極尚大瀛喜日本料理

營業中

休息中

窩夫與蝦子餅有一段時間沒有吃過日式放題，最近去試了位於觀塘的極尚大瀛喜，沒想到平日晚上也座無虛席，水準應該有保證吧。落單紙以外，設有自助區，可以隨便取沙律、前菜、中湯和小食等，蝦子餅取了青口、小丸子和蟲草花魚翅花膠烏雞湯，青口很鮮味，蟲草花魚翅花膠烏雞湯有驚喜。極尚大瀛喜的飲品選擇可能是全港最多，有汽水、汽酒、啤酒、橙汁、豆漿和咖啡等。海膽手卷上桌時紫菜還是脆的，要趁新鮮快點消滅它。即日空運抵港的刺身，有挪威三文魚、日本油甘魚、劍魚腩、北寄貝、北海道帶子、榮螺片、珍寶大赤蝦和虎蝦刺身，窩夫特別喜歡北海道帶子，劍魚腩也很肥美。蝦子餅愛上了鹽燒左口裙邊壽司。超人氣黃金燒帆立貝的帆立貝比預期中大粒。風味醂魚乾的水準有點參差，有一兩條過硬咬不開呢。上菜的速度很快，小小的桌面放滿了食物，有鹽燒海蝦、虎蝦天婦羅、皇帝蟹棒天婦羅、北海道牛乳炸鮮奶和鹽燒牛舌。燒紐西蘭香草羊鞍很好吃啊！燒有機新鮮菠蘿切得比其他放題餐廳厚，多汁香甜，一定要安歌。日式放題竟然會吃到御品鮑汁燴花膠，還要是超水準之作。香蔥鵝肝帶子壽司，稍嫌鵝肝不夠甘香。帆立貝壽司的帆立貝很大隻，味道鮮甜。鄰桌的比目魚西京燒看來不錯，窩夫與蝦子

朋友興致勃勃打電話來邀請去食日式放題，他說款式多，食材新鮮，環境ㄡ好坐。來到發覺店佔商場全層，有很多卡座，燈光調得剛好，確實坐得幾寬敞舒服。入口處有超大的直立式的汽水櫃，載滿左形形式式的飲品，還有甜品櫃，還貼心地提供不同熱飲如維他奶，麥精，解茶，玄米茶等。還有十多款頭盤的半自助吧，水果，前菜及沙律菜，看見已經心情大增。這𥚃的經理充滿笑容地帶路， 我們坐底立刻拿拿臨點菜首先梗係點刺身，要了帶子、油甘魚、吞拿魚、甜蝦、赤蝦、希靈魚、北寄貝、赤貝，解凍得剛剛好，仲要樣樣新鮮甜美，一大盤刺身吃完都有點飽，非常值回票價壽司是最吸晴的，很多款特式壽司，感覺新鮮而且整體質素不錯，小小一件不會太飽肚，有些我們也有再點前菜很多選擇，炸物都有好多，好似芝麻雞翼、炸天婦羅等等，個人極力推薦來此店必食炸天婦羅，因為它外層的粉漿很薄、很剔透，也很脆，一點也不誇張，真是好食到極點！一口牛肉好味道，炒到幾香口，唔鞋有少少蒜片，repeat order 之一食到最後每次必點甜甜的日本甜薯

來到觀塘做野，與同事選擇了食放題，我們這天享受一下久遺的日式放題。餐廳位於觀塘道位置就腳，上到去感覺好舒適，裝修幾豪華，微黃既燈光，配以木枱復古椅，以卡位為主，地方闊落。餐廳食物一流，刺身方面，三文魚，甜蝦和象拔蚌食落新鮮鮮甜；火炙壽司卷物同壽司都唔錯;其中鵝肝帶子特色小卷最驚喜，面層鵝肝微焦，同帶子夾埋口感清新唔會膩，可能我太喜歡鵝肝覺得特別好食;海膽手卷對我來講太細件;辣味魷魚壽司、吞拿魚壽司都鮮味；芝士蝦同埋三文魚腩，芝士香味四溢；即叫即做三文魚腩尤其出色，咬落去魚油噴出好肥美；燒羊架控制得宜，燒到香，熟汁多，不亁嚡；鹽燒雞翼雞翼燒得香脆，肉質爽口，燒得甘香；雞軟骨肉質鮮嫩食落惹味；燒蝦上到台好香，岩岩燒起，超級好食;咖哩蟹;辣蛽特別出色，香口惹味

