極尚大喜屋 (加連威老道) (已結業)

兩個禮拜前打去訂八位，三日后因人數有變再打去改訂九位，佢地話0k，叫我過數落五百元訂，本人照做，到今日用餐，準時到達大喜屋入座時，佢地只安排張八人枱比我地，叫我地坐迫啲，當時我地即場反映話八人枱實在迫唔落九人(個個到大件頭)，但佢地一個7号服務員用惡劣既態度同我地講因為係後加一位，所以佢地安排唔到九人座位，話佢地full booking喎，大佬呀，加多位我地個多星期前已講明，係你大喜屋話0k我地先過數落訂，咩叫後加所以安排唔到位坐？第九位無收錢牙而家？我地據理力爭，大喜屋就加多個8号服務員一樣用同樣惡劣既態度對我地，最後我地有位老人家在場(慶生日)所以無同佢地嘈，大喜屋就安排左个主席位比我地第九人坐低，但坐低無耐，呀7号服務員又行埋黎話後加果位第九人只可坐圓凳，硬生生將有椅背的凳換去，有無咁小家呀?咩服務態度呀，宣傳又話比人客“非凡極尚感受”。。。我地只感受到非常受氣囉😠😠😠😠😠😠😠😠😠