極尚大瀛喜日本料理

營業中

休息中

今天是星期四，我和老公下午都各自有事請了半天假，剛好老公在社交平台看到此店的宣傳，便提議晚上去試 ！本來還以為很難訂位，幸運地我們即日訂都可以訂到！大概是因為我們訂的是最早1730-1930的時段吧 ！1730去到，已經人頭湧湧，還有一個 "是日訂座已滿" 的牌，看來想要WALK-IN應該沒可能吧...我們獲分配到B區，與自助區相距不遠，只是檯有點小，有些逼。自助區空間非常充足，有冷盤沙律及一些熱盤，也有少量炸物。飲品區選擇非常多，冷的，室溫的以及熱的飲品都有！雪糕方面有自助的乳酪雪糕，還有不少配料及醬料。另外亦有很多雪條，雪糕杯等。甜品櫃內有不少一口甜品，泡芙，蛋糕等等，非常豐富 ！在自助區拿了飲品及小吃，便等著放題紙的食物送上。放題的食物以刺身壽司為主，其他料理選擇比一般放題要少一點。串燒及爐端燒的選擇不算多，炸物亦有數款。我認為刺身及壽司的質素不錯，很新鮮，數量足沒有漏單。壽司的份量亦不算太大，而且賣相很精美。牛肉鍋及蟹粥味道都不錯，熱辣辣送上。兩小時的放題，很滿足，1.5小時截單後才去放題區拿甜品吃。此放題暫時在質素及服務都尚算不錯，優惠時段真是超值！一定會再和家人來一次！

話說之前我有食開極尚大瀛喜既放題, 真係幾高質, 不過好多時要出到港島區果面先有得食, 住新界區的既我就更係覺得遠啦但係我follow開佢地page, 話12月左右起元朗開左間, 我就更係唔會放過呢個機會啦睇下有幾高質先因為好多好多人, 所以要book枱當日去到仲要唔接受walk in客, 除左booking客唔黎~哇, 真係甘多人~入到去個裝修好高檔, wow, 入到去眼都凸埋,哈哈野飲甜品都係自取既, 選擇超級多, 仲有維他古古力奶~2個鐘更係係甘叫野食啦最快黎唔係刺身, 竟然係壽司蟹棒壽司啖啖肉~花之戀三文魚夠新鮮仲有鵝肝壽司食~正啊估唔到鵝肝大大舊~~刺身黎啦三文魚好新鮮, 又係厚切, 蝦冇"梅"味,  元貝新鮮加滑雞軟骨有肉有軟骨, 好味估唔到有花膠叫, 仲要任食, 咩都回本啦味道剛剛好, 嫩滑好味, 要食多幾舊!仲有鰻魚食, 正到爆~大瀛喜既芝麻雞翼都係最正, 肉質嫩唔會炸到過火炸蠔都係正, 多汁好食豬仔骨多肉加嫩, 大大舊, 不過食一舊就好, 因為會濟~雪糕有2種選擇, 有乳酪雪糕仲有士多啤梨味仲有好多甜品選擇, 不過實在太飽, 食唔落太多,  哈哈

