松記士多-海鮮及私房菜

營業中

休息中

而家好多人喜歡去郊外行吓又食吓嘢，咁係沙頭角雞谷樹下沿住海岸行約一小時去到谷埔有間叫松記士多，假日好多人，地道客家菜，海鮮小菜都有，價錢當然貴少少，不過坐係門外睇住開揚一片蘆葦草已經值回，吃乜好，我推薦煎蠔餅和自家菜，全部自己種和海捕

天氣轉涼，行入鹿頸路上，人頭攢動，約一個小時到了谷埔松記，時間大約下午一時左右，已經座無虛席了，我們三人坐在路旁，雖然人來人往，但附送無敵大海景😁這𥚃專造客家菜，所以點了客家醋鴨，鴨肉嫰滑美味，配上一小碟特色醬汁，酸味醒胃，鴨肉沾了醬汁，酸甜有致，消解鴨肉的肥膩，難怪年輕人食到唔停口，邊食邊讚好味煎蠔餅，夠胆收$120，果然有料到，名符其實是煎的，一點也不油膩，得😋不一般的豉油王炒麵👍炒芥蘭，落重薑汁，不錯👍三個人食了$380，夠哂飽，食完慢慢行出去搭車走，幫助消化

我們一行六人女團，真的很難得於週末驅車郊遊，享受美食。我們由發記士多出發，步行約1小時，沿途風光明媚、海天一色，遠眺沙頭角邊境，傾下講下，好不容易就到達松記私房菜。因為是假日，我們一早已訂位；老闆是性情中人，他拿着酒杯像花蝴蝶般奔波於食客間，與他們談天說地，介紹他們的歷史和招牌菜，很是逍遙呢！我們叫了招牌醋鴨、蠔餅、燒排骨、即摸即煑蜆、自家種甜椰菜和最讚的海鮮魚肚羹👍，魚肚羮用料十足，味道鮮美；另外激讃的是招牌醋鴨，鴨不肥膩，與秘製醬汁十分夾，其他菜式也是水準之上，知己良朋能在空氣清新的郊外，面對靚海景，喝喝啤酒、共享美食，人生夫復何求？真是大滿足呢！

鹿頸 - 一個無雷公咁遠的地方，但係嗰到的松記士多會讓你發現另一個香港。我地一行四人 double date，揸左架車去到路口就要泊低，因為係窄小山路，車唔比入，一定要徒步入山。沿途風景真係好靚，完全唔似喺香港，雖然要行成粒鐘先到松記，但都十分值得，仲要向著食物進發，當然有心有力！索晒氣終於到啦！我地行到入去就受到老闆嘅熱情招待，揀左坐喺海邊樹蔭下，陣陣涼風，飲住🍺，真係好爽。因為去到都晏，有 D 野都冇晒，就聽老闆講有乜要乜。真係估唔到香港 D 蠔食得！清蒸港蠔真係第一次食！D 蠔甘甜肥美，同平時食開嘅洋蠔真係幾唔同，海水味不重，有種獨特的鮮味，夾🍺烚蜆都好鮮味，清甜爽口。蠔仔煎走地雞係必食，香滑、肥瘦適中，内質又唔會好似大陸嗰 D 太結實。豆豉欖角蒸豬肉，送一流！每樣菜式都係用簡單的烹調方法，務求食出原材料的鮮味。雖然唔易去，但有機會會再入去拜訪！

5月1日勞動節過到松記，今日非常多人好彩已打嚟訂定枱唔洗2分鐘已安排1張全海景靚枱比我地（果日真的好多人）因我地已傾好叫佢地安排食物所以倫哥就好快幫我地準備好！仲每道菜續一講解來源同做法令我地非常食得痛快！走地雞：嫩，滑，爽，香招牌醋鴨：不用多說，連蘇good讚不絕口釣口魚：即釣即捕即食，非常鮮嫩客家魚肚湯：倫哥話每星期去海味街入貨唔會入大陸的怕比人當猪皮😂，用猪什鮮尤魚燴，清甜👍秘制牛腩煲：採用新鮮牛，炆得夠淋又野味原隻蒸蠔:佢地每日一退水就落海拾，野生蠔味香濃，蒸能張水份補留水份，精彩👍煙肉豆卜炒椰菜：將平凡顯得不平凡其他都非常精彩，所以有心做的食市已買少見少，所以我地會好快再來，靚景，靚食物，空氣好，人情味濃，正👍😊最緊要係我地13人都係為起佰幾蚊一位，超平！

