棋子燒鵝 (長沙灣道)

營業中

休息中

去深水埗買電腦軟件，路過長沙灣道，望見棋子燒鵝分店，之前食過燒鵝唔錯，好想試吓佢哋嘅手撕雞，諗住買返屋企食，點知賣晒，唯有下次早點來買。好彩重有桂香切雞，就斬隻加餸，桂香雞為特等優質雞，肉質鮮美，雞肉很嫩滑又有雞味，不會像平時的白切雞淡而無味。配合自家調製的薑蔥蓉，令味道提升不少。燒鵝拼叉燒飯，燒鵝煙熏味較香濃，鵝皮含鵝油香，食後齒頰留香。叉燒蜜汁味道甜蜜蜜，肉質鮮嫩唔會硬。飯加咗少許醬汁好惹味！

而家多咗留喺屋企食飯 除咗食媽媽嘅手藝 間中當然要斬料啦😌我本身好鐘意食燒味 但係平時同朋友出街 有幾可會約埋一齊去食燒味飯 所以斬料返屋企食就最好不過之前食過嘅棋子燒鵝 今次特登買返去比屋企人試 去到舖頭嘅時候見到仲滴緊油嘅燒鵝已經流晒口水啦🤤◾棋子燒鵝(下莊)燒鵝嘅煙燻味真係好香 識食一定食下莊 啖啖肉 仲有我最鐘意食佢層皮 燒得好脆架💕真正嘅皮脆肉嫩◽鹽焗手撕雞屋企人好鐘意食手撕雞 另外仲有麻辣味揀 不過屋企人唔太食得辣 所以我揀咗classic嘅鹽焗 鹽+沙薑+麻油 好有層次好惹味 家人仲大讚雞肉好滑tim🥰

媽媽入了院，想吃燒味飯！到棋子買了一盒义燒飯、一盒淨燒肉及一盒切雞！白飯太硬，像是未熟透，燒肉及切雞太鹹，雞肉又是死實實的！實在太難食了！對棋哥出品一直有信心、但今天幫襯棋子卻是很失望

Shopping 後 ，經過餐廳門口， 見到隻隻燒鵝油光亮麗， 令人垂涎， 忍不住入去用餐。 常餐$43常餐十分豐富， 有火腿、多士、香滑炒蛋、棋哥叉燒湯意粉， 叉燒入口鬆軟， 筋肉相連， 帶有淡淡蜜糖味， 與煙韌韌的湯意粉，十分搭配 ，多士烤得香脆可口， 雞蛋嫩滑， 確實不錯。棋哥燒鵝米粉(下午茶)$40燒鵝外皮爽脆 ， 還帶有陣陣煙燻炭香味， 與米粉一起吃， 津津回味。迷你燒腩仔米粉(下午茶)$35燒腩仔十分鬆脆，一層瘦隔著一層肥 ， 咬下時發出「吱嚓」 聲， 沾上芥末醬， 更加突出燒腩仔味道， 令人一吃再吃。鹽焗手撕雞定食$28鹽焗手撕雞， 表面灑上炒香的芝麻 ， 更伴上香香的麻油， 十分入味， 雞絲嫩滑 ， 啖啖是滿滿誘人麻香， 津津回味。熱奶茶、熱檸檬菜蜜(跟餐+$3)熱奶茶茶香奶滑， 熱檸檬菜蜜， 甜度適中， 令到冬天乾涸喉嚨，得到滋潤。

今日黎左深水埗附近行街買野，之後路過一間燒味鋪門面光猛，而且掛左好多燒鵝响玻璃櫃度好吸晴，而且好近地鐵站位於C1出口附近，好方便，見佢甘多人幫襯就去左買下莊燒鵝$135，鵝脾大大隻，鵝既肉質好有咬口，皮脆外軟都幾香口鵝肉好有肉汁，鵝脾正鵝味香濃，加埋必食醬汁酸梅汁，更加開胃，仲叫左半斤燒腩仔$60，打開個盒見到份量都幾多，幾抵食，燒腩仔皮香脆好味，個皮咬落去索索聲脆卜卜，好香，d肉肥左dd，不過真係好脆，腩仔就係要肥少少先好味。

