極尚大瀛喜日本料理

營業中

休息中

食過最難食既放題，刺身係放題最重要既部份，但選擇唔多3文魚冇味，只有雪味珍寶蝦10隻入面有2隻梅同黑忟忟，好似人地食淨撿過黎咁，劍魚腩好硬，冇味帶子同有頭甜蝦不過不失我朋友本身好鍾意食北寄貝，但佢都只係食左幾件就算，我諗即係唔好食啦未試過放題第一轉刺身都食唔晒壽司方面都正正常常，迷你手卷有海膽，但又係冇味熟食方面羊架幾好味，我食左4隻花膠都唔錯其他野食都麻麻地總之試過一次就算，冇下次元朗咁多選擇，真係唔會再食佢

作為一貫即興食飯的我，聽聞元朗的 Yoho 商場有一家「極尚」等級的放題很受歡迎。有幸小弟頗諳日本文化，知道「極尚」一字本來就有帶「最好」的意思。它這種自信，更促進我昨天特意一個人去品嘗這家放題的動力。 剛到門口的時候，我意識到該以本人的教訓告訴大家：「吃飯前一定要訂桌！！！」這家店在 Yoho 商場很受歡迎，光門口已經人山人海，站滿了排著隊去領號碼的人群。我大概等了半個多小時才能進去。  來到放題店，當然要點「放題三寶」！那就是刺身 + 壽司 + 炸物了。因為一個人吃得不多的關係，所以每種我喜歡的我都只點了幾片而已。刺身方面，我點了我最喜歡的三文魚和帶子；壽司方面，除了大熱的花之戀壽司，我還想試試一味我個人看來比較特別的創作料理——芝士鰻魚玉子燒；炸物方面，當然少不了我最愛的虎蝦和蟹棒天婦羅。除了這個，我也點了一塊芝士年糕。愉快的下完單後，當然要出去看看可以自取的小吃和飲品。小小的提示，小吃（像辣田螺和海草那種）﹑甜品和飲品都是自取的，所以盡量不要勞煩到忙碌的員工阿^^" 小吃的迷你葡撻比較出色，蜜糖味很濃，外皮很脆飲品櫃有足足4個雪檳不重覆的食物，24行的飲料總有1 種飲料適合你好

大年初三，食咗幾日蘿蔔糕,係時候轉轉口味食日本野。最近Yoho Mall新開咗間放題，聽聞喺新界西最正嘅放題，咁梗係要試下！餐廳內原來都幾大，又有自助前菜、甜品區，飲品櫃都有4大個，仲有自助雪糕機，有得食有得玩！食放題，先叫刺身是常識吧！三文魚、油甘魚、劍魚腩、帶子、珍寶大赤蝦、虎蝦、榮螺，一d雪味都無，肥美鮮甜，正正正！壽司、手卷都好味，細細件無咁易飽，可以食多d其他野。特別欣賞拖羅蓉軍艦，必點！食完刺身壽司，係時候點d熟食。熟食種類很多，炸物、串燒、天富羅、粥，多不勝數，當中必定要提炸榴槤，充滿驚喜，外皮炸得酥脆，榴槤餡軟糯又甜又流心，榴槤味香濃，喜歡榴槤的朋友一定要試下！最後以甜品作結，餐廳中央有甜品自取，可能已經飽所以覺得甜品是錦上添花。不過欣賞有雪糕機可自己整雪糕，食得玩得， 真過癮 😄夜晚放題由五點半關始，食到七點半連加一都有二百四十幾蚊。二百幾蚊有咁多野食，又有咁嘅質素, 性價比高，以後唔使走出元朗都有高質放題。😍😍😍

是晚人日, 同朋友慶祝, 去咗最近hit爆yoho town ge極尚~成千個位, walk-in拎飛要等1粒鐘(至少), 最醒原來係訂位嘅小朋友, 咁就唔洗等咁耐啦～食物種類尚算多, 點單左上角有mark A-K咁多款, 當中有刺身, 壽司, 創意壽司, 燒物, 天婦羅, 主食等等, 份量多以件/片, 咁就唔洗做大嘥鬼啦！上菜速度超快, 快到係我哋都未食已經要職員幫手cut一cut單, 食完再叫過出面自助拎嘅有甜品嘢飲前菜, 勁正!朋友見隔離枱一行8人嚟咗個海膽刺身一問之下, 原來生日訂枱慶祝會送, 點餐就要另加錢先有啦～2個女仔叫咗2 round, $234+10%, 真心易回本!!!

