極尚大喜屋 (加連威老道) (已結業)

今日公司請食飯~一行廿四人浩浩蕩蕩咁去食放題午餐！之前聽啲師奶朋友講話哩間放題啲野食好得，所以我都好期待哦~ 刺身拼盤款式種類多，甜蝦好鮮甜，好驚喜有泰式刺身蝦~同樣爽甜！吞拿魚味道偏淡，一般~ 壽司/卷物上菜果隻碟好大，但係內容好的骰，卷物嘅三文魚其實就係一片三文魚，少左啲花之卷嘅層次感囉~壽司飯同魚味道都ok. 帶子壽司都係好小巧，一啖一粒，帶子味道鮮甜，就係少左厚厚嘅質感，因為太細粒啦~ 香草青口都係好細粒,好不過隱,味道一般！ 甜品款式都多，睇個樣都好靚，但係裡面味道不好，大多是忌廉，口感不好。 雪糕最岩我都係哩一款，味道無得輸！一行人食左六千幾~多謝老細但沒有我想像中那麼好囉！

朋友介紹話呢間嘅日本料理放題味道唔錯，一早就打電話提前訂位，6點鐘前去到，要先係門口排隊等安排位置，唔使等好耐就入去喇，地方唔算大，位置都較密集，臺與臺之間就係一個人嘅空隙左右可以走動，除咗清酒之外要另外計費，其他係餐單紙上嘅都係自助餐內可以選擇嘅食物，品種都算多，不過每樣嘅食物份量都唔算大，所以點嘅時候要計好要幾多，因為客人好多，落單之後驚要等好耐以防萬一，我地係一次性點好曬，唔夠嘅先再點過，甜蝦，三文魚同象拔蚌刺身味道都幾好，海膽，軟殼蟹同芒果沙律壽司都幾好味，羊架食落都冇乜騒味，個人最鐘意係燒菠蘿，食起身暖暖地，水分同甜度都好夠，總結性價比都唔錯。

一到 極尚樓下，人龍好似排隊買手袋咁長，幸好之前電話訂了枱：)入到去到多staff係度行黎行去，不早時望著我們的小碟，但換碟換得太密了⊗食物整體OK , 服務佳，下次會再嚟

呢次我係專登嚟食的！因上次食完對面街大喜屋覺得幾有水準！就想試埋同樣位於尖沙咀但地鋪雖然訂左位,但去到並不是即刻入去就坐的!樓下會好有秩序加指示牌叫客人排隊入座的!咁就唔洗係邊度開始排隊啦！條人龍都幾長下,唔好睇小佢! 食放題一開始,一定係食刺身,呢到刺身種類非常多,上至池魚王,下至甜蝦,真係一應俱全!放題好處就係可以任食任叫!而呢間全部刺身都係任食,並沒有因為成本價錢高而另外收費！實在難得!三文魚等均非常新鮮肥美! 我都幾鍾情火炙壽司,我一定叫三文魚腩，因為好中意三文魚腩經火槍燒過之後個種魚油香,肉質依然嫩滑!另外左口魚邊火炙壽司同樣好味,燒得岩岩好! 鰻魚芝士卷,芝士味濃厚,再加爽口青瓜,點綴燒汁,yummy! 海膽軍艦,眼叫海膽鋪滿，果然足料,紫菜仲脆身幸好,最令人滿意係無腥味! 天婦羅,我就叫左天婦羅蝦,茄子,蕃薯等,熱度夠,粉薄,沒有過多油份,我就喜愛沾滿天婦羅汁先食,感覺無咁熱氣. 辣酒煮花螺,非常入味,每粒都有肉! 黃咖喱炒蟹,充滿惹味同帶辣度,個咖喱汁好好味! 燒帆立貝,好食到停唔到口! 甜品登場,呢度提供Haagen-Dazs雪糕1杯(每人),有士多啤梨等不同味道,而

