桂花小幸 (將軍澳廣場)

營業中

休息中

桂花小幸將軍澳唐德街1號將軍澳廣場1樓133-135號舖經常中午同夜晚都要排隊既台式小店，位處於將軍澳廣場好方便，通常行完街就會過黎幫襯今日我lunch time黎到當然都要等位啦，不過大約5分鐘到店員就安排我地入座啦呢到係先揀好想要既食物，之後再係近門口既counter落單同比錢既雞扒炸得好香脆， 滷肉汁好惹味仲有台式3小碟都好出色好有誠意食落好有台灣既風味

來到桂花小幸這台式小店、四周磚牆上掛著各種文青小擺設、感覺簡約而清新、吸引了不少年青人到訪。桂花雞翼炸得香脆、桂花糖漿分開上、客人按喜好自行蘸上桂花糖享用、不太甜而有陣陣桂花香氣。養生清燉牛肉麵、湯底較清、麵煙韌、不過牛肋肉略嫌不夠軟熟。特盛紅燒四寶麵、要了番茄湯米線、茄湯好濃郁、有牛𦟌、豬手、花枝丸、滷水蛋、好入味、不錯哦！加配的蘿蔔牛肉湯 、蘿蔔炆得好淋、吸引了牛肉湯的精華、好好味😋另外點了桂花生薑茶和桂花杞子紅棗茶、滋補暖胃👍🏻

想去台灣去唔到，唯有食啲好食台灣菜滿足下，桂花小幸lunch set幾抵食，主食加3小菜，仲有一杯飲品1️⃣滷水蛋牛腩滷肉飯估唔到牛腩份量好多，炆得好淋都好入味！肥瘦均勻嘅滷肉配上香菇一齊煮，入口好香！2️⃣紅燒腱心牛肉麵微辣嘅紅燒湯入口都溫和，偏幼嘅牛肉麵再加上厚切嘅腱心牛肉，再加上一啲配菜，例如蘿蔔紅蘿蔔菜，成碗牛肉麵都好足料！3️⃣古早味滷水拼盤最正梗係滷水雞翼，夠晒入味！另外對於食肉獸來講拼盤仲有好多腱心牛肉同牛肚，好正！🥤香濃珍珠奶茶食得台灣野梗係要叫珍珠奶茶，桂花小杏嘅珍珠奶茶奶味好濃，岩哂🥛控！🥤白桃烏龍茶走甜咁飲就啱啱好，白桃味好濃，配搭起烏龍茶有浸清香味！

將軍澳廣場shopping，見店內坐滿8-9成食客，我們都有點饑。就點左（麻辣）紅燒腱心牛肉麵$62，紅燒湯底，清甜美味，真不錯。麻辣醬用小碟盛，可自選辣味程度。牛𦟌夠腍夠入味，台灣的麵質煙韌。三盛牛肉麵$68有牛𦟌、牛腩及牛丸各二，牛𦟌及牛腩都炆得入味。牛丸比較爽口。台式三杯雞，雞肉有九層塔的香很惹味！煎手工餡餅$28二件新鮮煎的，熱辣辣，很好👍。芝士奶蓋阿華田$30，跟餐減$5，現$25，香味濃超正。桂花生薑 茶$21，桂花清香薑味重。

今日去左將軍澳的將軍澳廣場！將軍澳附近有好多大大小小的商場！今日選了！桂花小幸地點比較在廣場隱秘的地方！在egg 眼鏡店後面！一入餐廳裝修舒服，像台灣家庭式小店！我們點了一個鹽酥雞排滷肉飯配原盅燉湯和上湯時菜鹽酥雞排炸得香香脆脆，肉質好嫩好多汁！炸皮厚簿剛好！上湯菜菜是娃娃菜，味道剛好！原盅燉湯內面有山藥、豬展、桂圓味道清淡，好味！😝😝滷肉飯肉汁好香！飯好鬆軟！蕃茄炸排骨麵蕃茄湯底好濃郁，好好味！飲品夏日水果茶芝士奶蓋阿華田都好好味！👍🏻👍🏻

