極尚大喜屋 (加連威老道) (已結業)

跟蝦子餅的正日生日飯局，選了想試很久很久的極尚大喜屋。六時前，加連威老道已出現排隊等入座的人龍。刺身的種類很多，第一輪點了松葉蟹腳、池魚王、油甘魚、鱆紅魚、三文魚、北海道帶子、赤貝、北寄貝、響螺片、象拔蚌、天使蝦和甜蝦，整體水準都很高，只是對松葉蟹腳有點失望。一向很少在放題吃壽司，但這裡有好幾款創作壽司都很吸引，點了三款，包括黑松露雙色花、海葡萄蝦和鵝肝帶子。還點了兩款皇牌軍艦，個人很喜歡的芥辣八爪魚和回本的海膽。第一輪的海膽軍艦很好吃，海膽十分鮮甜，但之後點第二輪竟然有苦味。另一皇牌鹽燒海蝦，必試之選。鹽燒牛舌也做得不錯。北海燒帆立貝的沙律醬汁稍嫌過多。燒香草羊鞍非常好吃，不愧為皇牌。燒有機菠蘿十分香甜。一品料理中竟然有黃咖喱炒蟹， 份量不少，但對我來說太辣了。雪糕以外，甜品的選擇亦不少，不過個人認為不吃也沒有損失。每人只限一杯雪糕，有七款味道選擇，我們選了芒果紅桑子和季節限定的皇家奶茶。

為左食到極尚早左一星期就book位其實先前都黎過極尚食但係覺得大喜屋好食又平過極尚所以前幾次都係食大喜屋依家食悶左大喜屋又番番黎食極尚~~首先講下剌身先啦~叫左2轉(^ω^)3文魚新鮮但咬落有根。。。其他都好新鮮!燒物必讚燒帆立貝!好食過大喜屋個芝士焗蠔好有口感呀😍😍😍😍我都不停咁encore左呢個要襯熱食先正!炸物雖然無影到出黎但芝士年糕食左咁耐都係咁鍾意食。完全唔覺食悶~最鍾意後面燒汁(^ω^)另外佢個炸香芋丸同牛奶脆都唔差可以一試😏我仲食左個新出的海鮮薄餅!可以試唔差。唔係伏野😏但佢個番茄凍湯就有d奇怪啦鐘意食新野ge人都可以體驗一下ge😂😂😂😂最後梗係壽司啦飯好似有d鬆~其餘都唔差!正正正!真係好佩服大喜屋集團做咁耐質素都冇咩點變~都係咁好食😍😍😍食左大喜屋對比起其他放題都有小小遜色😂😂😂😂😂

我哋一行9人 俾張長方形大枱我哋由於係長形大枱                         我決定叫3盤細刺身                                              分開可以放喺長枱的頭、中、尾三部份。   放便朋友夾嘢食            因為如果叫一大盤 頭尾位根本好難夾         但有個劉經理話唔可以咁叫          一係就要一次過叫一大盤 放便師傅做嘢~       你張枱咁長 唔通下下企喺身夾嘢食咩？ 有待改進

放工後約左班敗家DINNER，DINNER前我地去左探小波子，之後我地就去左食放題大家都想試試LEE間《極尚大喜屋》準時8點45分就入場了，大家真係好肚餓呀先來一個豐富的刺身拼盤~~~種類多，刺身件件厚切，口感很好，好味呢！海膽軍艦~~~細細件，正裙邊壽司~~~SIZE剛好，裙邊好鮮甜GOOD海膽蝦壽司~~~蝦好爽口，NICE壽司~~~LEE幾款壽司好好味喎！可以再ENCORE鹽燒牛舌~~~超正呀！真係超級好味！一陣我要再來5串呀！牛舌燒得剛好，調味又剛好GOOD燒扇貝~~~又係好味，燒得剛熟又唔會UN，個醬汁又好好味其實真係食左好多野，但最後掛住食都冇影相了這店除了食物GOOD，服務都VERY GOOD，全晚零漏單，雖然D侍應好忙但都好好笑容GOOD

