桂花小幸 (將軍澳廣場)

營業中

休息中

好耐無落將軍澳食飯了，今次搵埋朋友G去左將軍澳廣場食台灣野。呢間店除左食台灣菜之外，仲有賣台灣特色飲品，都幾受歡迎。呢間店點餐落單係需要行過去收銀處度落單，要講埋自己坐嘅枱號喔。飲品方面，我地分別揀左日式紅豆抹茶同埋夏日水漾鮮果茶。呢兩杯飲品都好掂，特別係鮮果茶，水果又多，以及少少甜。我地係主食方面叫左特濃蕃茄雞排麵同埋鹽蘇雞排滷肉飯。兩者啲雞排都是炸得好香口，雞皮好脆。我地仲叫左好幾樣，包括台南手工餡餅，台灣烤香腸，仲有古早味滷水牛肚。性價比最強應該係牛肚，份量又多，滷得入味。台灣腸都性價比唔錯，而餡餅就煎得好香脆，餅皮又不會太厚。呢間店嘅台灣菜式以及飲料都做得好好，價錢又唔貴，下一次要試下其他菜式先。

台灣大選冇得去嗰度睇，唯有食返餐台灣野慰藉一下心靈！閒日夜晚都要排隊等一陣，不過唔算等好耐，一陣就入得。我就叫左個酥炸雞扒滷肉飯，岩哂貪心想兩樣食哂嘅食肉獸。滷肉飯多汁多肉碎，好入味，其實就咁食呢個滷肉飯都得。呢個餐係配埋個原盅雪梨蜜棗豬骨湯，岩哂冬天呢啲季節有得甜下滋潤下！再包埋碟菜，食完真係飽到上心口今日都好靚嘅女朋友就嗌左個三盛牛肉麵，三盛即係有牛展、牛丸同牛腩。牛腩同牛展都煮到好林，牛丸就好彈牙。湯式偏甜啲，我自己就覺得咸啲好味啲喇。麵揀左台灣麵，口感正！仲嗌左啲小食，牛肉濃湯水餃，基本上就同牛肉麵個湯一樣🤣🤣🤣水餃餡料滿滿，幾好鹽酥花枝丸係純粹過下女朋友口癮，炸到香脆，入面香魷魚味，不錯！野飲係：茉莉珍珠奶綠日式紅豆抹茶

等待時間：平日夜晚上6:45入座，未洗等室內環境：清新台式風格，不錯😁服務質素：ok ar平日夜晚約左朋友，突然想食台灣野就即刻即刻諗起佢-桂花小幸，一個好好聽既名，唔講可能有啲人唔知，甚至我以前都唔知，佢其實同寶琳另一間台灣店係同一集團。我自己就叫左雞肉定食，加說服朋友叫多左個香烤台灣腸🤪🤪，我絕對必食之選，實在太好食，太難以抗拒，而今次呢間整得都不俗，外皮香脆，不過本身呢樣野實在太難唔好食。雞肉定食都好食，夠香。整體👍

今晚放工約會友人來到將軍澳廣場吃台灣菜，呢間台灣菜名叫桂花小幸。每次經過都大排長龍的，今次按飛後等左大約十多分鐘，首先要到收銀位置落單，店員會安排座位再根據枱號而上食物，位置亦坐得舒服呢！我們點了酥炸排骨滷肉飯配上雨兩款小食，包括：上湯浸時菜和涼伴黑醋茄子丶椒鹽花枝丸丶煲仔塔香三杯雞和古早味滷水拼盤（腱心牛肉丶牛肚丶雞翼和蛋）。每一樣食物都好有水準，特別喜歡酥炸豬排滷肉飯，必食大大推介，炸豬排炸得不油不膩，滷肉飯香而且入味非常，吃到台灣的風味，讚！涼伴黑醋茄子也是非常好味，黑醋醬汁配上煮得剛剛好的茄子，酸酸甜甜的，推介！古早味滷水拼盤也好出色，滷水味好入味，特別是雞翼，吃到lam lam 脷，牛肚彈牙又鮮嫩，一個字：飲品點了阿里山金萱純茶＄20和黑糖珍珠鮮奶$29，阿里山金萱內有茶包，味道香濃，愛茶人士必試，黑糖珍珠鮮奶大大杯，珍珠QQ的，配上香濃鮮奶，很好呢！大滿足的一餐，價錢經濟，重點吃到台灣幸福的味道。

