果子｜海南雞飯·喇沙摻摻 (啟昌樓) (已結業)

成日出街食飯都唔知食乜好，係大埔區朋友推介之下我就決定尼食依間餐廳。佢位於大埔同太和中間，由太和行過尼會近啲。門面好易認，入到去環境整齊，座位都幾舒服同寬闊，室內佈置都有少少南亞馬拉感覺。不過可能天氣熱有一兩隻飛左入餐廳入面。我同朋友一行兩個人就叫左兩款特色菜式，第一款係軟殼蟹火山包侍應一送到嚟我即刻嘩左一聲，初初以為會普通細細個咁，點知係份量充足而且新鮮熱辣，侍應都提醒我地要盡快食用，因為麵包會係咁吸收啲漿汁，口感會變差。的確如此，雖然我哋已經好努力，但係都食得唔夠快，麵包吸滿左漿汁之後不但口感差左而且會有啲咸，但係海鮮同軟殼蟹就唔錯啦，份量多味道都唔錯。咁我哋另外點左一份二人套餐而我地選擇咗魚餅、雞肉串燒、豬頸肉沙律、海鮮摻摻同豬扒雞翼棷漿飯。而棷漿飯最特別，由於餐廳加左蝶豆花落去所以顏色有別於一般嘅棷漿飯，變咗做藍色味道就同一般棷漿飯一樣，不過真係粒粒飯都係藍色，唔係只有表面係。套餐都包左兩杯飲品如果多啲人會仲好可以叫多啲野食。見到好多一家大細尼食

曾經去過新加坡讀書 有時都好鬼掛住果面既野食現家去唔到旅行 只好在港尋找下家鄉味道啦🥳又點可以唔食佢個招牌菜呢～新加坡辣椒軟殼蟹火山包睇相都比佢深深吸引住呀❤️實物大到真係比佢嚇親 好鐘意辣蟹汁 用黎點面包好正 本身以為淨係得軟殼蟹 點知揭開 仲有青口、蜆同蝦 好驚喜完全係海鮮火山包🤪同埋包既分量都好大 兩個人食 食完可以唔洗再食其他野真係🤣🤣新加坡又點會無肉骨茶煲呢度提供1-2人份量同埋3-4人份量 今次我就選左1-2人份量 但都好大份肉骨茶有好濃藥材味 同埋肉排好軟身 沾埋甜醬油 無得頂呀！之前在新加坡食過星洲麥皮蝦 一試難忘但香港好少地方有得食 所以二話不說就選左佢麥皮甜甜地 蝦好彈牙 食食下不知不覺食左成碟麥皮馬拉盞炒通菜因為用左個鍋上 所以保持溫度保持得好好 食到最後都keep 到溫度 特別一提 店員好細心 上菜時不停提我地小心燙到❤️平時出外成日飲埋奶茶咖啡多 其實唔太健康呢度提供檸檬薏米水 好健康 同埋好鐘意有好多薏米 岩曬貪靚想美白既女仔 因為太飽 所以藍碟花飯要留返下次過嚟試❤️❤️❤️好鐘意店內簡潔裝修

當日，同朋友到大埔踩單車，之後就係附近見到依間餐廳。裝修簡約明亮，坐落幾舒服。海南雞飯同不少東南亞餐廳一樣，其中一樣主打海南雞。味道係幾有鮮味，而且肉質都細嫩，唯獨是唔算太有特色，整體係好味既。軟殼蟹火山包店員極力推介，份量好足，軟殼蟹點少少咖哩汁食，係好惹味，而且唔多地方食到，係有驚喜既。其他配搭既蜆仔同蝦味道就不過不失，算係一個幾好既bonus海皇海鮮叻沙食完泰式火山包，又黎返一道星馬菜，個湯頭香濃，配料都好豐富，不過份量唔細的。貞都試左幾道小食，味道係唔錯既，特別鐘意佢個春卷，好香脆，一人一舊有少少唔夠喉!整體菜單豐富，水汁亦唔錯，食物質素幾平均的，可以一試呢。