食完都隔左段時間...的確令我有另類的念念不忘...首先, 晚市$288(未加一), 加埋一大約$3XX.再講講D位坐得迫都算,星期五六日邊度食野唔迫呢..環境,價錢呢D外圍因素講完...到講D食物...:刺身呀, 壽司呀...其實係擺得幾靚..有D假花襯埋痴埋咁樣樣...個人認為假花同食物分開擺應該會好點...例如可以將假花插O係花瓶..刺身壽司.加埋個海膽...味道都係一般啦...轉戰熟食, 芝士年糕OK既,但羊架,炒牛柳粒,咖哩蟹同串燒就咸左D....食放題夠鐘會催你落埋張LAST ORDER, 然後極速收哂你D碟呀碗呀就一定架喇~唯一最好食既係...每位限叫個一杯仔既Haagen dazs雪糕!成為左我今餐既亮點! 個侍應都不忘提你:唔堂食都得架!杯雪糕可以拎走...邊行邊食! 以上既食評, 希望有D參考價值, 多個唔同角度如果可以再揀多次..我希望係....食個D連鎖式 X民/O氣/DD屋呢類, 都係咁上下價錢,而且有過之而無不及

早年食過大喜屋，覺得其實好一般，同一般放題一樣好唔抵食。今次報稱係最高級既極尚大喜屋，不過都係女朋友叫先試下，本身都驚驚地不過好彩係收差唔多300蚊一位既價錢下，真係交到貨，仲令我有想食多次既慾望嘢食係叫好多，不過因為好多都好好味，所以有啲都唔記得左影就ko哂得返隻碟。壽司係好高質既，叫左咩款式就唔記得個名喇，大家睇相啦~不得不贊既係壽司們有個共通點，細件，飯好夠味，啲料好新鮮，就連一向最伏既海膽壽司既海膽都好鮮甜，塊紫菜都係脆既，真係無得頂，好高質一品料理有香蒜牛肉粒，唔會橡筋，好腍有牛味，藍青口就一般啦唔係好鮮甜，風沙骨好夠味，燒豬肋骨都係幾好既串燒方面，個牛舌好得，唔橡筋但夠咬口，但小蕃薯同蝦就麻麻地天婦羅正常，脆口既，但油就真係都唔少芝麻雞翼同芝士年糕唔鐘，唔會太漏，芝麻雞翼真係值得一贊！外脆內滑！又夠入味，有醃既雞翼，而家真係好少見喇每人一杯哈根的斯雪糕，都好過無既，有隻云呢啦杏仁三重秦口味係街好少見，試左之後覺得好好味，雖然只係云呢啦雪糕有杏仁粒係面，中間有朱古力塊，但哈根的斯雪糕有一定保證既無嘢係完美既，所以刺身就係唔完美果部分，北寄貝唔鮮甜，甜蝦苦既，個頭好黑好唔新鮮，

運作有條理，無漏單，tick 咗咩就嚟咩. 無多無少。 雖然忙，侍應都跟得好好，又肯換碟， 有禮。 成日覺得放題啲刺身一定唔新鮮，呢度啲Sashimi 鮮甜無雪味，size 細細，其實几好，可以試多啲唔同食物。 Sushi 都係細細粒， 海胆軍艦最好食架，無苦味。 蜜瓜火腿有啲怪喎。 燒毛茄好鬼辣，燒牛舌同燒蝦好juicy，呢几樣都有encore. 羊架好巨型厚肉。負責燒物個位師傅好西利，火喉恰到好處。 焗帶子 個汁有啲膩，但點都要食炸鮮奶有兒時回憶啊青口係laksa 味， 蕃薯好甜，但燒得太乾身。 炒牛肉粒同炒蚌又係必食。 連蘆筍都咁嫩. 黑松露帶子沙律用泰式甜辣醬， er... 我覺得唔夾，呢度有某啲食物都係黑松露配搭甜辣汁，帶子咁鮮甜，有啲浪費。 呢個蕃茄凍湯好似平時煮意粉個汁喎，飲唔落。甜品飲品都有好多選擇。 cream brulee好滑. 雪糕就只可以食一杯啦，但放題都可以食到新口味, 奶茶味，同朱古力三重奏。

這是我食過最好味的日式放題，剌身油金魚，三文魚是厚切，又新鮮甜。蝦是大size, 平時的小甜蝦得比這家相反己，而且口感爽又鮮味蝦味。不得不提炸物及小食，平時放題炸物真係小食，因為通常好粉，但這裏最正炸雞翼，炸蝦，即全部即整，上來時是熱辣辣，超正。又脆皮又薄，件件都好大件。如喜歡食年糕的也可以試吓，我encore咗兩年次，芝士年糕，芝士味很濃。唯一就是時間短咗啲，我食得個半鐘，但無停過。