真相…………打從在 海邊碼頭 碰到老闆楊先生， 同佢吹水之間， 我話而家好少海魚 我話大部分都係養嘅 ！佢就發曬老皮喺度串我！ 話我唔識貨唔識食！ 橫店訂咗位 即管就去試下睇下九條水魚點樣畀佢宰割！條游水嘅黃立倉 蒸出來係 鞋嘅！ 盛惠16蚊一両！嗰啲魚肚湯 個個食咗話係豬皮 盛惠一百七十蚊！醋鴨 冇乜味 但係夠新鮮可以！ 盛惠百四蚊！ 走地雞 冇乜味 白雪雪 我喺街市買隻冰鮮雞都好味過佢啦 ！盛惠二百二十蚊！嗰啲鹽水蜆 ！100蚊 瘦身最啱， 冇2兩肉落肚！十蚊碗白飯硬到食唔到！最多謝楊老闆飯後送咗九個手搓嘅糯米糍 呢個係最好食嘅！嗰個豆豉蒜頭客家蒸豬肉！ 未夠火候！ 豆豉多個豬肉都收我百七蚊呀！嗰碟炒椰菜加兩片肥肉唔知咩肉 自己加大呀 雙份收100 蚊！ok啦試下啫！九個人(水魚)楊老閭…… 佢好老實 一早已經話我哋係九條水魚 ！一千六百幾 你話抵唔抵呀！？？？冇下次囉！ 費事畀人串 食到激氣

在偏僻的沙頭角開中式菜館，能有特色風味的，松記做得到！點了白灼蝦丶青炒菜心、蒸𩶘魚丶豬肉砵丶豬串骨丶馬拉盞炒飯丶魚肚湯。豬串骨燒得入味又肉汁豐富丶魚肚湯清淡但用料十足丶豬肉砵用鼓汁主理，與平時食開用梅菜做的不同，味道非常特別丶𩶘魚新鮮味美！菜心由於是附近農地種出來的，所以非常新鮮又有菜味！直得再來！因為沒有預訂走地雞，已經售罄，另外它馳名的海鮮都已經賣哂了，所以想下次再來，品嚐一下未吃過的菜式！

這家客家店位於沙頭角邊界，一條渺無人煙的路，沿路直走，行入行入去竟然看到越來越多人，熱熱鬧鬧地進食。 客人可以坐在上面堤岸，一邊欣賞風景一邊進食。然而，這個計劃並不奏效，因為坐在堤岸實在很冷，寒風澟烈，食物不一會兒便吹涼了。 這碟好像叫做客家走地雞，以長碟盛着半隻雞。這隻雞其實和普通街市的沒什麼大分別，吃落又不覺得很鮮美雞味，索價＄130實在太昂貴了，還要有些是碎碎的雞件。 豬肉砵算是比較特別的菜式，以一個小型砂砵，盛肥豬肉及很多很多豆豉。豆豉較硬身，不易送飯。豬肉送飯較佳，但還是有些比較肥膩，不太健康，所以太肥膩的還是去掉了。 相比其他坊間餐廳，這的炒飯算足料了。 換位置到下面即暖和得多，有太陽光照射著，和曖而不刺熱，還可以欣賞芒草的美麗景色，風景怡人，賞心悅目。