位於將軍澳廣場嘅一間平民台灣餐廳，看似毫不起眼但實質係間好啱我哋小市民醫肚嘅好食飯店。可以自行先入餐廳搵位坐，然後以先付款嘅方式去櫃檯點餐。💛黃店：612 616 fb出post鼓勵真香港人加油，支援手足。午市套餐：主食+台式三小碟+飲品星期一至五1100-1430👓鹽酥雞排滷肉飯 $68滷肉肥瘦平均唔會全部都係肥膏，滷汁夠味滷肉入味，但覺得滷汁稍為多咗少少令碗飯有啲咸同漏🤣飯煮得啱啱好，唔會太濕一pat嘢好黏口。鹽酥雞扒好大塊，雞皮帶膏有啲肥位偏油膩，但雞肉嫩滑，個皮炸得香脆，單食鹽酥雞時覺得調味唔夠可以再鹹啲，但撈滷肉飯食食食吓會好夠味剛好，咁的確食咁鹹對身體都唔係幾好嘅😂台式三小碟，三樣都好好食！👉🏻涼拌黑醋茄子，酸酸甜甜超醒胃好好食，又厚又大舊。👉🏻手拍青瓜，份量多很香蒜蓉味，清爽。👉🏻涼拌貓耳朵，酸甜醬汁的木耳，同樣開胃。💫整體來講set lunch份量好足一定超級飽，滷肉飯好食不過如果同阿元比始終都係差啲😂評分：7.5/10👓酥炸排骨滷肉飯 $68排骨同樣大大塊，唔會炸得好厚粉，食落反而冇雞扒咁油膩。排骨本身有少少乾身，但碟旁的蜜糖芥茉醬係加分位，減少了油膩感添加了味道。評

今日想食台菜 起將軍澳廣場 人生路不熟 上Openrice 搵食先 有間台灣野食叫 桂花小幸 裡面幾樸素 小小文青feel 好掛住台灣啲小食 所以叫左台灣烤香腸 鹽酥花枝丸 當然無理由叫咁小 午餐梗係叫個鹽酥雞排滷肉飯食 朋友就叫左個106手工花枝丸米線配清雞湯 食台灣野梗係叫埋台式飲品 叫左杯魔力水晶可可 朋友就比較健康 飲桂花杞子紅棗茶魔力水晶可可 好香朱古力味 裡面仲有啫哩口感既水晶 有咬口 飲落幾得意 朋友飲既桂花杞子紅棗茶 好岩依加凍凍地乾燥既天氣飲 微甜好香桂花紅棗味 台灣腸食落香口惹味 唔係我好怕個種好鹹 好油嗰種 旁邊仲搭配左小小椰菜 幾好 鹽酥花枝丸 食落裡面有粒粒 咬落彈牙 表面微微酥脆有鹽粒 台南手工餡餅 皮似平時食既煱餅 入口煙韌軟糯 裡面係豬肉餡 有肉汁好有份量鹽酥雞排滷肉飯 跟埋小菜 有醬油茄子 香甜惹味 涼拌青瓜同木耳 醃制過 食落微酸 開胃 雞排份量好足 鋪滿成個碗 外皮酥脆咬落雞肉有肉汁 滷肉飯醬汁香濃 肉粒肥瘦適中 送飯一流

今晚係將軍澳食晚飯，揀左食台灣嘢。呢間桂花小幸，裝修都幾靚，有文青風。食物方面都幾多選擇。主要都係定食，啱曬自己一個食飯人士。我就揀左三杯雞飯定食（$88），加左個貓耳朵（$12）。定食跟左個清甜椰子雞湯，有好幾塊椰子，仲有啲豬肉。仲有碟菜添。三杯雞比較鹹，食落亦比較鞋口。貓耳朵酸酸地有幾開胃。飲品揀特飲可以平$5，我揀左呢度芝士奶蓋桂花烏龍，加左珍珠同椰果（$4/款）。呢度烏龍係連茶包放入杯入面，保持到茶嘅濃味。呢度珍珠軟硬度剛好，而且有黑糖味，好正。

