極尚大瀛喜日本料理

營業中

休息中

去開yoho mall見到佢新開咗間放題 趁晚飯時間 同老公入去試下食， 地方裝修乾淨企理又光猛， 環境都不錯甜品仲要有好多款添當中我最欣賞嘅就係呢個自助乳酪雪糕櫃 仲可以加好多嘢上去任你玩， 忍唔住都食咗兩杯例牌食返個刺身先， 三文魚，油甘魚，鮑片，螺肉， 甜蝦，帶子， 試咗呢幾款都好新鮮。人多流量快，嘢食都新鮮啲另外再點左幾款燒烤嘢食送下啤酒， 羊架不錯哦夠曬羶， 另外佢個串燒雞軟骨， 都燒得幾唔錯，如果串燒方面再多啲選擇仲啱我胃口呢個焗帶子 用左大量嘅沙律醬包住個帶子夠曬醒胃在喺外面攞咗少少嘢食下， 葡撻 牛油炒雜菌八爪魚銅鑼浴每樣食dd， 滿足下，又唔使太飽幾欣賞佢哋個壽司唔會太大件而且 口感結實 款式又多榴槤波波， 最正就係外脆內軟咬落流心 啖啖榴槤肉 融化出來最後就係食埋甜品喇 心心嘅布甸 見到個人都開心啲

話說今日帶住bb諗住去食接待個位問我要兩人枱定四人枱, 四人枱就要收埋bb錢, 兩人枱就要手抱住嚟食我想請問一下你地做得食肆唔係應該要考慮食客既情況? 賺錢洗唔洗賺到咁? 我bb得11個月大, 即係如果我要食到既就要俾多一個人錢, 一係就要辛苦啲抱住嚟食咁如果我比多一個人錢係咪等於可以嘥你啲野食, 同你講聲我有比錢既咪我囉你地咁就法就等於歧視我地帶住bb既媽媽我一定將你地black list再share比各大媽媽谷

其實食放題，唔一定要同佢博命嘅。飲下湯，食幾隻甜蝦，幾件特色壽司，已經值回票價啦。最愛佢嘅甜蝦....加幾件鰻魚幾串牛舌串燒早段 5:39-7:30 $200+10%

吃的是晚上9点到11点的特价时段，210港币一个人，快到九点的时候门口已经好多人排号，食物蛮多的，冰柜的雪糕和饮料好多选择，很贴心还有些自取食物，让等待食物上桌前还可以吃点别的饱肚子，但是后面刺身就吃不完了，鱼生切的好厚又大块，虾又是很大条，很鲜甜，啖啖肉，牛肉比较硬，鳗鱼很嫩，妹妹居然在那吃了六个鸡翅膀…还有咖喱螃蟹，说是咖喱很正！寿司饭很小块，妹妹说喜欢这种，不会因为吃饭撑饱，蛮值得去的放题！还想再去

難得元朗開咗分店 第一時間 同老公去撐枱腳， 趁lunch time時間冇咁多人又平平哋甜品款式夠曬多 ，啱曬 我一班甜品控嘅朋友有雪糕同乳酪，另外大把配料畀你喺上面自由配搭除咗有 凍飲 ，竟然連熱飲都有真係夠曬細心個沙律吧有青口食㖭呀，正，大愛點咗啲串燒羊架都唔錯， 笑得幾香，送下啤酒一流個銀鱈魚肉質好嫩 ，層皮仲煎到脆卜卜啲魚生夠曬新鮮， 有齊曬我最鍾意食 嗰幾款魚生啦，有三文魚，甜蝦， 鮑魚片，螺肉，北寄貝呢度寫2位既份量 ，就真係2人份量🤭🤭 咁都唔錯呀真係可以乜都食少少最後食少少牛油粟米之後再食埋甜品咁就大滿足啦

