桂花小幸 (將軍澳廣場)

營業中

休息中

今日同朋友嚟將軍澳行街，佢話想搵埋我一齊食夜晚，於是我帶咗佢嚟依間餐廳度食，餐廳裝修好文青，而且每樣嘢食都唔貴，一於嚟試吓啦！我同我朋友一到咗好快就有位入，而且職員們都好有禮貌，我哋先叫咗兩杯嘢飲，芝士賴該桂花烏龍茶、鐵觀音珍珠鮮奶茶，依度嘅手搖嘢飲全部都貨真價實，係用真茶包離沖，飲落口味道好清好解渴🤩而且呢度嘅嘢食全部都好高質，我最推介嘅係塔香三杯雞飯，三杯雞肉質鮮嫩，而且配嘅汁味道啱啱好，唔會太咸，排骨燉湯有排骨、栗子，味道好清甜！你一個要推介嘅係三盛牛肉麵，牛肉落咗好多，而且湯底好靚😛另外仲叫咗幾個小食，例如花枝丸、貓耳朵、時菜，都只係$200左右，超高性價比，以後會再嚟食！