棋子燒鵝 (長沙灣道)

營業中

休息中

朋友從外國回來，話好耐都冇食過好食由地道燒味，同佢行完黃金商場後。諗起深水埗這間燒鵝名店#棋子燒鵝 ，由地鐵站步行3分左右就到，去到嘅時候是晚市燒鵝剛剛出爐香噴噴，店鋪內裡不大裝修普通都算乾淨。✅二人套餐個人認為二人套餐最抵食!!＃棋子燒鵝( 例牌 )外皮已經夠哂分， 色澤金黃，哎吔，脆皮一聲！夾一塊落口，咬落去仲有陣酥香嘅味道，肉層軟嫩得嚟肉汁豐富，每啖都為味蕾都十分享受，配上白飯，簡直一流。＃切雞( 例牌 )雞肉肉質嫩滑， 雞皮幾薄下， 口感好滑口吓!＃郊外油菜＃瀨粉& 米粉朋友話今次用餐經驗唔錯，食到咁專業嘅燒味，加上餐廳嘅地理優越，唔洗周圍搵，行開深水埗想食燒味嘅話，呢間舖值得推薦!

$40蚊一但燒鵝瀨餐，啲手撕雞飯同叉燒、燒腩仔飯仲平啲添，只係$35。仲有多士菠蘿油餐$20，平中之平，一杯熱飲單叫都$18啦，良心價。。。至於碗燒鵝瀨啲瀨粉比我想像中不同，有啲似大陸嘅米粉，不過無所謂啦，因為燒鵝真係幾好味，皮脆肉香，份量唔叫多。叫咗杯茶走，份量係比般茶餐廳細，不過係完完全全可以接受嘅。另外佢每個餐加$8就可以有個炒蛋加多士，好啱大食嘅人或者細食嘅情侶。以$40黎講係超曬值，尤其宜家香港無乜咁高性價比嘅下午茶餐了，會繼續支持！

想食燒鴨燒鵝哪間好？？總會想到棋子燒鵝，一間快靚正的餐廳。效率高，落單後數分鐘就送到面前。下午茶非常實惠，30多元就已經有飯食。晚餐就50多元有飯有湯有飲品。當然還有王牌原隻燒鵝髀飯，價錢就稍為高少少，要$105，但食完會心思思下次想再叫，齒頰留香，燒味飯中的王牌。原隻燒鵝髀飯$105送例湯加$7有冷熱飲品燒鵝髀飯香噴噴。鵝髀粉嫩肉質，外皮光澤薄脆，中層的肥膏並不多，一層薄薄的油脂，令燒鵝髀更加惹味香口。肉質軟熟幼嫩。另外，燒鵝的肉質本身帶有獨特的味道，口感和味道都比食燒鴨更加好味。鴛鴦手撕雞飯$54 一樣送例湯加$7有冷熱飲品鴛鴦口水雞飯的手撕雞辣和不辣份量參半參半，滿足到兩樣都想試的朋友們。手撕雞的設計啖啖肉又無骨，最適合懶惰的朋友們，食飯不嘍骨。🤣郊外油菜$20翠綠清甜，食飯總要叫一碟，清一清腸胃。健康人生。鮮油多士$15突發想食，即叫即整，牛油一大塊，多士厚身，且外脆肉軟。

今天下午2.05左右 途徑 長沙灣道 看見棋子燒鵝，想起要買送 不如斬料。看到有孖寶 180元 燒鵝上莊+半斤叉燒。就買了。收銀啊姐負責包裝外賣。我看到她準備放燒汁落叉燒，我立即喝住 面汁。然後燒鵝上裝也出台了 包裝給外帶。回到家中 吃飯。哇 叉燒瘦得像吃柴皮。兼且有鳋宿味。飯後有的腹痛，不知是否有關。燒鵝則是幾香，但也是瘦鵝，像啃布渣。此店出品真是麻麻。只因驟然看，以為是 棋哥燒鵝。以後不會幫親這字號了。