大埔的朋友帶我去食一間叫果子的星馬菜。其實店舖的冷氣不算很冷，因為它放置了幾部風扇，利用增加空氣對流，是室內跟室外的溫差不會相距太大，而且令客人更覺舒適。無骨走地海南雞飯，最岩不想吮雞骨的我，雞肉非常之嫩滑而且脂肪比例比較少，連皮一齊食多少罪惡感。三色醬料是雞飯必有的，他的青瓜小食如果可以多一些會更好。我點的是雞油飯，但是我覺得好像不似，飯質大軟，顏色軟深色，但是味道是可以的。但是他另外附送的湯，完全冇味，可以全部放棄。她本身是食素的，所以點了豬頸肉喇沙摻摻，就把豬頸肉夾給我吃。摻摻油麵加米粉，兩種不同的麵質吸收了喇沙的精華，非常好味。另外我們可以加錢換小食。絲網春卷，一碟兩件非常酥脆，而且是素食的，朋友說他們一次來都會點這個。森巴醬通菜，森巴將原來是會有蝦米等等的原料做的，點了朋友才告訴我，這碟菜只有我享用。凍紅豆奶茶，天氣太熱，她很喜歡喝紅豆奶茶，等飲品來到才開動。鮮檸天葵梳打，我在飲品menu上看了一遍又一遍，終於找到一杯酸酸甜甜有氣的鮮檸天葵梳打，飲完即刻鬆哂。和朋友暢談一個下午，之後她帶我逛了大埔一個小圈，其實大埔真係很多美食店，下次可以再發掘一下。滿分為10分(1分最低，1

今天來到大埔尋找美食，火車站大約7分鐘就找到這間餐廳「香茅椰汁煮蜆」超多蜆肉，整碗也是滿滿的蜆肉，一點也不吝嗇，蜆肉也不會不新鮮湯底是香茅湯，有點像冬陰公，加上香甜椰汁，味道幾特別創新。「肉骨茶」1-2人份量肉骨茶很足料，有金菇雞蛋和大大嚿豬肉！兩個人飲好飽！「恐龍美禄」這餐晚飯當中，最喜歡的可算是杯飲品，美祿粉超多，味道超濃郁！而且還在上面鋪上很 美祿粉，簡直是物超所值！朱古力控至愛！「鰻魚蛋包飯」這個飯足足有一整條鰻魚，大大條，肥大肉厚，啖啖肉，很抵食！鰻魚汁也算多，蛋都幾滑加咗少少錢要一碟雜菜，雜菜份量非常之多，有生菜娃娃菜，底部還有我最喜歡的芽菜，芽菜的份量極多，大愛😍😍😍😍😍

放連假就約左朋友一齊食果子Life café，之前都食過一兩次。勝在選擇多，乾淨企理，性價比都幾高。今次試左咖哩牛腩火山包外型相當吸引，大大個法包裝住熱辣辣嘅咖哩牛腩。麵包頂超級香脆，旁邊仲有軟熟嘅薄餅，點埋咖哩汁食真係一流，而裝住咖哩牛腩嘅麵包已經吸哂咖哩汁，每啖都好香。而咖哩牛腩料好足，有少少筋而且燘得夠腍，香滑，份量多。都好抵食！而小食併盤有南乳雞翼，春卷，香辣魚餅同吉列炸蝦。南乳雞翼唔算好重味，肉質都唔錯；春卷新鮮炸起，好夠脆。吉列炸蝦正常。香辣魚餅幾特別，撈埋D青辣椒，多左口感之餘，辣辣地，唔會好膩。而串燒併盤，豬牛雞各兩串， 豬頸肉一份，串燒都好入味。最鍾意面頭嘅醬，味道濃郁有花生碎嘅咬口，好好食。 豬頸肉薄切，燒至乾身，好香口，肉質都幾好~海皇海鮮喇沙摻摻色香味俱全。濃郁嘅喇沙湯底，香濃而不嗆喉，絕對係餐廳嘅代表菜式！！海鮮都好鮮甜。有帆立貝，大蝦，青口，蜆等等，食落都唔會有沙。飲品叫左ice latte同薄荷朱古力，都好多選擇！

