有我最愛嘅皇帝蟹棒天婦羅溫室南瓜天婦羅呢度總括來講樣樣質素都幾高而且仲有我最愛嘅椰子水飲添甜品區又多種類仲有乳酪丶豆腐花

上菜速度快三文魚無咩魚味牛肉好好味仲有冬姑花膠待應服務態度佳 員工很友好環境衛生 寬敞又乾淨 地方夠大 冷氣夠大 廁所清潔地點就在apm對下 夠哂方便 下次會再來 5點半可以入坐我6點入坐己經好熱鬧 飲品有6個大雪櫃 唔洗爭又唔會迫仲有棷青水❤️每人238加一落樓,連飲品,果汁,樽裝汽水都係任飲甜品區都好大 甜品有榴連炸彈 屋企人話下次會再來同介紹其他朋友如果有拉麵就正了臨走之前下戴左個apps叫飯團可以做會員 儲積分 同埋有2張卷下次中午食飯可以加餸

這次跟姊妹去試的是在觀塘的極尚大瀛喜, 地點在APM出行5分鐘就到的亞太中心5樓, 非常方便。6點pm到的時候店內已有不少客人, 到黃金吃飯時間的7-8點倏是幾乎滿座了, 可以話係愈夜愈多人。所以想唔洗排即刻可以食餐飽的各位就要記得預先book定位啦~店內裝潢好新式, 光線充足, 設有很多沙發位, 位與位之間也不會很貼, 加上有板阻隔, 就唔怕其他客人見到自己豪邁既吃相啦~一坐低就緊係即刻打開放題餐牌把握時間吃番夠本啦~一打開就有好多吸引人既必吃之選!!花多眼亂, 真係好想即叫哂所有試一次阿! 由刺身到炸物,主食, 超過70款不同的款式任君選擇~前菜少不了就是中華沙律同味付螺肉, 螺肉偏辣。前菜不需要點餐在自助區即可找到5-6款開胃前菜, 任何時候想食都可以自己拎!岩哂中意自助餐既朋友。是食放題又點少得呢個必點刺身!!有足夠既冰座底, 來到絕對唔會熱哂, 保持夠凍既刺身就更好食了。驚喜既係, 上桌時冰座旁邊有乾冰, 出煙的效果就更加高級了, 實在係美女帥哥們用來打卡既最好選擇~刺身亦唔只睇得, 食落口都好得, 三文魚新鮮唔會腥, 甜蝦又甜又夠滑, 帶子鮮甜又爽口, 令人可以10秒掃清光

正值1點午餐放飯時段去豪食放題因為朋友請食飯所以價錢不清楚lunch time時間有兩種食法，1）因應喜好叫自己的定食；2）好似我地咁食放題 好耐無lunch time時係觀塘搵食，已經唔知道去食飯係要等lift要打蛇餅咁排隊，比趕時間返工還要誇張，呢個地方已經有10部lift，但我都找唔到龍尾🤦🏻‍♀️。最後係上電梯到4樓行後樓梯到店這次lunch聽講話間嘢有新科技玩，所以就選呢度食。新野係，手機apps落單。如果食過放題的朋友，應該好有印象果本字典咁厚的落單簿。成日落左又唔記得自己落左什麼，之後落左果d又無來，坐坐下好似坐唔夠就比人追埋單..... 唔洗多講都仲有好多唔好野吧。今次的科技，原來呢間野用左自助落單，自己食什麼係apps上督督下就搞掂，又方便又可以同friend各自各督。其實好似元氣高速線自助落單咁囉。又好玩有有相睇埋 😋😁 仲有時間性，提你幾時last call，過左時間鎖機無得督囉。合付經濟效益。野食係果段繁忙時間食，都算來得快，食物水準跟夜晚和其他分店一樣掂又新鮮夠味，熱食果d來度唔會話凍左。係個創意系列同真品差少少。我食左都唔知來左 以放題來講，sushi細件系正

