極尚大喜屋 (加連威老道) (已結業)

早差唔多3個星期book位，好彩只係2人所以book到！早左10分左右到，要係下面排隊入場，人龍超長，另有一條隊係walkin,咁多人應該未必能walkin到一入去，即刻睇下有咩野食，有2本簿，大概有10張美食紙，如A係刺身紙...雖然係放題，但我地都本住食得幾多先叫幾多，所以就算係刺身都分左3次叫。刺身: 赤貝甜而爽，甜蝦和象拔蚌ok, 三文魚一般，蟹腳無咩肉，螺片好凍海膽軍艦：紫菜淋晒，叫左2件，其中1件有d腥，唔夠新鮮自家壽司：用3層碟裝住，似high tea咁，以葡萄蝦壽司最精緻，味道都ok魚子帶子沙律：味道唔錯炸物: 叫左3-4款天婦羅，以紫薯最得我倆歡心；而炸牛奶條比芝士球好咖哩蟹：幾好食，意想不到的好味，喜出望外

慶祝下做完晒所有野，約埋3，5知己，放肆一下，去食日式放題，大喜屋比預期好好多，d刺身都幾新鮮，唔會有梅晒，最緊要要求份量都有比足，我最喜愛既甜蝦最鮮甜美味，魚生最緊要係新鮮，仲有個雜錦炸物，酥炸蝦球好正，外脆之餘，裡面啖啖蝦肉，而且都很新鮮，不用點醬汁已經好夠味，都ok好味

Yeahhh!!! 第二次來食放題啊 來之前一定要book位 因為真係好多人架哈哈 準時8:45pm入場 一坐低就已急不及待地落order喇 嘿嘿😁 嘿嘿 好吸引的刺身啊😍😍見到都流哂口水啊 刺身有三文魚啦希靈魚啦赤貝啦帶子啦虎蝦喇甜蝦喇😍😋全部都好好味啊又新鮮喎 三文魚好厚啊 甜蝦又夠大隻👍🏽👍🏽好正啊。海膽軍艦 每舊軍艦的海膽十分平均 真係食得出海膽的鮮味 好香海膽味而且紫菜都脆卜卜的 嘿嘿 壽司唔會太大舊 飯粒的質感不錯 整體來說 一食便會愛上 真係無得輸啊👍🏽👍🏽 炸物 真係即叫即炸架 所以全部都係熱辣辣上枱的 芝麻雞亦超好味啊 炸得夠脆味道又夠香肉質又很嫰滑 正到不得了😍😍另外 炸芋心丸又係一流 炸粉適中 芋蓉很濃郁但不太甜 每咬一啖都有涵料 嘿 以上兩樣都是小妹極度推介的😛😝 甜品有Haagen dazs食👍🏽👍🏽😛😛不過只限一人一杯 唔多夠喉啊哈哈 雪糕雪得很好 唔會好快溶 哈哈 另外還有甜品紙的 有馬卡龍 焦糖布甸等整體來說 無論是食物質素還是服務態度 我都覺得好好 值得一食再食 期待下次再來哈哈👏🏽👏🏽👏🏽

極尚大喜屋 食物水準極高選擇多刺身新鮮厚切,三文魚、油甘魚、帆立貝、甜蝦、象拔蚌、北寄貝和赤貝等等...甜蝦鮮甜仲好大隻,叫20隻黎足20隻無漏單天婦羅蝦,日本番薯和溫室南瓜等等,漿粉香脆唔油膩,好好味鹽燒雞翼, 鹽燒海蝦,芝士年糕,辣酒煮花螺都有,最喜愛既燒帆立貝超級正正正......  燒羊架及燒牛舌多汁味濃燒得岩岩好,燒菠蘿酸酸甜甜好好味壽司款式勁多,黑松露雙色吞拿魚,北海道魚子戀人,鵝肝帶子,貴價既海膽壽司都係任食 如果鍾意食咖喱蟹既人客有口福啦,咖喱味濃郁又辣 飲品有多款選擇,韓國Hite啤酒...忌廉溝鮮奶...芒果汁等等甜品款式又係勁多,焦糖朱古力意式蛋糕,芝士蛋糕等,竟然有好出名既有法式甜點"馬卡龍"雪糕又係出晒名既美國超級品牌 Haagen Dazs店員服務態度好反應又快,唯一可惜係座位較為逼迫極尚大喜屋  物超所值, 我俾足200分

非常之難得嘅系我細妹同我去大喜屋度，真係好開心，同佢已經好耐都未試過一起去出邊食野喇，機會真係好難得。大喜屋嘅三文魚一直都係我嘅心頭之好喇，味道肯定系好鮮甜喇，又唔會覺得粘口，我自己一個人食咗好多，刺身的其實無系好多，但係兩個人都足夠啦。壽司的話就比較幹身喇，系我比較喜歡的感覺，但係同時系口感同視覺上都無咩好出彩嘅，就味道麻麻，好一般，壽司嘅種類都算好豐富嘅，我覺得有幾種都好好食。難得嘅系尼次嘅天婦羅居然沒有很油膩的味味道，感覺俾以前進步咗好多，好食咗好多咁，價錢方面也不是很高，反正唔系我俾錢，正吖，好愉快！