復活節狂食多間放題，當然要試下大喜屋新開另一間,睇佢極尚為賣點,我就睇下係咪真的心態去試,而且睇到有試心食評話態度惡劣?不過果日我可能好彩，佢有個投票活動,選最佳服務員,所以個個態度都好nice佢刺身有三文魚腩係高檔左,而我最欣賞反而係佢霜降牛肉窩,裏面有4片霜降牛肉，洋蔥，豆腐,好味呀!如果多幾片牛肉就好啦!另外我推介係佢黑松露吞拿魚壽司,海膽玻璃蝦壽司,火焰鵝肝帶子壽司,火焰穴子壽司，不過佢一份份食物我唔知佢點計!當日我們3個人食,有時多時少的情況,亦都發生漏單情況，最奇怪由相片你發現有泰式食物,我叫左泰式鳳爪,咖哩炒蟹(辣到飛起)， 柚子沙律(正) 刺身有泰式用生蝦……添，燒羊架都唔錯, 款式佢真係比較多,多到我唔可以叫晒黎試,甜品我十分喜歡,有玫瑰花糕,桂花糕,有金莎朱古力餅,有柚子凍,多款細細件的甜品,最後仲有H牌子雪糕做尾聲,很滿足的一餐!贊!

平時食都系臨last order先埋單 今次一坐底吾夠十五分鐘就叫人埋左單先 聲稱要埋個幾鐘頭 聽到呢句好無奈=_=??朋友簽卡就比左卡佢，等張slip番黎嘅中途野食就上左，冇幾耐呀埋單哥就放底左本簿(ps.佢冇穿着員工制服 吾通系老細???)咁朋友當時就食緊野成手污糟就諗住快啲食完就簽前後吾夠一分鐘 系一分鐘都冇！呀埋單哥竟然行番轉頭用極度之咁衰咁差嘅語氣喝令我朋友 叫佢簽名！！ 哇系！吾講以為我地爭你十萬九千七要簽欠單咁！個刻真系想x媽拆蟹佢 不過一個開心嘅節日廢時搞到自己咁勞氣！雖然野食都吾錯 但吾好持住間舖個朵好 出名好食 多人排 就可以用啲咁衰態度對客！你收得咁嘅價錢 除左食物 相信服務都要提供番相應嘅標準！講真 久不久食茶記就會發覺茶記嘅人嘅態度服務絕對不比呢啲所謂人氣食店嘅差！最後就系 我吾會再幫襯極尚！我角度 服務態度>食物質數！ 見到之前有人打負評投訴呢間嘅服務而不被通過評審在平台公開。 我希望呢篇可以通過 我就系要話比其他人知呢間野系點對客！同比極尚反省下以後仲系米要持住呢個服務態度對待客人！謝謝！

1行10人去食餐勁的!一開始就來溫泉蛋和黑松露帶子沙律作前奏~ 感覺良好~刺身拼盤 - 每次都係一大盤上來的! ENCORE左成3-4盤... ^^;甜蝦, 帶子, 池魚超鮮! 厚切的!壽司係細細粒的, 太太好了!蟹腳, 烤三文魚, 帶子的好好味~第一次叫的時候因為只叫了幾粒, TEA SET架咁上枱!焗帶子真的是推介!!!好大的一隻 ! 醬汁好濃~粒粒牛柳也不錯. 叫了煮牛舌就太大件, 不是太好羊架 ! 好香好好味 ! (不喜羊肉的會怕"蘇")燒雞翼就咸左少少燒海蝦比天婦羅蝦好多了 ! 其他的天婦羅也好一般...燒菠蘿好正 ! 一個人食兩件 !牛肉鍋D牛肉好滑 ~ 加上雞蛋 ! 豆腐也入味了~任飲的也有6-7款選擇~韓國的忌廉鮮奶也有~新奇士的果汁一支上!最後一人只有一杯的雪糕 ! 有限定的士多啤梨CHEESE CAKE味 ! 大家都選了這個完美的結尾~而且店員見我地多人, 主動來問要否幫我們拍照~時間趕了一點不過仍是盡興的食到飽~~~

