果子｜海南雞飯·喇沙摻摻 (啟昌樓) (已結業)

放假要去大埔呢頭搞啲嘢，開返晚市決定食埋嘢先返歸。呢到嘅嘢食幾平，抵食夾好味。新加坡火山包：軟殼蟹($168)呢一味好香，又軟殼蟹、蝦、蜆同埋麵包。個汁有少少辣，好惹味！軟殼蟹香脆，麵包軟淋淋，放耐咗比較濕，趁熱食會更加好！藍蝶花椰漿飯($76)自選三餸，我揀咗去殼蝦、香煎豬頸肉同埋咖喱牛腩。個椰漿飯超好食，一放入口勁大陣椰香，搞到我係咁食啲飯。藍蝶花除咗靚之外仲有好多功效。啲配菜同肉都唔錯，調味適中。 一日晚市套餐 ($86)海南雞喇沙摻摻 (+$10) 我哋又想食海南雞飯又想試喇沙摻摻，所以叫咗呢個。海南雞係去骨嘅，啖啖肉好方便，啲雞好滑好彈牙。個湯底都好夠味，唔會太辣。摻摻即係油麵加米粉，每一啖有齊粗幼嘅口感。惹味沙嗲牛肉串燒2串呢個沙嗲醬一啲都唔辣，入面有啲花生仲有啲甜。牛肉多汁香滑。追加：細碗肉骨茶 (+$18)有好多嘢想試，所以叫個細肉骨茶過下口癮。藥材味唔太濃，但係都夠甘甜。棉花糖朱古力 (+$0)個餐包一杯$22以內嘅嘢飲。棉花糖份量都好多，令到朱古力冇咁單調。

趁著假期去大埔海濱公園遊玩後便吃午飯，見到這餐廳評價不錯而且門口有不少人排隊等外賣，難得來到大埔當然要找一間大埔的餐廳而非連鎖店。餐牌選擇蠻多，可選午市套餐，$48-$60不等，另外加$15-$20有小食，附送飲品，特飲補差價。海南雞飯相信是必點的，原來有兩款選擇，一款是普通雞，另一款係走地雞，想試下當中的分別就點了走地雞。首先顏色偏白，肉質較瘦，雞肉鮮味十足，雞皮都又薄又爽，由於沒有多餘脂肪，我覺得連皮食都沒有罪惡感。配上三色醬，非常惹味。我最鍾意辣醬，辣度剛好，薑蓉亦夠香。油飯粒粒分明而且充滿油香。海鮮喇沙摻摻材料好豐富，有大蝦，蜆肉，蛋，魚片同豆卜，摻摻是混合了油麵和米粉一起煮的，我特別喜歡這個因為口感豐富，不是很多餐廳會有這款，推介。另外湯底濃郁，魚片頭彈牙，海鮮新鮮。小食方面點了馬鈴薯炸蝦和沙嗲雞肉串燒。馬鈴薯炸蝦，外層的薯絲脆口，但內層的炸得不夠，引致過油。沙嗲雞肉串燒，雞肉幼滑，沙嗲醬汁香濃，好惹味。飲品點了檸檬薏米水和紅豆珍珠奶茶。檸檬薏米水是送的但一點也不馬虎，薏米非常足料。紅豆珍珠奶茶也不錯，茶底是偏濃味的，珍珠也有咬口，當然有黑糖味更好，但只是加$8，這個價錢非常

<<Thursday Couple 尋食記👣😋>>今日又返到我哋嘅地頭大埔，諗住喺一田行吓，之後我哋就去咗太和附近一間東南亞嘅Cafe度食嘢，叫做果子，餐廳環境都幾闊落，啲座位都擺得好鬆動，坐得幾舒服，我同男朋友就坐咗係卡位！ 舒服！😚開始叫嘢食喇！個發現個Menu多到傻咗！好多款嘢食，同埋好多個套餐！🤣🤣😚原來呢度餐都好抵下，所以我同男朋友都心大心細，想叫好多嘢，樣樣都幾吸引，又驚食唔晒！😂😂開頭都唔知叫咩好，然後個度嘅waiter 就介紹咗佢哋嘅火山包比我地，見佢個軟殼蟹火山包都好吸引，所以我哋就叫咗啦！黎到！個包好！大！大個個人頭😂😂😂🤣比左刀叉我哋切，有啲唔知點落手！😂佢哋嘅軟殼蟹炸得好脆，加上佢成碟嘢好足料，又有蜆，同埋青口，愈搵愈多！本身諗住會剩係得個軟殼蟹，但係原來有咁多海鮮食！😂😂跟住個包都外面都幾脆，裏面係鬆軟！然後再加埋佢嘅醬汁，好有馬來西亞風味，都唔錯！但係見佢個包太多啦！因為真係食唔晒，但係佢啲海鮮幾好食！🤣🤣😋之後呢就係叫咗個set，一個絲網春卷，佢好香脆，啲餡同普通春卷差唔多，但係佢外面食落口感好正，之後就叫個印尼炒飯，炒得好

