果子｜海南雞飯·喇沙摻摻 (啟昌樓) (已結業)

放假難得嚟到新界踩下單車踩完之後途經大埔嘅呢間主打馬來菜嘅餐廳餐廳夠晒光猛地方闊落另外仲有BB櫈提供午餐嘅價錢維持喺五十幾到60幾蚊左右另外仲有好多小食選擇叫咗個無骨海南雞配油飯油飯粒粒分明另外仲配左個雞湯雞肉亦都保持到嫩滑另外仲有個手拍青瓜嘅配菜辣度十足幾有驚喜海鮮喇沙摻摻材料都幾足湯底係偏清嗰類型唔鍾意食咁重口味嘅人可以試吓日式唐揚雞塊炸完之後依然保持到有肉汁同埋嫩滑顏色望落去亦都唔錯香煎豬頸肉份量勁多豬頸肉油脂嘅分佈好好另外仲配咗個醬汁非常之好味黑糖珍珠鮮奶個賣相好靚感覺望落去好甜但當攪勻之後甜到啱啱好仲飲到香濃嘅黑糖味薄荷珍珠奶茶有淡淡的薄荷味配上奶茶都幾易入口除此之外我仲見到原來呢間舖頭有做eatigo 優惠係而家呢段咁艱難嘅時間大家真係要幫襯多啲小店

超抵午市套餐 飽到不要不要的🤤叫左個海鮮喇沙摻摻 $60 🥰最中意食既喇沙係一碗入面有2隻面 分別係油面同埋米粉! 2隻唔同口感 全油面又太油膩, 有返D米粉中和返!喇沙一般味道較為濃郁 但我好中意呢一間既喇沙! 味道唔會太濃! 岩哂我口味!! 而且海鮮喇沙好足料, 有2隻大蝦 4,5 隻蜆 好多魚片同埋豆卜! 超多餸!😍😍印尼炒飯$60 🥰又係超抵食超足料! 有3隻蝦 (重要幫你剝埋) 2串串燒 一隻煎蛋 2塊蝦片 炒飯都炒得唔錯 不過我就中意食喇沙多DPs. 我個印尼朋友教 印尼炒飯係一啖蝦片一啖炒飯咁樣食🤣🤣另外 重加左$20 叫左 2個食沙嗲雞肉串燒🥰係偏甜既沙嗲 正! 但無留意原來印象炒飯都已經有2串串燒 重複左 森巴醬通菜🥰正! 健康! 佢係森巴醬撈通菜! 唔會太辣唔會太油! 係健康之選!!!野飲叫左 百香果乳酪沙冰 同埋 桂圓紅棗茶百香果乳酪沙冰唔會太甜! 有驚喜! 不過可以再重D百香果味!桂圓紅棗茶又係超足料 我but埋D桂圓黎食🤣同埋同中意佢既裝飾 好簡約好舒服 臨走前忍唔住要影返張相🤭

難得放假就要享受吓雖然六點後不能堂食但係下午茶☕️時間都可以同朋友去Chill 吓見到網上一致好評的新加坡菜 - 果子門面裝修簡約以木為主感覺舒適優雅潔淨我們先量溫然後入去坐餐牌的食物款式太多選擇了每人就叫了一份小食、主菜及飲品我就先Order了必飲嘅凍黑糖珍珠鮮奶飲落去鮮奶好香滑黑糖份量都幾多兩者中和一齊飲唔算太甜黑糖珍珠口感有一點靭度幾有口感小食方面的絲網春卷即叫即炸食落去香脆可口裏面的餡料相當豐富配以泰式辣醬食更為不錯主菜的無骨海南雞飯配油飯賣相很吸引需要相機食先雞件分量多而且肉質鮮嫩更設有三款醬汁作為點綴撈埋有飯一齊食好滋味食完之後非常飽肚滿足呢朋友就order了白雲酸辣鳳爪見到佢一口氣食晒六隻我諗一定很開胃很好味😋飲一啖湯他的南乳雞翼湯麵湯底很濃郁而且他那杯凍美祿恐龍相當吸引滿滿的美祿粉鋪滿面頭下次一定要試吓🎉

