果子｜海南雞飯·喇沙摻摻 (啟昌樓) (已結業)

上星期同老公大埔踩單車，發現原來周圍都好多嘢食，所以今日專登過黎行街，然後再食飯。呢間餐廳門口餐牌好吸引，有老公鍾意食嘅海南雞，又有我鍾意食嘅軟殼蟹，另外又見到藍色嘅飯，好特別喎，咁我就入左去。餐廳個空間感都大，光猛得嚟又乾淨， 座位都算闊落，坐得舒服，旁邊仲有四幅好colorful嘅掛畫，感覺令人輕鬆。餐牌有好多嘢食，見到個價錢亦都非常之抵。198蚊嘅二人餐已經有兩款小食，一款沙律或菜，兩款主食，另外再有兩杯飲品㖭。小食有兩款，呢款係惹味沙爹牛肉串燒。牛肉軟熟，沙嗲汁帶花生味嘅香，好惹味。另一款小食係馬鈴薯炸蝦卷，咬落鬆脆，熱熱地，有馬鈴薯味道但食落又唔會太滯，蝦亦炸得剛好，唔會淋晒，幾好。我想食熱食，唔想食沙律，所以我就揀左馬拉盞炒通菜。菜份量都幾多，多過一般沙律菜喎。菜炒得青綠，食落爽口，有淡淡馬拉盞嘅鹹味，唔錯。老公好鍾意食雞，無骨海南雞係佢至愛。老公話份量足，油飯入口有淡淡油香，但唔會覺得太油膩。無骨海南雞肉嫩滑滑，有成四分一隻雞，配邊款醬汁都覺得好好食。另外呢個主食仲跟左碗湯，佢話鹹鹹地，呢個餐好原整。佢對呢個主菜嘅評價係above average，勁讚。另一款主菜我就揀左

I have never been to a Singaporean and Malaysian restaurant in Hong Kong with so much surprise like this shop did! A whole lobster in Laksa mixed noodles only cost $96! More, the size of food is KING size and two men just can’t finish all food on the table! The soft shell crab was so good, and the Laksa sauce was adjusted just right in taste. It wasn’t too salty nor spicy, but delicious enough. Overall environment was comfortable and price was the biggest point to highlight! Really worth a try!

其實香港有好少好味的新加坡菜經過大埔見到這間有藍色椰漿飯於是忍不住想試試這美麗的藍色飯因為兩個人食所以沒有點太多只點了三款食物和兩杯飲品軟殼蟹新加坡火山包$168新加坡旅遊節目都介紹火山包來新加坡🇸🇬餐廳又怎能錯過呢原來這就是頂頂大名的胡椒蟹的火山包火山包一到真是「嘩」一聲因為軟殼蟹大到非常狀觀整個包面都是軟殼蟹除了軟殼蟹還配以三個青口、蜆仔和一些蝦片軟殼蟹炸得很乾身不會吃到滿嘴油加埋包一口軟一口脆非常好食藍蝶花椰漿飯三餸（香茅豬扒、南乳雞翼、日式唐揚雞）$76這個椰漿飯可謂必點之選藍色的飯吸睛之餘配菜亦同樣豐富胃小的女士一餐都已經夠飽香茅豬扒份量不少炸到酥脆的非常有咬口南乳雞翼很入味不會死咸至於日式唐揚雞亦同樣乾身雞肉嫩滑不會太柴餐飲 杞子牛蒡茶$10想不到有餐廳會有牛蒡茶餐廳註寫牛蒡茶的功效能喝到這種明目養肝健脾益胃的飲品真難得星馬雙拼咖喱角$22咖喱角脆口雖然小小一個內面的餡料不少很有份量加上微辣的肉十分惹味一吃就上癮秋葵蝦沙律$58十分清新的一道菜蝦的數量雖然不多但勝在新鮮完全沒有雪味而且蝦腸亦經過處理至於秋葵爽口自己做的會很多連絲這裡不黏反而爽身沙律汁用了酸辣汁有少少咸味青檸

