極尚大喜屋 (加連威老道) (已結業)

極愛日本菜的朋友生日，特登預約定例牌爆滿的極尚大喜屋，讓她吃放題吃個滿足。已經提早15分鐘去到，希望開定位等壽星女，結果都要等成半個鐘先入到。入面都幾逼，環境唔算好好，姑且試下啲食物啦。都係一般食放題常見的食物，刺身壽司串燒冷盤沙律熱食炸物鍋物等，選擇都幾多，值得一讚既係侍應的質素：極少漏單+非常齊單。食放題叫十件黎五件就基本啦，但係極尚大喜屋唔單止黎齊，仲要魚生大部份都係厚切，份量有多無少，所以真係食咁多叫咁多啦。除此之外，相信呢度愛歡迎既原因係佢地既魚生都好新鮮，不但不會吝嗇魚生的份量，亦很克制壽司飯的大小。換言之，飯小魚生多，食多幾件都得。呢度既壽司亦都好特別，創意壽司好多都係獨家研造，過下口癮食兩舊都唔錯！熱食方面就無食太多，不過呢度既天婦羅幾吸引，炸粉唔算厚，筆者相信大家食天婦羅最怕係粉多過餡。所以不妨試下呢度既天婦羅，有另類口感呢熱食方面亦都可以試下牛柳粒，蒜香味濃，牛柳亦唔會太老，不過油就多左少少啦。牛舌都係唔錯的選擇，幾軟熟，而且幾滑幾入味。當然，黎到一定要試咖哩蟹啦，有幾何食放題會食到咁特別既野呢。咖哩唔會好辣，而且食落口甜甜地，好開胃，用黎送飯更是一流！

晚上6:00一行10人到尖沙咀極尚食第一輪的放題, 時間為6:00-8:30pm 成人口$278+10%。 menu分2本organizer形式送上, 提供多種類選擇, 壽司, sashimi, 天婦羅, 烏冬, 沙律, 串燒, 甜品及飲品。本人本來對日式放題沒有好感, 今次或多或少會有改觀。首先，sashimi的分量及賣相絕對會令你嘩一聲, 很興奮。一共order了3round, 這是第一round而且所有食物很快到齊, 沒有任何漏單情況出現, 員工服務態度也不錯, 值得一讚。由於吃得太開心, 所以也忘了拍照其他食物。總的來說, 以每人$300價錢, 吃足多過2小時是物超所值, 但不要對食物抱有高的期望，說真的, 每款sashimi是沒有任何應有的鮮味, 是淡的, 醬油也頗鹹。但以食物的賣相及與朋友的聚一聚來說, 算是不錯的選擇。如要數當日最好味的食物, 應該是烏冬吧! 煙un有口感!

朋友聚會，聽講極尚好掂，好好食，所以大家決定試下。因為是星期五，就大家放工，所以訂了第二場8:45。從openrice得知好多人食，我們也不敢太遲，8點半到已經排了二、三十人，在我們等候期間，隊尾已轉彎，實在太恐怖了。所以建議有心想食嘅人就派個人早啲去排隊喇。等等等，終於等到9點左右，才能入坐餓咗成晚，六個人坐低就打算分頭點野食，又得一支筆，於是我地好聰明咁拎出自己嘅私家筆畫野食，點知個服務員收紙果時同我地講：「你地唔可以用其他筆咖，因為可能會甩色，又或者會睇得唔清楚，我地唔負責咖」然後就俾返叠紙要我地再寫過！雖然係咁，但啲野食的確唔錯魚生好新鮮，每樣叫16件就真係黎到8成，而且冰底夠厚，食到尾都無水浸嘅情況壽司有好多選擇，飯底唔算多，可以食多幾件都得火炙壽司選擇多，不過略嫌燒得唔夠，另外穴子原來即係鰻魚，正燒物一般，普通貨，無特別影沙律有太多選擇，味道差不多最後甜品每樣點了一份上圖全為芝士蛋糕，不過唔同口味囉。下圖分別係朱古力慕絲，太甜！白酒啫喱，怪味！芒果布丁，千祈唔好試！當然有傳聞中嘅H字頭雪糕啦，不過每人限食一杯。總結9點坐低，搞一輪再到有野食都9點半，10點半叫我地埋單，10

