棋子燒鵝 (長沙灣道)

營業中

休息中

🔸棋子燒鵝（下莊）$135🔸桂香切雞（半隻）$65-今晚收工又去斬料返屋企加餸喇，唔駛媽媽咁辛苦煮咁多味餸嘛！見呢間燒味鋪門面幾四正整潔，又有幾多人幫襯，一於試試佢。揀咗店舖招牌嘅燒鵝，見到玻璃窗裡面掛起幾隻燒鵝真係幾靚仔，就斬個下莊返去，係最正嘅髀位。咬落燒鵝嘅皮好脆，隨即就滿口油脂感好正，而且肉質剛好唔過火喉，好功架！作為稱職嘅「雞精」當然再斬多半隻切雞先罷休啦！切雞都非常唔錯，皮薄肉嫩，而且調味都恰到好處，唔會太咸，好滿足啊！

雖然說經濟不景，失業率高企，但我星期日去深水埗買嘢，真係周圍都係人🙃🙃下午3點，餐廳都坐住唔少人，有好些還要等位，棋子燒鵝也不例外，可能因為下午茶嘅燒鵝飯太吸引。呢度有外賣餐牌，比堂食便宜一點，用黎加餸的確唔錯。叫得棋子燒鵝，梗係要試下招牌燒鵝😍今次叫左下裝（外賣$135），有鵝脾同附近嘅位置。鵝皮燒得薄脆，斬起時油光幾靚，不過屋企有d遠，拎到番去個皮就淋左，不過都沒大礙，皮仲有少少炭香，脾位夠淋滑鬆化，味道唔咸，可以點上甜甜的梅子汁（好吃），整體都唔錯。麻辣手撕雞（外賣半隻$65）我覺得好抵食，雞好滑，皮又爽，仲連埋骨上，明顯真係手撕！調味恰到好處，唔太辣唔太淡，啖啖肉送飯食幾正，送酒會更正！除了麻辣，仲有鹽焗手撕雞，下次經過想再買來試下！PS. 最近我仲係巴士見到棋子燒鵝嘅廣告😁

今次我想介紹下食廣東嘅特產「燒鵝」我平時去深水埗次次都係食燒鵝大王，因為食燒鵝諗唔到可以食邊間，但朋友介紹我話深水埗呢間《棋子燒鵝》都好好食，所以我就黎試下先。💟燒鵝髀飯 $108其實叫返佢普通燒鵝飯只係$53，但我要試就試佢最好嘅野先知正唔正。一上檯隻鵝髀好大隻，好肥好粗壯🤤🤤🤤 同埋食到佢嘅燒鵝皮有好香好香嘅荔枝柴味，皮又脆，同埋我食嘅係鵝髀，勁滑，好多油份好Juicy, 食完都好有罪惡感🤣🤣🤣🤣真係好食過燒鵝大王😱 睇黎會變我嘅新飯堂🥰💟燒腩仔+叉燒飯 $53我叫左半肥瘦叉燒，佢一定係誤會左，舊叉燒真係好肥😂😂😂 半肥瘦應該係肥瘦夾雜架嘛，但佢嘅半肥瘦又真係半舊肥半舊瘦，又吹佢唔漲，但太肥我食唔到，瘦果邊都OK, 正正常常咁，無太大驚喜；燒腩仔就皮脆肉滑，咬落唔乾，唔會太咸，但略嫌份量唔夠多，我想好多好大舊先滿足，最好大舊到好似人地斬燒肉咁大舊😂😂😂📍棋子燒鵝📍地址 - 深水埗長沙灣道233-239號惠康大廈地舖

今日去深水埗黃金商場睇電腦, 要趕返屋企食飯。行過見到棋子燒鵝, 啲燒味好吸引, 而家仲做緊外賣優惠, 一於斬料返去加餸先！棋子叉燒+桶子豉油雞 $115外賣1+1著數燒味組合, 燒味雙拼原價$129, 優惠$115, 分量都唔少！叉燒用梅頭肉半肥瘦, 鹹中帶一點點蜜汁甜味, 惹味軟熟, 入口即化。豉油雞 脂肪較少, 肉質清甜嫩滑吾鞋口, 醃得入味鹹度適中, 送飯一流！棋子燒鵝片飯 $85見到呢度嘅招牌燒鵝, 真係流曬口水, 忍唔住要買個燒鵝片飯！燒鵝片起骨啖啖肉, 外皮烤得香脆, 中間夾著一層薄薄脂肪, 油脂甘香, 肥美肉厚, 嫩滑多汁, 帶有濃郁燒鵝味道！臨走先見到有個優惠, 買半隻燒鵝加十蚊送半隻雞！又幾著數, 畀個藉口我下次再嚟幫襯！

