楚撚記大排檔 (日富里百好大廈) (已結業)

在室內享受大排檔的樂趣，裝修、海報都採用大排檔風格食物亦十分懷舊，有豬油撈飯、鍋仔粥、各式鑊氣小炒等必試煎黑松露蓮藕墨魚餅及黃金栗米菜式包括 炒通菜, 黑松露蓮藕墨魚餅 超辣水魷片 豬油拌飯裝修懷舊風，座位多，卡位 圓枱招牌菜之一 每碟有6-7片睇size,入口食到好香黑松露味咬落口感有蓮藕嘅爽，亦都有墨魚餅嘅彈牙鮮甜飛天炒通菜,熱辣辣煲上,好夠鑊氣夠香辣 仲食到蝦乾同辣椒夠曬惹味豬油，豉油，葱，芫荽 砵仔飯飯粒粒分明落重豬油夠油香 拌埋一齊食非常滋味!平均消費$300評分8/10西環石塘咀皇后大道西554-560號日富里百好大廈地下1號舖

楚撚記開左咁耐我都係第一次食真係好羞家😳屋企人話長期唔訂枱就無位真係好誇張！地方好有香港味道，坐得舒服，適合朋友聚會啤一啤🍻小菜做得出色，好多款都想點，但奈何得兩個人食得唔多。先有燕麥金沙蝦球，蝦球比咸蛋黃包住好鮮甜爽口！另外楚撚記原隻脆皮炸豬手都無得輸，皮肉分開易食，連住筋位咬感十足。最後來個豆乳浸白菜，清新而且有好多腐竹呀🤩豆類控不要錯過！最後，唔好淨係叫白飯呀㊙️我覺得豬油撈飯都係必點！依家好少地方有得食，小店都算大方，比你自己加幾多就幾多！加完豬油、豉油和芫荽葱之後勁香口，一啖又一啖食到停唔到！最後有甜品好驚喜！蕃薯糖水是港式的味道啊！

間唔時都會想食大排檔，但係夏天去都幾熱，於是今次就食好多人推介嘅楚撚記。我地第一時間就揀左鴨血煲，特別要求左bb辣，入面鴨血都好多舊，另外韭菜配d汁都好食，食得辣嘅朋友就一定要嗌，真係好好食，即食鴨血真係無得比。有時都要放肆下，於是叫左一個豬油撈飯。佢會擺低一樽豬油同豉油，再加啲蔥花，就算知道食完膽固醇超標都要死食啊。豬油撈飯真係買少見少啦。食完啲肥嘅嘢，叫咗個豆漿杞子先富足娃娃菜，我哋見佢用豆漿浸幾有趣，啲湯都可以飲㗎。黃金椒鹽粟米都幾特別，上面用鹹蛋黃炒過，鮮甜嘅粟米配鹹香嘅蛋黃醬，唔會好油好好食。大排檔唔可以唔識食嘅係蠔餅。相比起其他餸來講豪餅就冇咁出色啦，佢有個牌提大家上枱之後要即刻食，毫不入面嘅好數量都唔少，但係略嫌有啲油，我覺得就麻麻，好想食嘅都可以嗌嘅。之後再加咗個芝士琵琶豆腐同豉椒炒蜆。我本身以為琵琶豆腐係一個煎過嘅豆腐。但係佢係一嚿好似豆腐蓉咁嘅物體。炒蜆幾出色，好有鑊氣。當然唔少得用佢個戰鬥碗飲番幾杯啦！

又有朋友即將到外國讀書，打算在家附近找一間港式大排檔，讓她到外國前多享受港式美食。每次經過楚撚記大排檔都見到外邊很多人，今晚試過後就明白為何此新式大排檔如此受歡迎。楚撚記大排檔裝修比較新穎，環境乾淨，室內又有冷氣，對比傳統大排檔當然更勝一籌。另外全晚客人絡繹不絕，店員亦忙過不停，但值得欣賞的是店員服務態度一直都很好，保持微笑亦很有禮貌！上菜速度亦快，絕對大大加分。我跟朋友二人在網上見到不少很吸引人的菜式都很想試，今晚就點了乾炒牛河、避風塘炒鮮魷以及濃湯海鮮雜菜粉絲煲，另外甜品/飲品方面就選了人人都推薦的腐竹雞蛋糖水沙冰。首先上菜是乾炒牛河，碟上已經提供一小碗辣椒醬，十分細心。炒河上面亦灑上芝麻，香氣撲鼻，這一碟乾炒牛河鑊氣十足，而完全不會覺得油膩，碟底亦沒有油光氾濫的情況。牛肉份量多，口感腍身彈牙，調味亦不似得一般茶餐廳或大排檔般過鹹過濃。從一碟港式炒河已經感受到這大排檔的確高質。好戲在後頭，接着上菜的是避風塘鮮魷，魷魚炸得熱辣辣，炸槳不會過厚，魷魚十分彈牙，大小適中份量亦頗多。上面鋪滿了炸得香口脆身的炸蒜，完全香氣撲鼻，十分高質的一碟菜式！至於海鮮雜菜粉絲煲亦有驚喜，首先份量大，而且

