影片
更多
2018-03-20
40 瀏覽
旺角有好多間做飲食生意嘅大廈，兆萬中心都算係其中一座出名做飲食嘅大廈，不過評語都係好壞參半，朋友介紹咗一個放題餐廳叫做極上帝王水產，說這間放題上菜速度快速價錢便宜，就一於去試一試。餐廳裝修非常之別緻，天花掛滿彩色旗仔，座位尚算寬闊，大約5分鐘左右已經幫忙安排好座位，和大多數放題一樣我們第一轉就寫了刺身作主打，10分鐘都沒有刺身盤已經上菜。刺身盤上三文魚全部厚切肉質肥美，甜蝦數量沒有減少寫幾多上足數，食落蝦肉鮮甜，帶子原隻上盤厚身軟滑甜身，赤背爽口彈牙冇雪味，需要值得一讚嘅係所有刺身都已經完全溶雪，溶雪不足係大多數放題餐廳嘅死症，因為order長期爆滿嘅關係好多時餐廳廚師都未能趕得切溶雪就已經將食物奉上，令到刺身嘅口感味道大打折扣，係我哋食刺身兩盤嘅情況下，所有刺身都係可以享受到肉質嘅鮮甜，可想而知餐廳喺日本刺身處理方面係落咗好好嘅功夫！之後就到食壽司手卷嘅時間，海膽青瓜手卷食落海膽鮮甜唔會腥，火燒三文魚刺身熟度岩岩好入口即溶，海膽醬海老壽司我極力推薦，海膽醬香口得來配合爽口既海老真係令你會想食多兩舊，鰻魚壽司入口即溶唔會有根。至於熱食方面呢一間放題都絕對唔弱，炸物之中炸日本番薯食落口熱
旺角有好多間做飲食生意嘅大廈，兆萬中心都算係其中一座出名做飲食嘅大廈，不過評語都係好壞參半，朋友介紹咗一個放題餐廳叫做極上帝王水產，說這間放題上菜速度快速價錢便宜，就一於去試一試。
餐廳裝修非常之別緻，天花掛滿彩色旗仔，座位尚算寬闊，大約5分鐘左右已經幫忙安排好座位，和大多數放題一樣我們第一轉就寫了刺身作主打，10分鐘都沒有刺身盤已經上菜。
刺身盤上三文魚全部厚切肉質肥美，甜蝦數量沒有減少寫幾多上足數，食落蝦肉鮮甜，帶子原隻上盤厚身軟滑甜身，赤背爽口彈牙冇雪味，需要值得一讚嘅係所有刺身都已經完全溶雪，溶雪不足係大多數放題餐廳嘅死症，因為order長期爆滿嘅關係好多時餐廳廚師都未能趕得切溶雪就已經將食物奉上，令到刺身嘅口感味道大打折扣，係我哋食刺身兩盤嘅情況下，所有刺身都係可以享受到肉質嘅鮮甜，可想而知餐廳喺日本刺身處理方面係落咗好好嘅功夫！
之後就到食壽司手卷嘅時間，海膽青瓜手卷食落海膽鮮甜唔會腥，火燒三文魚刺身熟度岩岩好入口即溶，海膽醬海老壽司我極力推薦，海膽醬香口得來配合爽口既海老真係令你會想食多兩舊，鰻魚壽司入口即溶唔會有根。
至於熱食方面呢一間放題都絕對唔弱，炸物之中炸日本番薯食落口熱辣辣軟綿綿，避風塘炒蝦香辣蝦肉彈牙新鮮，我要重點推介下佢哋嘅辣酒煮花螺，佢個辣汁真係世界級，香口之餘有甜味，但又唔會蓋高花螺嘅鮮味。
至於甜品方面，大家一定唔好漏咗佢哋嘅Movenpick雪糕，拖肥味同野莓味唔係間間放題都會有，我夠膽講香港就算今時今日收緊＄350一位嘅放題都未必有呢一款貴價雪糕食，就呢個雪糕已經值回票價啦。
最後就講講價錢，我哋喺七點鐘最旺嘅時間兩個人食足兩小時埋單都係＄504，除翻開兩個人都只係＄250就已經有高水準嘅刺身食，仲有一流嘅炸物同唔同品種嘅海鮮熱食，極力推薦大家一試。
張貼