之前同事食過已經話好正，所以公司聚會決定選呢間放題，入到去，感覺好多人，坐位其實都幾逼，但呢間放題既侍應會一對幾枱人，所以就算多客都唔會有漏單情況，食物方面，食材新鮮，刺身都有好多選擇，壽司細細粒唔會飽肚 海膽超爆滿，好新鮮又唔會有海水味 刺身好厚，好鮮，全部刺身都推介 烤菠蘿好甜，消滯

朋友門極力推薦呢間放題, 難得約晒幾個朋友一齊食, 就算貴D都一定要去.我差唔多時間去到門口, 遠睇有條龍以為排隊買咩, 但行行下竟然見到D朋友響度排緊, 佢話排住隊等時段放入去食, 果一刻我覺得有D誇, 訂左位都要響街咁樣排法, 有點放飯feel.算啦, 等左一輪入到去, 位都有好多, 卡位普通位都有, 但個個位都幾窄, 肥D都覺得好迫.食物款式都幾多, 我地主供刺身野回本, 蝦, 象拔蚌, 北寄貝, 玉子, 帶子, 油甘魚等等, 刺身類夠多, 幾乎樣樣要齊, 份量無偷工減料, 食落樣樣都新鮮, 北寄貝同蝦夠爽口, 帶子鮮甜, 無咩雪味.仲要左幾種壽司, 三文魚, 蟹棒, 魷魚, 蝦, 油甘魚等等, 壽司面既魚生都新鮮, 比刺身既唔輸蝕, 飯唔會太大舊, 細細地一口唔錯, 飯亦唔會太硬.仲有焗帆立貝, 呢個焗夠香口, 帆立貝新鮮爽口, 亦唔會太細粒.仲有重點食Haagen雪糕, 不過一人一杯太少, 但算回到本.

終於有機會一嘗聞名已久嘅極尚·大喜屋啦作為刺身控 見到大大盤嘅刺身已經流口水了三文魚肥美到不得了 魚油極為甘香海膽味濃 北寄貝爽口彈牙 幾鮮甜😋 壽司同炸物亦都不負眾望 炸物 炸得分量岩岩好 唔會太厚 亦唔太油炸蝦更要推介一下 香脆蝦味重 正👍🏼👍🏼 熱食方面 羊架同牛舌都係推介之一入口羊羶味濃 肉質彈牙多汁 勁入味👍🏼👍🏼👍🏼之前期間限定有生蠔供應 可惜小妹去嘅當天 生蠔並非當造 店家改了供應其他海鮮⋯不過一分錢一分貨 此店提供嘅食品質素絕對值回票價大家不妨一試 ☺️☺️☺️

花之戀細細粒容易食唔多飯 放題最緊要唔好咁快飽 呢個必點 三文魚同飯既比例一比一 而且都算新鮮 。 帶子三文魚子就都係見到想像到既味同口感 甜蝦係鮮甜過大隻啲個隻蝦 大隻啲個隻係咩蝦呢拆開蝦頭有未生出黎既足有啲似異形 。鮑魚冇味 三文魚幾肥 整體芝麻雞翼最好食 燒波羅夠酸消滯 甜品紫薯雪糕

前天的時候，我是想食日本料理的，所以就去咗尖沙咀的極尚大喜屋度。點了三個皇牌沙律，味道是酸酸地的，沙律食唔到好多，但系當餐前開開胃都是不錯的選擇吧。我地人多我先點咁多沙律，平時自己的話，一份就夠喇，哈哈哈！燒牛舌我在很多餐廳都有吃過，感覺做的還不錯，豐富多汁，牛舌的肉質剛剛好，而且掌握的火候也是很足的，很彈牙的，非常香氣。刺身之類的我不是很喜歡，所以沒怎麼吃，但是感覺還是很新鮮的，三文魚比較普通。甜品的話我要了一個燉蛋，奶味非常重，不喜歡奶味的要慎重。燉蛋很夠時間，蛋皮是很韌的，但是裡面確實完全不一樣的口感。

同朋友黎食位置比較窄不過問題唔大首先當然叫刺身刺身新鮮度 而且速度比較快之後壽司 細細粒 而且份量剛剛好👍手卷仍不錯之後就預早嗌定其他野食問題就依刻出現炸物 燒物 熟食要等25分鐘😯?眼見其他枱熟食比我枱出得仲快之後問主管幫我地跟進反映反我地聽入面廚師師父將單疊埋一齊唔係跟單同即叫即出嗎?不過都算炸物 燒物 熟食基本上無問題 味道👌反而嗌左咖哩蟹 呢個真係😓其實個蟹鉗可唔可以斬開成兩舊 咁硬叫人點咬 同埋咖啡汁我覺得過而粉粉地呢個真係要改善下食得放題都預左有好有唔好但希望下次黎既時候等既時間盡量唔好咁長😉