去唔到旅行就要去唔同餐廳食下，想像自己去左當地品嘗美食。今日黎到大埔附近，見到依間有得食馬來西亞菜，就比佢吸引左入去。軟殼蟹火山包係menu嘅第一版，見到佢張相就比佢吸引左，上菜嘅時候就覺得外觀好靚，好適合打卡。佢嘅麵包食落好鬆軟同有少少脆，佢外面係蛋花咖喱汁，食落唔會太辣，而鹹度適中，可以當成醬咁點黎同包一齊食。佢表面有一隻軟殼蟹，佢食落好好味，炸到好酥脆，除左軟殼蟹，佢仲有好多海鮮，包括青口、海蝦等，食落非常豐富同好味。兩餸藍蝶花椰漿飯有唔同餸可以揀，今次揀左咖喱牛腩同日式唐揚雞，牛腩食落幾淋，而唐揚雞大小適中。除左兩樣餸，佢仲有好多配料，包括蝦片同江魚仔，蝦片食落好脆，同平時食開差唔多，而江魚仔食落幾似鹹魚，配上飯係一流。平時蝶豆花多數都係飲品出現，但加係飯就比較少見，椰漿飯食落好好味，椰漿味非常濃。串燒拼盤嘅材料都有好多，有牛豬雞串燒，仲有大量豬頸肉，真心幾值食。串燒食落幾正，燒得啱啱好，面頭有咖喱汁，最鍾意食牛肉串燒，牛肉味好濃。豬頸肉食落非常爽口，點上泰式辣醬就一流。鮮檸天葵梳打同青檸香橙梳打嘅配搭都唔係常見，但兩杯飲落都唔錯。本身唔知咩係天葵，原來佢有清熱嘅功效，天葵同檸

今天和媽媽去到太和食呢個星馬泰嘅菜式, 我哋一出火車站， 行一陣就到喇。我媽媽就點做呢杯焦糖珍珠奶茶， 珍珠好煙韌，好 彈牙，好好飲。我點咗呢杯熱嘅紅豆薏米水， 好養生，甜到啱啱好， 唔會太甜。豬頸肉沙律都好好食，豬頸肉好脆口，燒得啱啱好， 沙律都好新鮮， 配合豬頸肉一齊食， 口感好清爽，好開胃。無骨海南走地雞飯，走地雞好新鮮，好香滑，肉質非常爽口，雞皮都好滑，食得出用料上盛。 油飯都好香口，忍唔住要食多幾碗。軟殼蟹火山包， 賣相非常之靚， 軟殼蟹都好大隻，亦都炸得好香脆，好彈牙，好有肉質。軟殼蟹嘅底下，有青口， 有蝦 ，有蜆肉， 用料非常豐富，好新鮮， 麵包好香軟，配上咖哩同海鮮一齊食用 ，好特別。海鮮冬陰海鮮煲，有蝦， 青口 ，蜆肉， 香濃嘅冬陰功湯底，非常之好味， 海鮮都好新鮮。

太和不嬲多小店林立，果子位於大馬路邊。餐牌一黎就係好大個農夫包。軟殼蟹農夫包：蟹炸到好似天婦羅一樣咁香脆，令人驚喜既位係有幾隻大蝦+青口，伴碟都有蜆肉。海鮮彈牙路不霉口，$168絕對抵食。但如果個汁可以濃厚少少就會更好巨型自肥炸彈😌牛肉+雞肉串燒，雞肉比較出色，肉質無得輸，而醬汁咸度很剛好，火氣十足。其中最值得一讚既就係無骨鳳爪沙律🥗大大件既沙律絕不欺場，重點菜唔會黃，酸甜既醬汁加上小番茄，呢道冷盆夏天食更加清爽怡人。海南雞飯：雞肉滑嫩又細緻，跟埋三色醬一齊食好正宗，油飯係行健康路線唔會話好油。豬頸肉摻摻：呢道菜絕對係高潮，已經想encore，湯底濃厚既Laksa湯底+椰漿，好有層次感，雞蛋、魚片頭、豆卜、豬頸肉、豆芽都係配角。入面有米粉+油面，一次滿足曬兩個願望，米粉爽口+油面細滑，兩者配合得好完美🥰$198二人餐包自選小食+兩份自選主菜+兩杯飲品，食到捧住肚走😳下次決定試下外賣🥡