觀塘午市套餐 多客幫襯嘅 12:15到有位唔限時間 但遲去就要等位……雖然侍應好忙 都照顧周到嘅 結賬就自行拿賬單出收銀處 都很方便閒日星期1~5 送 “任食任飲“小食先菜日式螺肉 海草 木耳青瓜 茄子 泡菜 支豆…湯~ 烏雞杞子紅棗老火湯 飲品~ 罐裝汽水 道地解茶 ……沙律 手拉雪糕 餃子 壽司~ 芝士牛肉壽司卷 超好味 好快攞晒 任取部份 refill都很快 ……唔包甜品 & 杯裝雪糕 唔好攞錯喎生薑燒黑豚肉丼飯定食~ 材料多 飯大碗豬肉炒得香口 好味道 有啲肥膩比目魚西京燒定食~ 比目魚半吋厚x2 伴沙律煎得唔夠香口 魚肉唔腥 淡味 點沙律醬好白飯轉烏冬 要+8元有停車場 $16@小時 呢度冇泊車優惠

晚餐約埋朋友食放題，未想好食邊間，喺亞太中心海報介紹極尚大瀛喜，價錢OK，就直接搭𨋢上去第一round 刺身新鮮，三文魚肥美、魚油甘香、北海道帶子鮮甜爽口、赤蝦鮮甜彈牙、北寄貝一樣好鮮甜好味大片、鮑片質地唔錯，味道亦幾好、帶子大大粒新鮮第二round 熟食咖喱蟹啖啖咖哩汁度一流，咖哩的口味不太辣仲有最鍾意既羊架加雞翼，放題必食燒羊鞍較出色，羊架調味料加埋少少既騷味，肉質幼嫩，香草味濃！雞翼整得外皮脆，肉質多水份，惹味又多汁燒蝦新鮮的海蝦加鹽燒，鮮甜又惹味！炸物如榴槤波好正，外面脆極，咬開爆出榴槤漿第三round 冷盤青口大隻，好多人排隊拎布甸甜品種類都算多，雖然冇咗品牌雪糕，但都好多舊式老牌子揀飲品有一個大雪櫃，有凍飲熱飲基本上全部滿足晒呢間餐廳服務員收碟速度快，我地一食光碟上的食物，1分鐘內都會有人來收，這點好值得讚👍🏻👍🏻👍🏻而且服務態度好好，餐廳個場咁大咁多客人依然可以做到咁貼心，真係有啲估唔到咁好👍🏻

難得今日早放工梗係同埋一班朋友出嚟大擦一餐，朋友介紹話呢間嘅放題質素好高，就一於嚟試吓佢嘅真偽！我哋book咗八點鐘去到樓下已經勁多人排隊，排左四五轉終於上到去！一出lift就見到lift門有靚靚既logo! 十分吸晴！除左可以揀食物紙上面嘅食物之外，出面仲有得可以自己攞嘅頭盤、沙律、雪糕、飲品等等！沙律菜新鮮！白雲鳳爪咸度同酸度剛剛好！海鮮仲有青口，肉質鮮甜！勁量刺身一上檯！嘩。。。非常足料，數量足夠，一件都無少！三文魚鮮甜新鮮，油甘魚油度豐富！北寄貝爽口彈牙！迷你海膽手卷鮮味到食左五件！壽司好好，飯係細細粒，唔會話塞飽你！瑤柱豆苗真係無得頂，豆苗香口，拍得住大排擋水準！串燒海蝦新鮮，唔會燒到過龍，一d都唔濃！蟹粥粥地綿！加左粟米蘿蔔令到個粥底更甜！鰻魚都好好味下次放早一定會再黎過！