我們這三個絲打好耐沒聚了，難得約到這天，就盡情吃喝吧，哈哈！位於尖沙咀的極尚，我是第一次吃的，因為現在都很少來尖沙咀，為了見絲打，就試試吧，果然好介紹呀！我們約吃午飯，所以絲打一早就來，下午十二時前就已入坐，所以不需等太久，又因為我後來才到，所以她們一早選好食物，我來到就有得吃，hehe!我一坐下很快就有得吃，第一碟就是壽司盤，嘩，只看已很美了，款式亦很不同，很有創意！當中除了三文魚加非魚子較普通外，有我第一次見的巴馬臣火腿哈蜜瓜卷、鵝肝帶子壽司、魚子醬吞拿魚壽司、海葡萄蝦壽司，雖然好創新，但完全不難吃，還很好味，由其是鵝肝帶子壽司真的超好味呀！最重要是很新鮮，真的好好味呀！（我很少讚賞專門壽司店以外的店舖的！）這裹真是有很多款不同的壽司呀，又有創意，這海膽蝦都好味，這個燒牛脷因為我不吃牛的，所沒吃，但絲打話都不錯這盤又很美味，壽司的大小剛好一口一件，很合我們絲打喔！醬汁煮牛脷和燒菠蘿，又另一煮法的牛脷，都不錯，我喜歡這又多汁又甜的燒菠蘿原來她們叫了這魚生盤，看見真的令我驚喜，真係好靚呀，有很多款魚生，全部都好新鮮。當然係相機吃先啦，哈哈！後面個牛肉煱，絲打話超好味，吃牛的朋友一定要試

極尚大喜屋，聽好多朋友都話好正，而且仲係Openrice選為得獎熱店。又適逢朋友想請我食生日飯。所以就揀咗佢啦！我地食6:00-8:30的。好期待咁去到。入到去座無虛席。真係爆晒。我跟另一位朋友大概7:00去到。點知一坐低冇幾耐，大概7:15左右叫我地埋單。不是嘛！剛剛坐低就埋單？？當時我地都沒有理會. 後來隔咗5分鐘左右. 有店員再走過嚟打開埋單薄看看. 見我地冇放錢就講: 麻煩埋咗張單先啦! 我就話, 不是去到8:30嗎?為什麼要這麼早就埋單? 她說埋咗都可以繼續食. 這個當然啦. 但都不需要這麼早就要埋啦!唉..朋友說算吧!不要影響心情. 照埋. 點知朋友食食吓咖哩蟹. 居然有個店員走埋嚟問個咖哩蟹仲要唔要. 我即時呆咗 . 我就話: 你見唔到食緊咩! 你係咪好趕時間收嘢?係咪仲趕過我地? 這店員沒有出聲就走咗去. 真的離晒譜. 我好鐘意四周圍去食嘢. 真係從未試過食得咁有壓迫. 仲要決定咗絕對唔會有下一次. 雖然決定咗唔會有下一次. 但都要講吓d食物. 其實食物係唔錯的. 而且都新鮮. 好似芝士年糕, 真係即時做起才比客人食. 唔會係好似有d店舖做定先. 仲有, 我地叫的分量

大喜屋放題就食過好多次啦，今次就挑戰下極尚大喜屋，好好奇點極尚法 以往經驗食呢間放題一定要平日黎，同埋一定要避開食飯高峰期時間。我同朋友5點幾就黎，晚市時段6點開始，我地等左10分鐘到幾安排我地入座 刺身好新鮮，無雪味同埋唔會出現未解凍就上菜的問題。刺身厚切鮮甜，我地點幾多刺身就真係上左幾多，唔會出現漏單的問題 我就好中意食甜蝦，極尚得甜蝦特別肥美又大只。三文魚就厚切，完全滿足到我中意食三文魚又可以一次就滿口都是的感覺。另外，串燒都係必點物，串燒最驚就係燒到太過而變到好硬身，極尚呢點又做得幾好，就係如果可以少落油會更好，個人感覺過分油膩。服務方面：特別要讚下侍應，反應好快又唔會漏單