呢排天氣寒冷，唔想喺屋企煮嘢食、洗碗，就唯有落街食飯。😂😂見到呢間小店有喇沙摻摻套餐，為左暖胃，決定一試。先叫左個豬頸肉喇沙摻摻，豬頸肉好入味，摻摻好足料，最重要係湯底夠舒服！味道唔會好濃郁，但有淡淡椰香味，食落十分舒服。除左豬頸肉喇沙摻摻外，我地仲叫左個香茅豬扒喇沙摻摻，配料同樣足夠，豆卜、魚片、半邊蛋。豬扒葉得好入味，同街外嘅喇沙摻摻唔同，佢地做得較住家同清淡，冬天必食之選。小食方面，不得不讚佢嘅沙嗲雞串，沙嗲汁香濃，配上嫩滑嘅雞串，作為小食真係會食唔停口嫁！食得東南亞菜，點可以唔叫通菜，今次做法係馬拉醬炒通菜，同一般馬拉盞有小小分別，味道比較清淡，同舒適，而且份量剛好，兩個share最岩。飲品竟然仲有熱薑蜜！！！冬天禦寒佳品，薑味清香，配上蜜糖，又暖又滋潤，岩晒各位女士。天氣咁凍決定帶返杯熱嘅珍珠奶茶，佢竟然仲加加埋紅豆，珍珠煙un，紅豆夠淋，有不同層次既口感👍🏻👍🏻。整體來講餐廳好有住家風味，食物又夠晒清淡，環境舒適，係平民小店嘅首選。

近排太和附近開咗好多餐廳，之前食過幾間都唔錯，所以今晚特登試吓呢間星馬菜餐廳，因為聽附近街坊講口碑唔錯，所以專誠嚟試吓。首先講講價錢，價錢都幾街坊㗎，因為佢有一個主食，一個小食，仲配埋一杯特飲。如果你唔想飲特飲，仲可以加錢飲啤酒。餐廳內嘅裝修都幾舒服，好友星馬餐廳嘅感覺。叫咗一份香茅豬扒米粉，豬扒厚切，湯底香濃。另外叫咗個印尼炒飯，份量都唔少，佢有一隻雞蛋，兩塊蝦片，三隻蝦同兩串串燒。另外再加多兩串雞肉串燒，啲雞肉好入味，配合佢哋嘅沙嗲醬，入口香濃。另外叫咗個絲網春卷，春卷上枱時熱辣辣，外皮香脆，裏面嘅豬肉味好香濃。

好耐冇試過同媽媽喺大埔食嘢，今日放假，特登同佢喺大埔覓食，聽朋友講喺太和附近開咗間新嘅馬來西亞及新加坡菜，所以過嚟睇吓，點知發現佢嘅價錢都幾抵食，得閒可以過嚟食吓。門面都幾容易搵，喺正公園對面，當日五點左右入到去都已經好多人食緊野，可能因為限聚令關係，好多人預早食飯，佢哋嘅特餐係一個主餐加一個小食再加一個特飲，加埋大概都係70幾蚊。因為天氣凍嘅關係，所以叫咗個印尼炒飯食，佢個印尼炒飯配一隻蛋、三隻蝦、同埋兩串雞肉串燒，初初好驚好油，但係嚟到一啲都唔覺得油，而味道亦都唔係太濃，適合香港人口味。另外叫咗個香茅豬扒米粉，豬扒好淋，同埋好香香茅味，浸過個豬骨湯底一齊食，好正。到最後叫咗杯紅豆珍珠奶茶，紅豆唔會太甜，入口啱啱好。

放假又同朋友嚟到大埔搵食，見到有間食星馬菜嘅「果子」，午餐只係$50左右連飲品，而且午市嗰陣都滿座，似乎頗具人氣，所以同朋友試下😎香煎豬頸肉喇沙摻摻🍜依度嘅喇沙比較注重椰香，喇沙湯入口順滑，即使就咁飲湯都好好食，唔會好辣好重口味😌摻摻即係油麵加米粉，食落有兩種口感，米粉比較掛湯，可以索到多啲喇沙湯😝豬頸肉同埋摻摻嘅份量都好多，驚唔夠食仲可以免費叫多飯多麵😱，好抵食～無骨海南雞飯(油飯)🐔海南雞同餐牌介紹嘅一樣肉多滿足，的確有1/4隻雞，朋友細食啲所以叫咗少飯🍚跟餐加$15/$20可以揀一款小食，價錢唔算貴，所以我同朋友都決定試埋小食🤤南乳雞翼👍👍👍雞翼好有驚喜，南乳入味但又唔會太鹹，雞皮香脆可口，肉質又唔會乾，一定一定要試！！！絲綢春卷春卷入面係芋頭絲，即叫即炸熱辣辣😋美祿恐龍🧋