今日同男朋友去apm行街shopping, 諗起之前同事介紹既極尚大瀛喜，同事講到好神，一於同男友去試下先！價錢同旺角既放題價格差不多，可以接受！裝潢一流，桌面佈置舒服！近門口位置有個area放飲品、甜品同小食，我試左薯角同葡撻，兩樣都香脆可口！除左汽水類飲品，仲有咖啡機，豆漿，果汁先生，最厲害係有熱既維他奶👍好啦！講下刺身先，甜蝦好正，好鮮甜！三文魚無雪味！三文魚腩壽司入口有立即溶化既感覺！三文魚籽粒粒都勁爆鮮甜！比目魚都燒得好好，軟硬適中！燒菠蘿同翠玉瓜非常juicy，食到停唔到口！最後加多個炸鮮奶，味道唔會太甜，熱辣辣既鮮奶，外脆內軟，雞泡魚干到好正，真心不錯！最抵讚係侍應態度好nice, 下次實要帶媽咪黎試！

三月好多朋友生日，一班人最好就係食放提啦！又可以坐耐D，又可以食到自己中意食既野，上網搵左一排，發現觀塘有一間放提好高評分，就book呢間試下啦！當晚8點左右去到，果然名不虛傳，有好多人排隊，好彩我地有book位，好快就安排入座一坐底第一樣梗係叫刺身啦，呢間都好多選擇，一上枱我地就狂食三文魚同劍魚腩，新鮮美味！仲有回本必食既海膽手卷同鵝肝手卷！連三文魚籽壽司都有，真係驚喜！食肉獸朋友大讚燒羊架，即叫即燒，一咬落下肉汁爆哂岀黎！而我就大愛冬陰公味煮大蜆，D蜆好大隻好新鮮，加埋冬陰公既香辣味，我食左10隻食左咁多肉，食番蔬菜類都好正！燒菠蘿，燒翠玉瓜，每樣都100分而小朋友最愛既當然係自助斟雪糕啦！呢間評分好高，咁多樣野一次漏單都無，值得一讚

今日同屋企人去左Apm行街，Shopping買左好多戰利品！到左夜晚姨甥仔話好想食刺生，記得apm附近有一間放提不錯，所以就一行5人去食放提啦去到樓下已經見到好多人排隊等坐電梯，上到去5樓見到有不少人排隊等入座，大約等左15分鐘左右就有位啦，即刻睇下有咩食先！刺生種類有好多，三文魚，劍魚腩，油甘魚，有頭甜蝦等。我地呢D刺生迷當然唔同佢客氣啦每種刺生都好新鮮好肥美，當中最愛係劍魚腩，超肥美，入口即溶！帶子，甜蝦都超正，好味到停唔到口壽司有好多款式，飯細細舊，食多幾個都唔會飽，不得不說仲有姨甥仔食左10個既海膽手卷凍食，沙律都有好多選擇，每樣都好正！燒蝦同燒靖魚重覆點左好多次，因為既燒，熱辣辣！呢間真係值得推介，下次再黎食過

放復活節假和家人想一起大吃大喝，放題是一個好選擇，無論大人或小孩也可以吃不停！特價時段（星期五至星期日及公眾假期）17:30 - 19:30,大人只需要$210.00，小孩（身高90-140cm）只需要$148.00在物價高漲的香港，如果選擇在假日吃自助晚餐，一定很貴，而小朋友也是主打食甜品，倒不如食放題，讓小朋友自己挑選自己喜歡吃的食物，而且也可以自己去飲品區自己開雪櫃挑選！員工服務態度很好，而且效率很高，因為有小孩，時常要麻煩他們，但他們仍然保持笑容，十分難得！甜品份量少少，可以一次過試很多款！

近排好忙！好耐都冇約過班姊妹出嚟食飯！難得一日揀咗一間人氣好高嘅放題去試吓。位於觀塘區亞太中心5樓全層。上到去位置非常之闊落！限時兩小時嘅放題正式開始第一輪梗係刺身先啦！超級新鮮呀！非常推介劍魚腩肉質有口感完全唔腥出面仲有一個自助吧，大愛酸蘿蔔非常開胃加小小辣椒，而且仲有好多款嘅凍食頭盤，非常多選擇第二輪壽司時間，非常吸引呀！樣樣都想食鹽燒三文魚腩必食！充滿油香！迷你海膽手卷-細細件好啱我哋呢啲乜都想食嘅人！而且又係超新鮮到熟食嘅時間，一睇到有花膠非常開心驚喜！因為我好鍾意食㗎炆得好入味！！大愛，不過都係食咗兩件左右，因為仲有好多野想食留返個肚燒靖魚、比目魚-非常值得讚嘅係燒到好脆，超香口肉質又多汁！另一個驚喜係，燒雞泡魚干最喜歡加埋蛋黃醬，送酒一流呀最後飲品非常推介，呢隻椰子水好清甜解油膩！總括嚟講，水準高質食物多選擇，下次會再嚟啊一定！

