極尚大瀛喜日本料理

營業中

休息中

打算一家人一齊慶祝, 元朗YOHO開了一間放題一直都未試過, 因此訂了這間, 呢到有刺生;壽司;天婦羅;熱食;串燒等岩哂老人家年青人一家大細食飯。有時外邊有些放題店會上唔足,呢到不會,真的叫10, 就有10件。材料都是新鮮的, 天婦羅熱辣辣。還有自助Bar, 分別有雪糕:甜品;冷盤如果生日, 每6人還送一海膽, 每8人送2海膽~刺生分別叫了:三文魚;大赤蝦;北寄貝;帶子;希靈魚;八爪魚;油甘魚等等炸物:上面是茄子及翠肉瓜下面是:虎蝦;皇帝蟹棒;蠔燒日本蕃薯仔;燒海蝦;燒帆立貝;燒羊鞍;炒珊瑚海鮮盛黃金咖哩炒蟹;熱湯烏冬;雪花牛肉鍋;鮑汁燴花膠壽司酒煮蜆提提如果大家有興趣, 請提早2星期訂座比較好。因太多人太多booking。

千呼萬喚，極尚大瀛喜始出來！ 我哋都終於排到隊book到枱食極上大瀛喜啦！呢間大瀛喜地點好方便 ，係位於元朗名商場yoho mall！地方好大！黎到即整返盤極尚新鮮大刺身先！ 呢度啲牡丹蝦大大隻都係任叫架！ 不能錯過！ 呢度啲壽司都好多款好精緻！串燒牛舌燒到啱啱好唔會太熟太靱，正呀！試下細細份咖哩蟹先， 咖哩味甜甜。羊架都燒得好好食，唔肥又冇乜羶味。榴槤炸彈新鮮熱辣炸起， 入面好多榴槤蓉 ，味道香濃， 鍾意榴槤嘅人一定要點！呢度啲燒菠蘿係我食過咁多間放題當中， 最厚切嘅！ 毫不吝嗇 ，相當有誠意！好多甜品選擇， 不過我哋最鍾意都係佢個自助雪糕，除咗雪糕之外仲有乳酪， 乳酪味道好好，仲可以自己加其他配料。飲品又係超多嘢揀，有冷有暖有熱！不過熱食就唔算好多選擇，希望佢可以再加多啲熱食啦

係服務方面：坐得晤夠舒服明知食放題食物肯定會多，竟然俾張細檯我，問侍應可否轉大D，佢嘅語氣極之不友善我都不介意等耐些等一張大少少嘅檯。最後由經理幫我𨍭檯，服務質素欠佳需改善。輪到食物首先刺身同壽司🍣這兩樣不夠新鮮，蝦肉不夠爽甜仲有好大雪藏味壽司🍣種類雖然多但米飯不夠挺身冇脹卜卜效果，同一舊壓扁飯團🍙冇分別。和食丼算係能夠過得去，晤算太差都可以總括我寧可俾多少少錢其對自己好D食些質素好服務好嘅日式餐廳食，一定不會再來

帶另一半去食好野，放題佢就最鐘意元朗都開左日式放題餐廳，咁方便梗係要去試下啦等緊位既時間已經可以係門口睇定有咩想食選擇都幾多架我鍾意食炸物呢個炸蠔好味道，炸得岩岩好，唔會好重炸粉，又唔會炸到乾晒，而且隻隻蠔都好大隻呢燒菠蘿，又甜又juicy ，兩個人每人食左六件算唔算好過份姐有自助雪糕機⋯乳酪雪糕，好正！好多配料同醬自己隨意添加，另一半話食到飽飽都忍唔住要食番兩大杯而我又覺得最好係要食番碗暖呼呼既蟹粥先滿足、d蟹既甜味落晒碗粥到正

同朋友慶祝生日一班人梗係食放題最開心啦原來都幾Full, 好在有提早訂位一坐低我地就瘋狂點刺身🤣刺身都好新鮮呀、我地encore左幾轉都一樣有水準三文魚超肥美😍😍我欣賞佢地食物黎得好足完全無漏單既情況創意壽司都唔錯特別推介芝士鰻魚玉子用玉子取代左壽司飯既部分火炙三文魚腩、入口即溶壽司飯細細舊、所以都唔怕會好快飽燒鰻魚是我另一推介真係好好味、一啖一粒、會食唔停架！出面重有甜品區、不過真係食得太飽已經食唔落甜品一班朋友食到好滿足🤤🤤

之前一直打電話訂枱，星期六、日都full,今天4:30 pm 就walk-in 去等位，估唔到5:15pm 就可以入座，簡直喜出望外。點單紙由A-L, 有刺身、壽司、天婦羅、一品料理、鍋物、燒物、甚至連咖哩炒蟹都應有盡有。刺身十分新鮮🍣天婦羅酥脆可口🍤咖哩炒蟹、炆花膠亦十分好味.....前菜、甜點、飲料亦有不少選擇。上菜効率快，吃足兩小時，最難得是完全沒有漏單情況。服務員亦十分勤快，收單下單有效率，換碟亦十分快速，非常滿意