終於book到位6點開始食！一行3人去食傳說中既第一等放題🤟🏻🎉Reception哥哥仔話如果食到7點半可以減$30😎姐係個半鐘 ($190+1服務費)迷你手卷，大約一隻手指咁長，岩曬想食各種野食又怕飽既人👏🏻👏🏻壽司魚生基本野都應有盡有！味道好，食材新鮮！😍😍😍但係，唯一美中不足既壽司係 左口魚裙邊壽司，唔係想像中咁既口感同味道，左口魚偏凍，唔夠熱顯得有d 鯹，有小小失望。飲品方面，一般放題有既野都有得飲，最令我驚喜既係奶茶，可以話係又香又滑，用捷榮既紅茶，自己落糖落奶，自己既口味自己沖☝🏻👏🏻甜品方面呢，有馬卡龍，布丁，乳酪雪糕，芒果糯米滋等等糯米滋係既芒果係流心的，係咁多樣甜品當中令人最回味😊😊😊總結： 雖然食物有d 走單既情況，不過經理好好會幫手追單，服務態度好好，種類又多，一人$209 好抵食。溫馨提示：記得提早book 位，因為book in 好難有位，同埋記得拎埋停車場優惠😎😎😎

大年初二同家人出黎食放題，食早場五點半，一早已經企滿哂人排隊，超誇張，好彩一早到左，唔係等左好耐。店內幾大，但坐位很迫，枱與枱之間基本上沒有空位。先來刺身，寫幾多黎幾多無漏單，解雪做得很好，沒有雪味，魚生厚切肥美，質素滿意。吞拿魚蓉軍艦同焗帶子，魚蓉幾綿滑，焗帶子個芝士沙律汁幾正，入面有蟹柳蟹籽，好味。壽司有好多創意款式，賣相靚，細細件幾好。燒鰻魚肥美，好好味encore左好多round。比目魚又係好正，又香又滑，encore幾轉。燒牛舌同蕃薯仔，即燒即食熱辣辣。蟹粥超鮮甜，又綿又滑，有成隻蟹係入面㗎，好食。食飽飽又到食甜品，款式幾多，酥皮蛋撻好正喎。仲有雪糕機同雪條，有幾十款雪條，多到唔知食邊樣好。飲品都好多選擇，有凍有熱，有啤酒，汽水等，無糖都有好多野揀，有烏龍茶，解茶，龍井茶，啱哂口味。食物好味，上菜速度ok，店員收碟勤快，除左個位迫啲外，其他都好滿意。

來到元朗Yoho Mall 晚飯，見到極尚大瀛喜人頭湧湧，忍不住襯下熱閙，和朋友一起食晚市放題。甫坐下，和朋友分頭行事，他負責點菜，我便到熟食區拿食物及飲料。先來刺身，有挪威三文魚，劍魚腩，北海道帶子及深海八爪魚。刺身新鮮肥美，味道不錯。接著是卷物，我和朋友都是三文魚控，點了極尚花之戀，喜壽司，香葱鵝肝帶子，胡麻露荀煙三文魚卷。卷物都很有特色，我和朋友都吃得津津有味。點了一些熟食，其中御品鮑汁燴花膠最好味，花膠很入味，一點也不韌。最後品嚐這個蜜瓜雪條，非常滿足。

食完團年飯，又食左齋宴，今晚輪到食下日本野，見元朗新開左放題舖一直都未食，就呢個假期食下先。食晚市時段，超級勁多人，好彩親戚有訂枱，如果唔係真係唔知等幾耐啦，好誇張，有行花市咁旺呀！！先講下野食，自助都好多野拎，超級多甜品，有蛋糕仔，杯仔，雪糕機，雪條櫃，小朋友見到勁開心。飲品又係好多野揀，紙包有凍，暖同室溫，唔想飲凍野都唔一定要飲滾水啦，咁仲有韓國野飲，本地罐裝，啤酒，支裝，另外仲有熱奶茶，熱咖啡等，真係想飲咩都有，總有一款啱心水。最搞笑我覺得係有熱盤，炒菜苗，熟蝦，青口等，嘩，而加黎左食自助餐？平時放題邊有呢啲，仲有個蟲草花煲雞湯，又幾好飲喎，正所謂雞有雞味。刺身好新鮮，大大塊有口感，甜蝦大隻勁爽甜，encore又encore，勁正。全場爆場出都出唔切，但都唔算等好耐，擺盤有花有乾冰，幾靚仔！壽司，手卷，軍艦全部細細件，飯軟綿綿，好食。炸物，天婦羅，一品料理，鍋物樣樣試左少少，調味我覺得幾好味，親戚較重口味，佢地咩都點下豉油。甜品唔少得，雪糕都食左幾杯，仲有呢粒朱古力雪米滋，個樣雖然唔靚，但好味㗎，入面有朱古力漿。食得勁飽，正正正！！！