將軍澳餐廳唔算好多，今日去左間台式餐廳到食。我哋都算遲黎，但都要等10張枱度，睇嚟呢間餐廳好受歡迎。呢個三杯雞我覺得冇乜味，啲雞肉好乾，仲要唔係熱嘅，我覺得麻麻地叫咗杯紅豆豆奶，天氣咁凍飲杯熱野真係好正。味道唔係太甜，再加啲紅豆好好飲呢個牛肉麵我覺得OK啦，湯頭係幾甜嘅，但係牛肉就唔係太嫩，如果再林啲再滑啲就好味好多啦不過佢都幾多菜，值得一讚嘅係個蘿蔔煮得好甜價錢唔係話太抵食，不過味道都OK，不過不失啦。

自己一個食飯，又唔係同女仔食飯，所以求求其其都係一餐。餐廳唔算大，都坐得幾迫下，但裝修成台式小清新風格。這裏沒有加一服務費，自助點餐，自助茶水。有不少台式菜，例如牛肉麵、滷肉飯等。⭐️三拼牛肉飯定食+原盅燉湯$88我驚食唔飽，所以加多左一碗湯。但原來都幾足料，呢個餐大大份，有牛腩，厚厚的腱心牛肉、牛丸，牛腩，牛腩大大塊，肥瘦適中，腱心口感不錯，牛丸彈牙，加上呢碗白飯都好大碗，男人食啱啱好！加上原盅燉湯和菜，有湯、有菜、有飯、有餸，好抵食。⭐️桂花生薑茶淡淡桂花香氣配搭薑茶，比一般的汽水更健康，味道也不錯。

今晚喺將軍澳廣場食飯，呢度開咗一段時間，生意都好好。餐廳行文青路線，牆上掛左好多相架，另一邊擺放左好多小擺設。參牌提供好多台灣菜，仲有燉湯，方便一啲唔煲湯嘅朋友仔。⭐️蕃茄濃湯水餃$48水餃大大隻，肥嘟嘟，入面係豬肉餡，都幾足料，加上蕃茄湯，酸酸甜甜好開胃。⭐️台灣烤香腸$28我最鍾意食台灣香腸，香腸一片片已經切好晒，入口好香軟，煙韌煙韌。⭐️滷水雞翼雞翼煮得好腍，雞肉幾嫩滑，不錯。⭐️熱檸水飲杯熱檸水消膩。

呢間餐廳係位於將軍澳廣場既一間平民價位台灣餐廳，裝修好有氣氛同埋幾有心思，而點餐係用先付款既方式。✨鹽酥雞扒滷肉飯($58)台式酥炸雞扒一向都係最能代表台灣嘅嘢食，今次亦都不負所望🤣 外層雞皮炸得好香脆，咬落去幾鬆軟，入面仲有啲肉汁，重點係食多幾嚿都唔覺得油膩，完全唔想停啊👅 滷肉飯都好入味，份量都多，勁抵食！✨滷水蛋牛腩雞肉飯($68)牛腩吸哂特調嘅牛腩汁，食落好yummy👍🏻 仲要嚿嚿都半肥瘦，有啲咬口添。滷水蛋味道香濃，咸香味啱哂餸飯啦。雞肉飯上面都鋪滿雞肉，麻油香好濃厚，啱哂重口味嘅我🤪 食完真係好滿足！✨鹽酥花枝丸($23)好好味啊！炸到脆卜卜，墨丸入面真係咬到章魚粒，彈牙到暈😋 加上鹽粒喺外層，令成個味昇華，同喺台灣夜市新鮮炸出嚟嘅花枝燒，有得揮🐙嘻嘻嘻✨飲品呢間餐廳另一個大特色就係台灣手搖飲品，我地就叫左十勝紅豆奶茶 ($19)同埋蜜烏龍蘆薈($19)，價錢比平時外面既手搖飲品要價低，而味道就出奇地出色，奶茶味道夠濃郁，十勝紅豆足料。蜜桃烏龍蘆薈烏龍既味道好出，叫左小糖唔會太甜~~

