影片
更多
2010-07-17
1388 瀏覽
三隻為食貓美其名行山查實為左食私房菜~雖然又熱又焗 ...好在沿途風景唔錯,松記士多美食同服務水準一流~都不枉我地行到一腳蚊''爛''+成身臭汗.... >.<預訂左魚湯同醋鴨,魚湯冇得供應...反正咁鬼熱整反支啤酒先~抖順條氣我地揀左:1) 清蒸野生大硯:賣相樸實無華卻有著不平凡嘅內涵~新鮮硯大家食過唔少,一般都會豉椒/油鹽水/清酒煮,呢度就咁蒸熟,冇跟任何醬料(白灼蝦都要點豉油啦!)入口鮮甜之餘,仲有濃郁海水味!!亦因為冇額外調味,先食到果種天然嘅味道!鐘意原汁原味嘅朋友真係要試下喇,市區未必食到架~2)客家醋鴨(半隻):入口唔''穌''冇肥膏,肉地結實,走地鴨真係唔同啲喎！再點埋自家製香草檸檬醋汁,可以清洗味雷令鴨肉味道更升層次!3)煎蠔餅:本來想食燒蠔,老細話唔夠肥美,只可以做蠔餅~上到枱勁surprise?!未見過咁大隻嘅''蠔''餅!!食落蠔味較淡,勝在隻隻飽滿口感十足～因為要就返蠔size，所以煎果陣會落多啲旦,比平時食嘅厚身,都幾飽肚架!4)清炒苦瓜:入口爽!脆!!甘!!!都係果句:只要材料新鮮,簡單清炒都可以好好食~三隻為食貓本來已經夠皮...一瞄到
預訂左魚湯同醋鴨,魚湯冇得供應...反正咁鬼熱整反支啤酒先~抖順條氣我地揀左:
1) 清蒸野生大硯:賣相樸實無華卻有著不平凡嘅內涵~
新鮮硯大家食過唔少,一般都會豉椒/油鹽水/清酒煮,呢度就咁蒸熟,冇跟任何醬料(白灼蝦都要點豉油啦!)入口鮮甜之餘,仲有濃郁海水味!!亦因為冇額外調味,先食到果種天然嘅味道!鐘意原汁原味嘅朋友真係要試下喇,市區未必食到架~
2)客家醋鴨(半隻):入口唔''穌''冇肥膏,肉地結實,走地鴨真係唔同啲喎！再點埋自家製香草檸檬醋汁,可以清洗味雷令鴨肉味道更升層次!
3)煎蠔餅:本來想食燒蠔,老細話唔夠肥美,只可以做蠔餅~
上到枱勁surprise?!未見過咁大隻嘅''蠔''餅!!食落蠔味較淡,勝在隻隻飽滿口感十足～因為要就返蠔size，所以煎果陣會落多啲旦,比平時食嘅厚身,都幾飽肚架!
4)清炒苦瓜:入口爽!脆!!甘!!!
都係果句:只要材料新鮮,簡單清炒都可以好好食~
三隻為食貓本來已經夠皮...一瞄到隔離枱蒸魚即時流晒口水~老細見到我地嘅''貓''樣,就揀左BB立魚:
5)蒸黃腳立: 味鮮唔在講,蒸到啱啱好骨肉分離!
加埋靚蔥甜豉油,真係頂瓜瓜~~我唔識煮餸,但知道蒸魚火侯同時間係最重要,相信要蒸手掌Size嘅魚難度會更高~
等上菜時同老細吹左陣水,士多開左十幾年,因為''阿so''效應吸引左好多我等生客入嚟!老細熱情好客,亦好為自己廚房出品而感到自豪~我地不知幾羨慕老細,谷埔村景靚空氣好,閒時種花養下狗,同啲熟客吹水打牙較又一日~ ^-^
張貼