開張到依家好評不斷，次次經過門口都人頭湧湧。訂左座17:30，我地早十分鐘到已經排哂長龍要排到先可報上訂座編號等店員安排入座。舖頭雖然唔細，但擺得太多枱，座位通道只有一個人身位闊，所以出入要小心，有時店員出菜心急好易撞到自助區空間大過殿大喜屋，唔會好似大特賣咁等極都未埋到去，仲有個雙門大甜品櫃，幾多甜品選擇自助區除左甜品櫃、雪糕機、7仔咁大既飲品櫃，仲有啲冷盤、小食炸物同味噌湯。其中幾樣炸物同冷盤：蝦：白灼反而好食過佢煮果啲，蝦肉幾爽口，新鮮，無咩腸。螺肉：麻麻地，醬汁太杰，一patpat，螺肉算大隻。蜜糖腸：應該係台灣腸，肥膏佔一半，但真心好足料，勁多蜜糖，唔介意肥膩既可以一試。春卷：炸得幾乾身唔油，因為有熱爐烘住仲係熱辣辣好脆口，餡料大部分都係蘿蔔蓉，唔多其他配料，得一兩條紅蘿蔔絲同芹菜。葡撻：size剛好一啖一個，唔係太甜，食多個都唔會好漏，但無焦糖味似蛋撻多啲。食完頭盤就到正題啦點餐紙選擇唔多，好多都係壽司軍艦同手卷，熟食唔多，呢樣有啲失望。如果帶唔食生野既屋企人去就要留意啦。刺身都係基本野。可能因為個個都瘋狂叫刺身既關係，刺身居然係食到第二輪熟食先上。刺身賣相係幾架勢既，連乾

元朗Yoho開咗間新嘅放題，同朋友去嗰邊行街就順便試吓啦。之前都有係其他分店食過，唔使問都知有保證系出邊排哂隊，好彩一早book咗位唔駛等~一如以往都有好多種類嘅野揀黎到當然要叫個刺身拼盤啦，劍魚腩好滑超正！仲有新鮮嘅帶子同埋油甘魚，食完一碟都仲想encore啊呢到仲有適合香港人嘅一口手卷，細細舊可以試晒唔同種類嘅野壽司都好高質架，個鵝肝帶子壽司就最正啦，仲有海鰻壽司勁大條呀，一定要食！熟食方面都有好多唔同嘅嘢，我最鍾意就係食呢個雞軟骨，燒到岩岩好仲有呢個燒鰻魚食咗好多次。個天婦羅都幾特別，除咗平時嘅吉列炸蠔之外竟然仲有個天婦羅版嘅炸蠔，第一次食個感覺都唔錯，脆粉好薄，啱啱好。最後值得一提嘅就係有個好大嘅自助區，可以揀唔同嘅嘢飲仲有小食，例如中華沙律嗰啲等，仲好貼心咁除咗凍飲之外仲有熱飲㗎甜品同雪糕嗰啲都可以係出邊攞，勁多選擇啊，我就揀咗呢個自己整嘅乳酪喇，超好食仲可以加唔同嘅配料添呢間新開嘅放題店質素有保證食物高質又好食，黎元朗一定要試吓啦。

老婆心血來潮，想吃放題。一個價錢，可以在限時內大吃大喝，想起都覺得吸引。於是和她結伴來到yoho mall，試一試這間在元朗超有人氣的放題店。幸好已預先訂位，很快就獲侍應安排就座，餐廳門口仍聚集一堆等位的客人，要食放題，真的要預早訂位。點好菜好，我便去熟食區拿食物。有中湯，沙律，生果，飲品及雪糕，非常吸引。個人喜歡吃這裡的軍艦及壽司。日本玉子/ 醬燒極尚帝王蟹棒 /鹽燒左口群邊 /京葱三文魚腩 / 蟹子軍艦 /極尚三文魚腩見到多款壽司美食，我和老婆都很雀躍，不斷食，食得很投入。山葵八瓜魚漬軍艦/香䓤拖羅軍艦這兩款軍艦是我至愛，拖羅新鮮甩肥美，吃完要點多兩件。瑤柱海鮮蟹粥老婆最愛這道菜，蟹大大隻，蟹肉多且鮮味，吃得很滿足。