呢間餐廳係主打新加坡及馬來西亞菜，同朋友叫咗個二人晚市套餐（$198），見到新加坡火山包嘅圖片好吸引，所以都叫咗個咖喱牛腩火山包（$98）。咖喱牛腩火山包，賣相同圖片一樣吸引，麵包煎到好脆身，裝滿住香濃嘅咖喱，同肉質嫩滑嘅牛腩，色香味俱全！旁邊有脆脆嘅麵包粒可以點咖喱汁嚟食，仲配有牛油煎餅，$98有咁高質嘅質素真心唔錯！而且打卡一流！二人晚市套餐小食叫咗粟米墨魚餅同白雲酸辣鳳爪。粟米墨魚餅粟米味同墨魚味都算出，唔錯！白雲酸辣鳳爪調味酸酸辣辣非常開胃，推薦！菜就叫咗蒜蓉炒通菜，鑊氣夠，食落唔油膩，仲有好香濃嘅蒜蓉味，分量十足，係一個健康嘅選擇！主食就叫咗海南雞飯，海南雞肉質鮮嫩，油飯食落味道香又唔會好油膩，配送三個醬汁作為調味，有豉油、辣椒醬及薑蓉，可以根據自己口味作調味！整體來講好好食！另外一個主食叫咗香煎豬頸肉鮮蝦撈麵（油麵），豬頸肉煎到金黃色， 仲有配剝咗殼嘅鮮蝦，鮮蝦用蒜蓉調味再煎，食落相當香口！麵底下用豉油同蝦醬作為調味，食之前記住將佢哋撈勻，咁先會食到蝦醬嘅味道，調味上唔重口味，不過重口味的我覺得如果多啲蝦醬會再好食啲🤣飲品我哋都叫咗特色飲品，二人套餐附送$22或以下嘅飲品，

由沙田踩單車踩到去太和食呢間好多人推薦嘅星馬菜。6:00嚟到都已經開始好多人，建議大家早少少嚟攞位。一打開Menu就忍唔住「嘩！」左一聲，因為個價錢超級親民，同朋友即刻超級興奮，因為今次可以叫好多款食物share！ 軟殼蟹火山包OMG! $168係好抵食，個份量係超級大，除左軟殼蟹，佢仲有6-7舊蜆肉，3隻大蝦，3-4隻青口，個軟殼蟹炸得好香，帶微辣嘅香辣汁配埋啲蛋花，非常之配個包，都會好配白飯！十級推介！海南雞喇沙摻摻雞肉份量都好多，而且肉質都好滑。特別想讚叻沙個湯底，有椰香得來有少少辣，唔食得辣嘅人都可以放心食，個湯好飲到我一啖接一啖摻摻所以係油麵配米粉，所以食起上嚟口感都好特別。牛肉串燒（跟1人餐）+蝦餅跟餐可以揀一款小食，牛肉串燒有兩串，都燒得幾香。小肉骨茶（跟1人餐+$18）重藥材味得來有甜味，我非常之鍾意！如果想留肚食多啲其他小食嘅話，記得可以跟餐加$18食碗小嘅！整體來講我非常滿意，價錢好親民，而且好好味，服務態度又好，同屋企人或者朋友一齊嚟食，大家可以一齊share好多款食物！但係大家記得早啲嚟排隊，因為我食完嘅時候大約係7:00 ，門口已經好多人等緊。

同朋友做完gym去食，用個apps 訂位有折，食完之後發現唔用優惠仲抵好多，呢間餐廳主要食新加坡同馬來西亞菜。我揀肉骨茶， 兩位朋友揀喇沙摻摻肉骨茶配白飯個湯唔夠熱，舊肉鞋到不得了，好似咬緊香口膠，油炸鬼（油條）唔脆，仲要淋。個湯唔濃味，小編第一次飲呢類藥材肉骨茶，都覺得好淡味，藥材味太薄弱，白飯正常。整體來講，對我而言覺得係伏，用apps訂位要加一，app專用餐牌都幾多限制，相反walk in就唔洗加一，好奇怪😂。可能我唔好彩揀中伏野，其他食物可能比較出色啲掛。應該唔會再食。唔知點解d人讚到超好食