今次寫的這家的放題店還算可接受，這店的招來手法有點像"三木"，訂了檯也得在街上等候，感覺上好像好虛陷，門口有橫伸和正面招牌，但向正大街的入口就細得異常，如果四個人一齊平排行就有機會過不到；入到內裏發現地方甚大，但坐坐安排仍然非常擠迫，或者四個人坐一個卡位還算可接受，但當晚我們十人被安排在一個U型卡位，當然要另加坐櫈，否則有人要站着吃，情況如何不便再寫，大家自行花錢去看看吧，因為之前寫了不少的"食評"，其實一直都沒有用'食家'的心態去評論任何一間食肆，而一直都只用一種記敍式的寫法，希望盡量將個人在食肆的經歷，以報告的形式，反影出食肆的服務水評，食品質素和手法等，以供大家分享，但無奈『開飯』這平台的編輯即對一些真實的報導提出質疑，要求修改，甚至不予刊登，使一些事實的真相無法公諸於世，當中有些食肆沒有哭臉，只有笑臉而笑臉中又多是一些只寫一兩篇'食評'的筆者，而沒有哭臉的原因是哭臉文章沒有登出，為了盡力保持我個人的原則和風格，雖不能完全寫出真相但也要盡量表達，所以迫不得已就改變一下方式，至於這店的服務質素，就以放題店來說，可謂水準甚高，雖然結賬時有點混亂，只要記緊查單，問題應該不大，但一直的接

記得早年日式放題剛在香港興起但還未普及時, 宅女有貪新鮮吃過幾次, 不過那時水準極差, 價格又貴, 令個人對放題的印象實在麻麻. 不過近年一間大喜屋標榜刺身食材用料不馬虎, 價格更只低至二百多元一位, 隨即掀起了一陣放題熱潮, 訂位起碼要一個月之前, 更不斷有餐廳仿傚, 但要數人氣最盛的還是大喜屋, 分店連開數間. 最近得知大喜屋在尖沙咀居然再開多一間名叫''極尚大喜屋'', 同樣亦是做放題, 但食材更"極尚''. 聽得實在太心動, 便把心一橫決定再試試看.大喜屋算是近年日式放題做得最有聲有色的一個連鎖集團, 分店至今有三間, 分別位於中環, 尖沙咀和銅鑼灣. 而這家同樣位在尖沙咀的極尚大喜屋就跟尖沙咀大喜屋分店只差一街之隔. 早巳聽聞過餐廳訂座甚艱難, 因此早在兩個多星期前巳打電話去訂, 原來晚市放題有分兩場, 分別是晚上6PM-8:30PM, 及8:45PM - 11:15PM. 不過6時的早巳滿座, 唯有先預留8:45PM那場, 反正選在星期五晚, 周末不用上班, 吃晚一點也可以吧.等了兩個星期終於來到了! 宅女跟妹妹兩人在晚上8:15PM到埗, 怎知道門口巳有條長長的人龍, 本

一個星期前book定位，今晚同美女s一齊去食極尚大喜屋真係未食先興奮 食1800-2030第一輪，未到六點已經去到極尚樓下排隊，但都好多人黎排。如果想早啲入到去，就記住要早啲排喇😁入到去，二話不說，當然點刺身先啦！今晚點左兩輪，第一轉叫左三文魚，吞拿魚，甜蝦，天使蝦，象扙蚌 ，螺片，赤貝，鮑片同帶子真係寫幾多件黎足咁多件，正！味道方面，三文魚厚切，魚味好濃帶子係必食，一般放題未必有得供應帶子雖然係一開二，但都好好味！甜蝦好大隻。天使蝦相反就有少少雪味，叫左一轉就冇再encore 其他都正正常常第二轉加叫左希靈魚，同其他放題一樣，極腥極尚大喜屋嘅創作壽司，配搭特別，加上又細細件，吾會太容易飽花之戀同鵝肝帶子壽司係比較好味雖然粒鵝肝細到就快睇吾到，哈哈～海膽軍艦好好食！每塊壽司都鋪滿海膽，一啲都吾吝嗇，讚雖然不是馬糞，但都好新鮮，其中一個必食回位本以上嗰款火灸壽司都好好食！ (雖然忘記叫咩名)燒菠蘿夠清甜！串燒日本小甜薯都係必食！夠甜又夠粉！呢個可以不試～不太特別食到尾段，侍應會每枱派發一張HD雪糕紙有vanilla,chocolate, coffee,cookies n cream同季節