今日難得放假 就落街去到附近哩間聽屋企人話幾好食嘅餐廳去食個lunch啦一行到入餐廳，就發現係行簡約平民風格嘅一間馬來西亞/新加坡餐廳，亦都見到好多街坊黎到買外賣，睇落都好穩陣至於食物方面，聽我屋企人話佢地個招牌no.1 海鮮喇沙摻摻好值得一試，就點左哩樣再加個吉列炸蝦同埋紅豆珍珠奶茶黎食下啦食物上枱速度好快，一黎見到個海鮮摻摻，份量非常驚訝地大份，海鮮份量十足，魚片頭彈牙，蝦亦都好新鮮，名副其實係no.1招牌菜式而湯底重椰子味，再加上小小微辣，食到好過癮，不過唔算太辣，所以怕辣人士都可以試一試至於個小食炸蝦都係即叫即整，非常香口，卜卜脆，真係食到一個接著一個最後個紅豆珍珠奶茶味道幾特別，濃郁得黎但唔係死甜，剛剛好作為哩餐最後嘅收尾，讚而最意外嘅係，食左咁多野都係60蚊左右，簡直價廉物美，而聽店員講話佢地個海南雞飯都係另外一個招牌菜菜式，睇隔黎枱都好似幾好食咁下次想食新加坡或者馬來西亞菜又唔來出咁遠嘅話，我都會黎哩間餐廳食飯，正宗又抵食 以下係餐牌俾大家參考下

我地點完餐三四分鐘後以經開始上菜，速度十分之快，值得一讚👍無骨海南雞飯 $56有白飯同油飯，我就揀左油飯。海南雞份量都幾多，但可能因為放耐左，雞皮有少少韌，不過唔太多肥膏，而雞肉都嫩👍，配埋薑蓉、海南雞醬同豉油食更好味😛。除此之外，佢仲配上一碗清湯，一啖飯一啖湯，又或者整湯飯食都得💁‍♀️，飲完個人都暖笠笠。肉骨茶飯 $56肉骨茶都唔錯，係正宗嘅馬拉味道。湯底有陣淡淡嘅藥材味，唔算太濃。而且入面嘅料都好足，排骨有4、5舊，都幾大舊又唔係太肥～ 仲有雞蛋同幾舊豆卜，啲豆卜吸曬啲湯汁，十分入味😋 再配埋碗白飯一齊食就一流喇👍🏻滿足感max‼️沙爹雞肉串燒 (跟lunch set +$20)推介！！每串既雞肉分量都多，而且唔會燒到肉質柴皮。沙爹醬好足夠，充滿花生味，仲有花生碎粒，唔辣💁‍♀️所以唔食得辣既朋友都食得😛香辣魚餅 (跟lunch set +$15)微辣既魚餅，入面有唔同香料，但香茅味就最出。美褖恐龍 (跟lunch set +$8) 原價 $22成日聽人講美褖恐龍，但今次真係第一次試😆冰鎮美褖再加上未溶解的美祿粉，double美褖，double滿足🤩。甜度啱啱好，而且未溶既美褖粉咬落

住喺港島九龍嘅朋友未必聽過太和呢個地方 其實太和係位於大埔再入啲嘅一個小區 橫街窄巷之間有好多小店 隨時都有機會發現寶藏餐廳🤩 .今次呢間走簡約風路線嘅餐廳主打新加坡菜式🇸🇬 無骨海南雞飯同喇沙湯麵就係佢嘅招牌菜 有多個飲食平台都一致推介㗎👍🏻 今次我就試咗招牌number 1嘅海鮮喇沙摻摻 「摻摻」亦即係米粉混油麵嘅配搭😌 湯底味道偏重椰香味 但略嫌唔夠濃亦唔夠掛麵 反而作為配料嘅鮮蝦新鮮彈牙 魚片都好爽口 整體份量好多 自問細食嘅話食下午茶都絕對足夠 仲平18蚊添🤣🤣

香煎豬頸肉喇沙摻摻：朋友點了這個麵，我試了一口，喇沙湯超級香濃，很香的椰子味和蝦的鮮味，配麵配飯吃都一流，之後我又搶了幾啖。豬頸肉爽脆，份量都幾多，另外還有蛋和豆卜，豆卜吸滿湯汁都很不錯，整體份量多，一個餐58元還要包飲品，cp值很高，一定要再來幫襯。無骨海南雞飯：肉完全無骨，連碎骨都無，去骨去得很乾淨。雞肉超級滑，份量也很多，食得很滿足。醬方面，有三種，我特別喜歡薑蓉，薑味比其他餐廳的香濃很多，又不會辣，我點了全部薑蓉還覺得不夠。南乳雞翼：外皮炸得香脆，南乳味很夠，不錯。絲網春卷：網狀的外皮用米做，特別脆身而且帶點硬度，口感很特別，這款春卷還可以選肉或者素的，非常貼心。美祿恐龍：不用多說，看圖便知美祿粉很多，特飲只需加8元。