餐廳位於太和，由火車站行過去都係大約十分鐘左右，都算方便，餐廳唔算好大間，不過座位都設置隔板，所以都好安全。晚餐時間，已經有好多人等緊，睇到餐廳都幾受歡迎。餐廳餐牌好多選擇，好多款式可以俾大家揀。千挑萬選下，揀左以下呢幾款：海南雞飯海南雞飯可以揀油飯或者白飯，咁我健康d，揀左白飯，一樣咁滋味。海南雞份量好足，而且又嫩又滑，加上秘製醬汁，一流咖哩軟殼蟹火山包淨係聽個名都感覺到個氣勢，咖哩好香，呢隻係唔辣咖哩，軟殼蟹炸得好酥脆，加埋咖哩汁，好味沙嗲雞肉串燒個雞肉串燒味道都好好味，雞肉又滑又多汁，燒得好香馬拉盞通菜通菜好嫩，加埋馬拉盞炒，辣辣地，惹味又好味整體食物質素好好，價錢又唔貴，性價比高！

近年行山踩單車已經成為大部人週末嘅日常活動，我地今日就入咗沙田再踩到入大埔，傍晚時分係大埔中心附近還車後就諗住食埋晚飯先返屋企。經過「果子」睇咗一陣門口嘅餐牌，就俾佢嘅新加坡火山包吸引住啦，坐低之後發現無論係晚市一人定二人餐都好抵食👍🏻新加坡火山包有3款食材俾你揀，識食嘅我就梗係揀軟殼蟹火山包，一上台就俾佢嘅份量所震懾，完全係igable 嘅菜式📷除咗軟殼蟹之外，仲有大量嘅蜆、青口同蝦，秘製嘅醬汁似微辣中帶點甜嘅咖哩汁，都幾惹味😋晚市二人餐有兩款價位，我哋今日就揀咗$198個款，套餐已經包左兩款小食、一款蔬菜、兩款主食同兩杯$22以下嘅特飲，性價比勁高🤩淨係主食都有成17款俾你揀，花多眼亂下我哋揀咗一款撈麵同必試嘅特色椰漿飯。椰漿飯係用碟豆花水煮成所以帶天然嘅藍色加上淡淡嘅椰香，香而不膩，仲啱哂打卡達人，南乳雞翼夠入味而香茅豬扒份量足，加埋香蔥油簡直係錦上添花。

大埔一向都多好野食，今次揀左依間比較新既cafe,門面乾淨舒適，估唔到係食東南亞菜為主嘅cafe,排隊等咗三個字好快有得入去坐喇，入面都比我想像中多位。《海鮮喇沙摻摻》喇沙湯底帶着濃郁嘅椰香，奶白色既湯夾雜住少量紅紅既油，不過放心佢唔係好辣，因為有海鮮嘅關係，湯底再帶有鮮甜味；至於蝦都彈牙唔會好梅，蜆新鮮鮮甜，仲有我最鍾意既豆卜同魚片，充滿喇沙湯底嘅精華；「摻摻」意思係米粉加油麵，食起上黎更有口感層次，推介。《南乳雞翼撈麵》南乳雞翼炸得好香口，佢哋唔係粉好重嗰種炸槳，雞翼帶着淡淡南乳香，又唔會話太過搶味，撈麵係油麵底，唔會淥到好唸，加埋青瓜絲同芽菜，更有口感。依間cafe比我想像中多選擇有質素，佢嘅咖喱火山包、飯類同埋甜品我下次一定會黎試，值得Encore!!