第100篇食評, 特別留位俾放題, 期望不要太大, 食物, 服務, 價錢....都OK.預定左星期四8:45pm, 預早寺到, 8:15pm 已見人龍, 甘早排都冇用, 因為唔準時入座. 8:55pm先開始安排, 不過都夠時間食, 所以問題不大.店員都主動換碟, 取走食完既碟, 而且冇漏單, 只係太遲叫甜品, 有部份已冇了.刺身: 每款都叫左4件, 全部刺身都好厚身,唔會淋鬆. 三文魚同油金魚肥美. 白身魚同北寄貝, 針魚, 肉質結實. 帶子大隻嫩滑. 針魚, 象拔蚌比較腥.  最正係甜蝦, 又大隻又鮮甜.創意壽司 : 點左3款, 吞拿魚配黑松露, 帶子配鵝肝, 2款味道都幾好, 只係配既貴價食材分量太少, 食唔出. 另外有海膽的超腥, 難以入口.江戶前壽司 : 點左4款, 芒果蝦最好味, 香甜味好配蝦壽司. 甜蝦海膽的也麻麻地. 另一款熟蝦海膽比較好味. 蟹棒味道最正常, 而且大大條好飽肚.天婦羅 : 其實都幾好味, 炸漿算薄, 只係太油, d油勁到碟度有好多. 不過南瓜, 紫蕃薯味道好好, 蝦就好細好細.燒物, 煮物 : 蒜香牛柳粒有牛味又熱辣辣, 好味. 燒帆立貝好好味, 又大隻

香港有多間日本放題的食店, 放題一向給人的感覺是食物選擇多, 但不講究質素﹑座位狹窄﹑漏單﹑侍應服務態度差等等問題。這間位於尖沙咀加連威老道的『極尚大喜屋』( 即是 The one 斜對面), 人氣極盛, 是「大喜屋」的高檔版, 它們屬同一集團,『極尚大喜屋』標榜是放題新標準。每次路經此處, 也是人如潮湧, 打電話訂座也沒能接通, 很心急想來試一試。終於在上一個星期日成功訂座了,職員還示意只會留位5分鐘, 逾時不侯。這裡有供應午市放題(12:00nn-3:00pm) -成人$238 / 小童$168 ; 晚市放題分兩個時段(6:00pm-8:30pm) / (8:45pm-11:15pm) -成人$258 / 小童$168 (Mon-Wed) / 成人$278 / 小童$168 (Thu-Sun, on / before PH) 我們訂了六點這個時段, 準時到達, 但已見很長的人龍, 訂座了也要排隊等侯安排入座。用餐環境方面: 店內的面積頗大, 能容納眾多食客, 有不少卡座, 座位與座位之間空間感也足夠, 相比「大喜屋」, 這裡的座位寬敞舒適得多。服務方面:每個侍應態度也友善親切, 雖

之前食過大喜屋覺得幾好食, 近排原來有間高級版叫極尚大喜屋, 忍唔住就黎試下啦~人地話好FULL, 因此我早2星期已BOOK 定枱食下午放題. 價錢為$238 + 10% 任食3小時. 比大喜屋貴少少。12點準時入座, 拿拿淋tick 晒d 至愛,但我覺得d 款比大喜屋還要少.刺身竟無吞拿魚, 沙律又無中華沙律.款雖少,但刺身新鮮同厚, 最愛三文魚。刺身我地叫叫左2 轉, 轉轉都30,40 件, 好満足呀!燒物最好味係燒羊架, 燒得好淋, 好入味, 唔鞋口。燒菠羅好正, 超甜! 燒雞翼脆卜卜, 熱la la 好味!天婦羅, 有冬菇, 有茄子, 有蝦, 有南瓜, 不過就差dd, 粉漿唔脆, 上枱已淋身。壽司我推介蟹棒, 鰻魚, 黑松露帶子, d 飯細細舊, 食多幾舊都唔易飽, 正!另外他們有自家創作的壽司, 樣很別緻.呢到比大喜屋吸引係....有haagen dazs食, 一人限叫一杯,今期仲有季節限定既blueberry 味! 正~總括, 呢到環境唔錯, 坐得闊落, 服務OK, 食物新鮮! 讚好~~