今日去深水埗執平燈飾，想換下屋企夜晚嘅氣氛。買完就係附近嘅棋子燒鵝坐底食燒鵝飯，叫左2樣燒味，1個小菜，1碗白飯；看似平凡但有驚喜😚1. 棋子燒鵝飯$63平平地但有質素，鵝肉唔會「鞋」，最特別嘅係燒鵝皮嘅味道，有炭烤味，食落唔油膩，好正。2. 棋子叉燒$88蜜汁半肥瘦叉燒，令我諗起大學飯堂嘅味道，因為佢而忍不住叫了一碗絲苗白飯，大滿足😋3. 鴛鴦手撕雞$30一次食晒鹽焗同麻辣味嘅手撕雞，味道好足，但唔會蓋住雞嘅鮮味，岩晒重口味嘅我。

深水埗啲野食平靚正，今日就同朋友黎左呢間燒味店食燒鵝。呢度有好多款燒味可以揀。我地點左原隻燒鵝脾飯，黎呢到當然要點佢既招牌燒鵝脾啦！大大隻既燒鵝脾，皮薄，燒到好香好惹味，鵝唔會太肥，鵝肉嫩滑，配埋點鵝肉既醬汁，勁好味！另外，我地仲點左桶子豉油雞飯油雞飯既水準亦都好高！嫩滑既雞肉好juicy ，配埋豉油飯，真係停唔到口！我地想食健康啲，所有點左一碟油菜黎食，呢道既菜係用左菜心，份量都幾多，唔錯！飲品方面，呢度既熱奶茶都幾香濃。

今日我同屋企人去左深水埗嗰邊行下街買下嘢😂😂 意外發現呢間好食嘅燒鵝店！😳因為見到佢鋪面掛出黎啲燒鵝幾靚，所以就果斷入左去食😆🦆原隻燒鵝髀飯🍚 $115一般燒鵝/燒鵝髀飯都會將燒鵝斬件，但今次居然可以原隻食😍真係幾surprised! 佢仲供應埋膠手套，比你大大啖揸住黎齒開食🤣首先，佢地嘅燒鵝果然係招牌燒鵝🥰，第一次食到咁香炭燒味嘅燒鵝髀！令人感覺佢真係好新鮮，即叫即燒，岩岩燒起咁😋 真係同平時食茶記/快餐店嗰啲兩個level~另外，佢仲燒到完全冇鵝嘅羶味👍🏻燒到好香油香味又夠 juicy🤤肉質鮮嫩又夠大份～燒鵝皮又燒得夠哂香脆😍另一個值得讚嘅位係：皮下唔會有好大舊脂肪，唔會突然有成大pat肥膏喺層脆皮下面，所以唔會覺得佢過份肥膩～燒鵝本身已經好夠味，我自己覺得唔洗加燒鵝醬已經好好食，加左反而仲掩蓋左佢本身陣明爐炭燒味添🙈🐓燒鵝雙拼飯🦆 $68另外我地仲叫左個燒鵝切雞飯🤤 雖然呢間出名食燒鵝，但無諗過佢啲雞都唔差喎😳 啲雞件唔老又唔柴，都幾嫩滑～而啲飯亦煮得唔爛，粒粒分明，配上佢地嘅秘製豉油更加滋味可口😋🥘老火例湯+$8係紅蘿蔔湯😍既清甜又無味精，好有家的味道🥰🥬時菜一碟 +$18今次

今日去鴨寮街買電話卡，回程時打算去附近斬料加餸。早前幫襯過九龍灣德福廣場嘅「棋子燒鵝」， 記得深水埗都有間分店，一於過去買點燒味回家。原來間舖頭好近深水埗港鐵站，由 C1 出口行過嚟，只需一分鐘路程。門面光鮮企理，招牌旁邊仲有隻紅色燒鵝做 Logo，非常易認。先睇下門口掛住嘅外賣價目表，除咗主打嘅燒鵝、桶子豉油雞、叉燒、燒腩仔等之外，原來店舖仲有鹽焗手撕雞同麻辣手撕雞定食等供應。見啲腩仔同油雞賣相都好吸引，就每樣都選購一些，揀咗個 1+1 著數燒味組合，另外再加多盒棋子燒鵝片飯，一於連飯都懶得煮。回家後第一時間先吃棋子燒鵝片飯 ($85)，可能因為盒飯冚過蓋嘅關係，所以鵝片面頭有啲水珠，不過食落一啲都無影響到個味道。雖然唔係即斬即吃，但吃時鵝皮依然很美味，油香十足，加上鵝片紋條理分明，肉質嫩滑不韌，入口鵝香一流。1+1 著數燒味組合 ($115)  可以選棋子叉燒半斤或脆皮燒腩仔半斤，配半隻桂香切雞或桶子豉油雞。我揀咗腩仔同桶子豉油雞，燒腩仔嘅肥瘦比例啱啱好，外皮脆口鬆化，肉質又嫩又 Juicy，食落完全沒有豬臊味，反而帶陣陣豬肉香。桶子豉油雞味道亦不俗，醬油和香料的味道沒有蓋過雞味，

