桂花小幸 (將軍澳廣場)

營業中

休息中

一向都好鍾意食台灣野，不過唔係成日都可以去台灣，唯有係香港搵啲台灣野食餐廳幫襯下。呢日咁岩黎開將軍澳，聽朋友講有間幾好味既台灣餐廳，一於去試下。呢晚7點幾黎到，門口已經排晒隊，要等一陣先入到座。望落個Menu有好多頁，有好多唔同既菜式，如果有選擇困難都幾頭痛🤣我同朋友先係要左碟滷水雞翼，食落有滷水味，雞翼既肉都幾嫩滑。再黎我同朋友都睇中左呢度既晚市原盅燉湯定食套餐，我地分別嗌左煲仔·塔香三杯雞飯同煲仔·爆炒牛腩飯，都無令我地失望。個三杯雞食落好惹味，送飯一流; 至於個爆炒牛腩，入面有埋金錢肚同牛筋，食落惹味亦帶點香辣，而因為我本身鐘意食辣所以都好岩胃口。兩個套餐都有送上湯時菜同埋原盅燉湯，呢晚個湯係蓮子蓮藕圓肉湯，飲落真係好清甜，拍得住屋企啲老火湯，下次黎都要encore😍最後我同朋友嗌左杯野飲，我要左杯火龍果特飲，係用紅色既火龍果做既，所以望落係紅色好搶眼，而火龍果既味道配上茶既甘香都好夾，又唔會太甜，我覺得好好飲; 而我朋友就要左杯招牌水果茶，佢都幾滿意。環境方面，間餐廳採用台灣風格，有書櫃可以比人睇書，黎到除左食野仲可以扮下文清😎當晚都亦見到其他同朋友黎聚餐既食客，氣氛熱鬧。總括

將軍澳真的一個新發展的地方，大部份的店舖，食店真的多到數唔曬，是日放假同HONEY去將軍澳行街，SHOPPING，在將軍澳廣場內，想下食咩時，見到哩間個名好有詩意的桂花小幸，桂花小幸主力打做台式食品，滷肉飯，台式腸，牛肉麵...好多好多，另外在店舖隔離有個位系買台式飲品的，當日晚上都好多人等，坐左入去，見到裝修得非常靚，之後同HONEY點左一個鹽酥排骨滷肉飯 ，牛腩麵，台式香腸，麻辣紅油水餃，桂花雞翼，另外在隔離買左兩杯飲品，芝士奶蓋阿華田，芒果qq綠茶，芝士奶蓋阿華田，芒果qq綠茶芝士奶蓋阿華田-芝士奶蓋加上我最愛的阿華田，唔會太甜芒果qq綠茶-有咬口，芒果綠茶味重，鹽酥排骨滷肉飯 -鹽酥排骨滷肉飯 真的好夠份量，一碗滿滿的滷肉飯，加上有熱上的鹽酥排骨(炸醋扒)，鹽酥排骨味道唔錯，啖啖肉，另外滷肉飯都足阿的肉碎，如果多返少少汁送飯會更好，因為我愛撈汁食哈哈，牛腩麵(麻辣牛肉湯加3蚊)牛腩麵真的好大碗，有四大舊牛腩，加上台底麵底，另外會有麻辣汁加上，honey話麻辣味好夠，牛腩唔錯，有咬口，另外湯式也唔錯，台式香腸台式香腸食落唔錯，作為台式小食，少左佢真的會感覺差一點點野，麻辣紅油水餃

同朋友去將軍澳行街食飯 第一時間諗起呢間台式料理🤩上次覺得不錯👍🏻今次試試新菜式😙整間店舖裝修走向文青風格🤓🌱啱晒你同我🤪。🐂三盛牛肉麵 $71入面有牛展丶牛楠丶牛丸啱晒牛魔王🥰牛展同牛楠肉質煮得好琳而且好入味 牛味亦重🥳頗有台灣嘅味道❤️台灣麵質彈牙掛湯一流🍜另外附有嘅麻辣醬 點牛肉食係另外一番惹味啊😆。🍅特濃蕃茄雞扒番茄麵 $61雞扒是必點推介💥上次食過返尋味😋即使炸過但油膩感不重 反而炸皮夠薄 肉質保持鮮嫩✨係數一數二食過最好味嘅雞扒之一🤫❤️今次試埋蕃茄湯麵個人覺得蕃茄味可以再再再更加濃(重口味人士上🤣）但普通人囗味就好夠😌。🥙台南手工餡餅/2 $28小食方面叫咗呢個特色嘅手工餡餅🥙見好似幾特別咁🤪岩岩煎好表面呈金黃色✨咬落去驚喜地發現入面充滿肉汁 好juicy🙆🏻‍♀️豬肉餡料塞滿成個餡餅 大滿足🤰🏻。🌼桂花雞翼 (5隻）$38上次試過今次又點可以唔叫😆雞翼依舊炸得香脆juicy💦點桂花醬帶點清新 甜甜地幾特別😋。🥓台灣烤香腸 $28小食點可以少得台灣烤香腸😎食落去傳出淡淡煙燻香味 身為驚喜 送主食不錯喔💫。呢度除咗有埋主食之外 隔離仲有賣台式茶類飲品🥤方便邊飲邊食🐽🤣🍃桂花烏龍茶