 假日不想走得太遠，又想郊遊，住在北區，遊鹿頸是一個不錯的選擇，所用時間不多，路段輕鬆，沿途海景怡人，而最值得一行的是走到谷甫時可嚐到美酒佳餚，一慰行山所付出的勞力 因我們大多中午過後才出發，所以每次來到總是接近老闆快要收檔的時候  但老闆很好客，總會盡量將最新鮮適宜的食材介紹給我們~ 是日我們要了例必吃的蒸蜆和檸檬醋鴨，另想吃尾蒸魚，老闆則介紹了牛屎鱲，名字有點駭人，但我們就聽老闆的要了一尾嚐嚐 蒸蜆用竹籮仔隔水蒸，上桌時仍能保持蜆的鮮甜味 檸檬醋鴨，鴨肉沒有雪藏味，吃得出是新鮮貨，肉味濃郁，肉質有嚼勁但不會靭，配上特製的檸檬醋同吃，份外開胃 薑葱蒸牛屎鱲，蒸煮時間控制得宜，魚蒸至肉剛好離骨，魚肉軟腍但並非霉爛，魚味鮮甜，我倆不消一會就由頭到尾全條魚清掉了 有佳餚，自然要配美酒，來了兩三次，這次終於喝到它的德國啤，果然泡沫細緻滑口，麥味濃郁，夏天來喝這個冰凍德國啤，相信會更滿足

今次行山由大埔墟行去鹿頸，都係選擇去松記食午飯，帶點咸水味既竹籠蒸蜆好味道但有沙，招牌炒椰菜無以前味好味但都OK，黑椒蜜汁豬串好味道但就唔夠入味囉，唔湯唔水魚肚湯胡椒味濃正，肉絲炒麵，麵卜卜脆好好味呀！

一行10人, 行左差唔多4粒鐘山, 終於有野食喇! 唔知係咪真係好肚餓, 所以碟碟都好快已經吃光光! 隔水蒸蜆 - 用小竹筲箕盛上, 雖然蜆肉較細, 但認真鮮味, 而且無沙; 只用薑絲舖面去蒸, 就已經食到原汁原味! 煎蠔餅 - 蛋味夠濃, 蠔仔好新鮮, 餅成塊pizza咁大塊, 唔似出面搵油炸, 而佢真係煎出黎~ 蜜糖燒豬肩 - 外型好似羊架咁, 醬汁連埋芝麻, 熱辣辣食好惹味~ 馬拉盞炒飯 - 惹味之選! 夠辣, 飯夠乾身, 食完一碗又一碗!

2010年5月1日 沙頭角-谷埔 ( 松記士多 - 1 )電視上，看到(蘇Good ) 介紹行山尋美食，太座不喜歡行山也看得口水流，後來查證阿 SO介紹的地點，就在沙頭角谷埔村的松記士多，決定擇日來次短途行山，五一假期約同好友，連太座一行共十人，從粉嶺火車站附近的小巴總站，乘坐56K綠色小巴前往，在終點鹿頸小巴總站下車(車程約20分鐘)。落車後，沿海濱小路往東行，路途的附近海邊處，不斷看到長滿了有(水筆子)之稱的紅樹林，沿途風景秀麗，過鳳坑村後，很快便抵達谷埔村松記士多(全程步行約需1小時20分)。松記士多座落於谷埔村前，近海邊，面臨水平如鏡的海灣，背依風景優美的山巒，今天假日，沿途都遇上不少郊遊的朋友。抵達松記士多之後，看到以是人山人海...沒有坐位了，唯有等待第二輪，原來這裡的朋友很多都是打電話來訂菜的，有預訂者，可以吃到心儀的菜式，因為我們沒有預訂，海鮮已售罄，因此有乜就要食乜了，結果等待了一個小時之後，終於有位了，沒有太多的選擇之下，點了如下菜式。大花生(免費)，送的任食，花生頗大粒，似是青島大花生，香脆可口，添完又可再添。隔水蒸蜆(80元)，端上時，用小型竹簍盛上，幾有特色，