楚撚記一向都好出名，好評如潮，所以都好難book😅 今次預早了兩星期book, 終於book到星期五的8:30pm (最後8:00pm去到，都安排到座位），但walk-in就有點難度了。兩個人來吃，不能試太多菜式，好彩這裡的portion都比較細份。點了4款也吃得完，不用打包取走。果然是招牌菜，黑松露味好出，食落唔會太熱氣或油膩。墨魚膠好彈牙，蓮藕增加了口感，每件細細份，好快就清晒一碟好有儀式感的豬油撈飯 豬油、蔥、芫茜、豉油另上，可以按口味隨意搭配，撈勻之後，每粒飯都充滿油香，邪惡又滋味。豉椒炒蜆同飛天通菜都比大排檔的口味淡一點，食落去無咁heavy但重口味人士要注意啦環境嚟講，冷氣充足，乾淨企理。風味當然唔及傳統大排檔，但如果想過口癮又想坐得舒服啲，可以一試

講起現代化啲嘅大排檔🥢，「楚撚記」應該幾多人知！壽星女嘅生日飯想食小菜，專登去西環一探究竟🔍。裝飾富有香港特色，有霓虹燈又有壁畫，點少得標誌性嘅摺檯🇭🇰，安排坐係完全唔同格調嘅兵馬俑主題套房，不過食物先係重點啦。晚市滿座不在話下，所有餸份量好足🈵，飯後仲送清補涼，好有舊式酒樓送糖水嘅感覺~————————————————👅地道港式煎蠔餅（$78）👍🏻 西環分店限定當然要試吓！新鮮即炸即食好酥脆，又有空氣感，入面食到軟冧冧嘅粉漿同蠔仔🦪。但係凍咗就唔好食同油好多，魚露太鹹，豆瓣醬會鮮味啲，一大個夠4個人share👅生滾新鮮滑雞粥（細鍋$82）👍🏻 粥底偏綿，撈勻啲雞油同雞汁，簡直係精華所在🤤！雞件都幾多，細鍋都有四碗飯碗份量，會配埋油炸鬼，製作需時👅燕麥金沙蝦球（$98）👍🏻 蝦球幾彈，裹住起沙嘅金沙🍤，甜燕麥片增加咬口，價格就相對貴啲👅魚香茄子煲（$82）👍🏻茄子比平時食開嘅切得粗🍆，所以唔係軟爛 質感，食落仲有啲爽口添⋯夠多醬汁撈飯，鹹魚香再濃啲更好👅楚撚記秘製鳳爪（$58）👍🏻 餐前佐酒小菜，鳳爪唔係燜到好冧，麻辣度夠，食BB辣嘅我個嘴Keep住著火又食唔停口🔥，即席傳授食鳳爪秘笈

之前幫襯過土瓜灣店覺得好好味，唯一缺點係太難book位，walk-in又唔知等到幾時。有日諗起想食，就試下上網book西環分店，好好彩預早一個星期就book到。餐牌有好多選擇，其中有幾款係西環分店限定菜式。落咗單等咗幾分鐘就開始上菜，好有效率。首先上枱嘅係港式煎蠔餅，雖然寫住係煎，但其實係近乎炸嘅半煎炸。蠔餅非常酥脆，食落唔算油膩。蠔仔細細粒好甜好鮮味，而且份量都唔少黃金九肚魚表面沾滿鹹蛋黃，啖啖香濃鹹蛋黃味炸得夠乾身酥脆，魚肉嫩滑完全無腥味。食大排檔必點嘅黑椒薯仔牛柳粒，牛柳夠腍唔會太韌，黑椒味突出得嚟唔會太鹹。薯仔切到細細粒，似乎無乜炸過唔夠香口。黑椒薯仔牛柳粒始終都係始祖萬發最好味。拔絲咕嚕肉賣相比一般嘅特別，除咗有拔絲仲有一塊焦糖脆脆，但同咕嚕肉唔係好夾。咕嚕肉炸得酥脆，醬汁稍為甜咗少少。乾炒牛河好有鑊氣，河粉條條分明，牛肉同河粉份量都唔少見到有邪惡嘅豬油撈飯梗係要叫一碗，豉油同豬油另上，自己想落幾多都得。鍾意食蔥的話仲可以再加埋蔥花同芫茜，如果唔係要留肚食其他餸，我一個人食一碗都唔係問題整體嚟講楚撚記真係好味又抵食，次次幫襯都好滿意。四個人食到飽埋單只係$500，仲有蕃薯糖水