好味道抵食台式野睇戲後想食下熱野，呢間台灣之前都食過，返兜之選。夜晚就九點，都仲好多人食緊，台灣野係幾多香港人鐘意食既。叫左幾個野食醫肚。養生清燉牛腩麵個湯底幾好，好輕微嘅藥材味，好友養生feel，牛腩大舊又炆得好腍，夠入味。 台灣麵口感算彈牙。滷水豆腐+$6配一碟仔8粒，幾有味，唔乾。滷水豬手一碟有成6-7舊豬手，味道剛好，不會太咸，可以補充膠原。桂花雞翼似生炸雞翼，小小熱氣，不過炸皮幾薄，點d桂花蜜一起食，小小甜，又脆，都幾特色。台灣烤香腸台灣香腸切薄，食落似潤腸但甜d，台味十足，好食。椒鹽花枝丸成粒生炸，有d花枝肉粒，食落好食過普通墨魚丸，加椒鹽食冇咁淡味。凍脆脆阿華田曲奇脆粒加係阿華田上面，唔會太甜，又有曲奇粒食。熱美人玫瑰茶玫瑰花好香，連熱茶，健康之選。

今天在將軍澳同屋企人去了附近將軍澳廣埸一間叫桂花小幸的餐廳食嘢。我哋8點去到時，門口已經好多人等位，因為我們不介意搭枱，所以都好快有位。我們坐底後店員有餐牌俾我哋，話我哋知要自己到收銀處點餐。掀開餐牌發覺都好多選擇，可以叫套餐，也可以散點。我們就其中一款晚市定食套餐 -- 原盅燉湯上湯浸時菜滷水蛋牛腩滷肉飯～$83, 有一碗滷肉飯，好多滷肉，非常香口，又多汁，仲有一隻滷蛋，也是滷得很夠味；牛腩和飯是分開上的，有4塊，都好大塊，又淋，因為有少少脂肪，食落覺得好濃牛肉味； 仲有青菜、青紅蘿蔔、芽菜配打，滿滿的一大碟；真是冇諗過會咁多。跟餐的還有一細碗上湯浸娃娃菜和一盅燉湯，這個湯好足料，有肉、雪梨、無花果和意米, 飲落哋湯是甜的，好潤，尤其是在乾燥的季節飲覺得特別好。跟餐我們用$12,加了一個小食--涼拌猫耳朵(木耳)；木耳咬落好爽口，因為有少少酸味所以食落好開胃。麻辣三寶米線～$68, 除左個飯，我們仲點了個三寶米線。三寶包括牛丸、豬肚和水餃；牛丸都極彈口，水餃就皮薄餡多，味道都可以，猪肚也夠淋，米線就好滑又有嚼勁，這個餐還有一個拍青瓜（細）送埋。湯底有5種供你選擇，辣度可以根據自己

之前試過新都城間四季良晨，估唔到將軍澳都開咗間桂花小幸，係同集團嘅台灣菜。裝修同新都城果間差唔多，感覺休閒舒適，好有文青風。夜晚6點幾嚟到已經有唔少人排隊，要等4張枱先入得，好受歡迎呢。酥炸排骨麵紅燒牛肉湯$58-排骨好腍，炸得好香，仲有醬點減少油膩感。至於牛肉湯夠曬入味，麵亦好有彈性遇見珍珠可可$22-5-加配茶研社飲品有正價減5蚊，夜晚飲奶茶驚瞓唔著於是點咗朱古力。朱古力香濃，珍珠夠煙韌，掂呀！

桂花小幸 (將軍澳)將軍澳唐德街1號將軍澳廣場1樓133-135號舖-❤️將軍澳覓食，突然心血來潮想食台灣野，就入去試下。🔸三盛結燒牛肉麵好足料嘅牛肉麵，入面有腱心牛肉，牛腩同牛丸！湯底牛味香濃，不是重味精嗰種，飲完唔會口渴。麵條質感煙銀，Q彈口感。適合貪心想食多配料嘅牛魔王😂🔸桂花雞翼香脆雞翼，雖然炸嘢熱氣，但忍不住叫。外皮炸得幾薄，但雞翼本身好似冇乜調味，所以味道略淡。沾上桂花蜜一起食，味道少甜，可以一試。🔸台南手工餡餅好有肉汁嘅餡餅，外皮厚度適中，裏面係豬肉餡料。好豐富嘅內餡，推薦大家可試下！🔸台灣烤香腸本身鍾意食香腸，台灣香腸切薄片，可以開心share! 口味略甜，同平時食嘅外國腸口味幾不同，相信會老少咸宜😊🔸茉莉珍珠奶茶食台灣野叫珍珠奶茶飲是常識吧！淡淡茉莉香味清香，中和到珍珠奶茶嘅膩，同時亦唔會太甜，可以一試。