早一星期BOOK好位，比預約時間早到15分鐘，去到門口，竟然排晒隊等入座，等左約10分鐘，到我哋入座，講真，地方真係好窄，差不多枱貼枱。是日我哋兩個人，一人一個手袋，都已經吾知可以放係邊。一坐底，即刻點下食物，先選一啲推介食品，由於吾知份金量，所以於第一輪時，便選擇較多數量，多彩，得到經理的提示，將數量改為適量，免得太多而浪費。食物方面，真係吾錯，而且好新鮮：- 刺身好有水準，特別鱆紅魚及池魚王，爽口清甜，三文魚也不錯，全部厚切，口感一流。象拔蚌及甜蝦爽口甜美。- 壽司小巧別緻，不會容易飽肚，食多幾件也可以。特別喜歡他們的創作壽司，鵝肝帶子壽司，香濃的鵝肝味，而黑松露雙色吞拿魚壽司賣相特別。江戶壽司，以基本壽司為主，如龍蝦膏甜蝦壽司，啖啖鮮味濃的龍蝦膏，回味無窮。所有壽司上枱時，賣相一流，覺得好似食緊一碟藝術品般。- 其他，本人比較喜歡鹽燒牛舌，牛舌薄身，爽口入味。燒有機菠蘿，第一次食，感覺有點酸。十心中一戈汁燒豬肋骨，蜜味香濃。北海燒帆立貝，上枱時熱辣辣，用蟹柳加沙律醬為醬汁，味道非常濃郁，回味再回味。 天婦羅蝦、蕃薯、南瓜、茄子。炸粉算是薄身。- 飲品尚算多選擇，各式汽水選擇，較特

上年好友生日揀選極尚大喜屋留下美好印象,早前跟車爸爸家人飯聚便再次到訪極尚大喜屋須然價位冇增可惜未見得保持到優良水準!我哋食8:45pm場$278+10% 大過洗面盤的刺身好宏偉呀足足12款~其實剌身好新鮮如第一次嚟食應已好滿意不過比起上年已略遜一籌~ 壽司就keep到水準好吃啊~尤其那黑松露雙色吞拿魚黑松露好香同吞拿魚好夾~ 火炙壽司就麻麻哋燒得好流~ 海膽軍艦得一件係靚樣其它糊糊的可幸吃下冇異味~ 意式黑松露帶子沙律頗新鮮,柚子大蝦沙律柚子苦又澀好難吃~ 卷物好豐富三文魚香芒加州卷好清新推介~ 辣酒煮花螺做得入味不是怕難消化真想再來一個~ 手卷嘅紫菜淋到咬不開失望非常~ 北海燒帆立貝用沙律醬汁將帆立貝燒香頗惹味可以一試~ 嫂嫂最愛燒粟米~ 芝士年糕,一口芝士我呢D芝迷點會放過吖炸得不油膩好吃,芝麻雞翼又係香脆可口(又要生飛滋了) 日式煮牛脷聽聞韌到咬不下要侍應收回 蒜蓉露荀炒珊瑚蚌又香又爽口仲有鑊氣好味道 放題名物日本蕃薯仔燒到香香吃下軟糯香甜好鬼纏綿~ 勁辣黃咖哩炒蟹咖哩香辣做到足可惜蟹不夠靚仔燒菠蘿指定動作吧!! 瑤柱粥一般的味精粥吧!! 到甜品喇勁失望囉冇咗馬卡龍轉咗咖啡奶凍