放假陪媽咪，她說想要吃自助餐。訂不到想要吃的餐廳，就試試來個日式放題了。想不到，因禍得福、驚喜處處!十二點半就到了極尚，客人也差不多坐滿了卡座。幸好他們把最後的卡座都給我們安排了。實在點了太多，未能一一詳述。以下是印象比較深刻的。刺身 – 常見的刺身都有供應。極尚還有天使蝦供應，不過還不及這裡的甜蝦、油甘魚及鱆紅魚好吃!壽司 – 壽司中飯的比例很少(大約這裡2件壽司相等於平常1件的壽司)，這樣就可把每款壽司都試試~海膽軍艦及火灸左口魚邊壽司都是必吃。想不到這裡的海膽也頗新鮮!! 更想不到極尚居然供應左口魚邊，這是小妹到某家連鎖壽司店必吃食物! 燒了的左口魚邊充滿油香，就算吃畢，魚油都仍然停在口腔裡!讚讚!!咖哩蟹 – 想不到放題餐廳會供應咖哩蟹，可能未有期望，一嚐的時候簡直是「OMG!!」蟹肉是有的，不削，而最吸引的可算是咖哩汁了! 想不到還挺辣! 難怪侍應都問問我們要不要來個飯來伴咖哩汁進食了~至於他們自家創作的壽司嘛…未試過的確是可試的，樣子很別緻，但沒有其他賣點了。而小妹試過第一輪後未有點第二輪了~  

由於朋友話同事們勁讚，所以好想試吓，於是就打電話訂位，但這個真的是最困難，電話長期不通，到終於打到都無位，但朋友太想試吧，非常有恆心地去天天打，終於打動上天，打通了。準時到達，但排隊入坐的龍尾已經去到東亞銀行咁濟，嚇我我友人猛問，餐廳好大間嗎？竟可以容立這麼多人？進去是迷底打開了，密密麻麻的坐位，真的有些納悶，我和友人安排的位置在中間行的6人坐位的最外面，如果鄰坐是4位，都幾迫呀，沒地方方放手袋，要攬住吃嗎？而且與鄰坐的貼近程度，比在大家樂等快餐的位便貼得多，手碰手般近，幸好，剛好鄰坐是一對情侶而已，大家就可以各分中間對位的各一張櫈來放手袋。回到食物方面，食物都算幾多選擇, 魚生種類算多都好新鮮, 我朋友倒很滿意，因她愛吃魚生, 但我個人不是非常喜歡吃魚生，所以都是樣樣吃小小，反然喜歡炸物, 特別是那個蕃薯波, 外脆內軟, 但不能多吃, 會很易飽, 餐廳沒甩單，出菜快，收碟亦快，如果食量好的，努力戰鬥必定回本，算很值。但我不是，反而喜歡可以慢慢吃同傾計的地方，所以評價一般至下。那裡的客人大多都是6人以上，環境迫，人多，好嘈，基本上我都聽不到朋友說話，抱著大吃大喝的話這裡絕對是可以的，但

