極尚大喜屋 (加連威老道) (已結業)

放題的食品普遍質素參差，志在把客人的肚子填得滿滿，就忽略品質上的追求。今天，我終於找到一間值得推介給大家的！為了慶祝投身社會工作一週年，就決定選這間在朋友口中最獲好評的 <極尚大喜屋> ($278 / 1位)。放題分兩個時段開始，晚上18:00或20:45。因為太遲致電訂位的關係，卡位座已經爆滿準時6點到達，已見長長人龍！甫坐下發現餐廳座無虛席，我要馬上下單啊！食物款式比意料中多。刺身方面，特別在於有季節限定的松葉蟹腳。最感驚喜的是創作壽司！( 花之戀 / 黑松露雙色花 / 海葡萄蝦 / 北海道魚子戀人 / 意式龍蝦仔魷魚 / 鵝肝帶子 / 雪之黑毛火腿 / 香草三文魚凱撒 )。<極尚大喜屋> 標榜新鮮即叫即製，的而且確，刺身厚切鮮甜，壽司小巧別緻，賣相和用碟亦見用心，甚為討好❤即使主打壽司刺身，甜品款式亦絕不馬虎 (皇家伯爵可可撻 / 法式燉蛋 / 椰汁糕 / 鮮果白玉咖啡芭菲 / 熱情果桑子餅 / 楊枝甘露 / 芒果糯米糍 / 馬卡龍)，可惜可可撻和馬卡龍味道過甜膩，適可而止就好。另外，每人可限取一杯Haagen Dazs雪糕，我選了<皇室奶

一個禮拜多前book左黎食週日中午放題。據說這是目前全港口碑最好最hit嘅日式放題店，所以一直很期待。食完後覺得期望過大。之前睇過openrice食評，知道食呢間店，就算訂左位，都要提早10幾分鐘甚至半個鐘黎排隊。但我估中午啲人應該冇咁早去排隊掛。所以只係提前左15分鐘到達。去到時，已經見到約20幾人排緊隊。真不知道排第一嘅人究竟係幾點去到的。炎炎夏日中午，為左唔好遲10分鐘坐低，提前半個鐘係太陽底下排隊，是否值得，見仁見智了。店員大約11點57分開始放人，到我地入去坐低大概係12點10幾分吧。店內都幾大，職員一直帶我地去到店鋪最入邊。位置真係逼。同隔離兩枱兩邊都唔夠一個人行嘅位，其實等於三枱人一齊食飯咁。黎之前最期待係佢地三款刺身--- 鱆紅魚，油甘魚，同池魚王刺身。呢三種魚味道有啲相似，需要細細品嚐才能食出個中不同。鱆紅魚同池魚王喺好少放題店會供應。平日我用肉眼就可以分出呢三種魚，但呢度嘅刺身一上黎，望落去我差啲分唔出油甘魚同池魚王。食落去，真係分唔出呢兩種魚。有啲失望。佢地嘅口感同味道應該係有區別的。睇黎，要食除左三文魚以外嘅魚刺身，都係要去正經日本餐廳。其餘刺身都中規中矩，唔腥

今日係我朋友生日，其實我之前已經食過呢間放題，覺得幾好食，於是推介俾我朋友 食呢間放題，要一早book 定位，因為呢間算係幾誇張，就算book 左位，都要準時去排隊入去食，不過呢間放題都算唔錯，佢地係你排隊既時候會免費派飲品。呢間放題選擇都幾多，我朋友一黎就點左好多刺身刺身一大盤壽司我最愛的蟹籽壽司 隔離係海膽壽司燒雞翼 好好味呢度有芝麻雞翼(好味), 芝士年糕，炸雞軟骨最驚喜係呢間放題有馬卡龍食 雖然比唔上出面好貴個d 馬卡龍，但呢間質素都唔差，有幾種味，咬落都有d 煙韌，味道唔錯！其實我地仲有叫到粥，甜粟米，芝士帶子，天婦羅…都好味，如果去既話大家都可以點 最後呢間放題會送每一位一杯哈根daz 雪糕，最新既奶茶味都有提供！至於服務，雖然未到超好服務，但算係冇漏單，執野執得好快，亦會幫我地影左幾次大合照，態度算係唔錯。