唔想煮飯就亂入左一間店鋪食晚餐，喜出望外！餐牌選擇多，好多都想試！用心揀都有唔少相對健康既選擇。最麻煩係要出去叫餐同俾錢。老公要牛腩麵，我就試個定食。價錢以商場餐廳黎講都算經濟合理！牛腩麵就無太大驚喜，正常既。湯好清，牛腩都腍，份量適中啦。大愛係我個雞肉定食。雞肉飯好多時係煎雞扒，甚至炸雞扒。呢度反面係蒸既雞絲，有新意之餘都健康好多。餐有菜同三個涼伴既菜，好適合我呢啲菜怪，有唔同顏色既營養。仲有湯添，不過我本身唔飲街既湯，所以no comment。

呢間舖頭係屋企附近，平時都見有唔少人排隊，難得下就有時間就同媽媽去試下。好味喔：1. 紅燒腱心牛肉麵 $68。台灣麵好好味，好入味，牛脻都幾好味。套餐仲有三個小菜配，好夠份量。2. 小菜一：涼拌貓耳朵，超少辣，幾滋味。3. 小菜二：手拍小黃瓜，爽口。但媽媽話如果酸辣佢會鐘意啲4. 滷水豆腐+$6配，我好鐘意，幾有味，唔乾。但媽媽就唔鐘意硬豆腐。可以試下：1. 小菜三：涼拌黑醋茄子🍆2. 滷水蛋牛腩滷肉飯$78，正常。但我覺得太多汁，飯因爲咁淋左啲，少啲汁可能好啲。特飲幾正：仙氣火龍果茶：好有茶味，好清新，我好鐘意。飲到後尾先有火龍果既感覺，有好多少粒，幾有咬口。環境幾舒服，仲有微微的背景音樂，幾舒服，好似播緊王菲，幾有taste. 小食加$6 or $12, 都唔錯，分量都唔少。

桂花小幸門外有間專賣茶飲的小店堂食可以ORDER,套餐有得優惠減5蚊一杯現打水果茶系列 夏日水樣鮮果茶 有幾款水果片放入去,蘋果,柚子片,橙,奇異果片等等茶底夠香,飲得出原材料幾好,茶香夠味,甜味又不會太過,難得飲到一杯水果茶係好飲！飲之前要用飲官壓一壓D水果片,等味道再出D,再搖均一下先夠水果茶個種味道見到餐牌仲有芝士奶蓋款式同埋豆乳飲品,呢間比我既感覺相當唔錯將軍澳唐德街1號將軍澳廣場1樓133-135號舖幸福之茶研社

好多年前,桂花小幸仲有分店既時候我已經食過,以前印像一般事隔多年,估唔到改善了,也進步了以前最大問題,食物唔夠熱,態度唔好今次都改善了湯麵,小菜都係即做,味道也進步了晚市有定食套餐+燉湯塔香三杯雞飯+燉湯 $88 (不需加一)加$8配桂圓菊花冰茶三盛牛肉麵,養生清燉牛肉湯$68 可選紅燒湯底或清燉牛肉湯考牌緊係飲清燉牛肉湯啦麵份量唔算多,煮得岩岩好三盛牛肉,即牛腩,牛丸,腱心牛肉牛肉煮得好夠味,肉質燉煮得夠軟身牛肉丸彈牙多汁,牛腩夠味濃最抵讚係湯底,非常夠熱,夠清甜順口比起上次食,相差幾倍,有返台灣風味係度 上次黎都係燉湯餐今次係無花果雪梨排骨燉得唔夠耐,食材唔出味,但仍然夠甜配一份白飯,上面灑了少少芝麻做點綴三杯雞肉少骨,肉夠多,三杯味亦夠濃但味道可以再重一點就更佳另有一份上湯菜配埋冰茶係非常足料,菊花茶香而不甜膩將軍澳唐德街1號將軍澳廣場1樓133-135號舖

