極尚大瀛喜日本料理

營業中

休息中

自從上年同家人來慶祝生日，就對呢度念念不忘，耐不耐就來刷餐勁既，抵食好食又多選擇！服務員又好禮貌又有笑容，真係食得開心舒服！🍽🍽😋出面有自助吧有前菜、飲品、咖啡機、甜品、豆腐花、牛奶布甸、雪糕機。🍰🍦🥛🥤🍻飲品都好多選擇，啤酒汽水、豆漿、橙汁、唔凍既飲品都有，真係照顧唔同客人既需要！👍🏻刺身當然係重點啦(三文魚、油甘魚、鮑片、帶子、甜蝦、大頭蝦)樣樣都新鮮肥美，食幾轉滿足晒。呢隻wasibi好勁，小小已經好攻鼻🤪迷你海膽手卷，size幾好，一啖一個，唔會因爲食太多飯而食唔到其他野！另外好值得食既仲有呢d....比目魚~魚皮煎得香脆，魚肉嫩滑美味翠肉瓜~燒得好好，爽得黎又多汁炸鮮奶~炸到金黃色既鮮奶外脆內軟，香味濃郁！每次都叫蟹粥，今次特別好食，細細隻蟹仔估唔到入面勁多膏，一d都唔馬虎。