第一次來呢到食lunch, 發覺lunch原來幾抵食，一個lunch set 都係$50-60左右。而且入面環境好乾淨又光猛，座位好闊落，可能疫情關係，好多人叫外賣，反而堂食人唔算多，咁都可以食得放心d。我地試左最出名既海鮮喇沙摻摻，真係好有驚喜! 😋大埔好似冇咩地方可以食到惹味嘅喇沙，通常個湯底唔夠濃，但呢到嘅湯底好香椰味，少少辣好開胃，椰香味同辣味配合得剛剛好。麵底係米粉加油麵，餸都好足料，有幾隻蜆，蝦同魚片，豆卜索晒啲湯好正！😋😋😋另外試埋佢既印尼炒飯，鑊氣都幾夠，而且份量都大碟，炒飯味道就偏甜少辣，仲有2串雞肉串燒同幾隻蝦，沙爹醬好惹味，有埋粗粒花生，食落幾有口感，雞肉串唔會燒得太乾，味道岩岩好，當然唔少得蛋同蝦片，食落好脆！套餐加$20可以有馬鈴薯蝦卷，但呢個比較普通，可能外皮馬鈴薯比較多，蝦就比較細隻，炸得比較乾身，不過加埋泰式甜酸醬可以中和一下。個餐本身有野飲，不過每次去食新加坡餐廳都會想試下美祿恐龍，貪佢夠邪惡，呢到杯美祿恐龍不過不失，如果面頭再多啲美祿粉就更加好喇！以lunch來講，性價比頗高，食物質素唔差，份量又夠，值得一試

今天來到太和站附近吃午飯，去了「果子」-星馬菜餐廳。之前有同事話食過都好ok, 所以我哋今日來吃吃。店內環境舒適，有靚靚嘅聖誕節佈置，餐牌上嘅午餐都好抵食。我哋點左兩份set lunch, 連飲品及小食。最快上枱嘅係海鮮喇唦掺掺，「掺掺」這個名字很有趣，原來是雜錦的意思。我哋呢碗掺掺係米粉同油面集合一齊，有唔同口感。海鮮方面有兩隻大蝦同埋有好幾粒蜆肉，都幾足料。另外仲有吸曬湯底嘅豆卜、魚片、蛋等等。湯底也合我哋口味，因為我哋怕辣，而佢只係少少辣，而喇唦嘅味道好濃郁而溫柔，我地差一些把所有湯底飲清。香茅豬扒飯都好好味，豬扒非常之林及入味，香茅味濃郁。太陽蛋亦都煎得好靚，送飯一流。小食方面我哋叫咗馬鈴薯炸蝦卷。薯絲捲着一隻蝦，炸得乾身。外邊薯絲非常脆口，入邊嘅蝦都好爽口。沙嗲雞肉串燒也好好味，雞肉幼滑，沙嗲醬汁香濃。飲品我哋點左一杯美綠恐龍，美綠粉脆卜卜好得意另外一個飲品係黑糖珍珠鮮奶。黑糖味道香甜，珍珠彈牙。滿足的午餐😊

天氣轉涼就想食下啲熱野，早排有朋友推介呢間餐廳俾我，今日就買個外賣試吓啦😋海鮮喇沙摻摻（走芽菜）餸方面有兩隻蝦，幾隻蜆，仲有豆卜、魚片、半隻熟蛋。蝦鮮甜爽口，有驚喜；蜆既份量好夠，唔會得兩隻唔夠喉；豆卜同魚片配喇沙湯底冇得彈；湯底少辣，重椰汁味，好啱我口味；唯一可改進既地方係麵既軟硬度。買外賣嘅時候麵同湯係分開，所以唔存在拎到返屋企湯浸淋左啲面嘅情況，而係本身啲面煮得太耐，入口太淋，希望可以改善一下👍🏻

一向鍾情Laksa嘅我 一直對Laksa念念不忘!😍適逢有聖誕假期，周圍發掘下lak沙嘅地方!竟然遠在天邊近在眼前，原來大埔有一間區內有名嘅，一問之下發覺老公竟然去過😡，好嬲呀！有好嘢竟然唔帶我去。入到黎仲見到好有聖誕氣氛大約下午4:00落嚟到呢度食，我以為呢個鐘數應該冇乜人啦，點知你會發現陸續有外賣生意啦同埋有客人入嚟食嘢。 一嚟到一定要食呢度嘅海鮮🦞叻沙摻摻 ，原來所謂嘅「摻摻」即係油面+米粉。好得意呀我第一次食😍 而且海鮮嘅份量多材料亦都多。椰香味好正，湯底夠濃郁🥰我就揀咗南乳雞翼再加豬扒叻沙摻摻🥰下午叫套餐，加多$15就有小食😋超級抵呀！ 我老公就加咗馬鈴薯炸蝦卷 +$20 ，呢一個係新鮮炸嘅！最想讚嘅就係呢度嘅飲品真係可以做到少甜少冰！仲要係大大杯，價錢又合理。我真心推介。