太和係成日來嘅地方🤣🤣今日做完嘢就同骨友來呢間試食啦！一睇到個餐牌就俾藍色嘅飯吸引咗！原來係藍蝶花椰漿飯😆😆😆佢仲配有三款餸，即刻試試佢先！餸菜方面簡咗牛串燒，豬串！再加埋雞翼！每款醬汁都好濃厚！沙嗲味重，仲要食到有花生碎！肉質彈牙，食落口啖啖肉味！最欣賞個飯！藍得來好靚😆😆當然椰漿味好夠，夠香！蝦卷+春卷😆兩樣都好香口！蝦卷口感實淨，彈牙！而且炸至金黃色～春卷內餡係芋泥！記得要點醬先好食啊！大大份軟殼蟹火山包一上到來真係嚇親，估唔到咁大份！原隻軟殼蟹沾滿咖喱醬！包焗至脆口！而且有撈埋碎蛋～口感Creamy！除咗軟殼蟹之外仲有青口 ，蜆同大蝦！名符其實嘅海鮮宴😆馬拉盞通菜！每次去食新加坡或泰國嘢都必點！炒得剛好唔會太林！而且有啲炸蒜喺面，增加口感最後飲返杯恐龍美碌！飽曬！上面嘅粉末有粗質嘅口感！有種去咗旅行嘅感覺！

自己同屋企人都鐘意食食加坡野海南雞喇沙沙嗲牛肉串係雜誌見到呢間餐廳，又近屋企，一於試下見到雜誌推介主打菜式：去骨海南雞飯、藍碟花椰醬飯、喇沙摻摻、馬拉盞通菜本身諗住食海鮮喇沙摻摻但係未試過藍蝶花椰漿飯所以最後都係決定試吓藍蝶花藍蝶花椰醬飯可以自選配料兩餸$69三餸$76我揀左南乳雞翼同香茅豬排個飯本身有好濃郁嘅椰香味鐘意食椰醬飯嘅朋友一定要試下份量足夠 而且抵食屋企人揀左另一款招牌菜無骨海南雞飯$86飯可以揀油飯/白飯海南雞套餐配左湯、小食同野飲本身好皆雞肉會好鞋身但入口超級嫩滑雞肉新鮮果然係招牌菜小食：香脆吉列蝦馬拉盞炒通菜$50最鐘意食炒通菜可以揀馬拉盞或者蒜蓉唔會太油太咸串燒拼盤$86有豬頸肉、沙嗲牛肉雞肉豬肉各兩串沙嗲醬好好味

今日喺大埔玩完就嚟到呢間餐廳食飯😛🔖 藍蝶花椰漿飯💰76呢個飯真係好少見🤩椰香味好濃郁🥥餸方面我哋揀咗南乳雞翼、惹味沙嗲牛肉串燒同香煎豬頸肉😛全部都好香口😌另外仲有蝦片、魚乾仔、花生同滷蛋，足料😙💫推薦指數: 7.5/10🔖海皇海鮮喇沙摻摻💰88喇沙湯底帶著淡淡嘅椰香味，非常惹味~配料方面有豆卜、魚片、蟹柳、帆立貝、大蝦、青口同蜆🤗全部都索哂啲湯汁，好好味啊🤤摻摻代表咗米粉同油麵，夾雜住一齊食口感好豐富🙌🏼💫推薦指數: 9/10🔖清湯雜菜煲💰~50-60 (忘記了🙈)入面有娃娃菜、生菜同金菇菜🥬份量都幾多㗎😋味道清甜😇💫推薦指數: 8/10🔖凍檸檬薏米水💰8 (套餐加配價)充滿住檸檬嘅清新味，有超多薏米😄女仔嗌呢個都唔錯㗎💃🏼💫推薦指數: 8.5/10🔖芒果梳打💰12 (套餐加配價)芒果嘅香甜味加埋清爽嘅梳打，咁熱嘅天氣飲好正啊☀️💫推薦指數: 7.5/10

