極上帝王水產

營業中

休息中

星期六同男友去旺角唔知食咩，諗住去兆萬求其搵間唔洗等既放題，樓下派傳單話新開等五至十分鐘就有檯。7:50上到去見到都幾爆場諗住應該唔錯，8:15分入座食兩個鐘，一坐低就比左張首輪刺身紙話會即上，點知等左半個鐘催左兩次先同我地講話冇單，叫我地再落過即上比我地。我地第一round點既野食都係等左半個鐘先有。第二round落既單冇黎過，再落第三次，結果等左半個鐘先黎盤刺身，但見到刺身吧台果邊又唔係真係忙到要密密做咁。點燒鯖魚點左三次都冇黎過，但明明見到其他檯係有既，點十樣黎得兩三樣。未試過食放題食完第一round之後張檯冇晒野食，仲要要呆等半個鐘都冇野上，最嬲既係見其他檯點既都有黎仲黎得好密。食到成肚火，最後食左一個半鐘就埋單走人，2個埋單$531。埋單果時侍應仲問我地：「好似見你地冇咩點食野」，我話我地叫左好多次，但你地冇野食黎過，雖然佢最後都有講唔好意思話因爲太多人同請我地食dreyer’s雪糕（話早一日book檯先有得送既特選食糕），但係都唔係其他檯都keep住有野食，但我地等左半個鐘先上得一兩樣野食呀。同男友食完都一致認為唔會有下次。坦白講食物質素係唔差，但以$270一位黎講服務已經

老友牛一，當然要賀一賀佢啦，問佢佢話想食放題，於是就上網search左一輪。咁啱俾我見到有間個名都幾霸氣吓，叫“極上帝王水產”，見係新嘢嚟，咁就去試試啦！餐廳係旺角兆萬，依度都算係放題嘅聖地，有好多間我都大戰過。老友同我揀左早輪去，唔駛同人迫。一去到，侍應姐姐就帶我哋坐咗係較入嘅位置，聽佢細心講解左一輪後，我哋就正式進入戰鬥狀態。放題紙好似啤牌咁攤哂出嚟睇，老友忍唔住話我好似係度玩緊對戰咭咁款，睇真啲，原來都有成18款放題紙係度，剩係壽司紙都有幾張唔同，都好誇張吓。。。落完order，終於有時間睇吓依間餐廳嘅環境。成個感覺都幾日本吓，天花板掛住好多旗仔，牆上面亦都有好大幅充滿日本特色嘅畫，我同老友都忍唔住影咗幾幅相。傾咗一陣計，啲嘢食就陸續咁嚟啦！頭盤當然係刺身啦，睇吓啲色就知係靚嘢，厚切三文魚，帶子，甜蝦，赤貝，象拔蚌。。款式多之餘，質素都好好，我哋總共食左兩round。壽司，一個字，掂! 特別係火炙三文，火炙蝦都有唔同款可以揀，軍艦同花之戀都好新鮮，雖然想再叫，不過真係要留肚食其他嘢先。輪到熟食，一定要點芝士焗蠔同焗蝦，芝士味超濃。唔夠我再推介你試埋依個芝士漢堡，芝士係你咬開漢堡扒

呢日約左朋友食久違左既放題，第一時間當然諗到去兆萬搵，一去先知原來開左間新野。因為午市去，所以人唔算好多，大部份都係一家人黎食，我地兩個人入去職員都好好咁主動俾左張卡位我地坐。估唔到選擇都好多下，剩係放題紙都有十八張揀，西日泰FUSION總有一款岩你心水！先試下個清清地既前菜，豆腐幾挺身，唔會好散，芝麻醬唔會太咸。牛油炒雜菌，金菇比例較多，唔會太油，調味岩岩好。刺身，比起出面多選擇，我地款款都嗌左啲，印象較深既係帶子、三文魚同蝦，每塊都好厚好鮮甜，剩係食刺身都回得返本呀！朋友唔中意食生野，店員都好體貼咁幫我地將生同熟既刺身分開裝，服務一流！黑豚生薑燒，醬汁有啲甜甜地，好香口，肉片唔算好多塊，但夠大舊有咬口。泰式海鮮春卷，炸得乾身唔會油淋淋，外面脆卜卜，裡面好多蝦膠，食落有鮮味。食左咁多小食唔夠喉再嗌多個豚肉手打烏冬！塊豚肉醃得好夠味，烏冬都係差唔多。份量唔算好多，安排得岩岩好，唔怕食一碗食唔落其他野。本來抱住勇者鬥惡龍既心態入黎，估唔到無伏之餘仲有驚喜，剩係選擇多呢樣已經加分，而且食物質素唔錯，可以翻兜！