行街經過一間餐廳，我深深俾呢間餐廳名吸引住，「桂花小幸」改個店名都好聽過人 ，環境好文青feel 。偽文青既我一定要入去食！估唔到性價比高。 .🔻 特盛紅燒四寶麵：非常豐富有牛腱心肉、豬手、花枝丸 、滷水蛋，當中豬手最好味，肉腍鬆軟 好骨膠原 （推介） .🔻 腱心牛肉麵：牛肉腱秘製醬汁食落肉質鬆化 ，我選了養生湯底！我鐘意呢一陣藥材香味，健康之選。 . .🔻 桂花雞翼 ： 雞翼炸得香脆 配上桂花醬汁清新香甜 .🔻 現造煎餃子： 外表有d厚 餡料味道一般地址：將軍澳唐德街1號將軍澳廣場1樓133-135號舖港鐵將軍澳站 A2 出口推介指數：😇😇😇😇😇😇7.7/10人均消費：$80-100

尋晚喺將軍澳收工，就捉咗我朋友一齊同我食飯。將軍澳嗰度有幾個商場連埋一齊而我今日就選擇左喺將軍澳廣場食台灣野，就係桂花小幸。估唔到已經係夜晚八點都仲有咁多人排隊等候等左差唔多15分鐘就入去啦餐廳嘅裝修好有文藝嘅氣息，係以木製嘅家具來做主題。而呢一度點餐係要自己去收銀嗰度落單然之後等啲店員送嘢食過嚟睇睇餐牌食物嘅選擇非常之多，有滷肉飯不特止仲有雞肉飯啱晒唔食豬肉嘅朋友而當然唔少得嘅就會係一啲嘅台灣嘅特色美食就好似牛肉麵等等，除此之外仲加入左一啲其他中式嘅元素好似湯飯三心兩意嘅我實在有太多太多野想食所以我哋就叫咗好多嘢食首先我哋叫咗一個滷水拼盤，材料非常豐富當中包括牛展牛肚雞翼蛋等等，而下邊仲有配上大量嘅芽菜。芽菜索唒滷水味好正牛肉亦都滷得好琳好入味整體來講相當唔錯之後我哋仲叫咗蟲草花杞子豬肚雞湯飲分量好多，湯底清甜。豬肚有啃勁，雞塊夠林，送飯一流我哋仲加配左一個上湯蔬菜同埋涼拌黑醋茄子。今日嗰個會係白菜非常之新鮮。茄子都非常好食。另外我哋仲叫咗台灣香腸同埋花枝丸。估唔到台灣香腸令我咁有驚喜，完全令我食得返台灣嘅味道。而花枝丸亦都不過不失炸得非常之酥脆最後我哋仲叫咗兩杯嘢飲作一個完美嘅結尾

果日同朋友傾開先知原來桂花小幸有湯飯,凍凍地就決定去呢間食晚餐滷水蛋牛腩滷肉飯牛腩好淋同埋入味，冇咩筋所以真係一咬就已經散哂。加埋滷肉一如以往地多同埋肥瘦適中，兩樣都係撈飯一流既餸，份量亦都夠多唔會得一兩舊，鍾意食牛腩真係要試!胡椒豬肚湯飯見到呢個應該係新出，胡椒味濃同埋豬肚加酸菜都好多，食落每一啖都都有配料。而且唔算十分辣所以加埋白飯一齊食個味道好夾，岩哂冬天食，夠哂暖胃。台灣烤腸烤腸好食同埋夠juicy，唔會太乾同埋肥，食飯途中夾一塊食又有新鮮感同埋唔同層次。煎餃每次都必點，因為真係每次都即叫即造，熱辣辣又有肉汁，出面食唔到呢個口感!另外我地仲叫咗水果茶同埋紅豆珍珠奶茶。兩杯都好大而奶茶既比例好適中，加埋姐豆同埋珍珠有兩種唔同既咬口，層次好豐富! 水果茶好足料而新鮮，可以清一清喉嚨最後當食埋飯後果!

未有得去台灣住，唯有揾間台灣餐廳吊住癮先呢度自助買餐，再由店員送上同朋友一人一個套餐，來到先知原來甘豐富，我點左鹽酥雞扒滷肉飯鹽酥雞扒炸粉都幾薄，食落唔覺太油，仲好細心碎上左今日原盅燉湯係椰子雞湯，好鮮甜而且用料十足！！滷肉飯拍得住台灣，米飯口感Q彈有黏性，配上滷肉同汁，食食下基乎可以食晒成碗飯鹵水蛋牛腩滷肉飯牛腩煮到好腍，好入味本身唔知個餐有咁多嘢食，仲另外加咗兩客小食滷水豆腐同上湯時菜只需加六蚊就有一款真係好抵食餐廳旁邊仲設有台式飲品店，怕凍嘅我叫咗一杯熱飲 桂花杞子紅棗茶，有清香嘅桂花味朋友點咗芝士奶蓋抹茶， 口感豐富，而且真係飲到芝士奶蓋嘅香味，mix 埋抹茶 一齊飲 剛好中和咗芝士嘅飽濟