包羅萬有名乎其實「極尚」放題滋味位於觀塘市中心，鄰近地鐵的亞太中心，塭食好地方，環境舒適，食日式放題食到好似酒店自助餐，應有盡有，無漏單上菜快，絕對超值之選，食到唔捨得走，好快要再黎食過。因預先已訂位，所以很有效率地安排坐位開始盡情享用美食！壽司方面，好窩心地製作精美的迷你版，令大家可以盡享各類美食！壽司刺身鮮甜選擇多，食海膽就知高水準，蝦既種類繁多又肥美，Yummy!炸物串燒香口，特別推薦，榴槤炸彈，飄來榴槤飄香，燒鰻魚，燒羊架，相當入味！飲品方面，款式多到令人嘆為觀止，幾個櫃既飲品，無論係盡興的啤酒，健康的清熱飲或茶類，可口既汽水維他奶等，仲有自由沖的咖啡豆漿果汁先生橙汁！無得輸！而甜品係我期待既另一個胃享用之重要環節，有各類甜品如自助雪糕機，豆腐花，雪糕杯，雪條，雪米滋等！放題享樂感係一次過滿足晒為食多心既願望，出眾水準用心放題，希望可以一直保持水準，令各食客可以不斷Encore！

已經係第四次嚟到呢間日式放題 ，真係非常鍾意呢度 。首先環境較大 ，起碼唔會坐到好迫夾， 另外就係效率好高 ，出菜好快 ，漏單機會非常之小， 食物選擇好多 ，而且味道亦都非常之好 ， 唔會因為係放題 而令水準下降 另外最鍾意就係佢啲壽司飯唔會太大舊 ， 可以每樣都試少少又唔會浪費， 另外出面有一啲前菜可以提供， 亦都有唔同嘅甜品飲品 。最鍾意就係有唔同類型嘅茶 ， 仲要係支裝嘅茶 ， 仲有椰子汁啤酒等等唔同類型嘅飲品任君選擇 ， 價錢都係二百零三百蚊，真係 抵食過喺酒店食。

個個都話呢間好食，與三位同事們慕名而來，我們點了四個午餐，再加幾個餸。第一道送上的午餐是滑蛋雞柳丼，點知一上菜，仲以為送錯枱，碟頭飯擺盤，水汪汪既蛋.....味道同賣相一樣咁差....所有人個心都涼一涼，本來諗住差極都有個譜既滑蛋都咁差，想必其他三個午餐都不遑多讓....慶幸豆漿海鮮還不錯，但壽喜燒牛肉鍋，壽司，串燒都...唉...應該不會再回頭了...觀塘真是個美食沙漠...唔明點解咁多人讚，或者自助餐好很多吧..😒

同事介紹我去觀塘亞太吃放題，我便約家人去吃，一吃便上癮了。連續四個星期六都去呢間放題吃午餐，因為午餐和晚餐吃的食物一樣，但價錢平好多，兼可由十二時吃到三時。都只係收188。首先用app落單方便無比，攞住自己部手機按幾按，三分鐘就有野食，零漏單。壽司質素好高，款式好多，又不會太大舊。飲品款式之多，是我見過既放題中最多的，四大個雪櫃裝滿數以十計既不同飲品，除此，還有荳漿機和橙汁機，咖啡、奶茶，熱水、熱茶，還細心地把一些飲品放在枱上.保持室溫,照顧不飲冷飲的人。雪糕款式也不能小看，款式多，全是出名牌子。咖哩蟹是我最愛，第一次去食，覺得與泰國菜館食的水準差不多，美味極了，我們總共叫了七份咖哩蟹，蟹質新鮮無比。但今天去，我一叫就叫了六碟，水準有點參差，有些新鮮，有兩碟無咁新鮮，但由於個汁真係好好味，所以肉質無咁鮮的蟹仍然吃得我津津有味。蟹粥也是必吃的，太鮮甜了。家人喜歡鮑汁燴花膠、東風螺、肥牛煲和牛乳海鮮鍋，花膠好大塊，個海鮮鍋湯底好鮮甜，妹妹不停飲湯。而我最欣賞的是他們會給你一張意見咭，第一次去，六個大人坐一張六人卡位，坐得有點迫，我便寫在意見卡上，第二次去,六人比左一張八人枱我地坐，舒服好多