本身上次朋友生日用電話book位⋯去到先話無紀錄 即刻想ban左間野。-_-但見佢成人排到咁又即管試多次!星期日晚依然全場爆滿，但出菜又唔算耐，而且俾足!!!!!!食放題打邊爐最討厭叫10件俾2件, 或者離奇失蹤，最後話賣哂....刺身係肥美嘅 okay la~壽司size細細件幾好!芝士蟹棒壽司啖啖肉!!忍唔住翻叫...用左個試新野quota...orz..不過重點想讚好小食!! 不得不提芝麻雞翼:::香脆! 芝士燒帆立貝 (唔記得叫咩名) 要食!!!!! 隔離枱2個人起碼叫左8隻lol牛油粟米!!!香甜!超好味!!!當飯咁食⋯（放題的粟米成日都好好食, 係咪想用平野窒飽人⋯）最後配個latte+haagan-daz奶茶味雪糕～perfect! =v=放題黎講三百幾蚊..佢都算極尙啦 滿足! )

第一次食充滿驚喜，第二次食冇咩驚喜，食物和味道質素整體滿意。推薦比大家👇🏻：1. 刺身（A 紙）：厚切新鮮刺身！正！2. 壽司 @ 創作（B 紙）：冇咩特別3. 壽司 @ 江戶前（C 紙）：本燒玉子4. 壽司 @ 火炎（D 紙）：黑淑香蒜燒牛肉5. 卷物（E 紙）：漢堡牛肉卷6. 一品料理（F 紙）：蒜片炒牛粒粒、牛油炒粟米、日式煮牛脷、海鮮沙津薄餅7. 燒物（G 紙）：鹽燒牛舌、燒香草羊鞍、北海燒帆立貝8. 炸物（H 紙）：北海道脆皮奶9. 沙津（I 紙）：泰式鳳爪10. 甜品（J 紙）：馬卡龍、法式燉蛋11. 飲品（K 紙）：清酒12. Haagen-Dass 雪糕（L 紙）：比利時朱古力、北海道牛乳、曲奇雲尼拿、皇室奶茶（季節限定）P.S.：要預早3-5 日電話Book枱，即場Wlak-In 未必有位，尤其假日。

因為突然想食放題, 好耐好耐好耐之前食過中環間大喜屋覺得唔錯想安哥, 所以上'開飯' update 吓, 但原來中環嗰間已經冇咗, 又見極尚被'開飯'選為"最優秀開飯日本菜餐廳""最優秀尖沙咀區開飯熱店", 所以決定一試 食物質素與味道都好好, 可能因為係平日 lunch time, 就算人多都未至於好擠迫 (但都好多人), 收碟, 收 order 單及上菜速度都好快, 整體感覺比想像中好, 期待下次嘅安哥

所謂放題，是一種未經允許的自由行為，這種解說其實有點矛盾，主要是在於為何自由要先被允許的呢。而且，這和大家去食店吃的食物放題不同，由用餐時間，金額甚至是所選的食物均有制限，跟原意的放任行為是有點不像的。在香港，現在搞日式食物放題的食店很多，朋友一行十多人，要事前作電話訂位，且兼付按金，才可去用餐的極尚大喜屋，Friday night, 幾十人在街上排隊入場，好有規矩，有些人途人笑我們那麼辛苦值的嗎？在此刻，我惟有想想他們全是吃不到的葡萄罷了，但心裡不期然覺得這和放題所推崇之原意似是有點違背了。終於，我們一行人可坐下來用餐了，已過了預定的八時四十五分開始時間了。要爭取被浪費了的時間，先來兩盤刺身。刺身上的種類算多，生熟蝦，三文魚，北寄貝，油金魚，希靈魚。全部都是新鮮，亦看得出全部都不是最上乘食材，特別在油金魚呈暗啞的色澤上已表現出來，入口都不夠軟身，而且仍欠缺那種清新的感覺，但如以食物放題標準來看，擺放整齊，切出來刀功有層次，切的紋路清晰可見，我覺得已是不錯。要用日式料理大師傅和此食物放題的形式來比，更遑論要跟在日吃時的層次來比較，似是對此店有點不公允呢。其餘三文魚等等，基本上和你在日式