新一年開始, 食番隻鵝脾爽下先!棋子燒鵝裝潢風格同棋哥燒鵝差不多, 當然唔少得既一定係門外既燒味部, 見到師父製作燒味, 一隻隻燒鵝掛係架上, 係幾吸引既!加$8既湯, 足料又清甜, 好飲。燒鵝脾飯wow大大隻鵝脾, 赤紅色既鵝皮, 就咁望落去都見到色澤油潤! 入口皮脆之餘鵝油滲出, 再加上細嫩既鵝肉, 非常甘香~~ 點少少酸梅汁就更加好食!燒鵝cha燒瀨粉唔係脾位既燒鵝, 一樣係皮脆肉嫩。cha燒有肉香, 如果可以再多d燶邊焦香味就更好。瀨粉湯頭清得黎有高湯既味道, 配瀨粉一流。依度既燒鵝真係必食, 隻鵝脾食完會好滿足, 會回頭

去深水埗買電腦配件，買完已經8點幾，過咗食店因疫情而限堂食時間，諗住搭車回家，等車時間見到間棋子燒鵝。啲燒味好吸引，一於買外賣返屋企食，送啤酒一流！燒鵝片飯：燒過的燒鵝表層脆皮，油脂甘香，鵝片冇骨啖啖肉，有口感和充滿煙熏味，點一些酸梅醬味道一試難忘。斬料、斬大舊叉燒，叉燒入口甘香，肉質軟嫩，真的色香味俱全！令人回味不已！涼拌海蜇，未食已聞到陣陣麻油香氣，入口脆嫩爽口，味道調得好夠味，帶有少少辣，好惹味！

今日爸爸牛一, 晚市禁堂食又冇得外出食飯慶祝, 唯有買佢至愛嘅燒鵝加料, 今晚一家人留係屋企圍埋食餐飯啦。早前搭巴士經過長沙灣道得知有間燒味餐廳"棋子燒鵝", 以燒鵝做招牌菜, 就買黎試試佢地嘅招牌水準啦!外賣餐牌除左散叫燒味加料, 仲有燒味飯盒, 價錢幾廿蚊就有交易, 一個人晚餐的話, 都係個好選擇!我就揀左 燒鵝上莊 HK$125上莊位置, 半盒都以鵝胸為主, 鵝皮表層燒至焦香, 皮下有薄薄鵝油層, 味道甘香, 肉質厚實, 點上酸梅醬, 爸爸食到讚口不絕!另外再叫左 麻辣手撕雞 HK$68/半隻即叫即撕, 足料份量, 雞皮色澤金黃, 皮質爽滑有彈性, 雞肉平均沾上麻辣醬汁, 兼灑上了芝蔴, 食到鮮雞味, 辣辣地, 惹味又開胃!

每次經過長沙灣道等巴士都被這間門外掛滿燒鵝，雞的店鋪吸引著 今天我和爸爸經過深水埗 一於走入去試試。父親大人最愛原隻燒鵝髀飯，點了一份餐 $105 ,包一杯飲品。燒鵝髀肥美啖啖肉 ,烤得外皮脆脆, 個燒鵝汁很美味。鴛鴦手撕雞 手撕雞撕得幼幼，兩併是麻辣和鹽焗，辣感係少辣微麻，怕辣嘅朋應該都會食到。另外，我點了一個常餐叉燒意粉轉了出前一丁，店主很有誠意地把出前一丁的調味粉和麻油另上. 可以隨客人的喜愛的味道兒 自己調整. 常餐配上牛油厚多士和炒蛋火腿， 炒蛋滑滑，水準之上。

除夕下午，寒風剌骨，獨個兒閒遊鴨寮街，順道找個地方醫醫肚，喝柸奶茶暖暖胃。走過這間棋子燒鵝，見下午茶吃飯有茶送，便叫了個鹽焗手撕雞飯。飯來了，嚇了一大跳，飯一大碗，手撕雞以豉油碟盛載，保證抵食，實在忍不住要立即寫食評！🤬手撕雞凍食沒錯，但配上不凍不熱的飯，快要變成凍奶茶的熱奶茶，在寒風下更添寒意！離開時，看見掛在門口燒味架上快風乾了的鵝頭頸，凝固了的油佈滿鵝身，實在後悔不已。順帶一提，有個手撕雞定食是沒有飯跟的，應該叫手撕雞小小食才對，小心中伏！