極尚開了幾個月，walk in 沒耐性等的話機乎是沒可能的，所以另一半週末先訂好位置，終於可以一試了，開心！入座安排很快，上菜也快，我們有漏單情況，但追單的速度亦很快。但餐廳整體氣紛就讓人感覺快、快、快，包括快點吃飽快點走。而且冷氣很凍！食物種類多，最大體就是大大個飲品櫃任攞任飲，也有小食櫃枱，但要留肚吃更好的，所以基本沒碰過。說回食物，生魚片生鮮大件，單是蝦也有三種選擇，炸物榴連波波好好味！串燒及烤雞亦也很好，沒有預先整定嘅感覺。總括，一定會再來。

上星期三，突然想去食放題！人人都讚大瀛喜食物無得彈，就去試下啦！我好少一個人食放題，所以一定搭個Partner 去啦，唔係就無咁過瘾！估唔到，生嘢同熟嘢都一樣咁豐富。見人喺出面個Bar到攞沙律同熟食就跟住去。淨係呢到都可以食飽你啦！忍手攞住少少先。嘢飲多到想問，係咪真係可以任拎架？主打嚟！點菜！嘩！個Menu多到眼都花埋。小心1件件點架喎！我哋兩件兩件點，都驚食唔曬！記得要寫枱號，唔係人哋要逐張枱問。點解我知？因為我試咗，哈！欣賞侍應一單都不能少的專業！勁讚！重點分享下食物，我朋友點一盤生嘢！-_0，我未食都望到嘆為觀止，個樣好新鮮！佢話點只新鮮，直頭鮮甜啦！我唔執輸點銀雪魚、羊架、蛋壽司、鰻魚壽司、手卷…. 等樣樣都水準一流，而我最欣賞係榴槤波波，炸都外面卜卜脆裡面Creamy 嘅極品呀！叫咗10粒，哈哈，香到呢！另外，熱氣過後，點個蟹粥中和下，超正，蟹味夠粥夠綿，而且份量足。唔可以唔講，仲有點品喎！有圖有真相！多！我自己最鍾意係韓式雪條，首選梗係蜜瓜味啦！自助雪糕乳酪機，識食梗係兩溝，超夾超爽，而且好多Topping任你加，好玩！另外，我發現一樣嘢，就係…. 好多人好醒，埋單後，走

放題～放題～連續兩個月去左食放題。因為住YOHO既朋友話我知我講元朗開左極尚大瀛喜，於是一齊去試一試。想像唔到咁多人排隊，好彩一早BOOK左位，加上早左到唔駛等太耐。餐廳好大但座位有點窄，同隔離張檯好親近。自助BAR好多種類，前菜燉湯小食甜品雪糕應有盡有，睇到我心大心細樣樣都想食。好多野揀我最愛既燒菠蘿燒完既菠蘿份外多汁又甜。燒羊架味道OK 帶有少許羊騷味。肉質淋，燒得剛好，不錯。刺身當然係重點，數量足，但美中不足係有Ｄ刺身未解凍哂。　鰻魚玉子燒未試過遇上鰻魚玉子燒這東東意想不到佢係凍既，味道都幾夾。我覺得極尚大瀛喜都算係元朗高質放題，食物質整體不錯。

約咗老同學入元朗食嘢，原來佢book咗食放題，真係好誇張，冇諗過平日嘅中午都竟然全店爆滿，人山人海。不過我鍾意午餐食放題，因為可以食多啲，反而夜晚已經唔想食咁多嘢啦！我發覺出食物都好快，呢一樣好抵讚

當佢開果陣 就已經想去試.但好多時都full直到生日去試去book去食 咁生日優惠都係送海膽啦 海膽：好味好鮮甜一般普通去食 係無既.然後必食既...刺身我唔記得有d咩... 但真係真係... 唔新鮮. 無味. 好難食. 三文魚 無三文魚味 成個拼盤 可能得虎蝦係好味.然後都有叫 羊架... 都係比旺角果間大瀛喜差好多（唔知係唔係一樣集團啦🙊） 牛柳粒都唔好味. 野食種類 都比較少.有d冷盤前菜 都可能自己出去拎不過🙊🙊🙊🙊🙊 好.....唔知點講 都係差既飲品種類多 有冷暖室溫 仲有咖啡機 甜品都較多 仲有雪糕😍 **book左7:30 我就7:20左右到左 佢已經比我入 都係食到9:30 不過太差 食唔足9:30🤣🤣