七時多到達，已經排隊，等了十多分鐘。 到了才知道用openrice app可以先取號，大家要留意噢！原先想點自養生湯飯和黑醋拌茄子都沒了，改為胡椒豬肚，幸好沒失望，胡椒味濃帶微辣，不嗆，豬肚爽口，配上適量鹹酸菜非常開胃暖身，秋冬特別適合。雞排鹵肉飯，用的是珍珠米，QQ質感，鹵肉不太肥膩也不過鹹，雞排比想像中大，女生可能一份吃不完，外皮很鬆脆，肉質滑，推薦給食肉獸。小食方面，第一次在香港吃到台南手工饀餅，外表薄饀料多，咬下去首先感受到香香的肉汁，饀料又軟又暖，真叫人想念台灣夜市小吃！飲品推薦黑白珍珠豆漿，比奶茶清新健康，而且沒有冰，適合追求健康的女生，珍珠香甜好吃，另一個茶飲就選奶蓋桂花烏龍，奶蓋相對沒那麽出色，但茶底濃，奶是鮮牛奶，口感醇厚。看圖看不出侍應很有禮貌，上菜前會先介紹，再幫忙擺位，也樂意介紹菜式。

識我銅鑼灣食神嘅都知道，好過食平一般都很中肯同嚴選。今次我朋友話呢一間野嘅特別好啦，將軍澳廣場裏面，無論揸車搭車都方便。亦都唔係塞車區域。返香港島亦都好快。今次嚟到呢間野叫單方式都係好神奇就係要出門口同Casher 落單我都去過幾間呢啲咁嘅方式都可以。如果好忙直情係落埋單先坐低好有效率。嗰日帶咗個四寶面，我好想讚下杯嘢飲，係黑糖鮮奶，本來嗰幾日肚仔唔舒服，飲咗嗰杯野之後去廁所順暢晒。面方面係甜辣，幾討好好適合香港人口味。有機會可以試吓

同朋友聚腳見面係佢屋企附近搵間野食，想食滷肉飯就搵間台灣野，呢到menu選擇款式都算多，又有晚市set, 不過要早啲到因為太好味會好快賣曬，鹽酥雞排滷肉飯好好味，雞排肉質嫩滑，外皮香脆，份量超足大大舊，滷肉飯個滷肉汁好味夠濕潤撈飯一流，朋友叫左三盛牛肉麵，紅燒牛肉湯底好好飲，少少辣幾野味，牛肉夠稔易入口，湯底真心大力推介加個麵底都食得曬！芝士烏龍奶蓋好creamy，但我都係最中意珍珠奶茶，好香滑同重奶味，配埋套餐又平！正！😋

去完將軍澳廣場的Uniqlo掃減價貨後約八時左右便到附近吃晚餐沒有資料搜集下，唯有選擇有人排隊的餐廳這間小店「桂花小幸」門外有不下十人排隊等位在門外取了籌號等了約五分鐘便有位店內幾乎滿座，幸好有一批客人離開這麼快有位鹽酥雞排滷肉飯 - $76配上湯浸時菜+烏豆山藥栗子燉排骨湯是香港最常接觸到的台灣傳統菜式台式雞扒就是鮮嫩多汁，口感軟嫩，表面酥脆是日時菜是娃娃菜，味道鮮秋季非常貼心地燉煮了適合時節的湯水，滋潤養生腱心牛肉麵(養生清燉牛肉湯) - $58腱心牛肉是牛腿的一束束肌肉，紋理粗糙、質地結實、佈滿牛筋但店家燉煮得入口即溶，美味多汁濃郁的牛肉味，變成了嫩筋肉湯底也是非常適合秋冬的補湯，味道鮮美配菜還有幾條小白菜、白蘿蔔及紅蘿蔔桂花雞翼(五隻) - $38醬汁另上的桂花糖和桂花，自行加到雞翼中淡淡的桂花香，帶有甜甜的清香炸雞翼跟鹽酥雞排一樣，炸得十分爽脆而不油膩台灣烤香腸 - $28台灣腸有豬肉、雞肉和牛肉加起來色澤誘人，烤得外酥內嫩，香氣襲人，味道獨特脆脆阿華田 - $23底部和CREAM面上有OREO碎碎阿華田味濃郁超濃郁可可 - $13濃郁的朱古力味