影片
更多
2021-05-01
828 瀏覽
上星期同老公大埔踩單車，發現原來周圍都好多嘢食，所以今日專登過黎行街，然後再食飯。呢間餐廳門口餐牌好吸引，有老公鍾意食嘅海南雞，又有我鍾意食嘅軟殼蟹，另外又見到藍色嘅飯，好特別喎，咁我就入左去。餐廳個空間感都大，光猛得嚟又乾淨， 座位都算闊落，坐得舒服，旁邊仲有四幅好colorful嘅掛畫，感覺令人輕鬆。餐牌有好多嘢食，見到個價錢亦都非常之抵。198蚊嘅二人餐已經有兩款小食，一款沙律或菜，兩款主食，另外再有兩杯飲品㖭。小食有兩款，呢款係惹味沙爹牛肉串燒。牛肉軟熟，沙嗲汁帶花生味嘅香，好惹味。另一款小食係馬鈴薯炸蝦卷，咬落鬆脆，熱熱地，有馬鈴薯味道但食落又唔會太滯，蝦亦炸得剛好，唔會淋晒，幾好。我想食熱食，唔想食沙律，所以我就揀左馬拉盞炒通菜。菜份量都幾多，多過一般沙律菜喎。菜炒得青綠，食落爽口，有淡淡馬拉盞嘅鹹味，唔錯。老公好鍾意食雞，無骨海南雞係佢至愛。老公話份量足，油飯入口有淡淡油香，但唔會覺得太油膩。無骨海南雞肉嫩滑滑，有成四分一隻雞，配邊款醬汁都覺得好好食。另外呢個主食仲跟左碗湯，佢話鹹鹹地，呢個餐好原整。佢對呢個主菜嘅評價係above average，勁讚。另一款主菜我就揀左
呢間餐廳門口餐牌好吸引，有老公鍾意食嘅海南雞，又有我鍾意食嘅軟殼蟹，另外又見到藍色嘅飯，好特別喎，咁我就入左去。
餐廳個空間感都大，光猛得嚟又乾淨， 座位都算闊落，坐得舒服，旁邊仲有四幅好colorful嘅掛畫，感覺令人輕鬆。
餐牌有好多嘢食，見到個價錢亦都非常之抵。198蚊嘅二人餐已經有兩款小食，一款沙律或菜，兩款主食，另外再有兩杯飲品㖭。
小食有兩款，呢款係惹味沙爹牛肉串燒。牛肉軟熟，沙嗲汁帶花生味嘅香，好惹味。
另一款小食係馬鈴薯炸蝦卷，咬落鬆脆，熱熱地，有馬鈴薯味道但食落又唔會太滯，蝦亦炸得剛好，唔會淋晒，幾好。
我想食熱食，唔想食沙律，所以我就揀左馬拉盞炒通菜。菜份量都幾多，多過一般沙律菜喎。菜炒得青綠，食落爽口，有淡淡馬拉盞嘅鹹味，唔錯。
老公好鍾意食雞，無骨海南雞係佢至愛。老公話份量足，油飯入口有淡淡油香，但唔會覺得太油膩。無骨海南雞肉嫩滑滑，有成四分一隻雞，配邊款醬汁都覺得好好食。另外呢個主食仲跟左碗湯，佢話鹹鹹地，呢個餐好原整。佢對呢個主菜嘅評價係above average，勁讚。
另一款主菜我就揀左香茅豬扒拼南乳雞翼椰漿飯，呢個飯嘅賣相好靚，藍色嘅飯係藍蝶花椰漿飯，好特別。入口有淡淡嘅椰漿味道，唔會太濃，小小甜味。香茅豬扒配埋上面d蔥油一齊食，好香，豬扒軟熟。雞翼南乳味道較濃，煎得好香。飯旁邊仲配左蝦片，鹵蛋，青瓜，花生，同埋江仔魚。呢個主菜整體樣樣有d，樣子吸引，口感豐富，我都幾喜歡。
老公知道我鍾意食軟殼蟹，所以再叫咗個新加坡軟殼蟹火山包。黎嘅時候，職員就叫我哋呢個要趁熱食。既然咁樣講，我哋梗係即刻食啦。軟殼蟹大大隻，入口脆脆，鹹味剛好。火山包裏面仲有三隻大蝦，兩隻青口，旁邊仲有一啲蜆仔，份量十足，真係好多嘢食。麵包焗得好脆，點埋旁邊嗰啲咖哩汁，帶少少辣味，惹味得黎勁好食。
食馬拉菜，當然要揀番杯馬拉特色飲品。我揀咗杯美祿恐龍，甜味剛剛好，飲落滿口美祿味道，我就好like。老公就叫咗杯黑糖珍珠奶茶，佢話甜甜地，珍珠煙煙靭靭，幾好。
張貼