🍴地道港式煎蠔餅蠔餅煎得超級脆！啲蠔好新鮮完全無腥味，粉漿炸完無鬆散嘅感覺，再配埋佢嘅魚露同自家制嘅辣醬，真係食到一啖接一啖😋🍴楚撚記原隻脆皮炸豬手炸豬手又係超級鬆脆，啲肉好嫩😍，唔好過鹹，同埋睇得出佢切得好仔細，每一舊嘅size都啱啱好🤏🏻佢除咗一般會有嘅芥末醬之外，仲有泰式辣醬俾你沾嚟食👍🏻都幾特別🍴西楚霸王雞最估佢唔到好味嘅係霸王雞🤤🤤，呢個雞肉真係好嫩滑同好有口感，一啲雪味都無，再加埋啲炸蒜同啲葱絲同個醬汁真係佢嘅靈魂🥸好味！！🍴啫啫芥蘭煲個菜就正常發揮啦，份量都多嘅🧉腐竹雞蛋糖水沙冰腐竹雞蛋糖水沙冰聽個名就知有幾特別🤣本身以為伏伏地，但食落就真係變左冰嘅腐竹糖水，不過我就覺得有啲啲甜啦總括係推介推介👍🏻！下次都會想再嚟試埋其他菜式🤤如果冇book位嘅話都要等一陣，大概15-30分鐘到，唔想等嘅朋友記得要book位啦😌😌😌

同男朋友想食好耐，有日5點幾去到問，睇下搏唔搏到walk in，店員話8點30先有位，可以留定位，即刻唔洗諗，留名！見到有新菜式餐牌，試咗個香辣椰菜花炒咸肉煲。一上枱勁香，隔離枱都即刻望過黎！好香口，好食！仲有小小花椒麻味，濃味人極愛！一定唔小得招牌嘅椒鹽嘢，今次叫咗九肚魚外脆內軟，入口即溶，正！仲叫咗拔絲咕嚕肉，夾埋啲糖絲食，會更加脆口男朋友仲嗌咗個豬油撈飯，佢話好香！唔怕肥真係想食多碗咁話！係可惜嗰晚最招牌嘅菜乾豬肺湯賣哂，之前試過外賣已經念念不忘，下次一定要再試！

好想食大排檔，忽然諗起有呢間。6:30去到，外賣竟然要等大概1小時，時間就剛剛好。叫咗相應嘅外賣，然後就周圍兜風，大概7:15去到，未有得拎，但侍應生嘅服務態度非常好，又叫廚房整咗我嘅先，但到7:30外賣竟然要等大概90分鐘。所以建議如果要叫外賣嘅話就可能要早啲去到。食物方便非常之好食，好夠鑊氣，徧濃味。拎到外賣返去，依然可以keep到脆口。10分推介

天時暑熱 又想食大排檔，我會話楚撚記大排檔係一個無措既選擇。尼間餐廳又係人山人海既，所以最好訂左位先去！ 今次我同一班好同事訂左1900，準時到就可以即刻入座，安排好好！一大班人去大排檔食野就可以叫好多個小菜開心share!雖然入座起計有限時90分鐘，但由於佢上菜時間好快，所以都無問題！ 尼間餐廳唔單止提供傳統既小菜，同時都有好幾款新式d 既小菜，適合有時想試下新野既朋友！我地果日叫既每款菜，無論係傳統既定新式既都好好食，全部都熱辣辣，夠鑊氣！我地果日貪新鮮叫左碟燕麥黃金蝦 ，結果係超好食！ 尼間餐廳我地絕對會再encore !

幾個同事一早約定嚟呢間食飯，因為此店實在太旺場，所以一定要預早訂位。😍同事極力推介話 楚撚記 啲嘢食好好味，淨係聽個名，我真係聯想唔到，究竟係乜style ？!🤔心想，以為係一班大叔開嘅老牌小菜館，原來錯曬!🙃就從門口嘅投影，我肯肯定呢間係潮嘢!果然冇估錯，店內報置極盡心思，由牆壁畫報至枱面餐牌，都係用心嘅設計。🖼🎨反而比我嘅感覺，係好有文青feel。🤓不過菜式真係好有大排檔火候，又大碟又惹味。😋加上全場爆滿，座上客都在高談濶論，又確實幾似大排檔。🤣餐牌菜式選擇實在太多，我個人認為嚟多幾次都未夠!🤭同事們實在太無情，手起🥢落，毫不留情，成餐晚飯，我祇成功影到半隻葱油雞! So sad! 🤣🤣🤣