今日同朋友嚟將軍澳行街，佢話想搵埋我一齊食夜晚，於是我帶咗佢嚟依間餐廳度食，餐廳裝修好文青，而且每樣嘢食都唔貴，一於嚟試吓啦！我同我朋友一到咗好快就有位入，而且職員們都好有禮貌，我哋先叫咗兩杯嘢飲，芝士賴該桂花烏龍茶、鐵觀音珍珠鮮奶茶，依度嘅手搖嘢飲全部都貨真價實，係用真茶包離沖，飲落口味道好清好解渴🤩而且呢度嘅嘢食全部都好高質，我最推介嘅係塔香三杯雞飯，三杯雞肉質鮮嫩，而且配嘅汁味道啱啱好，唔會太咸，排骨燉湯有排骨、栗子，味道好清甜！你一個要推介嘅係三盛牛肉麵，牛肉落咗好多，而且湯底好靚😛另外仲叫咗幾個小食，例如花枝丸、貓耳朵、時菜，都只係$200左右，超高性價比，以後會再嚟食！

過年前幫小鬼買了一些物資，但一直沒空拿去給他，趁這天不用上班，專程去送貨，做完速遞，又是時候開餐。今次揀咗將軍澳廣場一間標榜文青生活的店舖「桂花小幸」，餐廳以茶飲及台灣風味美食為主， 吸引不少年青人到訪。店內地方不大，鋪面呈曲尺形，不過入面的裝潢幾有心思，白色牆身襯木系餐桌，再配以室內的掛畫、裝飾和小盆栽，設計簡約而清新，散發著陣陣文青氣息，予人一種好 relax 的感覺。餐牌由數張 A4 紙組成及以木夾板夾著，雖然並沒有相片可作參考，幸而細心分類，總算一目了然。菜式選擇不少，由手作湯汁餃子、古早味小吃、台南師傅米飯、以至四季定食、養生湯飯、台灣傳統麵食等，一應俱全。餐廳採半自助形式，客人要先去櫃位購票，之後侍應會將食物逐一送上。現做煎餃子 ($28/4隻) 餃子即叫即煎，隻隻外形都好飽滿，外皮金黃香脆，一咬即有肉汁湧出，加上豬肉餡有粗有幼，口感幾有層次，食落甘香惹味。台南手工餡餅 ($28/2件) 餡餅有手掌大小，上桌時仍熱辣辣，餅皮煎至微焦，薄而香脆，餡料鮮香豐富，咬開充滿肉汁，絕對是必食之選！煲仔‧塔香三杯雞 ($48) 三杯雞用瓦罉盛上，雞件加入咗麻油、台式醬料、酒、洋蔥等同煮

一去到，好多人排隊買食物。有啲似快餐形式，首先係出面比錢買完嘢食，再入去搵位坐。呢間台式小店嘢食都算幾經濟，食物都性價比高，兩個人嗌左幾樣嘢食，大概$200左右，幾抵~難怪有咁多人食。👉🏻台灣烤香腸，係由雞肉、牛肉同豬肉而製成，烤得脆口，份量都算多。👉🏻涼拌黑醋茄子，好開胃！👉🏻蕃茄酥炸排骨麵：嗌咗麻辣小辣，個湯幾好味，食左幾啖先食~排骨炸得香口！👉🏻鹽酥雞扒麵 ： 雞扒炸得外脆內嫩，咬落去有少少肉汁，夠鎖汁。麵方面嗌咗小辣，湯底不錯，麵硬度適中。👉🏻鹽酥花枝丸，睇落脆卜卜咁，有五粒，炸得外酥內軟，都幾彈牙，花枝丸入面仲有章魚粒咖！-有好多款台式手搖飲品，價錢都唔算貴，睇落都幾正宗。最後揀咗日式紅豆抹茶，紅豆幾香甜。可以嗌少甜少冰，女士飲無咁guilty !