今晚男朋友強烈要求下要去試下元朗極尚大瀛喜就唯有捨命（挺著肚皮撐爆）來陪君子吧！😂大概6點半入到黎很快被安排入座，雖然位置細小與隔壁枱距離甚近，但食放題就係著眼它的效率及食物質素～～食物壽司，卷物，刺身，天婦羅，熱食包羅萬有， 絕對夠多選擇，值得一提這裏落單不消5分鐘已經送上食物，效率真快！珍寶赤蝦夠大隻又夠鮮甜，忍不住叫左兩round～雖然係食放題，但沒有將貨就貨馬馬虎虎，食物賣相及質素無須質疑，絕對比得上大部分壽司店，為什麼大瀛喜如此受歡迎絕對有原因的～～放題連花膠都可以點⋯⋯女士們必定不能錯過～～燒帶子連埋芝士等配料，滋味無窮，要encore !!人氣燒牛舌亦燒得剛好，牛舌不會過韌，美味！日本有機蕃薯仔，香甜可口！推介必食！人氣芝麻雞翼，炸得鬆脆可口，雞翼仍保持嫩滑，要試！估唔到咁牛油粟米咁簡單又幾好食！自助甜品區及雪糕區，放題黎講算多選擇，絕對能滿足大胃王！但我去到尾聲已經太飽只可次淺嚐一兩款～～何其壯觀的飲品櫃！任君選擇！超級大滿足的極尚大𤅗喜，就快撐爆肚皮！大瀛喜的食物質素及服務效率令我留下深刻印象，有機會一定要再來！

家中有人生日，特地到元朗新開的極尚大瀛喜吃頓好的！一來到已經人頭湧湧，walk-in都已經爆滿，幸好我們一早已訂位，所以可以直接進去囉先點的當然是刺身系列，厚切的三文魚份外吸引，還有劍魚腩、赤貝、帶子，每件都非常新鮮外邊自助區有各款冷盤炸物，拿了一點來試，有海蜇、小魚乾、炸蠔及芝士蝦丸。海蜇爽口夠冷，味道偏向微酸；小魚乾是黏濕款，我自己比較喜歡吃乾身香絕小魚乾；炸蠔蝦丸微熱夠脆，蝦丸頗為特別，算是新款小食火灸芝士蟹棒壽司不少得，還有鹽燒左口魚，兩者口感軟綿，入口溶化芝士鰻魚卷，鰻魚軟滑無渣；炙燒芝士大蝦卷，芝士夠溶，好味；牛油果軟殼蟹卷，蟹籽爽口配搭牛油果清新意外的有鮑汁燴花膠，花膠煮得夠軟，下面有娃娃菜，非常入味，冬菇味道亦都香濃鹽燒鯖花魚不算太腥，肉質算滑；雞軟骨味道夠；牛舌都不韌，調味不錯這裡有朱古力奶、蜜瓜奶這類飲品，有冷有不冷的，可以迎合到不喝冷飲的客人至於甜品區，有自己來的乳酪雪糕，有多種配料配搭，還有盒裝乳酪、布朗尼、楊枝甘露、木糠布甸等多款甜品，非常豐富

元朗終於有大型放題喇!終於唔洗去香港九龍區都有得食超棒既放題。大瀛喜除了點紙上的食物外，還有小吃，前菜，飲品，甜品自行選擇。有蛋撻，炸餃子，炸餅?醉雞翅十多款甜品，豆腐花，乳酪多款雪糕，雪條軟雪糕機，不同配料燒魚背壽司~細細粒，上面既柚子皮能減輕油膩感燒牛肉壽司~正常，上面有蒜泥同蔥粒冬菇花膠~冬菇炆的又淋又入味，花膠大大件~好正。連同墊底既津白吸收曬花膠既汁，十分美味。焗扇貝~錫紙兜上，扇貝大大粒，正油甘魚，劍魚腩，甜蝦，赤蝦，帶子，八爪魚片。全部都大大件，新鮮無雪味。鵝肝松露帶子壽司~ 松露味出，不錯瀛壽司~無印象鰻魚玉子燒~正正常常吞拿魚壽司~無印度海膽手捲~細細件，飯量同壽司差唔多，新鮮，食多幾件都唔怕濟。星期五，午市$188 抵