到「棋子」賣燒品及吃飯，慢慢地成為習慣，沒錯，就是家人和我都愛吃。每次看到油油潤潤，肥肥胖胖的燒鵝，都會令我忍不住入內幫襯。二人套餐個人認為二人套餐最抵食，內容豐富，包括有棋子燒鵝(例牌)、單拼燒味(例牌)、郊外油菜、白飯/瀨粉/米粉、老火靚湯/冷熱飲品。棋子燒鵝(例牌)燒鵝肥瘦適中，外皮油潤，肉質嫩滑多汁，皮薄甘香，啖啖肉，非常滋味。單拼燒味(例牌)燒味點了燻蹄，外皮爽口而不失煙韌，有滿滿膠原感，而內裏肉質軟腍，蘸上醋汁非常開胃。效外油菜油菜新鮮爽脆，一點都不老。雙拼三文治由於餐牌的蛋治圖片太吸引，所以最後點了一份火腿蛋三文治吃，烘底後多三文治變得香脆，雞蛋嫩滑，蛋味重，配上帶點鹹香的火腿，非常好吃。

今日去買咗兩個餐，我就企喺包裝枱附近等待，見阿叔開始包我嗰兩個餐嘅時候，我就埋去講"唔好意思呀，麻煩你個飯我想要少少汁"，個阿叔反應甚大，極度不滿，將手上嘅嘢掉低(唔係放低, 係掉低)，之後話"早講吖嘛，下次落單嘅時候講明，打埋落張單度吖嘛"，極度晦氣，跟住我同佢講"咁我而家同你講得唔得？"，佢話"唔得羅"，我即時真係著曬..勁小佢鑊.."我嚟買嘢㗎喎，你估我嚟乞食㗎，你使唔使咁嘅態度呀！#$%&@"，之後裏面斬料嗰個仲要幫口.."先生你買得咁勞氣嘅話，下次就唔好買啦"，我就同佢講.."我買咗喇嘛而家，如果我早知道你哋係咁嘅態度嘅話，我就肯定唔買啦"......之後上網睇返啲社交媒體有關呢間嘢同呢個阿叔，原來已經有好多人投訴過，都唔知點解仲可以生存到而家，完全係趕客，我個人嚟講，絕對冇下次！！

今日嚟到深水埗嘅棋子燒鵝，平時正餐時間已經好多人排隊，唔知點解下午茶時間都係爆滿。下午嘢食焗手撕雞真係好有風味，一份鹽焗手撕雞，得$70，其實量都幾足夠。呢道菜以嫩滑嘅雞肉為主角，再加埋鮮香嘅鹽焗調味，每一口都飄嚟濃郁嘅雞肉味，好鹹香。燒味雙拼$98，我揀咗燻蹄同叉燒。燻蹄肉質好嫩多汁，再配上微微燻燒味，真係好吸引味蕾。至於叉燒，外脆內嫩，肉質好鮮美，每一口都散發出甜甜嘅味道，絕對係燒味迷嘅必揀之選。下午茶唔想食得咁飽，叫咗個菠蘿油$15。原來菠蘿包甜甜地夾埋手撕雞，鹹鹹地好過癮。火腿蛋三文治$20，我特登叫咗呢個三文治，唔論去邊間餐廳，下午茶都少唔到三文治。棋子燒鵝 (長沙灣道) (深水埗)深水埗長沙灣道233-239號惠康大廈地舖🥢🍍🥪#棋子燒鵝 #下午茶 #燒味控 #美食探險 #香港美食 #食評 #香港下午茶 #雞肉控 #鹹香甜蜜 #食物愛好者 #令人回味

