影片
更多
2015-05-28
13883 瀏覽
今次食評會分開兩part: 食物同服務壽司灸燒三文魚、海鹽左口魚邊 : 魚脂微微燒過更帶香 入口即溶黑松露油甘魚 : 雖然係比較新派既配搭 但係油甘魚腩既魚脂 加上黑松露醬 係口入面香味四溢 所以都推介下 三文魚就下面刺身會詳講下品 : 海膽三色花 入到口 海膽極腥 又苦 仲有一股不知名既膠味 另外唔知點解好臭 成舊野就係散發住一陣味話你知 佢極唔新鮮 完!刺身帶子、油甘魚、池魚、鱆紅魚 : 聽聞帶子味道鮮甜 所以一早被家人清空 無緣品嘗 / 鱆紅魚、油甘魚同池魚 由於冇咩油脂既關係 所以佢地做新鮮彈牙、唔腥、有魚味 係放題黎講已經算係高質下品 : 三文魚無油香同鮮味 基本上你合埋眼就唔會知自己食緊三文魚 / 海老 雖然係粗身咋 但係一啲鮮甜都冇 / 吞拿魚(赤身)極-多-筋 又腥 完全唔建議點 炸物茄子天婦羅 : 茄子juicy 南瓜、冬菇同海老都可以 略嫌海老有D鹹 另外炸粉算薄 可以清楚睇到入面係咩食材 咬落香脆 算係上品下品 : 芝麻雞翼雖然皮脆 芝麻又香 但好鹹 同埋翼尖位一咬就食到燶味 證明炸到過左火 / 芝士年糕 外皮好好好好硬 唔係脆身輕輕一咬就碎果種 已經失敗左一半
壽司
灸燒三文魚、海鹽左口魚邊 : 魚脂微微燒過更帶香 入口即溶
黑松露油甘魚 : 雖然係比較新派既配搭 但係油甘魚腩既魚脂 加上黑松露醬 係口入面香味四溢 所以都推介下 三文魚就下面刺身會詳講
下品 : 海膽三色花 入到口 海膽極腥 又苦 仲有一股不知名既膠味 另外唔知點解好臭 成舊野就係散發住一陣味話你知 佢極唔新鮮 完!
刺身
帶子、油甘魚、池魚、鱆紅魚 : 聽聞帶子味道鮮甜 所以一早被家人清空 無緣品嘗 / 鱆紅魚、油甘魚同池魚 由於冇咩油脂既關係 所以佢地做新鮮彈牙、唔腥、有魚味 係放題黎講已經算係高質
下品 : 三文魚無油香同鮮味 基本上你合埋眼就唔會知自己食緊三文魚 / 海老 雖然係粗身咋 但係一啲鮮甜都冇 / 吞拿魚(赤身)極-多-筋 又腥 完全唔建議點
炸物
茄子天婦羅 : 茄子juicy 南瓜、冬菇同海老都可以 略嫌海老有D鹹 另外炸粉算薄 可以清楚睇到入面係咩食材 咬落香脆 算係上品
下品 : 芝麻雞翼雖然皮脆 芝麻又香 但好鹹 同埋翼尖位一咬就食到燶味 證明炸到過左火 / 芝士年糕 外皮好好好好硬 唔係脆身輕輕一咬就碎果種 已經失敗左一半 另外裡面層皮好厚又唔煙韌 芝士冇香味 失敗中既失敗 / 一口芝士 無味又硬 不試也罷
甜品 (其實放題食既甜品就唔好要求太多)
濃情朱古力慕絲 : 有朱古力香味 唔會齋甜 係硬身左D 不過算好味
中規中矩 : 焦糖燉蛋 有糖片係面不過唔焦唔脆 蛋唔香 唔難食不過唔出色 / Tiramisu cream唔香 下層蛋糕唔濕冇酒香同咖啡香 不過唔係難食 / Earl Grey 朱古力撻 上面係金色朱古力波 下面就係朱古力cream咁 其實味道就OK 只係我個人黎講唔係太中意伯爵茶味 撻皮好硬身 / 楊枝甘露 微酸 入面既生果完全唔香 但唔算難食
下品 : 檸檬撻 好酸 酸到我打左個震 撻皮硬身 / 芒果糯米糍 芒果肉酸到喊 皮又硬又厚 唔值一試
有哈根大師雪糕 標準化味道 所以唔會評級
服務
我地一家人就坐卡位 咁上面就滴水滴到落梳化度 媽咪即時投訴啦梗係 咁就嗌比果個人知
有一個金毛短髮女經理就有D唔耐煩咁答左句: "黎緊~拎緊紙巾抹啦"
行到黎果陣 佢就黑住面好大力用極速既速度抹D水 完全冇道歉
咁媽咪都不禁示弱 就用串串地既口吻話: "直情應該要換位啦" 竟然 個女經理完全冇應過 扮聽唔到就走左去 一連串既動作 我會解讀為佢嫌我地麻煩 咁既態度真係豈有此理
另外有個紮馬尾女經理 捧餐時對住D食物打喊露 唔太衛生咁 不過埋單時佢態度良好 算啦
啲小職員表現反而唔錯 有個紮賓辮化行妝既女士 態度殷勤友善 眼明手快 笑容幾好
另外有一個好後生既雪糕哥哥 專門負責派雪糕紙 介紹有咩雪糕味同埋邊隻味係限定咁 笑容燦爛 態度好友善
張貼