今日自己一個食lunch, 但都要食得丰富，選擇咗惹味既星馬菜。由於仍然係新年，店舖有點小佈置，格外有氣氛。點咗個印尼炒飯，一直都以為係一碟炒飯，嚟到竟然係非常精緻既串燒、蝦、煎蛋炒飯，賣相十分靚，食欲大增！追加20蚊就可以有馬鈴薯炸蝦卷，外脆內彈牙，絕對值得！！飲品方面，點咗清新既藍莓乳酪沙冰，藍莓味非常香濃結合帶有微酸既乳酪，yummy!! 咁多嘢食，平均嚟講我都好滿意！而且價錢非常合理，一定會再幫襯👍🏻

今日同老公過咗嚟大埔踏單車，兼行下街拍下拖。好耐無試過食晚餐啦，今日終於可以食番餐我地經過俾藍色飯吸引左，真係藍色飯，好特別，所以就入去試下啦。晚餐餐牌單點，套餐都好多選擇，價錢仲好親民，直頭可以話好抵食！我地點左二人套餐，二人餐可以揀2個小食，1個小菜，2個主食，仲包飲品，都係198，好抵食！豬牛串燒🐷🐮每樣2串，大概每串有3件肉，串燒燒到好香，個汁有花生醬味，食入口啲肉唔會好柴，都仲好滑，有小小肉汁，幾好食馬拉盞炒通菜用一個小鑊仔上枱，賣相好特別，份量仲算多！通菜炒到好香有鑊氣，又唔太油海鮮喇沙摻摻材料好豐富，有大蝦，蜆肉，蛋，魚片同豆卜，每款都有3件。摻摻原來係米粉加油麵，啲麵吸啲汁好食，加上唔會煮到好碎，份量都好多，湯底好香椰汁味咖哩牛腩拼唐揚雞椰漿飯哇哇哇！藍色飯，第一次見，望落去好靚好特別！餐廳用碟豆花汁去煮咖，天然色素又健康，個飯好濃椰汁味。其他配料擺到好靚，賣相吸引。朱古力咖啡，美淥恐龍🦖飲品就正常唔算好特別，不過沖得唔會太甜，幾好。除咗叫二人餐，我地仲點左軟殼蟹火山包，因為我好中意食火山包，所以見到好想試下一上枱見到呆左😂咁大份，真係好抵食！我平時出去食只係得咖哩軟殼

去大埔整嘢經過呢間靚靚門面既餐廳吸引咗，睇返menu都好多選擇，價錢亦相當合理。叫咗個lunch set, 加多20蚊就有小食，估唔到份量都幾大添！口味都好惹味，應該係用咗XO醬添個湯底係重點，個味帶有椰香，唔太辣，但好夠味，除咗主角香茅豬扒之外，仲有豆卜、魚片、蛋……等，非常豐富。當中比較有趣既係「摻摻」，即係麵底會由油麵同米粉兩溝，口感特別，正！飲品方面，因為天氣熱熱地，都叫咗杯大大杯既香桃乳酪沙冰，由於有乳酪既關係，酸酸地味蕾都可可好醒一醒。

春回大地風和日麗最好就是户外活動，相约大埔友去踏單車，中午踩完單車當然就系去制下個五臟廟啦！这間小店吾起眼吾系大埔友帶領都吾知佢好食，別有洞天。肉骨茶套餐+沙嗲牛肉串燒飲品熱杞子牛蒡茶一般啲肉骨茶藥材味比較濃郁蓋過哂啲肉香味，但这店弄得清甜有肉骨茶嘅香味啱晒我D不喜歡重藥材味嘅人，D排骨飪得入味又淋又有肉味，沙嗲串肉吾干好Juicy，牛榜冇特別但啱晒我地D養生嘅人。海鲜喇沙摻摻+香脆吉列蝦飲品凍美祿恐龍海鮮喇沙湯底濃郁，雖然湯底睇落去紅紅辣辣咁但食落一啲都唔辣仲有好香嘅椰香味添好有新加坡大排檔嘅風味。摻摻材料有大蝦魚片頭同蜆和豆卜，海鮮係新鮮嘅食落唔霉。摻摻即係米粉加油面，好容易可以掛到濃郁嘅湯汁，食面之余仲可以品嘗到湯汁，真係好正！香脆吉列蝦即叫即炸蝦肉好彈牙，面衣唔算太厚唔會硬骨骨。美祿恐龍正正常常啦唔算太甜有濃郁嘅朱古力味。

