影片
更多
2018-02-16
979 瀏覽
開張到依家好評不斷，次次經過門口都人頭湧湧。訂左座17:30，我地早十分鐘到已經排哂長龍要排到先可報上訂座編號等店員安排入座。舖頭雖然唔細，但擺得太多枱，座位通道只有一個人身位闊，所以出入要小心，有時店員出菜心急好易撞到自助區空間大過殿大喜屋，唔會好似大特賣咁等極都未埋到去，仲有個雙門大甜品櫃，幾多甜品選擇自助區除左甜品櫃、雪糕機、7仔咁大既飲品櫃，仲有啲冷盤、小食炸物同味噌湯。其中幾樣炸物同冷盤：蝦：白灼反而好食過佢煮果啲，蝦肉幾爽口，新鮮，無咩腸。螺肉：麻麻地，醬汁太杰，一patpat，螺肉算大隻。蜜糖腸：應該係台灣腸，肥膏佔一半，但真心好足料，勁多蜜糖，唔介意肥膩既可以一試。春卷：炸得幾乾身唔油，因為有熱爐烘住仲係熱辣辣好脆口，餡料大部分都係蘿蔔蓉，唔多其他配料，得一兩條紅蘿蔔絲同芹菜。葡撻：size剛好一啖一個，唔係太甜，食多個都唔會好漏，但無焦糖味似蛋撻多啲。食完頭盤就到正題啦點餐紙選擇唔多，好多都係壽司軍艦同手卷，熟食唔多，呢樣有啲失望。如果帶唔食生野既屋企人去就要留意啦。刺身都係基本野。可能因為個個都瘋狂叫刺身既關係，刺身居然係食到第二輪熟食先上。刺身賣相係幾架勢既，連乾
訂左座17:30，我地早十分鐘到已經排哂長龍要排到先可報上訂座編號等店員安排入座。
舖頭雖然唔細，但擺得太多枱，
座位通道只有一個人身位闊，所以出入要小心，有時店員出菜心急好易撞到
自助區空間大過殿大喜屋，
唔會好似大特賣咁等極都未埋到去，
仲有個雙門大甜品櫃，幾多甜品選擇
自助區除左甜品櫃、雪糕機、7仔咁大既飲品櫃，仲有啲冷盤、小食炸物同味噌湯。
其中幾樣炸物同冷盤：蝦：白灼反而好食過佢煮果啲，蝦肉幾爽口，新鮮，無咩腸。
螺肉：麻麻地，醬汁太杰，一patpat，螺肉算大隻。
蜜糖腸：應該係台灣腸，肥膏佔一半，但真心好足料，勁多蜜糖，唔介意肥膩既可以一試。
春卷：炸得幾乾身唔油，因為有熱爐烘住仲係熱辣辣好脆口，餡料大部分都係蘿蔔蓉，唔多其他配料，得一兩條紅蘿蔔絲同芹菜。
葡撻：size剛好一啖一個，唔係太甜，食多個都唔會好漏，但無焦糖味似蛋撻多啲。
食完頭盤就到正題啦
點餐紙選擇唔多，好多都係壽司軍艦同手卷，熟食唔多，呢樣有啲失望。
如果帶唔食生野既屋企人去就要留意啦。
刺身都係基本野。
可能因為個個都瘋狂叫刺身既關係，
刺身居然係食到第二輪熟食先上。
刺身賣相係幾架勢既，連乾冰一齊上，有煙霧特效
帶子：比較薄身，幾爽口，味道鮮甜。
三文魚：無其他放題咁厚切，厚度一般，口感幾嫩滑，但第二次追加時可能心急所以有兩堍未完全切斷
酒煮榮螺片：口感彈牙，但食唔出酒煮，無酒味，而且有啲腥。
珍寶大赤蝦：唔算好大隻，都幾鮮甜幾有蝦味，但居然會犯低級錯誤有一隻無挑蝦腸
壽司類反而幾多選擇，記得足足有三四張紙都係壽司軍艦果啲，
可惜我唔太好壽司，而且食壽司好快飽。
極尚三文魚腩：好薄，仲普通過普通三文魚，入口無魚腩既油香，失望。
香蔥鵝肝帶子：帶子幾大粒，唔會切到好薄，鵝肝都幾大片，但俾黑松露醬啲味蓋過哂🤷🏼♀️
牛油果軟殻蟹卷：牛油果好生，一啲都唔creamy軟殻蟹無咩特別，有啲淋。
鰻魚芝士玉子燒
27 瀏覽
0 讚好
0 留言
以玉子代替飯，唔會好飽肚，玉子好厚實好甜；
鰻魚入口即化、無骨，表面舖上大大塊芝士再燒至微溶，入口好滑順
呢度既蒲燒鰻魚質素唔錯，腩肉比例平均，入口即溶而且好重油香，忍唔住追加左幾次燒鰻魚同鰻魚芝士玉子燒
相反個汁燒BB豬仔骨唔建議嗌，好肥無乜肉。
清酒煮蜆：同樣必試雖然一份得兩三隻，份量比較細。但隻隻都超大隻，而且好鮮味！一咬落去蜆既海水味同清酒一湧而出，如果份量大啲就好啦
黃金燒帆立貝：帆立貝大大粒，芝士好足料，好多洋蔥、蘿蔔等配料，口感好豐富。
唔記得叫咩竹荀燒蝦：男友話無蝦味，而且醬汁得個辣字，唔好食。
炸物類都好正，全部新鮮熱辣炸好。炸蠔：唔腥，蠔唔算大隻，但唔會炸得太生或太乾身。
芝士年糕：年糕煙煙韌韌好有咬口，芝士唔算好多，但咸香混合埋年糕既甜味好好味。
芝麻雞翼：有啲油，但炸得岩岩好，咬開好嫩仲有肉汁。
鮑汁燴花膠：花膠大大塊，炆得好腍身好入味，配料既冬菇一咬仲泌哂汁
咖哩蟹：屬於甜咖哩，椰汁味濃，蟹肉唔算多，但輕輕用筷子一挖就離左殻，方便食用。最後當然要以甜品作結，大大個甜品櫃真係令人難以選擇
左上既係焦糖布甸，面頭果塊啡色野係焦糖，幾脆，但焦糖味唔太重；布甸偏向奶凍質感，鮮奶油比例多啲，唔係雞蛋布甸動L口感。
芝士蛋糕：呢個好食濃郁芝士味，芝士控必試，餅底唔會雪得太硬，仲係餅乾脆既質感。
上圖右邊既撻：面頭既係蛋白糖霜，底下有一層布甸，中和左面層既甜漏感，外面既撻皮好脆，口感豐富。
下圖既係和菓子：
- 綠色：抹茶紅豆味，外皮好硬，裡面紅豆太實，味道有啲假，呢個唔好食
- 黃色：外層係柑橘味，裡面既餡似忌廉質地，味道係柚子味，食落幾清新，外層偏硬、有咬口。
- 白色：外皮最接近麻糬口感，煙煙韌韌，內餡係綠豆蓉，唔會太甜又香又滑，最好食係呢個
我地食既時段係星期一至四17:30-19:30，人均$190加一。
個人覺得喺元朗區黎講質素真係幾好，而且價錢算係幾合理，只係食物種類有待增加，
始終唔係個個都咁中意食壽司，有時一品料理/熟食先真正考功夫
張貼