一個月食一次放題是常識吧自從食過炸鮮奶之後都無法忘懷，喺未諗到其他更好選擇下就揀返呢間～最中意就係午市時段食，因為價錢平啲、人又唔多，食起黎又無咁大罪惡感刺身一如以往，質素依舊，新鮮，唔係雪藏味。帶子算中等size，但好鮮美厚身；松葉蟹棒口感比起普通果啲紮實啲，唔會散修修咁。食完生冷野當然要食下熱氣野啦～芝麻雞翼大大隻好厚肉，一咬落去啲肉汁咇出黎，火候岩岩好唔會好乾身。炸蠔唔腥，我唔太中意食蠔都食得落口。紫薯餅有驚喜！裡面係滿滿紫薯蓉同栗子粒，口感豐富，唔係溝左糖果種甜漏既味，值得一試。黑毛豚肉生薑燒，食落甜甜地幾惹味記得上次黎食好似係用豬頸肉片炒，今次轉左用五花腩位，夠哂油香！每一塊都大大塊咖必食既炸鮮奶，其他放題無咖可惜午餐食唔到太飽，如果唔係仲有好多野都想試，如果追求多款揀既黎呢間真係無錯

今日有朋友生日，於是我哋就嚟咗兆萬嘅極上帝王水產食放題慶祝🎊。一入到去人流都算多，唔知係咪啲嘢食好食先咁多人，今日就試下佢虛實😏。環境都唔錯嘅。一坐低當然係拎啲放題紙去落單，真係估唔到可以有咁多食物種類!放題紙種類由A排到去R，好誇張😱！一開始我哋嗌左啲沙律，好開胃～之後就叫咗個刺身拼盤，啲刺身都好新鮮。特別係三文魚同埋帶子，又厚切同超級鮮甜！本人特別喜愛壽司，最鍾意就係火炙系列同埋黑松露系列!黑松露帶子壽司入口超香，而且太子都好厚肉，總之就係正!呢度啲炸物同埋小食好香口又唔算乾身，榴槤炸彈超級香，極度推介！不過我就覺得個炸牛奶偏甜，不過我有個朋友就話炸牛奶甜得好好食🙈。初時見到每人可以選擇一份生蠔，海膽或雪糕，咁我當然揀咗海膽啦!不過有少少失望嘅係一份海膽其實係一啖😭唔夠我食!所以之後我哋叫咗好多好咗海膽手卷！呢度啲嘢飲係任飲嘅，有好多種汽水，啤酒。我係咁多樣之中都揀咗個最健康嘅維他命水！不過如果可以有多啲健康飲品就好，例如無糖綠茶。lee度早一日book枱仲會送埋好好食嘅韓國雪糕添！😂✌🏻要讚一讚係呢度嘅服務，員工都好有禮貌，而且收碟快，上菜都好快。欣賞欣賞👍🏻

食物選擇多，刺身，天婦羅，泰式小食都有。天婦羅同牛肉壽喜燒有少少油膩，其他食物不錯！服務員態度真誠，餐廳牆身亦有搶眼畫作。略嫌位置不夠寬敞。（唯一係其實沒叫過天婦羅，但唔知點解上咗），但漏單情況算少，亦即時補回食物