等左好耐終於放寬番晚市有堂食 急不及待即刻約朋友食番餐飯🥳🥳今次揀左大埔依一間新加坡菜試試佢餐廳除左左晚市特價飯之外 仲有套餐可以揀只係2百蚊就可以嗌到3樣主食 仲有2杯野飲 真係超級抵食!!!!餐廳推薦呢個新加坡火山包 一共有三款 我地就揀左大蝦呢一個 估唔到係咁大碟 除左大蝦 仲有蜆同青口 咖哩汁比較特別 唔似平時香港食開個d死辣味 連埋d麵包一齊食 都𣎴錯!!!既然係新加坡菜 我地其中一款主食當然係嗌海南雞啦 雞超級滑又香 勁大份 真係足料之後仲嗌左個馬拉盞通菜 依個就正正常常啦野飲方面就嗌左杯芒果沙冰同美綠恐龍🤤🤤

馬拉菜唔算好多地方有，見呢到食物種類都幾多，就入左去食了。呢到lunch set都幾多野簡，想食面既可以試下喇沙！我叫左個香茅豬扒喇沙摻摻，雖然寫住微辣，但我本身唔食得辣既都接受到，湯底好濃郁，面仲有油面同米粉撈埋！有吸湯汁既豆卜，同魚腐，感覺好滿足！豬扒都好重香茅味，而且唔會un，一咬都會離骨，唔洗食到好狼狽。另外，朋友就叫左肉骨茶，配飯的。肉都入味，唔夠味仲可以沾佢附上既醬汁，仲有油炸鬼。份量都幾多，入面仲有雞蛋、豆卜。肉都有好幾塊。所以都食得好飽。野飲方面選擇都好多，仲有台式飲品！朋友叫左凍胚芽奶茶！茶底濃，唔錯。仲有一杯凍檸檬薏米水，好少地方有得飲，都幾驚喜，甜度剛好，飲落幾fresh。

前日去開太和，行吓行吓見到呢間餐廳，好多人響出面等外賣同等位，決定一試！等左一陣就即刻有位，裡面格局都幾清新！佢地有午市套餐，有得免費多面多飯，仲包嘢飲，可以加錢叫特飲，同叫小食！ 午餐價錢都只系$48-$60，絕對系平民價抵食之選👍🏾我地叫左兩個套餐，一個海鮮喇沙摻摻同埋印尼炒飯！再加左兩個小食同特飲，order左唔洗好耐，食物好快就到🤩先講吓個海鮮喇沙摻摻，個presentation 好靚，好足料，個湯底辣辣地好野味！我好中意D面夠彈口，海鮮又新鮮☺️印尼炒飯有沙爹雞肉串燒搭配，個飯炒得夠乾身，男友食完都話好似系印尼食既一樣呢！小食我地有魚餅同春捲，每樣都有兩件，魚餅非常香口，春捲炸得剛剛好，唔會油，推介推介！另外再要介紹一下佢地既梳打，我地叫左薄荷青檸同薄荷香橙梳打，黎到大大杯，顏色又靚，飲落好清新👍🏾 呢間小店價錢平民，食物又高質，十個推介呀🙌🏻

約左朋友去太和食lunch,兜左個圈都唔知食咩好，見到哩間cafe都幾多人，格調柔和，一於入去坐低睇下食咩先朋友點左個午餐印尼炒飯，我就點左個海鮮喇沙摻摻。馬來西亞人稱為「摻摻」的麵，係混合左油麵和米粉一起煮的麵，摻摻二字即「兩溝」的意思，沿自從前的馬來西亞小販檔攤，小販檔會放着麵、米粉、河粉等，讓客人自己選，有些人因特別的口感而選擇混合不同粉麵，慢慢就變成馬來西亞的經典。我特別轉左只要米粉，不要油麵，仔細望落少少，餐牌最底寫住費多麵或多飯，我當然要加底啦。食物好快就即刻煮好上枱，先介紹下朋友個印尼炒飯，有兩串雞肉串燒、兩塊蝦片、太陽蛋加三隻蝦，配埋咖啡色炒飯，炒飯煙韌口感，唔似一般食到既炒飯，朋友話雞肉串燒好好味，有好多沙嗲醬係面，唔洗自己再點醬汁。我的海鮮喇沙米粉，奶黃色的湯底加上蝦同蜆蛤仲有其它配菜，賣相相當吸引，喇沙湯底傳出濃濃的椰奶香氣，正。朋友覺得雞肉串燒好好味，另外再加多左份，仲有絲網春卷順便叫埋飲品，哩度飲品選擇都幾多，想飲沙冰、梳打、養生茶、台式飲品統統都有，朋友就點左杯百香果乳酪沙冰我就比較喜歡台式飲品中既黑糖珍珠奶茶食飽吹下水，完全唔趕客。