一直很慶幸自己住在大埔，有很多不同類型的小店餐廳選擇。知道果子是吃東南亞菜，我是東南亞菜的粉絲，就看看這裏的水準。打開餐牌，發現這裏是混合了不同東南亞菜，有新加坡菜、印尼菜、馬來西亞系列、也有一些比較接近泰菜。我覺得一定要試的是藍蝶花椰漿飯，藍色的飯外型特別，可配合自選配料，我選的是雞翼和牛肉串燒，我覺得這類燒物和炸物是這間店比較出色的。這裏的晚市套餐也很抵食，點了一碗海皇海鮮喇沙摻摻，配一個小食，再加一杯飲品，都只是80多元而已，小食的份量也不少，春卷炸得剛好，而喇沙湯底味道非常好，有油面和米粉雙拼，湯底吃過也不口乾，證明真材實料，沒有太多味精。也點了一個小菜，星洲黑胡椒粉絲蝦煲，是我喜歡香口和黑椒辣。跟餐的飲品可以選特色飲料，無論是檸檬薏米水還是熱杞子牛蒡茶，都不馬虎，配料很足份量也大！簡簡單單的一個晚餐，收費非常合理！下一次我要試海南雞飯，單看外貌好像也挺不錯呢。

又黎到大埔搵好野食☺️今次發掘一間又平又好味嘅人氣新加坡菜👍喺門口已經見到好多人在排隊,好彩我哋只係排咗5至10分鐘就可以入去🥳食物選擇類型很多,價錢平民又好食真係值得一讚🙆‍♀️牛肉喇沙摻摻⭐️配料有牛肉,魚片頭,雞蛋,豆腐卜等等...喇沙湯底十分濃郁甜甜辣辣好過癮,而且摻摻原來係米粉加粗麵很特別的食法令人一試難忘很推介😋香辣魚餅⭐️魚餅口感彈牙裏面有很多香料味道豐富!沙嗲雞肉串燒⭐️沙嗲是靈魂😌雞肉肉質嫩滑令人食不停口!軟殼蟹火山包⭐️分量足夠三人食用很飽肚,而且呢個性價比很高只需$168😋滿滿嘅海鮮有軟殼蟹,青口,大蝦,蜆...令人很滿足!而且麵包吸晒咖喱汁這個配搭好好味!八寶芋圓⭐️呢個真係值得一試😋配料很豐富有芋圓,珍珠,薏米,紅豆蓉全部口感煙煙韌韌好特別!黑糖珍珠奶茶⭐️

而家落大埔通常都會過太和村呢邊食嘢，因為實在開了很多餐廳，各式形式，不同地方的菜式也有，選擇較多，今日就來食這個馬來西亞菜，先叫了一個$198二人套餐，套餐非常豐富，有小食二款，一個菜或沙律類的食物，再加兩個主菜及兩杯飲品，二人份量，非常非常足夠，而且這個套餐每一類食物也有很多選擇提供給客人挑選，一定不會揀不到心水食物吧，不過見到餐牌上有軟殻蟹火山包很吸引，故此也叫了一個🤣先介紹個二人餐吧：小食馬鈴薯炸蝦卷及沙嗲牛肉串燒：因為好奇所以叫了一個馬鈴薯炸蝦卷，外型有些似酒樓點心的炸蘿蔔絲，相信表面一條條香脆的應該是用了馬鈴薯去做吧，內裏包着一隻蝦，外皮很脆、很香，蝦肉也新鮮。食沙嗲串燒最重要是醬汁，這裏也不錯，沙嗲醬汁又多又香，沾上牛肉食，味道👍。菜蔬類叫了一個馬拉盞炒生菜，也不用多說了，看圖便知，有圖有真相，生菜非常新鮮嫩綠，還有蝦乾，用煲仔上菜keep住熱到，我最欣賞這道菜。主菜叫了無骨海南雞飯，及豬扒南乳雞翼椰漿飯：海南雞飯，食馬來西亞菜，相信也是大路的菜式吧，這裏的海南雞飯是無骨的，餐廳把海南雞飯的雞骨去得十分徹底，乾淨俐落，入口啖啖肉，配上雞油飯，只能用兩個字形容：「好食」🤣豬扒