好多人都話兆萬中心係旺角之中係一個劣食既地方, 好多人聽到都SAY NO, 不過飲食行業你個名唔好就好快無人幫襯, 兆萬中心慢慢都開始有新既食店進場, 極上帝王水產係我同我朋友今次去食放題既場方.一去到個場,  見到天花上面既​彩色旗仔, 真係一個好有心思既設計, 小小既技巧就令到成個場地充滿住日本食店既氣氛. 你行到最入面介會見到係界開既位, 俾客人可以夠15人係一個比較上私人既場食一齊食野同搞生日PARTY!一開始, 就一定係食刺身既時間啦第一樣一定要講, 我地食左三轉刺身, 所以刺身就係已經處理好左到室溫, 唔會食落口一係硬硬地一係就好似食緊Ice ball咁, 大家食刺身都係想食肥美既口感, 我大膽講就算係尖沙咀係4舊幾水既放題一樣會有硬硬地未到室溫既情況, 極上帝王水產係呢個位真係做得好好, 保證你每一淡都係充滿口感, 三文魚每一淡肥美鮮有油香, 甜蝦鮮甜大大條, 帶子粒粒滑口又厚身, 我就豪不保留食左三轉啦.之後就梗係食下壽司啦壽司方面, 飯唔散好實, 火燒三文魚燒得岩岩好, 入口油脂溶化真係不得了既感覺, 漫魚軟滑唔會有痴牙, 油甘魚壽司油脂香口唔會腥, 因為呢間既食身都

一早book左兩位同朋友黎呢到食放題慶生今日大家都準時放工上到兆萬九樓，一出lift就見到有大個雪糕櫃 😍我地儘量保持冷靜。。坐低竟然見到。。十八張點餐紙😱我地一邊寫一邊叫，佢一邊上。侍應好快手，又細心幫我地換碟，基本上都無停過咁上菜 😂張枱好大，唔會好似漁屋個啲咁細細張枱 叫多幾樣都放唔落。坐得舒服，多卡位，唔係卡位都係梳化櫈。見到落單紙上面有個插頭，每個卡位都有一個，應該係比人充電既？牆身裝修都好靚好有感覺。野飲都有唔少選擇，仲有兩款啤酒飲。自己出去拎，唔使下下等佢拎👍唔可以唔提既係，佢好細心咁將個wifi 密碼print左係張紙到，唔使客人周圍望或者問。除左雪糕仲有個甜品櫃，自助的。😍食物總括黎講，啲刺身好新鮮，炸物唔會太油，碟碟都細細碟，份量岩岩好，呢啲先岩放題架嘛！差唔多全部既食物都係高質，除左個翠玉瓜我麻麻地之外。最鍾意食個黑松露炒飯，炸榴槤同炸鮮奶。埋單$439，每人$220，啲食物絕對對得起個價錢! 回頭之選😍😍

旺角有好多間做飲食生意嘅大廈，兆萬中心都算係其中一座出名做飲食嘅大廈，不過評語都係好壞參半，朋友介紹咗一個放題餐廳叫做極上帝王水產，說這間放題上菜速度快速價錢便宜，就一於去試一試。餐廳裝修非常之別緻，天花掛滿彩色旗仔，座位尚算寬闊，大約5分鐘左右已經幫忙安排好座位，和大多數放題一樣我們第一轉就寫了刺身作主打，10分鐘都沒有刺身盤已經上菜。刺身盤上三文魚全部厚切肉質肥美，甜蝦數量沒有減少寫幾多上足數，食落蝦肉鮮甜，帶子原隻上盤厚身軟滑甜身，赤背爽口彈牙冇雪味，需要值得一讚嘅係所有刺身都已經完全溶雪，溶雪不足係大多數放題餐廳嘅死症，因為order長期爆滿嘅關係好多時餐廳廚師都未能趕得切溶雪就已經將食物奉上，令到刺身嘅口感味道大打折扣，係我哋食刺身兩盤嘅情況下，所有刺身都係可以享受到肉質嘅鮮甜，可想而知餐廳喺日本刺身處理方面係落咗好好嘅功夫！之後就到食壽司手卷嘅時間，海膽青瓜手卷食落海膽鮮甜唔會腥，火燒三文魚刺身熟度岩岩好入口即溶，海膽醬海老壽司我極力推薦，海膽醬香口得來配合爽口既海老真係令你會想食多兩舊，鰻魚壽司入口即溶唔會有根。至於熱食方面呢一間放題都絕對唔弱，炸物之中炸日本番薯食落口熱