想食棋子燒鵝好耐了😍😍深水埗呢間分店仲要超方便行出地鐵站20秒就到 而且裏面光鮮整潔完全唔似平時我哋幫襯開嘅燒臘鋪先點左個雙拼飯 油雞拼燒鵝髀呢度當然必點佢嘅燒鵝髀！夠晒甘香明顯係經過特別處理 外表勁脆皮！～食落去嗰下肉汁走晒出嚟 鮮嫩美味跟餐可以加多個例湯今日青紅蘿蔔好清甜仲有可以加碟青菜都係$15有通菜芥蘭等另外發現呢度有個常餐 叫咗個叉燒意粉仲拼埋炒滑蛋方包 大件夾抵食啲叉燒亦都切得好均勻添 色水都唔錯另外佢哋亦都有幾款手撕雞我即席揀咗麻辣手撕雞 佢嘅辣度好刺激越級挑戰我嘅味蕾 上面仲有好多芝麻好香另外我要讚一讚個菠蘿油外熱內冷塊牛油正正方方 慢慢融化～><好正好正Finally仲叫埋個奶油多 烘到黃金顏色加埋煉奶甜甜地 口感鬆軟無比😙👍🏼下次一定要嚟食今日缺貨嘅乳豬同燻蹄！

這間燒味店地方寬敞, 光線非常充足。餐牌上有很多款式的燒味飯供選擇, 亦可以外賣燒鵝、油雞、叉燒等等帶回家吃。//原隻燒鵝髀飯//燒鵝髀大大件! 燒鵝皮有油香, 肉質幾嫩, 入口有煙燻味, 配白飯吃一流！//全日常餐//叉燒通粉 - 我喜歡這款叉燒, 不太肥, 入味又不乾身。香滑炒蛋及火腿牛油厚多士 - 炒蛋炒得夠嫩滑, 仍留有蛋汁, 亦有牛油香氣。烘過的多士有輕微香脆的口感, 我喜歡把炒蛋和火腿放在多士上一起吃, 味道更豐富!

-深水埗區多嘢食 價錢大眾化不過人多擠迫 我情願斬大嚿叉燒 買返屋企食燒味餐-🦆#燒鵝五寶飯 ($68）呢度燒鵝出名 皮脆鵝肉味濃 上次我單叫一隻燒鵝髀 食得滋味 今次叫五寶飯 燒鵝以外 搭啲叉燒油雞紅腸同半隻鹹蛋 食啱邊款燒味 下次可以孖住燒鵝叫雙拼飯-🥓🐓#外賣燒味組合 ($115）套餐有兩個組合供選擇 我揀B餐 有半斤燒腩仔加半隻雞 燒腩仔係我心頭好 佢肥瘦相間 脂肪瘦肉分佈均勻 外皮烤烘得脆卜卜 食落香脆有油香又有嫩肉 半隻雞可以揀白切雞或豉油雞 豉油雞皮拎立立 豉油上色均勻 比白切雞更吸引-📍#棋子燒鵝深水埗長沙灣道233-239號惠康大廈地下

今晚收工去左深水埗買野順便食埋晚飯先番屋企, 臨近月尾又糧尾💸, 當然要慳住食🤣 經過見到E間燒味店嘅燒味好似幾靚咁, 就同朋友入去試下! 餐廳入面幾光猛, 座位都算多, 坐得幾舒服! 以一間專做燒味嘅食店嚟講, 選擇都幾多, 除左有燒味之外, 仲有其他小食! 既然叫棋子燒鵝, 當然要叫燒鵝試下啦, 於是小妹同朋友叫左一個燒鵝拼燒腩仔飯, 燒鵝拼叉燒飯同一碗老火湯😊老火湯睇落幾足料, 飲落味道清甜!燒鵝外皮香脆有光澤, 肉質肥厚, 油潤甘香, 口感嫩滑, 鵝味濃郁, 肉汁多而不帶腥味, 推介😋👍🏻! 燒腩仔外皮咬落脆卜卜, 肥瘦比例適中, 肉質鬆化軟腍無渣!叉燒色澤光亮帶焦香, 質感厚實, 混合埋蜜汁香甜味道, 味濃甘香, 不過小妹個人認為如果可以肥多少少就更好🤣!