體驗香港本地遊，食燒味可算其中必做的項目，而位於深水埗地鐵站旁連鎖燒味鋪#棋子燒鵝 ，當日眼見晚市有唔少街坊自取或外賣，加上大眾化價錢，迅速成為街坊食堂，可見口碑唔錯！二人套餐 $218 燒鵝例牌一碟，燒味一款，油菜一碟，自選跟飯/粉2碗，中湯或飲品各2品。質素也挺高的，特別是燒鵝！燒鵝(例)燒鵝系即場用爐燒，令燒鵝皮香脆口感，皮脆有光澤，唔會好乾好柴皮。而鵝肉唔鞋口，滿口鵝油同肥膏。再搭配上酸梅醬，跟白飯度撈埋一齊食，正!脆皮燒腩仔燒腩仔肉質不油膩而結實，肥瘦適中，外皮脆卜卜不滲油，點少少芥辣食，鹹度亦剛剛好，抵讚!菜心1碟油菜份量足夠二人食另加-鹽焗手撕雞(小食)雞皮爽肉嫩滑，係必食招牌小食👍🏻總括而言，呢個二人餐真係非常超值。大滿足！

已經有一排冇食燒味，但係偶然都會掛住嗰陣味道！今日經朋友介紹嚟咗深水埗嘅棋子燒鵝，品嚐佢哋嘅美食。棋子燒鵝主打燒味，可以配飯、瀨粉、米線等煮食。而且仲有常餐、下午茶供應，選擇非常豐富。今日嚟到就梗係要主要試吓佢哋嘅燒味啦！廚房有大型玻璃窗，可以見到立立令嘅燒鵝，肥美嘅叉燒等等。燒鵝髀飯 $108一嚟到嗰陣有驚喜，燒鵝鵝髀勁大隻！燒鵝味道非常正，有濃濃嘅炭燒味，非常特別、好味。燒鵝髀肉質鮮嫩，充滿鵝油香，鵝肉非常香滑美味。而且鵝肉非常多汁，好Juicy，鵝味滲透飯粒，令個飯都更加之好味。另外，伴碟仲跟咗啲蔬菜～例牌叉燒 $88另外，我同朋友都試咗佢哋嘅招牌叉燒。叉燒半肥瘦，質感非常好。叉燒肉質鬆化同軟腍。肥膏位充滿油脂感，香噴噴。另外，叉燒佈滿蜜汁，甜甜地，表面燒得朝朝地，帶點脆身，非常美味。凍奶茶 +$7跟餐凍飲熱飲都係加$10。凍奶茶茶底香濃，茶同奶嘅比例剛剛好。凍檸茶 +$7凍檸茶有好多片檸檬！紅茶茶底本來都已經調配得好好。

我叫白切雞胸，單都係咁落，我咁大個人未試過食雞胸係有骨囉，仲有落單個阿叔好似爭佢錢咁，之前去過落單既靚姐就好態度好多，anyway ,唔會再幫襯，寧願行前啲叫朗益都無咁嬲呀，

❣︎棋子燒鵝❣︎😋最出名就係煙燻燒鵝，店主自設鵝場，堅持採用五斤四兩嘅無生養母鵝👍🏻價錢大眾化，地方趕淨企理，超推薦比大家。2人套餐都係$218咋😋跟燒鵝例牌一碟+自選燒味一款+油菜一碟+飯麵(2碗)+老火例湯/飲品❣︎棋子燒鵝❣︎燒鵝充滿煙燻香味🤤表層皮脆，鵝肉肥瘦勻稱，肉汁帶甜。❣︎豉油雞❣︎油雞色澤鮮美😍又香又入味，啖啖肉👍🏻❣︎(小食)鹽焗手撕雞❣︎$28$28真係好抵食😀👍🏻當加多個餸，雞肉口感鮮嫩，香而不膩。