今年其中一餐生日飯，是跟家人去吃放題。我近一年來都吃過不少放題，感覺質素非常參差，但價錢始終比酒店Buffet平，我亦不介意間中放一次題。既然是生日飯，就要選間比較有信譽的，「極尚大喜屋」在朋友間亦有不少好評，揀這間應該可放心的。「極尚大喜屋」每晚分兩場，平日如六點開場，我一定趕不及，八點九又有點遲，於是只有訂星期六 ，也是六點那一場(每位約$278)。週末六時正到達食店門口，只見長長的龍在門外，心想為什麼明明訂了座還要在門外等? 為何不能早點讓客人入座? 不過，以商人立場，門外排晒長龍，的確會引人注目，食店就是這樣利用了客人來做免費宣傳。不過，這晚是生日飯，我心情靚，又只係讓我等了約10分鐘，算你啦!一早訂了卡座，可以坐得較為舒適。坐定後，便開始填紙仔，點食物。按慣例，先食刺身和壽司。雖然得四個人，但仍然點了頗多件刺身，因此，用一條長型的刺身船來裝載，非常震撼。點選的刺身類有池魚、天然赤身、油甘魚、鱆紅魚、三文魚、北海道帶子、北寄貝、響螺片、象拔蚌、甜蝦，以幾款魚類質素較高，厚切且肥美，甜蝦亦很鮮嫩，較為失色的是帶子，細件又好鞋。「海膽軍艦」距離軍艦兩字相去甚遠，賣相亦不夠細心，海膽

好早已經聽過哩間放題好味又抵食. 所以一早BOOK定位同媽媽和男友一起去吃!BOOK左6:00...好在我地提早15分鐘排隊, 因為唔洗一陣間...條人龍已經去到街尾6:00準時放人入去...一入到去, 店員們好大聲咁用歡迎我地.一開波當然係叫刺身盤啦, 刺身擺盤好令, 刺身切得好厚又新鮮. 正!! 重點係有我最既北海道帶子刺身之後仲叫左好多壽司同熟食, 壽司全部都細細件...I LIKE!! 唔怕食幾舊就飽曬~!熟食素質也是很不錯, 絕不馬虎. 尤其是燒帆立貝....粒肉真材實料一大粒, 唔係用冰鮮細粒帶子扮, 好好味!!!另外我最欣賞戲飲品有罐裝烏龍茶!! 唔似其他任食餐廳, 永遠只得有氣勁甜飲品塞飽你個肚最後不得不提就係拒地既甜點. 一點也不馬虎!! 尤其是我最愛cream burlee~!!! 真係見到有雲哩拿籽架!!! 其他甜點一樣精緻美味. 完全唔似其他放題既甜點.店員手腳快, 無咩點漏單, 食物素質不錯. 希望貴餐廳可以保持質量, 才能確保有回頭客!我會再光顧的 

7月8日才第一次食，當時四人去，落單時你一言、我一語食得太「朽較」，想再細心品嚐，所以月內忍唔住要黎多一次，今次兩個人食，落單配合好重要，因枱面唔大，堆滿滿的話都唔知從何入口，不得不題炸物嘅一口芝士，外表吉列內心軟軟令人感動，種類繁多，只好吃一口，否則錯過其他美食，1800呢round座無虛席，果然係得獎食店

同朋友早兩星期已經BOOK定位，好期待今次的放題，各人都留定肚呢！哈哈！訂了6點，我地5：45已到，確保不用等位。一開始就點魚生，相信每枱一個魚生拼盤一定唔走得！魚生真係無令我地失望，果然好新鮮，之後都再添一 round, 呢次都真係抵晒！哈哈！之後叫咗好多燒物，羊鞍，牛柳粒，燒帶子等等都不過不失呢個咖喱蟹有D辣, 無咩特別呢最後反而甜品有D驚喜！原本見外貌平平，但係都好好食！我最鍾意食甜品的呢！仲有新出的奶茶味 Hagen Dazs 雪糕，可惜每人只有一杯！講真食物質素都好OK，兩個鐘大家傾下食下好快就夠鐘，而且都食到好飽，但係講真環境太逼，坐得都唔係好舒服，環境較嘈，如果想同朋友傾計並唔係好選擇走的時候見到外面大排長龍，如果要等位的話，我未必會再來呢！

