桂花小幸 (將軍澳廣場)

營業中

休息中

平時成日食台灣野都係食牛肉麵，好少食其他野，但今次依間餐廳除咗牛肉麵之外，仲有好多滷水既菜式。古早味滷水拼盤，依個拼盤有牛搌、豬肚、雞翼同埋滷水蛋。個人覺得豬肚同牛搌都整得幾岀色，個豬肚好入味，吸收晒啲滷水汁，而個牛搌就夠晒淋。雞翼都好入味，但滷水蛋就可以再煮耐少少，等佢入味啲。特盛四寶麵配紅燒汁，依個四寶麵都好足料，有豬手、滷水蛋、花枝丸同埋牛搌，叫咗先發現叫咗個同滷水拼盤好似既，不過個滷水拼盤都吾夠我地食，依個再彌補翻🥳 個紅燒湯有帶少少辣味，所以都幾開胃。酥炸排骨滷肉飯，依個就同平時啲排骨飯差吾多，但我就幾鐘意佢啲炸粉吾係好多，啲排骨既肉都幾滑。滷肉飯個汁都幾開胃，岩晒撈飯呀。最後梗係要叫啲台式飲品，我地叫咗芝士奶蓋桂花烏龍茶同埋芝士奶蓋抹茶。烏龍茶配淡淡既桂花味真係幾fresh。