今日行過太和，俾一間餐廳吸引住左，抱住一試既心態入去，點知有驚喜去到既時間大約係6點幾，吾算太多客人，內裡裝修環境新淨，d位又坐得舒服，係一個食飯傾計既好地方餐牌上既野食都好吸引，由於肚餓既關係，打算叫多幾樣，大飽口腹先上呢個新加坡大蝦火山包，一上枱已經聞到好香，蝦，靑口都好鮮，而且索晒d汁，有少少辣，真係好惹味，再點埋面包食，超級夾而且用料十足，d海鮮好似食極都仲有咁呢個雜錦串燒，份量剛剛好，燒得好香，豬頸肉好彈牙，食完都吾會有好滯既感覺點少得我最愛既海南雞飯，驚太飽所以簡左白飯。雞肉一食落去十分嫩滑，雞皮亦吾會太肥，我可以成舊食晒，再配埋醬料，又係食到停吾到口海皇海鮮喇沙摻摻，即係油面加米粉，兩者配合得好好，連埋湯一齊食，有說不出的滿足。湯底充滿椰香味道，吾會太辣，十分岩我胃口飲品點左我最鐘意既美綠恐龍，飲到底杯野飲依然好夠味今晚呢餐食得好滿足，下次一定會再幫襯

好少會來到大埔呢邊搵食，今日咁岩經開因為好餓既關係，是但搵左依間cafe食。其實係比張poster吸引到，藍色既椰漿飯會係咩味既呢。一於叫呢個咁吸精既藍蝶花椰漿飯先！野食來到，賣相又確係幾靚，飯係有好重既椰香味亦唔係太油。其他既配菜就普普通通，d雞翼呀豬扒都香口既，花生反而太少。另外又叫左個豬頸肉蝦撈面，d豬頸肉係爽口，咬落去q彈；撈麵d油麵，都沒鹼水味個汁醒胃既。最後提一提間餐廳d野都好大份，一定食得飽！

今日星期日想食啲特式小食，見到呢間係新加坡菜式餐廳，於是就同朋友一齊食晚飯。間餐廳環境寬敞，明亮，座位大，坐落去舒服。店員服務好，講解下有咩野食推介。一打開餐牌，就比左個藍色飯吸引住，呢個要叫～除左之外，都有唔少特色野食，喇沙麵，海南雞，仲有啲可口小食，同特飲。我地叫左兩人套餐，價錢好吸引！事不宜遲，醫下肚仔先，見到野食麵流晒口水！三餸藍碟花椰漿飯好食指數：9/10淨係睇到碟餸，賣相好靚，好大好豐富呀！有雞翼，雞扒，豬扒，蝦片，花生，雞蛋，當然唔少主角藍碟花椰汁飯啦！肉汁鮮嫩，蝦片鬆脆，飯粒粒分明，軟硬適中，伴隨椰香味，非常好食！馬拉盞炒通菜好食指數：10/10可以講大家一家要試，真係炒得好香，炒到好爽脆鮮甜，啲菜完全唔會覺得老！肉骨茶煲配白飯好食指數：9/10同其他肉骨茶唔同，呢個胡椒味唔重，反而藥味比較重，好好飲，啲排骨唔會難，煮得岩岩好。香煎豬頸肉喇沙摻摻好食指數：9/10啲汁好香椰汁味，最緊要係麵底，係油麵加米粉，兩種配搭得非常出色，又滑又幼，豬頸肉唔會硬，煎得黎好香。小食：沙爹豬肉及雞肉串香脆吉列蝦好食指數：8/10沙爹汁非常飽滿，非常之入味，蝦炸到非常可口。好香脆！特飲：薄