有朋自遠方來，招待來自上海的朋友，選址不可失禮。曾有一段日子港滬兩邊走，上海可是另一個美食之都。無論是本幫菜、或是中、西、意、法、日菜，都不乏水準之作。我倆深知上海美食水準之高，因此在食方面費煞思量，生怕會令這位好友失望。   既是有小朋友的飯局，日式放題最合適的了。美食眾多，總有稱心合意的，也不用刻意遷就小孩口味。嚐過不少日式放題，大喜屋的質素最為穩定，也是有口皆碑的。這次，決定試試大喜屋的進階版本 - 極尚大喜屋。只需多付數十元，便可嚐到較名貴的食材如海膽、燒帆立貝，也有創作壽司供應，甜品的款式更多，而且還Haagen-Dazs雪糕呢!(每人只限一杯)訂位方面，由於極尚價格較高，訂位也較容易，訂不到大喜屋時可試訂極尚碰碰運氣吧!       上海友人甫一到埗，便已見識到此放題的厲害。時為第二輪晚市時段，食客竟要在尖沙咀鬧市上排隊，真有夠誇張的!那長長的人龍足有數十多人，大家都無半點怨言，要知道大喜屋一位難求呢!      天氣炎熱的關係，侍應會為等候的食客提供冰凍飲品，很是貼心的服務。為加快入座的安排，侍應會逐一為食客作提前登記，因此入座異常的順暢。       入座了，跟一般放題

店員態度出奇地好，仲會主動幫我換碟，而且無愈叫愈走，無漏單，抵讚！真的即叫即整喔！刺身好！壽司好！惟不能太寄望係海膽壽司上。串燒，天婦羅都好食！惟燒扇貝，太多醬，好膩，所以只食粒扇貝！甜品，一人一杯哈根大師，而且味道自選！楊枝甘露，細細杯，微酸，幫助消化 雪米chi就只有綠茶，中間係紅豆黎 希望可以保持水準！

經過這店經常是晚上8點多或者9點多, 好多時逄週末晚都現長龍, 終於在這六月的最後一天, 即興唔book就咁walk in撞運氣試一次, 結果是我們座到一張最後的枱, 服務的待應動作好快, 而開頭的一粒鐘可能係佢地捱打嘅一粒鐘, 雖然是這樣但他們依然還能應對不同嘅問題, 明顯係訓練有素, 座位實在是很細,很小, 個枱面放完魚生嘅大盤後基本上剩下嘅空間不多, 講番食物:魚生基本上全部都新鮮, 只是size比正常的細, 大概是正常size的2/3吧, 帶子鮮味鮮得有點過份, 赤貝肉同樣有鮮味亦有口感, 但天使蝦則又比較淡味,壽司全部size都偏細大概一口size, 而因為是一口SIZE基本上一啪入口已經好難再細分各種材料嘅味道, 壽司米OK, 沒有太黏, 軍艦同手卷的紫菜因為濕氣完全不脆口之餘, 受潮了! 食紫菜食到要用牙拉斷佢都好少有啦, 火灸壽司都有不錯的表現,沙律即使點兩種口味, 其實只是沙律嘅主角轉換一下吧, 意式同泰式漿汁都相當類似, 似乎沙律是比較弱的一環, 同時亦因為本人對沙律是比較有要求的那一類客人,天婦羅 只有蝦是OK的, 天婦羅汁比較淡口無論是甜或者咸味都是不足! 炸芝

食過大喜屋，質素一向有保證，聽人話極尚好味d就試下。最中意食三文魚腩刺身，甜蝦都幾好味，覺得油甘魚一般丫 象拔蚌食落有點腥味 唔知係咪原本係甘定無甘鮮...因為好少食象拔蚌。刺身整體都好味的。芝士件糕覺得加左燒汁係上面唔係甘夾 反而襯沙律醬。不過如果轉沙律醬都係擠係旁邊好d, 因為唔係個個食。相反蟹棒壽司加沙律醬怪怪的，唔加比較好。服務：上菜、收碟好快，一直有人加熱茶（可能甘岩近茶位啦😅）每人限一杯既Haagen-Dazs雪糕好多我中意既味道，一定要記得食！呢餐最愛都係刺身。

神級之作講到日本放題不得不提極尚大喜屋同成班友人叫到成枱都係野食刺身既種類多油甘魚帶子甜蝦 全部鮮味十足另外我好欣賞炸蠔唔多粉而且炸得唔老 蠔仲有本身既海水味不過要食既話最好bk定枱事關都好多人想walk in想食最後準備一下