加餸加餸，夜晚煮好飯就出去外賣燒味加餸！棋哥旗下的棋子燒鵝@深水埗，顧名思義，燒鵝一定係鎮店之寶啦！外賣燒味斬料餐牌：今期推介，十蚊雞：燒鵝上莊（$135）脆皮燒腩仔半斤（$60）因為外賣關係，所以預先穿開個口唔會有倒汗水，兩款份量都幾多，先講燒腩仔，肥膏同肉層層分明，外皮果然燒得夠脆，伴酒一流！至於招牌燒鵝，果然不失所望，燒鵝甘香肥沃，皮脆肉嫩，份量唔少，連燒鵝汁及酸梅醬一齊伴白飯食，簡直係人間美味。

返工日日都會行經呢個舖位，同事成日話想試下，今日我哋終於相約去「棋子燒鵝」食午餐🥢。餐廳位置十分方便，地鐵站出口廿秒內行到嘅距離！之前喺尖沙咀試過棋哥燒鵝，今次就試佢嘅姐妹品牌，不過進內後發覺環境格局、餐牌同餐具等都差唔多，哈哈😄。我哋事不宜遲，即刻揀食乜，爭取時間。呢度上菜速度快，抵讚！棋子燒鵝片飯($90)，我相信大部份嚟幫襯嘅人都必定會嗌燒鵝，當然我哋亦唔例外。由於我哋都係好怕食骨嘅人，所以嗌鵝片就最適合不過🈴。飯量正常，男仔食都夠飽。燒鵝皮果然燒得唔錯，好香口同好脆😋，而且一咬開更有份油香，但又唔會過膩。同時，大家千奇唔好錯過枱面樽酸梅醬，沾埋佢食真係好鬼正。每塊鵝片都相當厚切，食落口感一流，肉嫩唔韌，無羶味👍。燒味雙併飯($63)，轉湯瀨粉。嗌湯粉，燒味就會主動分開上。其實我哋本身想嗌乳豬雙併，但可惜乳豬午市時段已經售罄😖。正常版燒味可以揀叉燒、腩仔、切雞、油雞、燻蹄、紅腸或者鹹蛋。我哋要咗棋子叉燒併脆皮燒腩仔🐷，兩者都係大啖肉，啱哂我哋，嘻嘻。燒味賣相吸引，份量亦都唔少。食燒味我最鍾意配瀨粉🍜，呢度嘅瀨粉唔會煮到碎濕濕，而且亦夠粗兼有咬口；但我略嫌湯底淡咗啲，同埋我唔記得走

好耐都冇去過深水埗, 今日出泥買D野諗住順便食個車仔麵, 點知去到幾間都排哂長龍, 唔想係條街度逗留咁耐, 諗住走人啦沿路行去搭車個陣見到棋子燒鵝, 知道佢係棋哥既子品牌, 真係佢個仔開既! 人入面唔係好多人, 既然咁岩就入去食個飯~環境比起一舨食燒味既地方企理乾淨(如果唔係我都唔會入去), 不錯。有餐叫, 包左熱飲一杯, 另加8蚊有老火靚湯。老火靚湯湯料有豬骨, 蘿蔔, 味道清甜有D似屋企煲既湯~原隻燒鵝脾飯燒鵝脾鋪係飯面個樣真係幾吸引, 好大隻! 外皮色澤呈赤紅色, 表面油光亮麗, 好似好正咁! 一啖咬落去, 首先咬到 鵝皮既脆, 然後鵝油同鵝肉充滿口腔, 肉冇乜肥膏但不失細嫩, 鵝油味道非常香, 一D都唔酥!燒鵝拼腩仔瀨粉原本想揀乳豬但賣哂, 於是揀左腩仔。腩仔肥瘦均勻一層肥一層瘦, 最緊要外皮十分脆口, 肉質彈牙厚實。燒鵝係背位, 味道一樣咁香濃, 但當然唔夠脾位咁啖啖肉啦, 中意既話都可以加錢轉脾。另外我都幾中意瀨粉既湯頭, 清得黎又夠味, 唔會過咸。依度食燒味感覺一D都唔麻甩, 而且唔係求求其其既質素, 值得一試。