晚上差不多８點去到這間燒味店，運氣有點差，今天的叉燒和燒腩仔都賣光了，所以只好吃了其他，不過其他的質素也挺高的，特別是燒鵝！棋子燒鵝飯（５８元）拿到燒鵝的部位是下庄，吃起來油香感較足，肉質嫩滑多汁，又很有彈性，亦帶點煙燻的香味，而燒鵝皮是脆的口感，整體肥而不膩，再搭配上酸梅醬，就更清爽！燒鵝燻蹄飯（６２元）這個選了拼燻蹄，燻蹄的份量挺多，而且切得挺口感，吃起來口感爽滑，配上蒜辣汁非常開胃！桶子豉油雞（８８元／半隻）豉油雞是比較大隻的，肉挺多和厚，煮得非常入味，肉質嫩滑，亦有雞味，雞皮爽嫩！鹽焗手撕雞（２８元／小食）手撕雞吃起來有濃濃的麻油香，而已因為是冷吃的，雞皮特別爽滑，雞肉嫩！

今晚因為加班和老公8點先晚餐，正在猶豫吃什麼，見到長沙灣道開了棋子燒鵝。坐位不多但地方衛生，客人一起身姐姐即刻消毒。見到有些豐富2人餐，4人餐好適合家庭。我們分別選了燒鵝飯1碟和燒鵝五寶飯1碟，本身有例湯送！飲品加錢可以追加（餐）店內衛生不錯，枱面不油膩，比普通燒味店舒服。姐姐原本話太夜已經沒有例湯，後來廚房找到還有1碗俾我例湯沒有味精是花生眉豆雞腳湯！ 好味道燒鵝皮脆而沒有厚厚脂肪！咬落脆口陣陣鵝油味道，鵝肉味道好濃沒有雪藏雪味，有鵝肉甜味！燒鵝方面真的品質保證！五寶內豉油雞甜甜地肉質好嫩叉燒半肥瘦軟綿綿，頂位少少焦都好有水準！紅腸薄薄正常，咸蛋有少少流沙都不錯！飲品我選了咸檸七（半個咸檸好大個，完全可以夠2杯分享）；老公飲可樂我都偷偷分享咸檸俾佢！有圖有真相燒鵝好靚！題外話：外賣半隻鵝可加10元半隻貴妃雞優惠！

「棋子燒鵝」於香港已開設多家分店，看到網上口碑不錯便跟男友到訪深水埗店一試究竟，位處地鐵站出口附近，交通非常方便----------🔹2人套餐 $218▶棋子燒鵝 例牌1碟泛油光的外皮令人垂涎三尺，外皮香脆可口富鵝香，油脂豐腴；鵝肉脂肪比例適中，肉質緊實肉香豐富，蘸上獨有甜酸醬可解鵝之微膩----------▶單拼燒味 例牌1碟點選棋子叉燒，例牌份量也不少叉燒有全瘦，也有肥瘦相間的，肉質腍滑細緻，蜜汁味道調較得恰到好處----------▶郊外油菜1碟▶白飯/瀨粉/米粉2碗▶老火靚湯/冷熱飲品2份+$10配咸蛋+$15配老火靚湯當天靚湯為花生眉豆豬骨雞腳湯

新年前應該個個家庭主婦👩‍🦰都忙住執屋，晚餐🥣真係想偷懶吓出去食🤭屋企附近呢間燒味店，一家三口👪叫個二人餐再加個手撕雞就成咗豐富嘅一餐💰💯🍽️套餐包括咗棋子燒鵝🦆，呢個係佢哋嘅招牌菜之一👍燒鵝嘅外皮超脆，佢哋用咗啲特別嘅煙燻技術，食落去會有一種超迷人嘅香味嚟㗎。加埋鵝肉沾滿肉汁，皮脆肉嫩，真係好好味呀！🔥😍仲有脆皮燒腩仔，外皮超香脆，肉質又滑又嫩，絕對唔會太油膩嘅。睇住呢啲層層嘅肉質，真係會令人口水直流㗎。🥓🤤除咗呢啲燒味，套餐仲有油菜一碟，可以配白飯或者粉麵㗎。仲可以揀老火例湯🍲或者其他飲品🥤芝麻手撕雞食嘅時候，會聞到一陣陣濃郁嘅芝麻香，嫩滑多汁嘅雞肉🍗，俾小朋友送飯一流