當日經過該店門口，發覺有個甚麼openrice 推介嘅牌，吸引左我地入去食嘢，一試佢嘅虛實。由於下午有成3個鐘頭食，所以我地都慢慢點，先嚟當然係刺身啦，點了一陣就到枱，賣相幾好，盤刺身三個字.新鮮。(推介甜蝦、象拔蚌。)題外話，order紙度有個叫天然赤身，即係吞拿魚魚背位(我地無知，經職員友善講解，)。壽司我們點了好多款，推介海膽軍艦、曼聯(鰻魚)芝士卷、三文魚腩壽司。天婦羅趁熱食，脆口!但有2、3件我地放了一陣先食(攤凍哂)，難免影響口感。燒菠蘿超好食!分開點了3次，甜品賣相精緻(可惜食到中途我地已經掛住食無影到相，到我地再醒起已經食到尾聲)。仲有我的摯愛 HAAGEN DAZS，有6、7款口味，可惜一人限食一杯，失望。。。。總的來說，呢間嘢嘅賣點係性價比，以2佰幾蚊食到咁多種類嘅嘢食，食物質素方面响同類型嘅食店嚟講又係最好，今次放題絕對滿意。

這間極尚已經可以說是我們家的飯堂了！因為媽媽尤其喜歡在這裡食飯和聚會，每逢有家中成員生日喜慶幾乎都是在這裡慶祝，因為在這裡開餐，食物種類款式都非常多，無論是刺身或熟食，都好容易找到喜歡的，而且成品質素不錯，怪不得這裡長期爆滿啦！每次訂座我預早很多去訂位，否則是訂不到的！今次母親節又選擇了來這裡食放題！不過今次訂位時已講明要落500蚊訂金才可，否則無得預留座位，此舉怕是有人放鴿子吧！就這樣，當日來到人山人海的，熱熱鬧鬧的極尚大喜屋，今次我們揀了午時放題，因為午時放題有三小時任食，由12點到三點，而晚上就只有兩小時，下午來食可以慢慢食，傾下計，比較適合我們這班已經大個女，所以都和媽媽分開住的一家人，聚下，食下，玩笑下！來這裡媽媽最喜歡就是吃刺身！總之，就是吃生的，新鮮的，原汁原味的！所以三文魚刺身啦，甜蝦刺身啦，油甘魚刺身啦，象拔蚌刺身啦，都一一上桌。在這個魚缸般大的玻璃盤子上以整齊和令人讚嘆的姿態所給奉上~這是5人量呀！見到甜蝦特別的多，那是因為好吃喔！來極尚必食之選第一位，甜蝦是也！已被剝好殼的甜蝦隻隻如中指般的大小，嫩滑無比的蝦肉，入口甜度就如食甜品的滋味，加上大頭蝦內蝦膏爆多，見到

今次食評會分開兩part: 食物同服務壽司灸燒三文魚、海鹽左口魚邊 : 魚脂微微燒過更帶香 入口即溶黑松露油甘魚 : 雖然係比較新派既配搭 但係油甘魚腩既魚脂 加上黑松露醬 係口入面香味四溢 所以都推介下 三文魚就下面刺身會詳講下品 : 海膽三色花 入到口 海膽極腥 又苦 仲有一股不知名既膠味 另外唔知點解好臭 成舊野就係散發住一陣味話你知 佢極唔新鮮 完!刺身帶子、油甘魚、池魚、鱆紅魚 : 聽聞帶子味道鮮甜 所以一早被家人清空 無緣品嘗 / 鱆紅魚、油甘魚同池魚 由於冇咩油脂既關係 所以佢地做新鮮彈牙、唔腥、有魚味 係放題黎講已經算係高質下品 : 三文魚無油香同鮮味 基本上你合埋眼就唔會知自己食緊三文魚 / 海老 雖然係粗身咋 但係一啲鮮甜都冇 / 吞拿魚(赤身)極-多-筋 又腥 完全唔建議點 炸物茄子天婦羅 : 茄子juicy 南瓜、冬菇同海老都可以 略嫌海老有D鹹 另外炸粉算薄 可以清楚睇到入面係咩食材 咬落香脆 算係上品下品 : 芝麻雞翼雖然皮脆 芝麻又香 但好鹹 同埋翼尖位一咬就食到燶味 證明炸到過左火 / 芝士年糕 外皮好好好好硬 唔係脆身輕輕一咬就碎果種 已經失敗左一半