我朋友是個很愛吃的人，最喜歡日本料理放題任食，有新開的元朗極尚大瀛喜日本放題，他當然不會錯過，立即訂位。一個價錢可以品嚐到不同款式食物。放題刺身一定要新鮮，油甘魚非常新鮮，入口有溶化感，帶子鮮甜，劍魚腩很有魚鮮味。壽司，手卷，刺身包羅萬有，夠多選擇。羊架少許膻味，肉味濃郁。最喜歡吃羊的我，不會錯過燒羊架，熱辣辣香噴噴，肉質鬆軟羊味十足，唔乾。海膽手卷夠哂鮮味，猜想一定是剛空運來港的，龍蝦沙律手卷是好有蝦味，一啖一個好正。熟蝦，青口，沙律，任吃款式多。甜品有泡芙，芒果布丁，椰汁糕，雪糕，我的味覺充滿享受。

元朗形點新開左無幾耐既放題終於有時間黎試下～超級多人排隊記住一定要book位！餐廳中間位置有一個自助區有前菜啦、沙律啦、熟食類等等黑松露雜菇我encore食左幾輪因為實在太香、黑松露味非常濃黑松露愛好者唔好錯過！飲品都是自助種類非常多我好欣賞佢有熱櫃照顧到唔同客人需要好似呢幾日天氣涼涼地可以飲下熱朱古力奶同熱維他奶放題最開心梗係任點任食刺身啦刺身種類都算幾多單單是刺身蝦都有3款連劍魚腩都有是放題比較少有的而且佢地既劍魚腩十分肥美好正！

放工路經元朗西鐵途中收到傳宣單張，yoho town 新開極尚大瀛喜日本放題，立即相約剛由英國回港朋友試試！餐廳裝修華麗感覺，坐位舒適。吃放題一定魚生首選，三文魚肉好新鮮從肉的外觀已比佢吸引，大赤蝦超爽甜彈牙。 BB露筍炒海中蝦，每一隻被香辣醬汁包住蝦身，辣味充滿口腔很惹味過癮，嗜好辣的朋友不會失望，再order。花膠炆冬菇的花膠厚身，炆到花膠林身又有香濃汁味。牛舌燒得很香入味，食物款式很多未能品嘗得晒，冷熱飲品款式很多選擇，甜品櫃有乳酪，西式甜品，豆腐花，自助雪糕，迷你葡撻外皮很脆，啱晒愛好甜品女仕。人客很多，服務很好，上菜很快，價錢實惠，食物質素超值，下次一定再約朋友來吃。我這外國朋友日日吃薯仔漢堡包，很少吃魚生，今次都讚口不絕！

這店是元朗新開的，其實小妹朋友已潮聖了，她不介紹，叫我地直接揀日子 book位，但朋友多真係好難約齊人！今日剛好收工在元朗，膽粗粗一個人去食～剛好去到是5：30-7：30時間，已經有好多人，真好彩，一個人都有位一坐底先點左刺身，珍寶大赤蝦， 北極貝， 油甘魚，劍魚腩，刺身新鮮又大件～這個珍寶蝦大隻到同我手指一樣粗～壽司點左幾件 ，吞拿魚，專貴黑松露赤蝦， 蒜香牛肉，忌廉芝士鰻魚壽司，壽司份量細小，一口壽司，所以多食幾件都可以，忌廉芝士鰻魚入口好香鰻魚加濃厚芝士味鹽燒雞骨串，鹽味夠，燒至香口內軟骨仲係軟的，不會燒至乾硬！炸物也可以的，炸粉再小一點比較好～黃金燒凡立貝，我見枱怡都點，所以我都點一個，凡立貝入口彈牙亦大粒，好濃沙津味～由於小妹第二轉再加追刺身，今次真係刺身都食飽我，格離枱可能亦比小妹嚇親！一個人份量食咁多刺身新鮮又大件，壽司款式多，還有炸物，燒物，鍋物，其他都好吸引，已上食物也算快，亦沒有漏單！飲品有10多款，甜品亦有10多款，我比較喜歡自助雪糕吧，乳酪不錯～聽說早一星期要 book位也值得的