上菜快靚正相信係極尚大瀛喜放題餐廳嘅宗旨，雖然地方淺窄但上菜速度及準確度值得一讚一坐低點選想食的食物，基本上食物總類繁多，個肚根本挑戰唔曬，記住食幾多點幾多，唔好做大曬鬼！之前食過尖沙咀分店，今次嘗試你間新店食物品質方面依然keep到水準,刺身方面三文魚及章紅魚新鮮度一流，帶子及大蝦鮮甜但今次嚟到喜出望外的是壽司,壽司不會因為係任食而飯多於配料，壽司新鮮味道亦不錯！賣相方面卷物最為吸引又夠特別～食到咁上下見到隔離枱點左鮑汗汁燴花膠，即時再點一客，雖然賣相一般但都尚算真材實料，估唔到放題都有花膠食！牛柳粒是必食推介，超級香口惹味，牛柳粒啖啖肉，十分滿足！天婦羅亦都可以嘗試，睇下飽足感才決定點多少，才不至於浪費～～最喜出望外都是飲品區，選擇度及陳列方式整齊，好像入到便利店一樣隨意選擇,雖然當晚人流滿座但飲品櫃裏補貨快，證明員工效率及反應夠快，抵讚甜品區有自助雪糕配料及雪糕機 亦有現成甜品任君選擇

較早前 見到元朗開大瀛喜口卑又咁好 緊係去試下啦去到已經好多人 因為訂左位既關係好快已經入得去 初頭以為好細原來地方都幾大 ！！ 服務又一流 收野快 出野快又無乜漏單 落幾多真黎足 ！！好 都唔講大多 比啲相大家睇下先半架勁淋 好食 刺身新鮮 牛舌好好味 薄薄地 又唔太厚炸蠔好好食 好多汁唔乾身榴蓮炸蛋我最愛 食左兩粒黃金焗帶子都好好食壽司都有驚 ，蜆都好好食 無乜沙花膠冬菇好正總結呢間真係好好食之前去觀塘食過已經覺得可以點知有間咁近 呢間真係唔錯 可以再去 一行九人食得好開心咁多人可以試多啲野 ！！

早收工就去朋友去食放飯，食好野傾下計。入到去第一個目標就係熟食吧，因為實在太餓啦，去拎野食醫醫肚先。有青口、芝麻八爪魚、凍蝦等等可以食。個泰國魚餅都幾特別，味道好濃好惹味，似冬蔭公個種味道。刺身完全冇令人失望，質素好高，件件都係酥切，油甘魚非常肥美，一食落口就感覺到油脂係口中散開，獨冇既魚味都好正。大蝦非常大隻，蝦肉脆身，味度鮮中帶甜。香蔥拖蘿軍艦值得一試，拖蘿味道超香濃，香蔥增添左香色又令到成件壽司冇咁膩，加上好脆既紫菜，好食。除左有肥美又冰火交溶既鵝肝帶子壽司外， 喜壽司同芝士鰻魚玉子燒都好好食。喜壽司帶拖蘿蓉、海膽同魚子，種種美味係口中爆發。芝士鰻魚玉子用甜甜的玉子代替壽司飯，加上惹味的鰻魚同芝士，非常好食。仲帶燉花膠可以養顏。雖然有好多甜品可以食，但都係唔夠雪糕機吸引。可以自己製作雪糕，加埋自選配料，真係好開心。

又黎放題夜。屯門元朗區 真係唔多好自助餐放題, 一聽到開極尚大瀛喜真係安落曬, 即刻要book 位食啦。唔使多講先試個刺身,有劍魚腩, 劍魚腩真係好好食,而且好多地方都冇咖, 叫左三轉, 都唔係好過份啫 😋油甘魚正常,同希露魚就又係好甜,切得厚簿適中。蝦有三款:我覺得甜蝦最甜最好味, 赤蝦真係好好好大隻,另外虎蝦淡口。另外帶子又係厚切, 非常鮮甜, 最好係唔會好似好凍 仲有冰粒咁。黑松露赤蝦同海膽都係我壽司類必食推介, 仲有一件就係"喜壽司"好似咩都有D 咁, 但唔知咩好甜咖...超細件 唔怕嘥位。熟食編-先有鮑汁燴花膠,入曬味,花膠煙煙韌韌, 最好味係墊底D 蛙蛙菜,絕對唔係白灼加D 沖喺面. 菜都入曬味咖。咖哩炒蟹-咖哩偏甜,蟹就算有肉。蟹粥-反而就係用bb水蟹, 完全冇肉嘅。bb 露筍炒中蝦-微辣, 似茄汁蝦咁。鯖魚燒到香脆,比目魚就又滑又甜, 燒魚推介!串燒就牛舌雞軟骨同燒菠蘿都係上枱仲好熱,燒得好好, 絕對唔hea。仲有芝麻雞翼又係必必必食!- 伙計放落黎 已經好香芝麻味, 個雞皮炸到脆卜卜, 入面仲好有肉汁。另外榴槤炸彈-流心榴槤肉同炸芋丸 都係保持水準, 黎到仲辣咀的,