淨係聽個餐廳名都已經知一定要入嚟食，食完又真係冇令我失望， 又畀我搵到一間質素高嘅放題。刺身相對較多選擇，淨係蝦刺身都已經有幾款，三文魚同帶子亦都好厚肉好鮮甜。最重要有我最鍾意嘅火炙三文魚，我每次食 放題或者食壽司都一定會叫 ，呢間竟然有幾款選擇咁多 ，加上一啲都唔吝嗇， 三文魚好大塊完全見唔到飯， 又燒得好香， 三文魚 處於一個半熟狀態好好食 。天婦羅飯都好surprise ，因為佢竟然有炸豆角 ，咁大個女都係第一次食， 但係味道都好味嘅。呢度仲有好多泰式嘢食，但實在有太多款揀，所以我哋只係叫咗生菜包 ，但個肉好好味如果佢有多啲生菜就好啦。總體黎講呢間係一間非常之高質素嘅放題， 絕對要嚟食多幾次。

旺角兆萬新開左一間日式放題，朋友試過好似話唔錯，上網睇都有唔少好評於是決定一試。呢間店嘅格局同我上次食樓下嗰間格局差唔多，可以話好似，但新開人流唔多上黎見到唔使點排隊就入咗去啦，睇個點單紙發現都幾多海鮮水產類而且多咗啲特色菜，如泰式。經過上次一次過點太多一次過黎又食唔切ge經驗，今次奉行分批點慢慢食政策😂😂。唔知係咪因為新開張關係，上菜方面係比較慢嘅...先黎ge居然係炸物而不是首輪刺身拼盤。炸香芋丸同紫薯餅都好好食，但後者就炸得過左少少。刺身份量岩，新鮮，亦有友人最愛ge希靈魚，肉同籽各半分佈平均，甜蛋味道有驚喜，唔係間間甜味都剛好架，不過就乾左少少。隨後都試左各種熟食，味道不錯，可以推介大家食泰式豬頸肉、冬陰公湯、春卷，惹味還原度高👍，還有炸雞軟骨、芝麻雞翼、蕃薯同海老天婦羅，當然仲有其他不能盡錄。當然有好食亦有伏，例如送ge牛肉壽喜燒鍋，以為係一個煲自己煮，但原來係煮好嘅而且唔係好夠熱，個湯非常之甜牛肉亦都過熟，另外羊架有真怪味而且好肥。除左呢兩樣，其他都有質素架，希望佢地會改善啦。而甜品居然有迷你豆腐花，正😂！最後想講服務真係好，可能唔係話非常之忙，所以服務算周到，侍應都好細心

今日同朋友經過旺角想食放題，於是就去咗食放題嘅集中地笑萬中心，見到一間叫做極上帝王水產嘅餐廳，見到個名咁霸氣，於是決定一試。一坐低就覺得個裝修好有日本居酒屋嘅feel,我都幾鍾意。職員俾咗一張只可以點一次嘅紙，上面有海膽生蠔、同埋貴價雪糕，我哋都係要咗海膽，味道都唔錯，只可惜只係可以叫一次。我哋兩個好鍾意食刺身當然一開始就嗌刺身先啦，啲三文魚同埋甜蝦都好新鮮，而且大大片唔駛就住食。呢度嘅壽司都好吸引，好似黑松露壽司同埋火炙壽司，壽司飯唔會太硬，醋味適中，可惜我哋兩個都唔係好大食，嗌唔到太多壽司。我哋見到呢度仲有泰國嘢，於是就嗌左冬陰公同埋生菜包。冬陰公就不過不失啦，生菜包味道好好，但我個人認為油左少少。我覺得最好食就係羊架同埋炸廣島蠔，羊架唔羶，好有羊味，廣島號炸完都覺得好新鮮。呢度食物種類都算多，我地都未試晒每一樣已經飽。最後埋單人二百零蚊，都算抵食，下次有機會可以再來！