今日同朋友行完山去到yoho食晚飯，大家都好肚餓所以一致決定食放題打電話去話訂座已full，可以walk in等位。我地5:40左右到，去到6pm左右終於有位！飲品櫃好誇張，d款多到好似便利店甘，仲有我最愛的if椰青水。先點兩個刺身盤開開胃，刺身好新鮮，好快就清哂。手作壽司細細件一啖剛剛好，芝士鰻魚玉子味道不錯。encore了好多次的燒鰻魚和牛舌烤羊架左上的帶子我點了好幾次，左下的炸芝士年糕和榴槤炸彈都好正最後8pm離場，$238再加一，其實食兩個鐘頭有d趕，因為有時吹下水唔想食得甘急，有機會會試下午市時段，平d時間又長d

一直都好鍾意食日本放題，最近知道元朗開咗一間新嘅日本放題，仲要開係一個新開嘅商場入面真係非常之難得，一般嘅放題店都會開係一啲比較遠嘅地方，所以依間放題店嘅位置真係非常之方便人，元朗西鐵站一出行唔夠5分鐘就到。餐廳嘅裝修都非常之好啊，位置亦都非常之多同埋大除咗放題點餐之外，中間位置仲放咗一啲沙律吧小食同埋一個非常之大嘅雪櫃入面有唔同種類嘅飲品，仲有啤酒俾你地揀添，我最鍾意就係有任飲嘅維他朱古力奶， 一般嘅朱古力奶都係比較貴，放題餐廳都冇得叫，但係依間餐廳就可以俾我哋任攞所以覺得非常之抵讚。講到其他刺身食物，我個人就覺得刺身方面非常之高質帶子甜蝦同埋三文魚與等等味道都非常之高質而且非常之大份壽司方面都有鵝肝帶子壽司同埋其他火焰壽司都好好食。跟住仲有蒲燒鰻魚，另外其他串燒款式都非常之多而且味道都燒得非常之好二渣米方面我哋就叫咗吉列炸蠔，芝士年糕，榴槤炸彈等等，啲炸物嘅水準都非常之唔錯，炸粉唔會太多食落去非常之香脆同埋新鮮。而且好鍾意依間餐廳嘅裝修同埋位置都非常之舒服，唔會坐到好迫夾咁樣所以一大班朋友嚟食都幾適合。

因為親戚搬左入元朗，所以我都多左黎，今日同佢行商場，順便食呢間新開的放題，感覺上元朗人都幾期待呢間放題，因為元朗本身的放題選擇不多我地比較早入座，而其實都唔算太肚餓，所以剩係食左好少野我首先就拎左個蛋撻仔，能夠係放題食到蛋撻，覺得幾特別，而且仲要係暖暖的！接著就緊係吃刺身啦，只係叫少量，費事吃不哂造成浪費，感覺食材新鮮，而我最愛的三文魚都是厚厚的然後便是羊架，我每次吃放題都會點，呢應埸羊架無乜（SO）味，而且都算係易咬，最重要係夠熱辣辣而鯖魚都好大條 同埋燒得很香的，不錯最後吃了個湯烏冬，便感到投降了，因為夜D要食親戚生日飯，足矣

元朗新開放題，位於yoho mall，好方便！今次walk in食5:30場，限時1.5小時。食物種類多，飲品裝滿成大個雪櫃，最細心係有熱飲櫃同唔凍嘅野飲俾食客揀，仲有多款甜品同雪糕雪條，雪糕配料任落！刺身款式多，有三文魚、油甘魚、劍魚腩、帶子、希靈魚、赤蝦、甜蝦、鮑片等，全部都好新鮮，赤蝦好大隻，但甜蝦更鮮甜！壽司卷物都有好多款揀，每件細細舊唔使驚食完好快飽，一啖一件啱啱好！其中鵝肝帶子同喜壽司有驚喜，喜壽司一食落口有陣陣黑松露香，好好食！熟食唔係試左好多，芝士燒帆立貝好食，大大粒原粒帆立貝配酸酸的沙律醬，幾開胃，羊架好淋好香口，牛舌同牛柳粒普通，燒鰻魚好食，但的覺得最好食係燒菠蘿，好甜架！侍應有禮貌，收碟速度極快，無漏單，食物質素好，係坐得逼啲啫，有下次！