數數手指，對上一次吃放題已經是三四年前的事。有天跟同事說起現在越開越多放題店，說下說下便相約了要吃一次放題。我們預先Book了極尚大喜屋6pm-8:30pm，8位的話需要先付$500按金作留位之用。這天8人大軍一放工便浩浩蕩蕩來到極尚大喜屋門口，被長長的一龍嚇了一嚇，原來即使訂了座的客人，也要先排隊待夠鐘才能入座，認真巴閉！吃放題，最緊要食物選擇多。論選擇，極尚大喜屋由A-L共12款不同種類的柯打紙，過百款的刺身、壽司、炸物、一品料理等，絕對能滿足嘴饞的你。A - 刺身跟很多人一樣，第一張填的紙仔一定是刺身。甫上枱，先不管排得整整齊齊的刺身，單是看那伴碟碟的假花假樹已經令人嘩然！店家並沒有因為是放題形式而對伴碟馬虎，相反卻營造出一股極尚的任食氣氛，既吃得又睇得！鱆紅魚及池魚王油脂豐腴，口感一流；三文魚不算肥美，勝在厚切；象拔蚌及甜蝦爽口甜美，唯一是赤身的質素一般。第二、三輪的刺身我們還點了北海道帶子、天使蝦及北寄貝。帶子色澤雖然一般，但吃起來爽口鮮甜；北寄貝也夠爽口，但味道較平淡：而天使蝦大概是來貨或備貨存得不好，壓得死實。B - 壽司創作壽司飯向來是飽肚之物，很多放題店都會把飯粒握得

係日本返到香港沒多久，心中還很掛念日本的美食，就與女友來到極尚大喜屋，回一回味那段日子。入口的時候，燒物還有點暖，我特別喜歡飯和魚生合在一起的時候，飯不會輕易從壽司掉出來，因為平日吃壽司，最討厭就是魚生還在筷子，但飯都掉到醬油裡，這個問題比較少，可見師傅真的有功夫和他們真的有誠意服務客人。另一樣我很喜歡這裡的食物就是甜蝦，因為他的蝦是整隻上，連頭連肉，入口的時候頭與身之間的那種肉汁也能吃到，也特別新鮮，最緊要是甜更大隻，吃起來不會覺得自己什麼都沒有吃一樣，這才是最高的享受。另一樣值得吃的就是象拔蚌片，平日打邊爐吃得多，但魚生就比較少，冷冷的一片咬下去很有口感，與醬油十分配合，當然就算不點醬油，單吃冷冰冰像咬雪糕也是一種特別的體驗。日本的食物最大的賣點是外貌十分吸引，比起在日本，這裡的食物一點都不會差，新鮮即叫即做，出來每一樣都像朱古力一樣，引人入勝，放在和風的碟子上，令人不禁拿出相機先拍一拍才吃，色澤和擺設精緻到令人不想吃。之前吃過大喜屋，雖然是同一集團，但這間的食物選擇較多，食物擺放亦比大喜屋更精美。裝飾方面，沒想過會加上玫瑰，即使二人來大吃一餐也不失浪漫。每一種食物都極之新鮮，三文

來到極尚大喜屋第一時間就要大叫特叫，與其他放題不同，這裡的食物選擇極多，不是只有三文魚和甜蝦，看看餐牌，不知是不是我見識少，什至有些食物我不知道是什麼，例如天使蝦，希靈魚，池魚王，總之就是很高級的樣子。叫了一堆食物，全部都是即叫即整，特別新鮮，那些創作壽司看起來真的很精緻，令人不想吃掉，不說我還真的覺得可以拿去比賽! 放入口，入口即融，沙律甜甜酸酸，花之戀感覺比花更美。極尚大喜屋另一樣比其他放題好的是甜品方面加上了奶凍﹑芝士餅等等，這次沒有叫，因為看起來不太值得，但是喜歡西式甜品的朋友終於可以跟喜歡日式食物的朋友一起用餐。另一樣就是這裡熱食也不少，有些上了年紀的媽媽爸爸和年青的子女也可以一同去，不用再怕因為不吃生的被留下。因為是吃午市，價錢也較平，238加一，比起其他放題不是貴很多，但服務和食物真的高很多，我覺得真是很值得，下次也會和家人再來。