其實一路以來將軍澳站的台式餐廳好的選擇不太多，雖然呢一間都係連鎖式經營，但我覺得響質量同價錢方面呢一間無疑係一個很好的選擇。我去嗰日係平日嘅晚上，兩個人，都要排隊大約15分鐘，客觀上呢間都幾受街坊歡迎嗰晚我吔比較肚餓，所以都order左好多嘢，包括2個sets, 一個係台式滷肉飯加炸豬扒，另一個係胡椒豬肚湯飯。前者好有水準，後者胡椒味可以再濃一啲就更加好另外我哋分別係多咗三個小食，包括台式腸，炸餃子及炸雞翼，我自己首選台式腸，好有地道的味道，最緊要叫咗咁多嘢價錢都唔係好貴，讃

🥳Happy New Year 🥳新年鐘聲🔔響起，祝願大家新年新氣象。今天一定要約上朋友出來慶祝🎉在此，也祝願你來年每天都有美食美酒🍷美人相伴～.「桂花小幸」好美的名字，’現在才發現遇見妳，是人生中最好的事情～原來我們和愛情曾今靠得那麼近⋯⋯‘（希望這麼多人裡，其中一個是你）.塔香三杯雞飯$88雞肉鮮嫩入味，套餐有一碗老火湯還有蔬菜🥬營養搭配豐富，份量夠大。.鹵水雞翼麵$48雞翼香滑入味，紅燒湯底麵勁道有彈性，其實一份套餐就已經足夠滿足自己所有的慾望了。.桂花雞翼$38一不小心又點了一份雞翼，來年一定是想要展翅高飛了😂好在作法個有特色。這個是炸雞翼，外皮酥脆，內心雞肉鮮嫩多汁，配上特製桂花醬汁，味道很有特色。.手拍小黃瓜🥒$12鹵水蛋$6鹵水豆腐$6小吃價錢便宜，又有特點，作為開胃菜簡直一流。.幸福紅豆與豆乳$19濃郁可可$13飲品真是物美價廉，10多塊，就有一大杯，吃完飯捧在手裡，一邊逛街一邊喝，彷彿去到了台灣。夜市上，周圍都是捧著奶茶的小美女😋🇹🇼.另外，餐廳環境舒適，裝修很文藝，小清新，服務優質且免加一哦～...桂花小幸 (将军澳)将军澳唐德街1号将军澳广场1楼133-135号舖

曾經去過另一間在寶琳的店，出面的外賣茶飲店很面善，細看餐牌跟之前那間差不多。原來是同一集團的。與其到處覓食，那就直接進去吧。餐廳挺多人的，等一會才有位置。牆上的裝飾及壁報板都很有意思。特盛紅燒四寶麵，轉了麻辣牛肉湯底，四寶材料有豬手、腱心牛肉、花枝丸、滷水蛋，還有蘿蔔及幾條蔬菜，很豐富。豬手大隻厚實，滿滿的骨膠原。牛肉厚厚兩片。麵條挑選台灣麵條。台式雙拼麵，挑了花枝丸及水餃。加錢轉了蕃茄湯底，各款材料都有兩粒，花枝丸裡有結實彈牙的墨魚粒，水餃是菜肉餡料，飽滿不易破皮的。這款台灣麵是幼圓條狀，口感實在，跟米線比，不太吸湯，所以湯底味道要夠濃郁才能令麵條更顯味。湯底的蕃茄味有刀切蕃茄，配料很足。煲仔 ‧ 塔香三杯雞，伴菜有洋蔥跟九層塔，全吸盡醬料的味道，比較鹹。雞件很多塊，烹煮得香口入味。來到台式餐廳，看到兩整頁的飲品選擇，忍不住點了特色飲料來喝。朋友點了仙氣火龍果茶。粉紅色的茶飲如其名充滿仙氣。碎冰打成冰沙，加入果茶，不過火龍果的味道不夠濃。我就點了夏日水漾鮮果茶，清新的水果茶底，內有各種切開的水果，主要有西柚、檸檬、火龍果、藍莓及草莓，微酸，果糖的甜度剛好了。