這間位於晚市人流極之多的亞太中心，最誇張試過條排隊人龍長到要排出街！！餐廳好大佔全層，環境好寬敞，裝修風格與日本沒有太掛勾，反而更歐美復古，連沙發都好精緻坐位也濶落，認真覺得第一印像已有9分食物選擇算多，食物圖俾人睇幾精美，可以吸引到你去叫～不多說🥢刺身是放題第一時間點的，吃咗兩轉，水準可以，不過北寄貝味道就較啖平時放題好少點🥢壽司，但今次見幾多款就試吓啦！估唔到都OK噃～不過飯就唔好食太多喇，留肚試埋其他嘢先。。。🥢生蝦冇汁食得古怪到熟食了，當晚首選是🥢「冬菇花膠」，想不到獻汁那麼入味，每碟都有兩片花膠，薄身所以更入味，冬菇都好軟身！🥢雞軟骨串好味道夠Juicy，多吃幾串都無問題！🥢鐵板炒牛柳，好惹味，夠晒香，牛肉不韌，有牛味，友人再Encore🥢粟米、牛油雜菇牛油非常香非常香，令到佢甜味更加提升，今次係我再encore食物質素高，服務更高，我地有咩要求都會有職員即刻幫你跟，無得彈

今日係阿姨嘅生日，今年我哋決定同佢食日式放題慶生。原本訂左七點半嘅枱，但到左之後都需要等大約10分鐘。 食物種類很多，刺身、壽司、創作壽司、軍艦、麵飯、蒸煮、一品料理、燒物、天婦羅等等，我們每樣都叫了少許。刺身很新鮮，甜蝦大大隻，赤貝很吃。壽司很新鮮，細細件，可以多叫幾款來試。—>我們其實叫左好多食物，但由於上菜比較快，所以都影唔切-炒雜菜菜好鮮甜爽口-燒翠玉瓜都係非常之好味，新鮮香脆-呢煲蟹粥都好大鍋，足夠3-4人分享，粥算綿，蟹夠鮮。呢間日式放題的性價比極高，價錢又唔貴，裝修好靚好有心思，我會再來的。蕃茄果凍，係好特別嘅甜品，但味道都市型就因人而異。我最開心係有雀巢雪糕食！當然嗨串燒燒物中，燒菠蘿係最不可或缺的燒水果鹽煎魚扒係我同阿姨最仲意嘅，encore左幾轉！👍🏻😋—>好值得讚係有一位女服務員幫我哋影相，佢拎我電話之前，先抹乾淨隻手，再幫我哋影，原來佢係怕隻手整污糟電話，佢嘅細心加上滿面笑容，真係好靚😍

一班同事約食飯當然食放題啦，唔洗左就右就，雖然唔係第一次食呢間極尚，但今次覺得非常好，上菜時間快同準。本人極力推介燒牛舌，燒菠蘿，燒羊架。以上三款本人覺得好好食

今晚朋友拉大隊去試呢間開左冇耐嘅放題，閒日放工七點準時上到去！呢間餐廳佔一大整層，可以容納好多人！枱枱滿，好彩有book位！裝修新穎舒服！👍🏼飲品區有放雪櫃亦有放室溫，好貼❤️！又有好多選擇，可樂、烏龍茶、檸檬茶、芒果汁等等！飲品區旁有自助小食區，自制雪糕、小丸子，又有泰式白雲鳯爪、中華沙律等等！☺️食物選擇方面係超級多，以下係必食推介！😋😋😋刺身又鮮又甜，番本之選！燒物，燒菠蘿至愛！好甜！鹽燒海蝦香脆大隻！泰式炒菜，好惹味！所有壽司都好正！狂encore !!總結：服務好，環境舒適，上菜快，性價比高嘅放題！