三隻為食貓美其名行山查實為左食私房菜~雖然又熱又焗 ...好在沿途風景唔錯,松記士多美食同服務水準一流~都不枉我地行到一腳蚊''爛''+成身臭汗.... >.<預訂左魚湯同醋鴨,魚湯冇得供應...反正咁鬼熱整反支啤酒先~抖順條氣我地揀左:1) 清蒸野生大硯:賣相樸實無華卻有著不平凡嘅內涵~新鮮硯大家食過唔少,一般都會豉椒/油鹽水/清酒煮,呢度就咁蒸熟,冇跟任何醬料(白灼蝦都要點豉油啦!)入口鮮甜之餘,仲有濃郁海水味!!亦因為冇額外調味,先食到果種天然嘅味道!鐘意原汁原味嘅朋友真係要試下喇,市區未必食到架~2)客家醋鴨(半隻):入口唔''穌''冇肥膏,肉地結實,走地鴨真係唔同啲喎！再點埋自家製香草檸檬醋汁,可以清洗味雷令鴨肉味道更升層次!3)煎蠔餅:本來想食燒蠔,老細話唔夠肥美,只可以做蠔餅~上到枱勁surprise?!未見過咁大隻嘅''蠔''餅!!食落蠔味較淡,勝在隻隻飽滿口感十足～因為要就返蠔size，所以煎果陣會落多啲旦,比平時食嘅厚身,都幾飽肚架!4)清炒苦瓜:入口爽!脆!!甘!!!都係果句:只要材料新鮮,簡單清炒都可以好好食~三隻為食貓本來已經夠皮...一瞄到

行山路線中, 特別喜愛行新界東北呢便( 烏蛟騰去鹿頸 ), 無他, 段段行, 段段有得食, 都是村民經營的店舖, 靠山食山, 靠水食水, 用的是新鮮食材, 伴著山林鮮風, 食得零舍開心。上星期短短地行一個鐘去食松記, 其實佢已經好多熟客, 假期去最好訂定位兼留定嘢食。7 個人食咗: 醋鴨( 好食, 點埋佢個特製醋汁重正) , 雞( 正, 骨脆肉嫩, 雞味濃郁), 清炒苦瓜( 個人經歷中最好食的苦瓜, 食咗 2碟), 蒸蜆( 蜆肉唔算豐滿, 但好有鮮味), 蠔仔煎蛋(蠔仔大粒, 幾香口), 蒸蟹及蒸黑鱲( 兩樣都好新鮮, 好正, 食落口就是感覺到那種久違了天然的味道, 真有點感動 ), 重有魚肚湯, 炒椰菜及炒飯, 心滿意足.食材新鮮, 用簡單嘅煮法已經足夠, 我必會再來。

2009-5-1 晴講到美食,仲使翻山越嶺也在不遲.聽聞鹿頸有間極品,適逢天朗氣清,那怕長路遙遙,我們一班香港人盛裝出發,坐機鐵到新界一日遊.香港雖小,但優點在郊外遠足之選擇亦許多,不少只尺可達.最理想之郊遊當然是既有美食,亦可做吓運動,松記之旅簡直perfect,步行之45分鐘大致是沿海平地行人徑,只有一小山坡要攀過,沿路見紅樹林,水質非常清澈,(紅樹林植物不可能在有污染之水生長),可見食銉之海鮮質素保證,沿路亦見不少蠔殼,想必有蠔食一定出色.為了可以品嚐最好的,早幾天巳致電訂菜,通知owner楊生替我們當日留起最新鮮時令的海鮮肉食及為我們特做私房菜.這午餐眾所歸.第一味監水黄蜆,用個basket上菜,蜆之鮮及甜,別處難求跟着有白灼蝦,有花蟹膏蟹雙拼,蒸魚非常鮮味,眾人均點白飯,把汁都撈清,監水雞及客家魯鴨有驚喜,雞鴨皆無肥膏,想必是村民自養之走地雞鴨,並非打針之作,白烚生蠔十分肥美,在我們面前即開即食,但覺得有些over-cookedrating 最高就是為我們預備之老火湯,材料豐富,有药材冬菇海鮮及肉,楊生話是袐制,蔬菜亦是地道,非常鮮甜,炆牛腩到幾好味,但與外間比較,非特色,但