真心要多謝某發展商開發呢個新商場(笑)， 我呢啲大西北舊香港人種不用騎牛坐馬出市區吃放題(笑)。今晚食人氣放題極尚大瀛喜！呢間極尚大瀛喜喺元朗yoho真係巴閉，每晚都睇住佢有過百人喺外面大排長龍， 今次真係多得好友 j 鍥而不捨， 日以繼夜夜以繼日地為我們打電話落booking。為咗避開同幾百人爭夜晚8點鐘嘅枱，所以我哋食早啲食五點半， 仲有平啲添，每位先210蚊加一。menu設計幾精美， 有好多款超新鮮刺身同埋精緻嘅壽司！ 今次係我食過咁多放題之中食得最多壽司嘅一次！另外亦都要大讚佢啲嘢飲， 飲品種類超多，而且成本不菲例如有楊枝甘露啦， 而且有幾款女士怕肥必揀嘅無糖茶類 ，道地解茶， 烏龍茶等等。 啲嘢飲仲要係有凍，有室溫同埋熱飲提供，超貼心！甜品方面，要推介佢個乳酪， 尤其原味乳酪好食之外仲要有好多配料可以自己加！

可能元朗真係少優質放題，此店真係好難book位，打左好多次電話都唔通，經過幾次都見好多人排隊，所以諗住遲D冇咁多人先試。點知咁啱今日五點經過見得幾個人排隊，又咁啱冇食下午，所以就照排隊。$200由5:30食到7:00。一坐低老公先去攞D熟食，小食同飲品每樣都好多選擇，仲要有老火湯，正跟住點野食，刺身丶壽司好多選擇最鍾意佢手卷全部細細件，一口過熟食都唔錯樣樣都好新鮮，只係咖哩蟹D蟹唔夠新鮮甜品好多選擇，但全部一般雪糕櫃有好多種雪榚揀真係好抵食，唔怪得咁多人排隊都肯食，而且就算正價都唔係貴惟一缺點係D枱真係好逼

元朗yoho town竟然開左間極尚大瀛喜，屯元天人之後想食質素高既放題可以唔洗騎牛出去！！餐廳內部好大，裝修俾人一種富麗堂皇既感覺，幾適合帶埋屋企人一齊黎食。食高級放題黎講，200幾蚊呢個價錢比起其他放題絕對唔算貴。放題第一步：食刺身。最推介甜蝦，鮮甜唔腥，一口氣食左好多隻。羊架熱辣辣燒起，冇理由唔食啦！壽司款式同其他放題相差唔多，但質素幾高，尤其花之戀。結果掛住食，唔記得影d壽司（嗚又係燒菠蘿啊哈哈哈，每次放題都一定要食一打以上燒菠蘿！菠蘿厚身，好甜！不得不讚，呢度既飲品選擇超！級！多！仲有豆漿同咖啡機，岩曬我呢d唔想飲汽水既人。有青口任夾！！！勁新鮮，肉質滑嫩，凍食可以一次食好多隻都唔濟。綜括黎講，呢間極尚大瀛喜首先已經占盡地理優勢，方便新界西既廣大同胞。其次，價錢真係非常親民，而且本身我冇抱太大期望（因為價錢同其他放題比較算平）點知食物質素的確有令我驚喜，絕對超出佢個價錢！以後可以唔洗專登走出去旺角或者銅鑼灣個邊食放題！

好耐冇打食評啦，今日有時間打下先。早兩星期訂位，訂位當日店員打黎確認時間同俾訂座號碼，提埋hold枱只有5分鐘，最好預早少少入去，我訂7:30，7:15入去佢都係計我7:30，呢點幾驚喜，好多放題你早入去佢計你入去時間既，唔好睇少呢15分鐘，通常好多人都未必準時到既。講返個場先，其實都幾細既，預著假日，真係要訂位先好黎，唔係walk in唔知等幾耐。佢中間有個自助吧，有小食，燉湯，甜品，野飲，款式都唔小既，個燉湯好有水準下。講返放題紙先，選擇唔算多，但我覺得味道唔差同幾新鮮，強烈推介鰻魚..真係好味又抵食。壽司都唔差，做得好的骰下，唔怕食一兩件就飽肚。唯一美中不足係個場太細，位與位之間都幾迫下...同埋佢有個炸榴連...對勁討厭呢隻味既我好難頂下...始終隔好近...

附近商場開業的放題，之前晚市見不少人排隊，還說預約都要有排等，不如轉戰午市時段，抵D唔洗等門口分兩列隊伍，一邊是已預約等待安排入座，一邊是Walk-in等待空缺入座，安排不錯，不用所有人堆在門口等，爬了人頭都不自知坐下後，所有人的動作一致 - 打開“點心簿”，埋頭苦幹寫寫寫。食得日式放題，刺身壽司逃不掉。食物送到，刺身放在一盆冰上，附加“冒煙效果”，不論多與少，亦會如此安排，有心思。服務生感覺親切，執拾勤快，還有“骨盤”安排，亦主動換碟，比其他地方的放題，做多了少少，感覺不錯。如以午市來說，食物種類算是多，食得飽飽滯滯，飲品及甜點都是自助的，還有奶茶咖啡自助機解熱茶水壺，像在吃自助餐般。個人覺得，唯一的美中不足是 - 沒有酸薑，若然下次有機會見到“改進”，就100分了~~~