上個星期恰巧小妹放假,等左整個星期終於放假指定活動,行街街,'濕平',食玩睇買樣樣齊~~~呢次選擇地點係尖沙咀,一嚟好耐冇嚟,二嚟好多鋪頭岩晒女仔'濕平'準備大出血前,朋友帶左我去左新開一排極尚大喜屋食lunch放題佢就話呢間人氣幾高,應該去試下都無彷,小妹平時食夜晚放題食得多,食晏就真係第一次一上到去侍應就好快安排坐位坐定定,我就二話不說係咁寫野,希望爭取時間食多d野,後尾先知低能左,係12點食到3點,唔洗咁趕,不過我都坐唔到咁耐,趕住'濕平'刺身:油甘,三文,希靈delicious!~帶子好肉地~Sushi:小妹中意食海膽花之戀,海膽蝦,三文魚腩,慢魚cheese卷,蜜糖天婦羅蝦卷利申,手卷冇特別食,因為小妹不嬲覺得手卷同Sushi差唔多,只係Sushi細舊容易食,唔洗用手拎住嚟食另外,軍艦3樣都有叫,正常,同其他鋪頭差唔幾~一品料理:小妹同朋友都愛食辣,佢提意食curry蟹,小妹就叫左忌lim意粉,炒牛粒,煮花螺curry蟹唔辣,可能太食得辣,忌lim意粉正常,隨意粉附送一隻中蝦,哈!叫左2人就真係比岩岩2人份量!炒牛粒,普通啦,冇咩特別~煮花螺,唔辣,幾入味~,可能慣左食咩都唔

「極尚大喜屋日本料理」壽司刺身部份不錯火灼左口魚郡邊壽司，好吃！熟食竟然有咖喱炒蟹及炒東風螺：炸物有點過了火，太燶：串燒類別是做得不錯，中蝦及秋葵都燒得有焦香：

一直以黎都係大喜屋既Fans...等左咁耐終於book到upgrade既極尚...因為佢地個hotline真係好鬼難打通...個日去到食第二場, 早左3-4個字到條龍已經嚇親人...仲要係個個都book左...一上到去先發現入面真係好大可以坐得哂...不過真係有d迫(但已比大喜屋好...)服務態度真係好好...所有野都好快...魚生黎到仲同我地講想幫魚生影相(唔係我地, sorry, 我地唔夠魚生靚)第一次食池魚, 幾好食...油甘魚, 象拔蚌, 蝦都唔錯...三文魚反而無咩味第一round sushi係呢一碟(左至右): 海膽三色花: 好Liquid既urchin...雖然係入口即溶, 但係無咩creamy既感覺花之戀: 普通, 好一般黑松露雙色吞拿魚: 黑松露好香, 但吞拿魚有d干鵝肝帶子: 鵝肝可以落多d, 唔錯三文魚親子: 無咩特別第二round開始黎料(左至右,上至下):牛油果軟殼蟹卷: 牛油果未熟(無咩味), 同埋卷入面既青瓜差唔多, 如果可以有軟左既牛油果, 口感會更有層次, 而且軟殼蟹太小所以炸完會乾, 而且好苦...芥末蜜糖天婦羅蝦卷: 芥末蜜糖味道太濃, 一入口只係

話說我之前已經到兩間大喜屋一遊,呢次我順便到埋極尚大喜屋走一趟!!!呢次我&同事揀左食LUNCH放題,一嚟冇咁爆,二嚟感覺上容易啲訂位!同埋有時間可以12坐到3點!食完順便去對面THE ONE 鬆一鬆題外話~可能皆因做野放LUNCH關係,食起野上嚟會急啲,冇一一盡錄切勿怪責呀!環境望落闊啲,GRAND 啲,ORDER紙都係有本簿,可以打開嚟睇! COLOR同TEXTURE應該同大喜屋分別,呢到本紅色有磨沙感覺,型格!,個人較喜愛!!!第一次LUNCH食放題,唔係好慣同未WARM UP好,食唔到好多野,好快飽~叫左壽司軍艦卷物等,全部細細舊,岩晒一野啪落口,食到紫菜仲趣,正!,試左個出名CURRY蟹,個人覺得唔係超辣,同事就覺得超辣,個人覺得平時食到中辣可以試下~蟹籽沙律正常,不過略厭唔夠蟹籽!!!小左咬口服務出餐方面,有WAITER勤收碟,其他都快送到,壽司方面要等耐啲先嚟.另外飲品大同小異,多左LOTTE,好記得DESSERT多左HAAGEN DAZZS,馬卡龍,我食一杯HAAGEN DAZS夠晒,其他堅係食唔落!