同朋友行完apm一定想食啲野先，不妨考慮一下極尚大瀛喜日本料理！地理位置非常方便，在apm旁的亞太中心，行過去不用五分鐘就可以醫肚！當日約了下午五點半，但為了把握每分每秒放題的我當然提早等候。估唔到原來已經排緊一條長龍，可見極尚大瀛喜的粉絲眾多，各位想盡快入座的都建議提早來排隊喔早唔到的朋友都唔緊要，因為條隊其實郁得好快，唔洗等太耐就可以入座！配合極尚主題，室內裝潢走奢華風，每位顧客都好像貴賓一樣放題又點少得刺身呢！果然新鮮的刺身每一口都感受到魚肉的鮮味，每一口都令我味蕾感動不過今次我會重點介紹下手卷同壽司類啦！手卷的大細的的色色，一口一手卷冇難道呀！龍蝦沙律手卷很鮮甜，而顏色漂亮的海膽手卷也有很濃郁的香味，海膽迷不能錯過啦。說到壽司，當然要試試這兒的創作料理和火炙壽司！令我最驚喜的就是芝士鰻魚玉子燒！鰻魚的鮮甜和玉子燒的甜根本就是天作之合，兩者質感都非常嫩，加上芝士簡直就是令我一口接一口，光速吃清光旁邊是也值得推介的香蔥鵝肝帶子，味道比較清甜，生和熟的配搭很新鮮但又出奇地搭！卷物方面嘗了其中三款，由左至右為：炙燒芝士大蝦卷、忌廉芝士鰻魚卷和牛油果軟殻蟹卷。個人認為三款都非常好味，每款

今日同一位終於喺歐洲返黎嘅朋友見面，真喺好開心，即刻胃口大開而極尚大瀛喜都冇令我失望，真喺要寫篇黎讚下！食左咁多次放題，真喺好少見有放題會有咁多前菜可以揀任夾又唔洗落單，即刻拎4款試下先中華沙律同泡菜相當唔錯，食落口都感覺食新鮮味道都調校的啱啱好，特別喺泡菜嘅辣度完全係一流！芝麻海踅香口又爽脆，用黎做前菜開啟下胃的確唔錯可惜螺肉太多芡汁，感覺就麻麻啦，但前菜總體黎講嘅表現都超出我預期嘅之後就不得不提魚生啦！雖然價錢喺貴左啲，但質素真喺高左好多，一睇就知材料好靚個人最鍾意食嘅三文魚，非常厚切重本，每舊都好大塊，肉同脂肪公佈均勻，紋理超靚一食落口就知有幾新鮮非常鮮甜，要用入口即溶黎形容！其他好似油甘魚同劍魚腩都非常好！每塊都色澤鮮亮，味道一流！虎蝦都比較有趣地歸入刺身而唔喺其他放題咁配泰式酸辣汁第一次食到虎蝦本身嘅味道，雖然冇其他蝦咁鮮甜，但爽脆彈牙level頂級！最值得一提就喺珍寶大赤蝦！師傅已經好細心咁處理好每一隻赤蝦，條條都乾淨利落我真喺第一次見放題有咁大條咁肥美嘅赤蝦，食一條成個口已經塞滿晒，啖啖肉汁都喺口度爆開真喺爽到不得了！唯一有少少覺得可以改善呢，就係只喺喺檯面放一包wasa

暑假尾聲，一家人齊齊整整去到極尚大瀛喜日本料理食放題。這間日式放題天天都爆滿，最起碼兩三日前就要訂位，可想而知他的品質一定保證。魚生新鮮不在話下，每片魚生師傅都切得厚厚的，象拔蚌和帶子刺身鮮甜無比，刺身下也有三種不同款式，喜歡食蝦的朋友一定唔可以錯過。單看鰻魚的樣子已經知道十分美味，肉身鮮嫩帶有光澤。師傅很細心，把鰻魚切得一啖一塊，但又不是那種說濕濕的👍🏻這裏我必須向大家推介烤羊架，羊架沒有臊味而且是肉質鮮嫩多汁不用我多說吧，新鮮的三點蟹煲粥，鮮甜美你一定能想像得到。除了這些以外，放題提供了不少新鮮美味的食物，大家有興趣的話一定要來試試，非常值得推介👍🏻

跟舊同事聚會，一行四人來到位於觀塘極尚大瀛喜日本料理，這裏供應日式放題，這裏非常爆滿，必須要提前訂位才有得吃。這裏跟位於旺角日式放題最大的分別是，這裏的座位寬闊，不會逼逼夾夾，而且座位非常多，但亦都非常爆滿。這間餐廳在OpenRice的食評一直都很好，所以我哋早兩個星期前已經在這兒訂了位。一坐低我哋就拚命地點了魚生、壽司、天婦羅、羊扒、日式小食等等餐廳提供的魚生非常新鮮美味，應該是人流多的因素所以魚生很新鮮。另外值得一提的是這裏的羊扒，超級好味，蟹粥亦都是鮮甜無比