出面2百幾蚊嘅日式放題有好多選擇，但質數好嘅就唔多， 極尚大瀛喜就係其中一間質數好嘅。 之前都有食過佢出面嘅分店， 咁啱佢係屋企附近開左新店， 就緊係要試下啦。先黎刺身先， 選擇好多， 我就點左平時鐘意食嘅劍魚腩， 油甘魚， 凡立貝，。希靈魚， 虎蝦同甜蝦。 以任食黎講質數真係好得， 首先， 刺身唔會話好硬好似未溶哂雪咁； 第二， 啲刺身係冇筋嘅，劍魚腩同油甘魚黎講，食落去係好滑，食得好順。 最後就緊係味道， 所有款式都有清甜味， 唔會一陣雪味食完刺身之後就食左燒物， 要推介一下個豬仔骨同牛舌。 個豬仔骨我覺得好食過outbxxx個啲, 冇話一層醬係個面到， 而咬落去唔乾身。 個牛舌就切到薄薄一片， 燒到幾爽口而又冇一陣味。 佢個天婦羅炸醬冇加太多調味料，並且本身啲材料都靚，食落去可以食返個材料啲甜味。 鐘意人女蠔嘅朋友可以試堆個天婦羅炸蠔， 炸完出黎唔會話好濕同啲炸醬甩哂出黎， 可以keep到外脆內軟嘅口感。 鐘意食榴槤嘅人緊係要叫埋個炸榴槤啦， 咬開佢啲香味即刻出哂黎， 作為甜品簡直一流。

👸🏼又再次食到我肚裂🤭但滿足的 海膽 甜蝦 刺身 新鮮！熟食選擇多 炸物 熟物 燒物 鍋物 一大堆 A-K點菜紙 任吃貨選擇❤️ 上菜速度快 2小時個口無停過😂 小食吧 雪糕櫃 甜品十多款 可以當食埋甜品放題😍🤟🏻飲品櫃有4個 十幾款飲品俾你慢慢揀=========================三個90後吃貨會不斷開心share美食💓*喜歡睇我地美食分享的，不妨按👍及share，讓更多人睇到我地既post🙆🏼‍♀️*💡Facebook:三個90後吃貨 3bad_foodies🚩Instagram: 3bad_foodies📍OpenRice: 3bad_foodies📬Ublog:三個90後吃貨 3bad_foodies 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_元朗美食推介 .========================

放學之後就同朋友食放題朋友話極尚大瀛喜好食，所以就去咗呢間食我哋幾個人都好鍾意食刺身，所以就叫咗好多刺身嚟食，呢度啲刺身都係普普通通，咁樣唔好話唔好食嘅，不過就梗係唔夠嗰啲真係食刺身嘅地方好食啦，食落去味道係冇問題嘅都幾好食。除咗超鍾意食刺身之外，我哋仲係壽司怪！我哋真係狂叫壽司同埋軍艦嚟食，呢度啲壽司同軍艦都做得幾好食，覺得比出面嗰啲放題店好食，都比得足冇走流單。除咗壽司軍艦之外我哋都好鍾意食花之戀， 我哋同樣都係叫咗好多花之戀嚟食，真係好crazy， 但係越食越過癮真係點停得口呢。嗰啲天婦羅就普普通通，啲粉好厚，啲味道都係一般。一口牛肉同埋燒羊架我覺得就唔錯，燒羊架有啲羊騷味但係我就係鍾意食，無羊肉味嘅羊肉就不如唔好食羊肉啦，你哋話係唔係。