襯住約左5位foodies，一於去大排檔可以嗌多啲餸。除咗荃灣，仲有分店喺土瓜灣，西環。裝修懷舊風，座位多，卡位/圓枱都有。✨味道76分，環境75分，服務75分。.🔸秘製辣酒煮花螺($128)⭐️推介⭐係荃灣旗艦店限定！鍋底有蠟燭keep住熱，辣度大概係二小既辣，白蘿蔔好入味，吸收哂辣酒，煮得夠稔。花螺有長竹籤比你吉出黎食，好香口，冇沙。.🔸菠蘿拔絲咕嚕肉($99)⭐️招牌菜，用梅頭肉整，啖啖肉唔會一大舊脂肪，剛炸起，外皮撈完汁都微脆，酸酸甜甜，汁既份量剛好黐住每舊肉，又唔會成碟都係汁。.🔸欖菜肉鬆四季豆($68)太鹹，食既時候要撈好多飯。四季豆都夠新鮮，唔會有渣。.🔸香煎黑松露手打蓮藕墨魚餅($96)⭐️招牌菜，大概7塊，好香黑松露味，咬落口感有蓮藕嘅爽，亦都有墨魚餅嘅彈牙。.🔸飛天通菜煲($78)招牌菜，熱辣辣，好夠鑊氣，微微辣，落左蝦乾整得香，食到底浸到啲汁就鹹左啲。.🔸楚撚豬油撈飯($20)⭐️豬油，豉油，葱，芫荽，自己落適當份量。砵仔飯，飯粒粒分明，豬油愈邪惡愈香口。.🔸番薯糖水送飯後甜品🥣竟然有驚喜，好足料，大大舊番薯，煲得夠稔，甜度剛好，亦都夠薑味。

#kopo西環#kopo💸💸#kopo有驚喜🤩 楚撚記😍高質撚手小菜呢間絕對係👉🏼 慕名而來 驚喜而歸😛朋友推介 Book完位等左一星期終於有得食！講講佢地3款熱門菜式😁燕麥金沙蝦球 $78 🔖4.6/5分- 賣相唔好🤣 但味道卻十分有驚喜‼️😍- 鹹蛋黃味道剛剛好 完全唔覺得膩- 蝦球加上燕麥片一齊食 脆得黎又彈牙👅- 醬汁微微的甜味 送飯🍚一流香煎黑松露手打蓮藕墨魚餅 $88 🔖4.3/5分- 有七塊 唔會太薄 食落有口感😛- 黑松露味算突出 但唔會太濃- 墨魚餅煎得夠香 加上蓮藕更爽口彈牙西楚霸王雞 半隻 $128 🔖4.0/5分- 雞算新鮮 肉質夠嫩- 炸蒜配上秘製醬油 好惹味😍- 鐘意食雞的可以一試🐼 餐廳長期都超多人 訂位要預早訂 價錢合理 味道出色🐨 Overall 成個experience 都好 環境乾淨 裝修走懷舊風 岩哂打卡📸 侍應反應快速 食完仲有免費甜品送🥰正📍 楚撚記大排檔 (日富里百好大廈) (西環)西環石塘咀皇后大道西554-560號日富里百好大廈地下1號舖#kopo港式#kopo西環

🥘楚撚記🧆以前細個唔識嘢最唔鐘意去大排檔覺得又熱又多數要去街市大個咗、麻甩咗先知大排檔係寶簡直係香港文化特色添依家多數都有裝冷氣無論係鑊氣同氣氛定菜式種類都係其他類型餐廳冇得比最開心係同班朋友好耐無見有得啤一啤佢(ﾟ(ﾟω(ﾟωﾟ(☆ω☆)ﾟωﾟ)ωﾟ)ﾟ)嗰種氣氛都無咩餐廳可以俾到今次第一次食楚撚記只可以講又令大排檔喺我心目中嘅地位昇華咗～呢到除咗有比較創新嘅菜式例如黑松露墨魚餅、菠蘿脆皮大腸、腐竹蛋糖水沙冰等黑松露墨魚餅彈牙鮮香得嚟又食到黑松露勁惹味⸜(ّᶿॕധّᶿॕ)⸝大腸果然皮好脆同菠蘿好夾腐竹蛋糖水沙冰真係好似食緊糖水咁仲要勁大榨好抵飲(ᗒᗨᗕ)大排檔傳統撚手小菜都唔少得好似避風塘炒鮮魷、豬油撈飯、咕嚕雞球、沙拉骨之類炒鮮魷唔會出現粉同鮮魷分離仲要好惹味唔會死鹹豬油撈飯我第一次食但原來都無想像中油膩仲要幾香口啵其他兩樣就正常發揮不過不失～聽講楚撚記都好難book下大家如果想食記得早啲打去留位！(☞ﾟヮﾟ)☞ ☜(ﾟヮﾟ☜)地址：西環石塘咀皇后大道西554-560號日富里百好大廈地下1號舖荃灣川龍街118號百悅坊地下-1樓土瓜灣馬頭圍道187號地下2及4號舖