最喜歡weekend搵cafe式餐廳，感覺先叫做放過假！搵到間Cafe竟然係新加坡菜，一於入去試吓！中午時間，好彩等咗陣就安排入坐，有卡位，非常寬敞舒適。餐牌上有好多想試既嘢食，最後揀咗香煎豬頸肉撈麵同無骨海南雞飯，店員推介我們可以試一試走地雞海南雞飯，所以最後轉左走地雞！亦嗌左兩款小食同特飲，分別係南乳雞翼、森巴醬通菜、鮮檸天葵梳打同黑糖珍珠鮮奶！香煎豬頸肉撈麵 $50麵底係油麵，一般油麵會有很勁鹼水味，但呢個油麵一啲鹼水味都無，仲多咗油香味，可能係豬頸肉啲油滲左入麵裏面，好香口滿足，豬頸肉肥嫩多片，配埋青瓜豆卜都唔錯！推薦：4.5/5（必食之選）無骨走地雞海南雞飯 $65本來以為無骨海南雞飯同走地雞分別不大，今次試過先知，走地雞脂肪少啲，但雞味濃厚，食嘅時候好滑好順口，生熟程度啱啱好，個人覺得比平時海南雞飯更勝一籌。推薦：5/5（必食之選）南乳雞翼 跟餐+$15雞翼跟餐兩隻，煎得好靚，南乳味唔會好重。推薦：4/5森巴醬通菜跟餐+$20森巴醬辣辣地，炒得好香好地道！值得一試。推薦：5/5（必食之選）鮮檸天葵梳打 跟餐+$12賣相漸變色好夢幻，檸檬配soda好爽。推薦：4/5黑糖珍珠鮮

星期日忽然想起肉骨茶，於是找尋下附近有無星加坡餐廳。無意中見到這小店，就一家四口過了大埔試試這間「果子」。入門口老闆態度有禮，問了幾位請我們等一會，因限聚令要分兩枱坐，不過後來有兩張鄰的枱就再給我們換枱。餐廳感覺清新舒服，我們好快點了幾份午餐，有海鮮叻沙，香茅雞翼飯和肉骨茶。各餐的份是都很足，顏色賣相和配搭都唔錯。海鮮叻沙多餸，蜆肉和蝦都有鮮味，不算辣，個人覺得如多啲椰汁香味會更好。香茅雞翼飯有花生魚干伴邊，飯面有太陽蛋，即使飯冇落汁也很好送飯，雞翼賣相和味道都很吸引。肉骨茶很豐富，肉非常腍，仲有蛋，如果可多些糊椒會更正。整體這餐都很滿意，仲有印仔咭儲分，可以再來的餐廳。

朋友住大埔，緊係入去搵佢食好嘢啦~嚟到呢間果子，個名又幾得意~去到已經有幾pair人排緊隊，不過等左5分鐘就入得去~一入到去就感受到一種異國風，一排亮晶晶嘅玻璃燈，同埋鮮豔的民族圖畫，充滿東南亞風味！餐牌都幾多嘢揀，見好耐冇食海南雞飯就食下，點知原來有兩款揀：一係普通個隻，另一款係走地雞，見未試過就試下啦~朋友就點左海鮮喇沙摻摻；另外加$15-$20有小食，我地嗌左沙嗲雞肉串燒同埋香煎魚餅。最後野飲方面，朋友點左檸檬薏米水，我就點左藍莓乳酪沙冰。海南雞飯好快就到~原來走地雞係肉色嘅，比平時嘅少脂肪，同埋更加滑口，岩哂我呢啲長年減肥嘅人😜飯就有得揀白飯同油飯，咁緊係揀油飯啦，油飯先係海南雞飯嘅精髓！正宗嘅海南雞飯一定有碗雞湯，入口清鮮，唔錯！小食都好正，沙嗲雞肉串燒又滑又滋味，完全係賣飛佛！煎魚餅唔會太油，仲辣辣哋，值得一試！最後配埋甜甜的藍莓乳酪沙冰，呢一餐先叫滿足呀！

上星期約朋友去大埔味完單車行經太和，肚仔餓就同朋友食啲野，朋然突然想食東南亞野，見到呢間門口唔錯就入黎試試。我地點左海鮮喇沙摻摻同無骨海南雞飯。喇沙味濃郁，配料多，而且面底仲係兩溝，米粉溝油面，夠晒正宗。海南雞飯當然要配油飯，呢度就有得免費轉啦！無骨雞啖啖肉，雞肉滑嫩，食完想再食多舊小食叫左白雲鳳爪同炒通菜。通菜炒得夠鑊氣，鳳爪夠冰凍又酸味味，好有水準,推介! 而飲品方面,點左芒果沙冰同鮮檸天葵梳打。中意飲紫貝天葵的朋友強烈推介點佢，感覺好fresh，配搭好match