係鰻魚arrrrr！😍啲鰻魚真心正！😍其他放題多數都得鰻魚壽司，好少就咁一舊舊咁燒比你點！未食齋聞已經好吸引~(嘩~係蒲燒既香味~)望下佢~佢燒到金黃色，有少少焦焦地而且肥嘟嘟一啲都唔孤寒架！放入口，外微脆內勁軟入口即化既質感，真係正到冇朋友！重點係咩？係任叫唔嬲仲要熱辣辣送到你面前♡♡♡♡♡♡ 係出面食鰻魚堅貴，然後有啲地方就靜雞雞蒲燒星鰻海鰻乜鰻物鰻總之就唔係平時最正果隻鰻(你懂的😀)，完全滿足唔到..........😪 所以依度有得任食真鰻魚，超感動~ 鰻魚控們真心要黎trytry！唉，依加諗起又想食啦… (不過都唔好食太多因為太肥美既關係，好快就膩膩地就會食唔到其他野🙈🙊)刺身呀，串燒呀，卷物呀… 都有食，但都係平時食開果啲就唔特別提啦。值得一提既係，我幾欣賞佢啲甜品。味道都幾唔錯(至少冇好假味feel)，而且舊舊都好“的色”，唔會怕食左1款就冇肚食另1款。最值得欣賞係個杯仔Tiramisù♡♡♡ 佢雖然咁迷你，但竟然有酒＆咖啡浸既餅底🙊🙊真心feel到師傅對烹飪既執著！(個杯底面積得個1蚊銀咁die個...)最後，有種人食正餐硬係要有啲粉麵飯落下肚先得，但係放題依d緊張時間又

我真係好鐘意食壽司,但元x,板x已經滿足唔到我呢d大胃王（食元x可以食到3、400蚊🤷🏼‍♂️）星期六放假，自己一支公去左食lunch放題！（$188加埋一，都係$200到，邊度搵？）食過咁多間放題，呢間d刺身水準有番咁上下。刺身厚切肥美，色澤亮澤，解凍得岩岩好又唔會鯹。劍魚同油甘魚有驚喜，入口即溶。三文魚是一貫的高水準。甜蝦好新鮮，冇臭味👍🏻👍🏻炸蝦、炸蠔即叫即炸，好香口，真係要小心熱氣！炸蠔夠哂juicy !壽司唔會好多飯，溫度微暖。特別推介花之戀同火炙壽司。三文魚壽司則不過不失，可以唔叫。花之戀係三文魚腩，好肥美。火炙蟹棒壽司，啖啖蟹柳肉配上沙津醬，好易入口👍🏻燒銀鱈魚好有驚喜，唔鯹之餘仲好滑，道滿魚油既香味！燒菠蘿好juicy,唔會好酸。再encore左三文魚刺身，好大片好肥美👍🏻仲叫左碗讚岐烏冬，好有咬口，湯底岩岩好唔會好咸。甜品飲品都有唔少選擇👍🏻不過我重點都係食魚生，哈哈！$200到既價錢，咁既質素！絕對值！

午市放題市價約兩佰鬆D蚊，有些食店地方淺窄，好嘈，漏單，遲上食物，追單無人應，更是旦求其地整堆唔新鮮兼肉酸嘅食物比你，真係食到一肚氣。但是這間食店就可以全部推翻放題一向壞印象。 昨天中午差不多十二點到達，一打開𨋢門已被它豪華亮麗裝修及特大空間吸引，感覺舒適，當時已有十多人在排隊等入場，其間有職員告訴大家要download 個apps 用自己手機來落單，門口有兩位衣著齊整，精神亦亦的男經理招待顧客入座。 入座後我們馬上落單，有位短髮經理可能見我們新手落單更主動過來有禮地講解怎樣情序落單。下單後出去挑選飲品，有幾個高大型雪櫃，款式很多很齊，連清熱氣的貴價泰國棷青水和清熱酷都有，食左熱氣的炸物，天婦羅及燒物都唔怕了。出面仲有自選日式沙律和小吃，特別是無骨雞腳沙律爽脆味道剛好，不太酸太辣。回座位後已見到剛剛落單的刺身上枱，珍寶赤蝦大得驚人，頭大內有豐滿蝦膏，蝦身大而長，非常新鮮甜美，食幾隻都差不多回本。帶子鮮甜，油甘魚三文魚都厚切肥美，壽司細嚿可以試齊都唔怕有飽意。那位經理又過來告訴我們要繼續點食物，唔好停手呀，更介紹必食花菇炆花膠及燒羊架，由於我地唔食羊，就只試炆花膠，花膠入味又好冧兼黏口