經過呢間馬來西亞菜餐廳,見到餐牌相當吸引,選擇非常多,而且價錢親民,於是入去食個晚餐！大大張餐牌放置門外,相信一定是該店主打食物吧！點了個經濟二人晚市小菜套餐$218, 套餐包📌菜/沙律(一款)📌小菜(一款)📌主食(一款)📌飲品(二杯$22或以下)選了口感清脆唐生菜,以馬拉盞醬清炒,好惹味！小菜點了無骨海南雞(半隻)配白飯。絕非取巧,雞嫩肉滑無骨,零油脂,點上黑醬油增加香甜,秘制橙醬就惹味開胃,而自制薑蓉就保持傳統風味！香茅豬扒拼南乳雞翼椰漿飯椰漿米飯粒粒分明,充滿椰香味外,來自藍蝶花的天然色素有助抗氧化、紓壓瘦身等等功效又增加米飯美感,非常吸引。伴住椰漿飯一齊上碟的還有鹹香江魚仔,鬆脆花生、香茅豬扒、南乳雞翼、青瓜、蝦片和滷蛋。材料豐富、各有口感,連一向不容易接受新事物的媽媽都覺得有驚喜！餐飲以補差價：加$2轉飲安神養心、補血益脾的熱桂圓紅棗茶;加$4轉飲Q彈黑珍珠配獨特黑糖的熱黑糖珍珠奶茶！二人晚市小菜套餐份量充足,非常飽肚,但見到隔離的絲網春卷炸到金黃色,十分香脆,忍不住也點了一份！點上甜酸醬汁,脆而不膩！此店食物够正宗有水準,服務員態度也很好。除了多客人堂食客外,外賣亦不少！

我一個人，先入餐廳，被安排厠所門口的位置。我立刻反映要求換檯，餐廳員工話檯已滿，暫時不能安排。不久，剛好有張吉檯，我立刻向同一位員工要求換檯，員工收到我的要求，已經立刻同餐廳較高級的同事反映，該高級員工未有回覆。我等了幾分鐘，仍然未有收到餐廳員工安排換檯， 怎料餐廳來了新客人刞，是一個人，和我一樣情況，就即刻被安排咗我原本要坐嘅檯。當時我立刻同一個員工反映我的不滿，該員工說現在冇位了，又或者可能要向高級職員申請，所以我放棄了。

我份人最鍾意試特別野，就算星馬菜揀 d新野試😎.🟥香茅椰汁煮蜆🟧呢味餸係肥 pat先生走去問侍應👷:靚女你覺得喇沙煮藍青口vs椰汁煮蜆好食 d呀？👩:椰汁啦清 d突顯到蜆的鮮味一見到呢個餸點解個汁水汪汪咁，但如果你唔好當椰汁，但當係椰子湯蜆成件事就好夾，因為椰湯清甜，蜆肉又多又鮮甜，互相輝映☺仲送碗飯，撈湯好正.🟨森巴醬通菜🟩森巴醬係馬拉特式醬汁，大部分娘惹菜都有落，味道有 d似蒜味xo醬，甜得黎帶點點辣，好過平時次次食馬拉盞通菜嘛😆.✨✨特別推介✨✨🟦新加坡軟殼蟹火山包🟪一見到 D黃色汁湧出黎好震憾，但我俾佢呃咗以為係咖喱汁~原來唔係！😂係似茄汁蝦湯的味道，甜甜但帶輕微的辣，配熱辣辣脆口鬆化的農夫包食到停不了口。而且好多海鮮，手掌大的軟殼，再加蝦/青口/蜆，大大隻非常豐富。.