打電話check booking要排兩星期，點知5點去排walk-in 15mins有得入，$200食個半鐘，okay呀！有態度、有質素。I’ll be back😋😋

曾試過不少日式放題，但每次的經歷也不是太好，不是款式少，便是享用時間短，亦會等很久才來食物，甚至漏單。這家日式放題則令我及我的朋友十分滿意我們一行7人跟朋友在這裡慶祝生日，因工作關係，我們1:30才到，但餐廳3點便休場，所以時間有點趕急，幸好食物上枱的速度快，不會浪費我們寶貴的時間😅這店的刺身新鮮，款式多，而且是按件數點，不會浪費之餘，也可多試不同種類的食品。不得不提燒物，燒牛舌及羊架很好味，我們叫了3-4 round，食物不會太乾太硬，而且十分入味，但又不太咸，頂瓜瓜！

尋晚幫朋友買嘢去咗Yoho Mall，原本想食純壽司，但要等好30幾個號碼，朋友話一依去試下新開既極尚大瀛喜，來到一樣要等，唔算太多人，不過因為無預訂一定要等啦！唔想等可以先預約再來，問咗侍應佢話下一輪喺8:15，等半個鐘到無所謂，呢段時間去邊度都要等了，全部卡位，每張枱都有一本厚厚的點餐紙，第一時間點下刺身，壽司⋯嘩，刺身拼盆好豐富，樣樣都好新鮮，我個人只愛三文魚大件厚實，希靈魚好細件，大赤蝦非常厚肉，最鮮味，不過全部唔夠冰凍三文魚腩壽司，三文魚腩唔夠肥美，但壽司飯好煙韌，如果飯細件d仲好，朋友話吞拿壽司就好唔掂，黑松露鵝肝帶子壽司，個人好鍾意黑松露完全蓋曬鵝肝味，可能鵝肝太細件完全食唔出味，總結都係好味，花之戀細細件一啖一個啱啱好，燒原條穴子，感覺都係蒲燒鰻魚好d，蟹棒正常味無驚喜蟹粥完全味精味，唔ok，蒲燒鰻魚，因我太鍾意食，好厚肉，不過唔夠熱要扣分，汽水雪榚任你攞，仲有乳酪添，總之選擇好多，睇你食量啦，哈哈⋯總之我尋晚食完飽到今朝，仲有好多嘢無食，留待下次再幫親。

精明的香港人，都希望用最少的金錢，吃到最多、最優質的食物。雖然酒店自助餐質素好，但價錢往往高昂，所以越來越多日式放題應運而生，它們一般價錢二百至三百元，以壽司、刺身為賣點。今次去的叫大瀛喜，位是兩個多星期前電話預約的，吃的是頭輪早場，未到用餐時間已有人在外邊等位。目測食物樣類超過一百款，有壽司、魚生、刺身、燒物、沙律等。甜蝦、元貝、呑拿魚、三文魚等全部鮮味三文魚厚身兼新鮮炒蝦碌酸酸甜甜，十分開胃新西蘭羊架大大件，羊味濃郁設有自助雪糕機，味道有乳酪和蜜瓜味罐袋飲品質素好甜品有乳酪、豆腐花、布丁、意大利咖啡蛋糕等雪糕樣類十多款

午餐一定要預訂,因未夠鐘條隊已排得長長,幸好大家都守秩序;食物款式頗多,賣相亦精緻,壽司一口一粒亦不會浪費;熱葷方面,即叫即做熱辣辣;而店員亦非常有禮;整體亦好只可惜坐位較窄