終於試下呢間好hit的日式放題。一係唔試，一係就選擇它名下較高級的。8：35去到，好多人等緊位喇。正如其他人所講，訂左位都要等夠鐘先可以入去。好期待。一入去，當然即刻來一個sashimi,好多款超過十款，三文魚，池魚，針魚，天使蝦，甜蝦，象拔蚌等。賣相不錯，新鮮，味道可以，但不突出。最好味的是天使蝦，好有蝦味；最可惜是第二次叫的 象拔蚌壞了另外，較特別的有鵝肝帶子，但鵝肝真係好細粒，亦不太有鵝肝那重油感；有黑松露壽司，有黑松露味嘅；海贍蝦，海贍有小小不新鮮；最好味係左口魚壽司; 蟹腳壽司有點干。燒海曼燒得幾好，咬落去唔會乾爭爭。熟食煮得可以，牛舌可以再香d；炸墨魚都幾香口，入面的墨魚亦不會老；燒菠蘿剛好，好juicy; 燒年糕及紫薯就一般啦; 天婦羅個漿厚左d喇，而且，味道淡淡的亦不算香口。粉漿是好重要要的。另外，menu 入面仲有較特別的e.g. 煮花螺。有興趣的朋友下次可以試下。沙律叫了黑松露沙律，蟹子沙律，大蝦袖子沙律，帶子沙律。不過不失啦，蟹子沙律及帶子沙律較好。新鮮及味道剛好。蟹子沙律的沙律醬不會太多；帶子沙律的醋亦剛好，不會過酸。飲品方面，清酒要俾錢，可以叫hite or

本人一向對香港的日式放題，沒有抱太大信心，是因為過往的經驗，不是食材質素參差，價格又貴，就是侍應服務態度差...等，得知「極尚大喜屋」是放題界的殿堂級，聞名不如見面，那就姑且一試罷！我們預訂晚上六時的座位，早於十分鐘前到達，門外已見一條排隊的人龍，足見其人氣之鼎盛！侍應奉上兩本點菜紙，內裏由A-L有系統的分門別類，有刺身、壽司、卷物、炸物、沙律、甜品...等，好讓食客一目了然的剔選各款食物。首先上場當然是刺身，刺身款式有十多種，第一輪我們小試牛刀，叫了幾款品嚐！刺身賣相絶不欺場，極具氣勢，而且每款亦非常新鮮。厚切三文魚豐腴油潤，油甘魚質素也不錯，肉質嫩滑結實，魚油回甘，必試之選。甜蝦也是推介之作，蝦身圓渾厚身，鮮甜味美。象拔蚌爽口彈牙有嚼勁。而其他刺身，質素大多水準之上，以放題來說，整體已是不俗了！接著是壽司出場，幸好壽司飯比例較小，不易飽肚！先來「帶子鵝肝」，厚切帶子厚身鮮甜，略嫌鵝肝較少，但尚可接受！「龍蝦膏甜蝦」，蜷曲的甜蝦以龍蝦膏為點綴，入口甘甜，不錯！「蟹棒壽司」，蟹棒肉質較實，味道一般，不是我的口味！「海膽軍艦」，這是值得推介的回本貨色，橙色海膽入口甘甜鮮美，沒有半點腥味，

兩個禮拜前打去訂八位，三日后因人數有變再打去改訂九位，佢地話0k，叫我過數落五百元訂，本人照做，到今日用餐，準時到達大喜屋入座時，佢地只安排張八人枱比我地，叫我地坐迫啲，當時我地即場反映話八人枱實在迫唔落九人(個個到大件頭)，但佢地一個7号服務員用惡劣既態度同我地講因為係後加一位，所以佢地安排唔到九人座位，話佢地full booking喎，大佬呀，加多位我地個多星期前已講明，係你大喜屋話0k我地先過數落訂，咩叫後加所以安排唔到位坐？第九位無收錢牙而家？我地據理力爭，大喜屋就加多個8号服務員一樣用同樣惡劣既態度對我地，最後我地有位老人家在場(慶生日)所以無同佢地嘈，大喜屋就安排左个主席位比我地第九人坐低，但坐低無耐，呀7号服務員又行埋黎話後加果位第九人只可坐圓凳，硬生生將有椅背的凳換去，有無咁小家呀?咩服務態度呀，宣傳又話比人客“非凡極尚感受”。。。我地只感受到非常受氣囉😠😠😠😠😠😠😠😠😠