今日又食放題。發覺午餐時間食放題真係最抵食。起身好肚餓就即刻去食，食到勁多。叫左盤刺身拼盤。好新鮮既劍魚腩。好肥美。油柑魚仲俾左魚腩部位我地，真係超飛滑。其他刺身都以新鮮鮮甜取勝，正既！細細既海膽手卷，唔洗食咁多飯糰，貼心既。海膽新鮮，無石油味，好甜。食完刺身，即刻叫鰻魚。成個鰻魚，無飯糰，真係食到飽為止，好好味。鰻魚燒得靚，出黎仲熱辣辣。整左幾件火隻壽司。蟹柳芝士壽司係我既最愛。大大個蟹柳，好重蟹味。仲有牛肉壽司，牛肉好甜，加埋蒜，好好食。出邊仲有小食吧，好多小食任我囉，芝麻海蜇越食越開胃。食完呢啲野就到我最鍾意既牛舌！一野叫左3串黎食。牛舌啱啱燒出黎，熱辣辣，又唔會太乾硬，好juicy好好味。加埋檸檬汁，酸酸地好開胃。真係食極都唔會厭。野食真係好高質，每次食放題都會揀大型既放題。品質保證，乾淨又好味！

知道元朗<形點>新開咗間👉極尚大瀛喜🍣咁就走去試吓lunch放題啦…入到去當然差不多全場爆滿啦！地方其實都幾大，我哋遲入座，所以編到最入嘅位置，不過都無所謂嘅，因為唔駛太嘈！佢哋有啲自助bar係攞啲小食,前菜,沙律,湯,炸物之類嘅！坐底之後即刻點咗一張刺身紙遞咗俾服務員，之後先慢慢點其他嘢食，但居然刺身係比其他食物慢上，反而啲壽司同熟食係嚟咗先，我哋食到一半食物先有刺身食，呢個我真係覺得有啲失望！好啦…講一講盤刺身先，其實唔覺得好好，啲蝦唔算大隻，其他刺身都只係普通質素，唯獨有啲驚喜係個帶子刺身，都幾鮮甜嘅！到熟食方面，炸物無驚喜，反而個芝麻雞翼幾好味，另外有個蟹粥，我哋追加咗兩次，因為好好味，好鮮甜，同埋食到有蟹肉，而且係成隻蟹放埋落個粥入面我哋嗌咗個蜆，咸到苦嘅另外嗌咗個冬菇花膠，都幾好味，不過我始終覺得熟食方面真係全部偏咸但串燒又要讚吓，幾樣都燒得幾好味飲品係自己出去攞嘅，種類係超多，基本上您講得出嘅飲品都有，冷熱任君選擇！甜品就要彈吓了，有一半都超級難食，有啲類似糯米滋嘅嘢，擺入口個外層係硬硬哋嘅，入面係凍同實嘅！差另外一件件細細哋嘅蛋糕仔係勁難食，唔識形容！不

開業幾日 好多人啊好彩有book 位其實有啲混亂 因為11:55左右 先有職員出黎話要分兩條隊一入去就已經好多人入左座所以即刻填紙 出去自助bar 拎前菜同飲品特別一提 泰式鳳爪超好味！拎左幾次！仲有得自己支雪糕，有乳酪同密瓜味！最後一提既係佢開業幾日 運作有啲混亂 大家要預先訂位同埋人手唔夠 我行左出去兩次交紙