好朋友話我傻，我請佢食燒鵝🤤原定計劃去的日式西餐被包了場⋯🥺 唯有轉戰燒鵝個仔開間「棋子」冇老豆間 「棋哥 」咁高價位，亦冇咁精緻、豐富，不過燒鵝用煙薰燒到勁juicy🤤 唔係好食到有用荔枝柴燒過嘅味道🤔 燒鵝整體而言都算高級，唔係一般茶記會食到嘅。餐廳裏面嘅環境都比較舒適，枱櫈都比較新淨，所以請朋友食燒鵝，一啲都唔失禮！（其實係朋友唔介意啫🤣）HK$198/2人餐🥢有燒鵝例牌、單拼燒味例牌、燒腩仔又係好難得有得出面食自己整到咁香脆菜心軟硬度適中老嫩求適中飯/瀨少/米粉、老火例湯/飲料好豐富呀！燒腩仔皮脆肉滑飯 + 瀨粉越講越肚餓，瞓先🌚

好耐冇食過燒味, 經過見到新開張嘅燒味店梗係要試一試啦，👄外賣左2款招牌返屋企慢慢食🌈。🦆招牌燒鵝脾飯: 一睇隻鵝脾色水就知火候剛剛好🔥，近d一聞竟然有炭爐嘅煙燻香氣，鵝肉質感厚實😁，沾埋梅子醬真係好正🌝。🐓麻辣手撕雞: 雞係鹽水浸熟嘅，所以連雞胸肉都好嫩滑😍，加埋麻辣汁調味，當正餐食又得，凍食當前菜亦可以😋~~~~~~~~😋味道: 8/10📸賣相: 8/10🛋️環境：7/10💁‍♂️服務: 8/10💎性價比: 8/10💲人均：$70⏪回頭率：90%~~~~~📍棋子燒鵝深水埗長沙灣道233-239號惠康大廈地舖~~~~~

放假逛深水埗，準備乘地鐵回家，行經C1出口附近，見「棋子燒鵝」，回想以前在灣仔吃過「棋哥燒鵝」味道不錯👍「棋哥燒鵝」和「棋子燒鵝」是父子關係，主打燒鵝、叉燒、燒腩仔等⋯見廚窗掛的燒鵝大大隻又新鮮，我揀左招牌棋子燒鵝下裝$136，鵝肉淋滑，鵝肉味香，真皮脆肉嫩，很好吃。😋😋半斤叉燒$59，半肥瘦叉燒，顏色、光澤都靚，肉質夠腍又入味，蜜汁味香甜，有焦香。👍👍地址：深水埗長沙灣道233-239號惠康大廈地舖

唔知點解耐唔耐就會想食燒味飯，經過呢間棋子燒鵝，都幾多人叫外賣，於是就叫咗個二人餐堂食。叫咗一個例牌燒鵝同例牌燒肉，個飯可以轉米粉或者賴粉，仲有兩碗老火湯，同一碟上湯油菜。第一次食呢間個燒鵝，覺得好驚喜，真係有啲柴香，啲肉唔會好實好老，反而係好友鴨香，肉質亦都夠滑，加上係燒鵝髀，啖啖肉。燒肉就份量都幾多，而且肥瘦相稱，個皮仲好脆，脆得來唔會un ，又唔會太咸。而當日嘅惱火例湯係青紅蘿蔔雞腳湯，大碗！足料！唔似味精湯！至於個菜同粉就不過不失，不過都要讚下份量幾大，以呢個價錢來講，性價比幾高，好似外賣仲有優惠，唔怪得咁多人叫外賣了，啱晒而家冇堂食。

📍 棋子燒鵝 (深水埗)深水埗係一個臥虎藏龍嘅地方，原來係呢度有間平價版嘅燒鵝餐廳。有個二人套餐非常抵食，有燒鵝例牌，單併燒味例牌，油菜，白飯/賴粉/米粉，仲包老火湯/凍冷飲品，$200蚊有找，有菜有肉有粉有嘢飲，真係平！喺正地鐵站隔離-燒鵝例牌勁大份，仲俾左隻鵝脾我，肉質口感較實，比起外面呢隻鵝好瘦，無乜脂肪，所以唔會食到滿口油😂真係超大份呀！-單併燒味（燒腩仔）份量同燒鵝一樣咁多，外皮脆口，賣點都是份量。啲菜心又係勁爆大啲碟好味道🤣佢啲外賣自取價錢仲平！