人龍香港人食壽司刺身可能瘋狂過日本人，壽司店由平到幾十到一餐幾廿萬都有。想盡情食又唔想荷包重傷？又要新鮮款式多？日式放題就應運而生，家陣開到成行成市。呢間更加誇張！今晚我哋訂咗位9點食，8點半開始有人龍，眨吓眼排到街尾！以為前面啲人想WALK IN，所以早啲嚟，原來誤會晒。全部人都係訂咗位等入座，無訂枱根本無機會食！ 沙甸捱到九點開始入人，店方極之擅於控制人流，客人仲有紀律過所有紀律部隊。食神教落，做餐廳要搵錢，第一樣就係啲位有咁逼得咁逼，我哋六個人坐張四人枱，似足罐頭沙甸魚。 壽司吧師傅亦都全神貫注，準備招呼魚貫而入嘅化骨龍。 盆栽一坐低，好似舊時買股票咁，遞手入單聲此起彼落，個個都知，頭輪ORDER實會衝擊厨房。有試過食其他放題，漏單錯單非常嚴重，叫十件嚟兩件呀，叫吞拿魚比三文魚呀，搞到我哋要嘜低叫過乜，幫佢跟埋啲單，搞得嚟又話夠鐘，勁無癮。今次真係喜出望外！唔使5分鐘！首先嚟隻刺身船，擺盤有心機，砌到好似日式盆栽，靚到唔捨得食呀😅三文魚夠凍夠新鮮，松葉蟹腳好鮮味，蟹肉鮮甜其他刺身新鮮企理，而且竟然一樣都無漏，連件數都足晒！ 摩打再掃多ROUND刺身，

好多時都會去食放題，極尚大喜屋同大喜屋宜個名應該都有好多人聽聞過但到底大喜屋同極尚大喜屋有咩分別呢???試過你就會知!!!!極尚大喜屋無論裝修定食物質素方面都會更高水準!!!極尚大喜屋刺身種煩有好多:有三文魚、極大赤蝦、鮑片、北海道帶子、北貝寄過十款既刺身!!三文魚多數都係刺身控必食ITEM，極尚大喜屋絕無另人失望!!片片三文魚都係厚切，三文魚油甘香，三文魚肥美有口感!過十款既刺身當中，北海道帶子係必食之選NO.1帶子肉厚肥美，一點腥味都無，十分鮮甜!!!三文魚多數都係刺身控必食ITEM!!!!!整體來講，極尚大喜屋水準十分高，而且食物上檯速度快!!唯一壞處係...訂左位夠哂鐘都要係門外排長龍，今時今日咁既服務態度點得呀?!!!

一年一度朋友聖誕聚會,今次選左試極尚大喜屋呢間日式放題任食,佢哋分幾個時段,我哋book左晚上8:45時段,未夠8:30已經好多人在排隊等入座,一入到去都好大間但座位未算寬敞舒服,呢樣都吾太重要,最重要係食物,所以第一時落左order先 首先一定係刺身,款類都好多又新鮮、色澤光亮、肥美甘甜、又大件啖啖肉,但蟹腳比較差d冇乜肉 呢到真係好多選擇真係試吾晒,只選左一d,佢哋上菜速度都好快,唔使10分鐘左右上左剌身,其他食物源源不絕送上另外試左燒物,有鹽燒雞翼、安格斯和牛串、鹽燒牛舌、羊架,個和牛串唔太鹹,味道剛剛好鹽燒雞翼就乾身d,冇噤juice同日本d居酒屋冇得比牛舌好好味好軟淋羊扒個味道就似四川多個日式,孜然味壽司都有好多款式,但食左3個剌身拼盤之後都有d飽,所以只試了幾款,有黑松露、海葡萄,海膽壽司好多海膽 壽司細細粒,可以一口食晒幾好其實還試左好多嘢,例如雞軟骨芝士釀焗凡立貝,味道唔太濃幾好飮品都有7,8樣選擇還有好多冇試(麵、飯、湯、小食、熟食)講唔晒 試左就好似天婦羅和甜品,因過左上載相片上限,所以冇相睇,但天婦羅好 一d油益味都冇,冇乜多餘油份,甜品推介:紫蕃薯仔、炸

之前一直想次極尚大喜屋好耐 但係成日都好full好難book 到位 今次竟然前一日都book到位 好驚喜呀！book 左八點九， 八點半去到已經好多人排緊隊，八點九準時入座。第一時間梗係order刺身！除左有普通款之外，仲有油甘魚同埋鯛魚，仲有天使蝦！上菜都幾快，而且切得好厚同埋擺得靚！甜蝦好大隻，三文魚都幾新鮮！