夜晚同朋友行街，突然想食放題，於是去兆萬睇下，見到呢間極上帝王，睇落幾吸引，於是去試下裝修相當有日本feel一入座就有前菜食睇落食物嘅種類都幾多，尤其是刺身，蝦都有幾種！叫完野食去拎野飲先，種類多到嚇死人！除左普通汽水，竟然有維他命水、果汁先生、雀巢樽裝咖啡，任君選擇！旁邊甜品櫃有迷你甜品杯同豆腐花。嚟呢度淨係食刺身已經抵返晒！首先d刺身好新鮮，而且三文魚同帶子係厚切架，平時d cheap放題係薄切，食得好唔滿足，呢度滿足晒！同朋友叫左幾round刺身，因為太好食，淨係記得影一張油甘魚壽司加黑松露都好新鮮卷物有牛油果軟殼蟹、芝士鰻魚等等，細細件，好食得黎又唔驚太飽和牛粒做得好出色，個汁好入味，肉質幾鮮嫩燒海蝦，簡單灑上海鹽已經好有鮮味燒羊架，大大件都係回本之選今次主打刺身，下次再黎會試其他熱食埋單連加一每人二百五十，性價比合理

落旺角搵食真係有太多選擇，今晚就同老公走去兆萬中心睇下有咩食，發現淨係日式放題都有成起碼4間，仲有火鍋店。我地見呢間極上帝王水產個名咁勁，一於就試下佢！每人二百以內任飲任食，一睇落單紙，由A至S咁多款，單係逐張攞黎睇有咩食已經花左陣時間，刺身、壽司（仲要分左手握、黑松露、炙燒等款式）、軍艦、手卷、炸物、爐端燒、料理等等都有齊，仲有泰國菜同西式系列，花多眼亂。不過食得日本放題，我梗係專攻刺身啦！飲品櫃同甜品櫃第一盤刺身，我地點左三文魚、北寄貝、虎蝦、帶子、赤蝦、榮螺。三文魚厚身，食落有魚味，唔會一陣雪味；北寄貝同榮螺食到甜味，好爽口；最鍾意係帶子，幾大粒，好滑，又甜😋虎蝦同赤蝦肉質都爽口，如果再大隻d就好喇～不過呢個價錢來講，真係唔錯喇！壽司款式多到不得了！佢最好嘅一點就係壽司飯細細舊，咁你就可以試多幾款，都唔會太滯👍🏻我地試左火炙鹽燒三文魚腩壽司、火炙沙律三文魚腩壽司、火炙芝士醬大蝦壽司、火炙海膽玻璃蝦壽司。燒三文魚腩真係好肥美，魚油滲入壽司飯中，好香。黑松露壽司方面，我地點左黑松露帶子、黑松露車海老同黑松露油甘魚。黑松露味好重，齒頰留香。仲有芝士鰻魚卷、汁燒A5和牛卷、牛油果軟殼蟹卷

約了舊同學聚會，因為太耐冇見，大家口味又不同，於是有人提議不如食放題，因為可以各適其式，鍾意食乜就點乜。舊同學話兆萬開咗一間新嘅水產放題，品質唔錯，於是大家決定試吓。去到放題餐廳，無論裝修及氣氛，都令人覺得似係入咗日本嘅居酒屋。飲品櫃有大量飲品供應，包括果味礦泉水和大量韓國飲品。甜品小巧精緻，種類亦很多。入座即送雪場松葉蟹火鍋或日式和牛壽喜鍋， 我揀咗松葉蟹火鍋，湯底鮮甜，啖啖蟹肉，訂座又有優惠，雪糕、海膽、或即開生蠔三揀一，我揀即開生蠔， 生蠔大大隻，非常肥美新鮮。要回本當然要食刺身喇！水產放題的魚生刺身種類很多，我們每樣都下單要了幾片嘗試，發覺象拔蚌、赤貝、虎蝦、北寄貝、赤目鯛都非常高質素，最特出嘅係北海道帶子刺身，大大粒， 很鮮甜鹽燒活海蝦，鯖魚、燒廣島蠔、羊架都非常美味。好特別嘅牛油果軟殼蟹卷和水蜜桃珍寶大蝦卷， 香甜水果配上香脆嘅軟殼蟹同珍寶大蝦， 口感和味道都與別不同。日本紫薯餅和香芋丸子都係我嘅至愛。食到飽飽，仲有名牌雪糕可以揀，呢一餐計埋折扣，每人只係200左右，我計過淨係食刺身已經回本，何況仲有咁多其他美味食物，計落好抵。由於呢餐我仲有好多食物未試過，已經飽到食唔落，