［平民文青店］今日同朋友去行街，夜晚想搵啲平平哋嘅餐廳食，於是我哋就嚟咗將軍澳廣場依間桂花小幸，我哋夜晚八點到，職員好快就招呼我哋入去，見到依度嘅餐牌種類好多，好多台式嘢食，特別係滷肉飯同台式面，更加好嘅係依度係半自助式，所以唔使收+1😙 我同我朋友叫咗兩碗面、三個小食、兩杯特飲，都只係二百幾蚊，好抵食🎊麻辣牛肉雞翼面我揀咗小辣，小小麻辣，啱晒我啲想過癮又唔使好食得辣嘅人，而且裏便仲有蔬菜、紅蘿蔔、白蘿蔔、大大隻雞翼，真係好足料🤩三盛牛肉麵紅燒湯紅燒湯底整得好入味，而且材料豐富，攞嚟做晚飯飽肚又好味牛肉濃湯水餃水餃皮薄餡靚，裏便包住好新鮮嘅牛肉餡料滷水雞翼雞翼整得好入味，香濃滷水汁，而且雞肉肉質鮮嫩，每一隻都大大隻，非常抵食白菜清甜又健康芝士奶蓋白桃烏龍茶、黑白配珍珠豆乳嚟到一定要叫番杯特飲呀！我超鍾意芝士奶蓋個杯，白桃烏龍茶係用真茶包離沖😍就咁芝士嘅話會好膩，但陪住烏龍茶飲，成個感覺變得好清新😍豆乳個杯都好健康，珍珠大大粒！依間餐廳將會成為我平時成日食嘅飯堂🎊

平時成日食台灣野都係食牛肉麵，好少食其他野，但今次依間餐廳除咗牛肉麵之外，仲有好多滷水既菜式。古早味滷水拼盤，依個拼盤有牛搌、豬肚、雞翼同埋滷水蛋。個人覺得豬肚同牛搌都整得幾岀色，個豬肚好入味，吸收晒啲滷水汁，而個牛搌就夠晒淋。雞翼都好入味，但滷水蛋就可以再煮耐少少，等佢入味啲。特盛四寶麵配紅燒汁，依個四寶麵都好足料，有豬手、滷水蛋、花枝丸同埋牛搌，叫咗先發現叫咗個同滷水拼盤好似既，不過個滷水拼盤都吾夠我地食，依個再彌補翻🥳 個紅燒湯有帶少少辣味，所以都幾開胃。酥炸排骨滷肉飯，依個就同平時啲排骨飯差吾多，但我就幾鐘意佢啲炸粉吾係好多，啲排骨既肉都幾滑。滷肉飯個汁都幾開胃，岩晒撈飯呀。最後梗係要叫啲台式飲品，我地叫咗芝士奶蓋桂花烏龍茶同埋芝士奶蓋抹茶。烏龍茶配淡淡既桂花味真係幾fresh。

放工與同事經過將軍澳桂花小幸見肚子餓了，巳經是八時仍有人排隊入座，心想試一試。我選了原盅燉湯上湯浸時菜煲仔，即是塔香三杯雞飯,同事則選了腱心牛肉麵，各自選了台南手工餡餅及桂花雞翼，當然不可缺少果茶，跟著出收銀處點菜及付款，花費二佰五十元內，冇加一，巳經覺得很平。首先送上我的夏日水漾鲜果茶，內有士多啤梨，柚子，藍莓和檸檬，超清甜。同事的仙氣柚子茶也不俗。再來同事的手工麵夠彈牙，牛腱也十分腍入味。期待著的我先嘗雪梨無花果排骨燉湯，清甜滋潤下，再食香嘖嘖的三杯雞，熱騰騰超惹味。小食更出色因台南手工餡餅皮脆又多汁，超好味，而桂花雞翼又脆又嫰，點些甜甜的桂花汁，味道很特別，值得一試。桂花小幸富文青風格店子，雖然地方不算大，價錢合理，食物質素佳，希望快D擴張店舖，咁下次返兜就不用排長龍等位。

台灣烤香腸~餐前小吃很正，切片上碟，吃得挺自在~涼拌貓耳朵~貓耳朵就是木耳🤣酸酸的醬汁，令餐前更開胃👍手拍小青瓜~吃起來很清爽舒服，涼涼的~麻辣爽豬肚~少少麻痹及少少辣的感覺，而且還要是一大碟，一點也不少，很抵吃~鹽酥雞排辛辣麵~麵煮得半透剛好，真的忍不住吃一整碗了🤣🤣現做煎餃子配桂花雞翼~香脆的雞翼，點著桂花糖來吃，桂花香的雞翼，很特別花生醬奶油吐司半份~是下午茶餐一部份，跟平日吃到的差不多~地瓜薯條加蕃茄湯米線~蕃茄湯頭很濃郁，地瓜薯條都很甜~黑糖珍珠鮮奶~很好喝，鮮奶很濃重奶味，珍珠煙韌甜甜的，好正~夏日水漾鮮果茶~清新的果茶，水果也很多，大愛😋