松記士多-海鮮及私房菜

幾年前已經想來，訂好枱卻遇風球。今天終於成功到來。先從鹿頸停車場沿海行到來，風景優美，中間有一小段梯級，是最低難度的行山。未到松記已感肚餓了！我們吃了黑𩶘/蠔餅/半走地雞/半醋鴨/豉油王吊筒/芥蘭/肉絲炒麵。所有都非常正，咸淡剛好。尤其是條黑𩶘，朋友好驚喜，成斤重咁大條，但肉身很滑，蒸得剛好！…查看更多

山友們鍾意行山搵美食。久聞谷埔松記大名，特登編條路線途經谷埔食好西。星期日有巴士入烏蛟騰，方便啲唔使搭好疏嘅小巴。烏蛟騰係多條山徑起步點，可環湖出咀，去三椏村、荔枝窩、蛤塘呢三條村都有好野食。今次由烏蛟騰起步，行初級簡單路線，由田心（烏蛟騰小巴站）經亞媽笏、分水凹，行荔谷古道到谷埔，再沿海岸行去鳳坑出鹿頸終點。慢慢行兩個鐘內到谷埔，肚餓要醫肚😛食完行多一粒鐘到鹿頸搭車走人。已早幾日訂位，人少少，只係訂半隻走地雞。叫咗幾道菜：1. 走地雞半隻——有雞味都算滑，水準以上；不過可能因為走地，肌肉稍為實少少，比較大澳海韻就輸個馬鼻。2. 豬肉砵——好得！五花腩有肉有肥膏夠腍，唔怕邪惡成舊食；埋枱已聞到豆豉香，豆豉入口即溶，個豆豉連汁送飯一流！同荔枝窩的記不相伯仲！3. 薑汁芥蘭苗——夠鮮嫩。4. 蒸墨魚——店家推介新鮮返貨，夠新鮮但唔算驚艷。牙菜墊底預咗，墨魚份量都算正常。叫咗兩碗白飯，加一罐啤酒，盛惠$580三人攤分當日食客都多，幾乎滿座！同隔籬食客閒聊，佢哋叫咗蒸魚，都讚新鮮好食。留意海鮮逐両計。招呼好、服務態度值得一讚👍🏻望住沙頭角海，有海景。食完行去宋伯食豆腐花，去財記鳳坑小食買埋客家茶果，做飯後甜品😋大滿足！可能入多過出，卡路里超標😛…查看更多

難得星期六天氣好，去咗鹿頸行山，行咗半個鐘左右見都開始肚餓又有呢間私房菜餐廳喺度，所以就停低咗食晏晝啦！店主好友善，仲叫我地去坐「海景位😂冬天有太陽坐係度係幾正！我地點左半份雞，雞好有雞味😂😂👍🏽唔錯！豬肉砵好香，送飯一流！入口即溶，值得試。不過好肥呀最好搵多啲人share 😂😂一人食少少會好似冇咁邪惡。炒芥蘭都出色，好香好好味，不過油左少少，都可以接受！魚肚湯略嫌咸左啲🥹🥹🥹總括黎講呢度環境清幽，食物質素新鮮，老闆好友善，值得再食！…查看更多

今次同朋友一齊行山去鹿頸，尾站谷埔，朋友們帶咗我來食呢間隱世客家菜😋雖然都幾多人，但食飯既地方係望住海景，可以對海食飯，感覺真係幾舒服☺️💬由於當日我哋無預留海鮮，所以無緣品嘗到了，其實重有三款食物雖然已有預留，但由於我們慢人幾步😌所以也沽清……招牌菜😋客家豬肉砵，真係大驚喜👍🏻好食到不得了，連平時完全怕食肥肉的我都覺得真係好好好食呀，重要食咗好多添吖🙊雖然肥豬肉真係比較多油😈勁邪惡，但豬肉軟香，炆到入口溶化狀態，豆鼓都好香好好食，味道唔會死咸、同平時食開嘅豆鼓好唔同，呢個豬肉砵老板話要花好多時間去炆，要反覆炆兩至三次，而且每次要數小時才出到個效果，厲害👍🏻難怪咁好食😋醋鴨都係不可不點既菜式😋鴨肉好嫩👍🏻燻得又係夠入味，配自家調製嘅檸檬米醋好開胃🤤💬不過提一提大家，松記只開假期、紅日，想食就係一定要訂位，訂位時也一定要預留餸菜，尤其是海鮮，真係好多人，最好儘量早點到達，因為太遲去到會好多食物都會無哂🙄💬下次有機會想再來試試其他菜式😋因為今次食唔到海鮮同埋多款招牌菜式…查看更多

朋友用郊外美食，吸引我呢個懶人去遠足搵食！聽到對方推薦有好好食的醋鴨/走地雞/魷魚…炸南瓜…OK！滴起心肝，豁出去！週六早上自然醒，帶著同樣為食的兒子，母子二人，午間12:00,西灣河MTR出發，金鐘轉車….. 13:00到達粉嶺火車站，C出口外，即係專線小巴56K總站！方便！之前1小時啲MTR，再20-30分鐘嘅郊外亡命小巴 ……終於到達了鹿頸站（本次遠足d起點), 由此，需時個幾鐘，開始了攞我命之遠足！目標：沙頭角谷埔村- 松記士多！說好此程是0基礎0難度，對我呢個0心理準備啲人，經已洗濕個頭，開始咗，就冇得放棄了！沿路，小小風景都有啲嘅～原以為全程都係陽光大道，點知有草地泥地，有上下石階…我一路後悔，呼哧帶喘，精疲力盡時，到了！大排檔！風塵僕僕中，坐低，虛心學習餐單兩張👇🏿招呼夥計落單，點知笑盈盈啲夥計走上前來，送俾我更大啲崩潰：醋鴨？賣曬！走地雞？也賣曬！吊筒？都冇了！原來我千里迢迢得個吉！😳😤店家話：就來過年，攞貨少…🤯🤬……既然招牌菜都冇曬，按夥計推薦，揀咗：1）墨魚片 HKD140.-2）客家豬肉缽 HKD100.-3）肉絲炒麵 HKD70.-共計： HKD310.- 墨魚鮮甜好味！喋喋大份！都算抵食！但係！我山長水遠來松記，往返用咗7個鐘+全身氣力, 目標盡失，真係好鬼遺憾！😓提醒有心來食嘢啲朋友，記得打電話做booking喔！…查看更多